Hũthagĩra Mabuku Maitũ Wega

Jesu arutanire ũũ: “Mũheetwo tũhũ, heanagai tũhũ.” (Mat 10:8) Nĩ twathĩkagĩra watho ũcio tondũ tũtiendagĩria andũ Bibilia kana mabuku maitũ. (2Ko 2:17) O na kũrĩ ũguo, mabuku maitũ makoragwo na ma cia bata cia Kiugo kĩa Ngai. Mbeca na hinya nĩ ihũthĩkaga gũcaba na gũtwara mabuku ciũngano-inĩ ciothe thĩinĩ wa thĩ. Kwoguo twagĩrĩirũo kuoyaga mabuku o marĩa tũrabatara.

Hũthagĩra ũtaũku rĩrĩa ũraheana mabuku maitũ o na angĩkorũo tũrahunjia kũndũ kwa mũingĩ. (Mat 7:6) Handũ ha kũnengera mũndũ o wothe ũrahĩtũka ibuku, geria kwaria nake nĩguo wone kana arĩ na wendi. Hihi no ũcokie ĩĩ harĩ imwe cia ciũria iria irĩ gathandũkũ-inĩ? Ũngĩona mũndũ ndarakenio mũno nĩ ũhoro, nĩ kaba ũmũhe trakti. No angĩhoya ngathĩti kana ibuku rĩngĩ, no tũmũhe.​—Thi 3:27, 28.