Ciũmbe Milioni Nyingĩ cia Kĩĩroho

Bibilia ĩtwĩraga atĩ nĩ kũrĩ ciũmbe nyingĩ cia kĩĩroho. Jehova we mwene nĩ roho.—Johana 4:24; 2 Akorintho 3:17, 18.

Kũrĩ hingo Jehova aatũũraga arĩ wiki. Agĩcoka akĩambĩrĩria kũũmba ciũmbe cia kĩĩroho ciĩtagwo araika. Ciũmbe icio irĩ hinya na ũũgĩ mũingĩ gũkĩra andũ. Jehova oombire araika aingĩ; thĩinĩ wa kĩoneki, ndungata ya Ngai Danieli, yoonire araika milioni nyingĩ.— Danieli 7:10; Ahibirania 1:7.

Ngai oombĩte araika acio o na mbere ya kũũmba thĩ. (Ayubu 38:4-7) Gũtirĩ o na ũmwe wao watũũraga gũkũ thĩ hingo ĩmwe arĩ mũndũ agĩcoka agĩkua.