WĨRUTANĨRIE BIŨ ŨTUNGATA-INĨ
Kwagagĩria Ũtungata Witũ—Hũthĩra Ciugo Ciaku Ũkĩheana Ngathĩti
ŨNDŨ ŨCIO NĨ WA BATA NĨKĨ? O na gũtuĩka gĩcunjĩ kĩa ũrĩa ũngiuga thĩinĩ wa kabuku ka mũcemanio nĩ gĩa gũgũteithĩrĩria ũrĩa ũngiuga, macio no matemo tu. Ũbatiĩ kũhũthĩra ciugo ciaku. No gũkorũo no wende kũhũthĩra ũndũ ũngĩ kana wone atĩ harĩ kĩongo kĩngĩ kĩngĩagĩrĩra kwanyu. Angĩkorũo nĩguo, thutha wa gũthoma ngathĩti, gũthoma gĩcunjĩ kĩa ũrĩa ũngiuga, na kwĩrorera video ya cionereria, rĩu no ũhũthĩre ũhoro ũrĩa ũrĩ haha mũhuro kũmenya ũrĩa ũngiuga na ciugo ciaku.
ŨRĨA TŨNGĨKA:
Wĩyũrie ũũ, ‘Hihi ndĩrenda kũhũthĩra gĩcunjĩ kĩa ũrĩa ũngiuga?’
ĨĨ
Haarĩria ciugo cia kwambĩrĩria ndeereti. Thutha wa kũgeithania, ĩra mwene nyũmba gĩtũmi gĩa kũmũceerera. (Ngerekano: “Ndagũceerera nĩguo . . . “)
Wĩcirie ũrĩa ũkũgarũrĩra kuuma harĩ kĩũria, gũthiĩ harĩ rĩandĩko, na harĩ ngathĩti. (Ngerekano: Ũkĩenda gũthoma rĩandĩko, no uuge: “Macokio mega ma kĩũria kĩu no moneke haha.”)
ACA
Thuura kĩongo kĩrĩa kĩragũkenia ngathĩti-inĩ na kĩngĩkorũo na moimĩrĩro mega gĩcigo-inĩ kĩanyu
Thuura kĩũria kĩmwe kĩa mawoni kĩrĩa kĩngĩarahũra meciria ma mwene nyũmba na gĩtangĩmũconorithia. (Ngerekano: Ciũria iria irĩ karatathi-inĩ ga 2 ka ngathĩti.)
Thuura rĩandĩko rĩrĩa ũgũthoma. (Angĩkorũo ũrahũthĩra ngathĩti ya Arahũkai! to mũhaka ũthome rĩandĩko tondũ ngathĩti ĩno ĩhaarĩrĩirio nĩ ũndũ wa andũ arĩa matarĩ ũmenyo mũingĩ wa Bibilia kana matetĩkĩtie ndini.)
Haarĩria ũhoro mũkuhĩ ũronania ũrĩa mwene nyũmba angĩgunĩka athoma ngathĩti ĩyo
O ŨRĨA ŨNGĨTHUURA
Haarĩria kĩũria kĩrĩa mũkaarĩrĩria wacoka
Andĩka maũndũ marĩa magaagũteithia kũririkana ũrĩa ũkenda kuuga wacoka