Manyite Ũgeni

Nĩ tũrerĩgĩrĩra ageni ta milioni 12 o na kana makĩria magoka Kĩririkano Machi 23. Na githĩ matikarutĩrũo ũira mũnene mũno rĩrĩa mwaria agaakorũo agĩtaarĩria kĩheo kĩa Jehova kĩa ũkũũri na irathimo imwe cia mahinda marĩa mokĩte! (Isa 11:​6-9; 35:​5, 6; 65:21-23; Joh 3:16) O na kũrĩ ũguo, to mwaria tu ũkaaruta ũira mũthenya ũcio. Ithuothe no tũkorũo na itemi rĩa kũnyita arata aitũ ũgeni tũcanjamũkĩte. (Ro 15:7) Haha harĩ na maũndũ mamwe tũngĩrũmĩrĩra.

• Handũ ha gũikara thĩ weterere programu yambĩrĩrie, geithia ageni na andũ arĩa makoretwo mategũka mĩcemanio kwa ihinda ũrĩ mũcanjamũku

• O na ũkĩrũmbũyagia andũ arĩa ũretĩte, nĩ wega gwĩciria ũhoro wa andũ arĩa maranyitĩtwo ũgeni nĩ andũ arĩa angĩ. No mũikare hamwe na andũ arĩa manyitĩtwo ũgeni. Hũthĩra Bibilia na ibuku rĩaku rĩa rwĩmbo hamwe nao

• Thutha wa mĩario, macokerie ciũria iria marĩ nacio handũ ha kwĩhe mĩhangʼo. Angĩkorũo gũtirĩ na mahinda nĩ tondũ harĩ kĩũngano kĩngĩ kĩrenda kũhũthĩra Nyũmba ya Ũthamaki, banga ũrĩa ũkũmũcokera na ihenya. Angĩkorũo ndũĩ ũrĩa mũngĩonana, no ũmwĩre ũũ: “No nyende tũrĩonana rĩngĩ twarĩrĩrie maũndũ macio tweruta. Ingĩkuona atĩa?”