Ũngĩbatara Mabuku ma Rũthiomi Rũngĩ na Ihenya

Rĩmwe na rĩmwe nĩ tũcemanagia na andũ marenda gũthoma mabuku maitũ makĩhũthĩra rũthiomi rũngĩ, marĩa tũtarĩ namo kĩũngano-inĩ. Hihi nĩ ũũĩ atĩ ũngĩthiĩ handũ harĩ na Intaneti na macini ya gũcaba (printer), no ũhote gũcaba mabuku macio na thiomi ta 400? Ũũ nĩguo ũngĩka:

• Hingũra www.watchtower.org, andĩrethi ĩrĩa yagĩrĩire ya Intaneti ya Aira a Jehova.

• Wahingũra, mwena wa ũrĩo nĩ ũkuona thiomi nyingĩ cionanĩtio ho. Hingũra mbica ya thĩ ĩrĩa ĩrĩ hau nĩgetha wone thiomi ciothe iria irĩ ho.

• Thuura rũthiomi rũrĩa ũrenda na ũrũhingũre. Nĩ ũkuona mabuku marĩa marĩ ho, marĩa ũngĩcaba ta trakti, broshua, na mangĩ. Tondũ hau handĩkĩtwo na rũthiomi rũrĩa wathuura-rĩ, ndũkamake angĩkorũo ndũkũhota gũthoma ciongo icio.

• Hingũra kĩndũ o gĩothe. Kĩrĩa ũkũhingũra nĩ ũgũkĩona wega na no ũcoke ũgĩcabe.

Intaneti-inĩ tũrĩ na mabuku o manini tu, no mabuku mangĩ no moneke kũgerera kĩũngano. Ũngĩona mũndũ ũrenda gũthoma mabuku maitũ akĩhũthĩra rũthiomi rũngĩ, nĩ wega makĩria kũhoya mabuku macio kũgerera kĩũngano.