Icunjĩ Ingĩ Itarĩ cia Wĩruti Thĩinĩ wa Mũrangĩri

Ahunjia aingĩ mahũthagĩra JW Library^® kũhaarĩria mĩcemanio, na nĩ makenaga nĩ ũrĩa ĩhotaga kũmatwara ĩmwe kwa ĩmwe harĩ icunjĩ cia wĩruti cia Mũrangĩri. No Mũrangĩri wa wĩruti nĩ ũkoragwo na icunjĩ ingĩ itarĩ cia wĩruti iria ingĩtũguna kĩĩroho. Ũngĩona atĩa icunjĩ icio thĩinĩ wa JW Library nĩguo ũgunĩke kuumana nacio?

• Mũthia-inĩ wa gĩcunjĩ o gĩothe kĩa wĩruti kĩa Mũrangĩri, harĩ na kĩongo “Ũhoro Ũngĩ Ũngĩthoma.” Rungu rwa kĩongo kĩu, hutia linki ya “Icunjĩ Ingĩ Thĩinĩ wa Ngathĩti Ĩno.” Nĩ ĩgũgũtwara harĩ ũhoro ũrĩa wĩ thĩinĩ wa ngathĩti ĩyo, harĩa ũkuona ciongo na namba cia icunjĩ ciothe cia wĩruti. Hutia kĩongo gĩa gĩcunjĩ gĩtarĩ kĩa wĩruti kĩrĩa ũngĩenda gũthoma.

• Wahingũra JW Library gacunjĩ-inĩ ka “What’s New,” ruta ngathĩti o yothe njerũ ya Mũrangĩri rĩrĩa yoneka ho. Hingũra Mũrangĩri ũcio na ũrore ũhoro ũrĩa wĩ thĩinĩ nĩguo ũtigĩrĩre atĩ nĩ wagunĩka kuumana na icunjĩ ciothe iria irĩ ho.