Ithandũkũ rĩa Kĩũria

◼ Nũũ wagĩrĩire gũtongoria igongona rĩa ũhiki kana rĩa mathiko?

Ngathĩti ya Watchtower ya Dicemba 1, mwaka wa 1975, nĩ yataarĩirie atĩ thĩinĩ wa ciũngano, no athuri na ateithia a ũtungata magĩrĩire gwĩtwo “ndungata nyamũre.” Kũrĩa watho wa bũrũri ũbataraga ihiko itongorio nĩ mũndũ wĩtĩkĩrĩtio (akorũo nĩ “marũa aheetwo,” “kwandĩkĩthio” kana “kwamũrũo”), ariũ a Ithe witũ “aamũre” Kĩĩmaandĩko (matungate) thĩinĩ wa ciũngano marĩ (athuri kana ateithia a ũtungata) nĩo marĩtongoria magongona ta macio ma ũhiki. (Ti wega gũtangĩka meciria igũrũ rĩa arĩa maatongoririe mohiki mahinda mahĩtũku.)

Nĩ harĩ bata gũthuthuria mĩtaratara ya watho ĩgiĩ mohiki na kũmĩrũmĩrĩra. Mũkũũrio mũtikandĩkĩre wabici mũkĩũria mũtaratara ũrĩa mũkũrũmĩrĩra, tondũ tũtirĩ na mawatho ma mohiki megiĩ mabũrũri matiganĩte.

Arĩa marenda kũhikania mangĩenda mĩario ya ũhiki wao ĩhenwo nĩ mũrũ wa Ithe witũ wĩna mũrũgamo mwega (ũtaratungata arĩ mũthuri kana mũteithia wa ũtungata), mĩbango no ĩkwo nĩguo mũrũ wa ithe witũ ũcio aheane mĩario ĩyo, thutha ũcio mũthuri wa kĩũngano kana mũteithia wa ũtungata wĩtĩkĩrĩkĩte kĩĩwatho, arũgamĩrĩre mĩĩhĩtwa ya kĩhiko kĩu. Mĩĩhĩtwa nĩyo ĩtũmaga mwanake na mũirĩtu matuĩke mũthuri na mũtumia.

Mĩbango ĩgiĩ kũhũthĩra Nyũmba ya Ũthamaki ĩrĩa ũhiki ũgeekĩrũo, yagĩrĩirũo gwĩtĩkĩrio nĩ kamĩtĩ ya ũtungata ya kĩũngano gĩa kũu. (Rora “Ithandũkũ rĩa Kĩũria,” rĩa Kingdom Ministry ya Juni mwaka wa 1975.)

Gũtongoria igongona rĩa kĩhiko nĩ ngũrani na kũheana mĩario ya mathiko. Gũtirĩ watho ũheanĩtwo wĩgiĩ ũrĩa wagĩrĩire kũheana mĩario ĩyo. Famĩlĩ nĩyo ĩthuuraga mũrũ wa Ithe witũ ũrĩ na mũrũgamo mwega aheane mĩario ta ĩyo. Ũkoragwo ũrĩ wendi na mĩbango ya famĩlĩ. Ũrĩa megũthuura to mũhaka akorũo arĩ “ndungata nyamũre,” kana wamũrĩtwo Kĩmaandĩko atungate arĩ mũthuri kana mũteithia wa ũtungata thĩinĩ wa kĩũngano.