Ithomo Rĩa 9

Arata a Ngai Nĩa?

Jesu Kristo nĩ Mũriũ wa Jehova na mũrata wake ũrĩa mũnene makĩria, na mwende mũno makĩria. Mbere ya gũtũũra gũkũ thĩ e ta mũndũ, Jesu nĩaatũũraga igũrũ arĩ ta kĩũmbe kĩa roho kĩrĩ ũhoti mũnene. (Johana 17:5) Agĩcoka agĩũka gũkũ thĩ arutane ũhoro wa ma ũkoniĩ Ngai. (Johana 18:37) O na ningĩ nĩaaheanire muoyo wake wa kĩĩmũndũ nĩguo ahonokie andũ aathĩki kuuma mehia-inĩ na gĩkuũ-inĩ. (Aroma 6:23) Rĩu Jesu nĩ Mũthamaki wa Ũthamaki wa Ngai, thirikari ya igũrũ ĩrĩa ĩrĩrehe Paradaisi thĩinĩ wa thĩ ĩno.—Kũguũrĩrio 19:16.

Araika o nao nĩ arata a Ngai. Araika matiambĩrĩirie mĩoyo yao gũkũ thĩ marĩ ta andũ. Mombĩirũo igũrũ mbere ya Ngai kũũmba thĩ. (Ayubu 38:4-7) Kwĩ araika milioni nyingĩ. (Danieli 7:10) Arata aya a Ngai a igũrũ nĩmendaga andũ merute ũhoro wa ma ũkoniĩ Jehova. —Kũguũrĩrio 14:6, 7.

O na ningĩ Ngai nĩ arĩ arata gũkũ thĩ; o nĩ Aira a Jehova. Mũira igoti-inĩ oigaga ũrĩa oĩ ũhoro ũkoniĩ mũndũ kana ũndũ. Aira a Jehova meraga andũ arĩa angĩ ũrĩa moĩ ũhoro ũkoniĩ Jehova na muoroto wake. (Isaia 43:10) O ta araika-rĩ, Aira mendaga gũgũteithia wĩrute ũhoro wa ma ũkoniĩ Jehova. Mekwenda wee o nawe ũtuĩke mũrata wa Ngai.