Mũthamaki wa Mbere wa Isiraeli

Jehova nĩ aahete Aisiraeli atiirĩrĩri bũrũri nĩguo mamatongoragie, no rĩu meendaga mũthamaki. Meerire Samueli ũũ: ‘Ndũrĩrĩ iria ciothe itũthiũrũrũkĩirie irĩ na athamaki. O na ithuĩ nĩ tũrenda mũthamaki.’ Samueli oonire macio marĩ mahĩtia, na kwoguo akĩhoya Jehova nĩ ũndũ wa ũndũ ũcio. Jehova akĩmwĩra ũũ: ‘Tiwe mararega nĩ niĩ. Meere no magĩe na mũthamaki, no kwĩ maũndũ maingĩ mũthamaki arĩendaga meke.’ O na kũrĩ ũguo, andũ maaugire ũũ: ‘Tũtiramakio nĩ ũguo. Tũrenda mũthamaki!’

Jehova akĩra Samueli atĩ mũndũ wetagwo Saulu nĩwe ũngĩatuĩkire mũthamaki wa mbere wa Isiraeli. Rĩrĩa Saulu aathiire kũrĩ Samueli itũũra-inĩ rĩa Rama, Samueli nĩ aamũitĩrĩirie maguta nĩguo atuĩke mũthamaki.

Thutha ũcio, Samueli agĩta Aisiraeli othe nĩguo amonie mũthamaki wao. No mationire Saulu handũ. Hihi nĩ ũĩ nĩkĩ? Tondũ eehithĩte kũrĩa indo ciaigagwo. Rĩrĩa maamuonire, maamũgĩrire magĩũka makĩmũrũgamia mbere ya andũ. Saulu aarĩ mũraihu gũkĩra andũ arĩa angĩ othe na aarĩ mũthaka mũno. Samueli eerire andũ ũũ: ‘Ũyũ nĩwe Jehova athuurĩte.’ Nao andũ makĩanĩrĩra makiuga: “Mũthamaki arotũũra ihinda iraya!”

Kĩambĩrĩria-inĩ, Mũthamaki Saulu nĩ aathikagĩrĩria Samueli na agathĩkĩra Jehova. No nĩ aacokire agĩcenjia. Kwa ngerekano, mũthamaki ndaagĩrĩirũo kũruta magongona. Hĩndĩ ĩmwe Samueli nĩ eerire Saulu amweterere, ĩndĩ agĩcererũo gũkinya. Nĩ ũndũ ũcio, Saulu agĩtua itua rĩa kũruta igongona we mwene. Samueli eekire atĩa? Aamwĩrire ũũ: ‘Ndũkwagĩrĩirũo kũremera Jehova.’ Hihi Saulu nĩ angĩerutire kuumana na mahĩtia make?

Thutha-inĩ rĩrĩa Saulu aathiire kũrũa na Aamaleki, mũnabii Samueli aamwĩrire ndakahonokie mũndũ o na ũmwe. No Saulu ndooragire Mũthamaki Agagi. Nĩ ũndũ ũcio, Jehova akĩra Samueli ũũ: ‘Saulu nĩ andiganĩirie na ndarathikĩrĩria.’ Samueli akĩigua ũũru mũno na akĩra Saulu ũũ: ‘Tondũ nĩ ũtigĩte gwathĩkagĩra Jehova, nĩ egũthuura mũthamaki ũngĩ.’ Rĩrĩa Samueli aatuire gũthiĩ, Saulu akĩmũnyita igooti na rĩgĩtarũka. Nake Samueli akĩmwĩra ũũ: ‘Jehova nĩ atarũra ũthamaki kuuma harĩ wee.’ Jehova eendaga kũheana ũthamaki ũcio kũrĩ mũndũ ũngĩamwendire na amwathĩkagĩre.