The Bible—Accurate History, Reliable Prophecy

Nĩ kĩĩ kĩonanagia atĩ Bibilia ndĩhĩtagia rĩrĩa ĩkwaria maũndũ ma historĩ? Nĩ ũrathi ũrĩkũ wa Bibilia ũhingĩte ũrĩa ũtũheaga ũũma atĩ ũrathi ũrĩa ũtahingĩte no ũrĩhinga? Ciũria icio nĩ icoketio thĩinĩ wa video ĩtagwo The Bible—Accurate History, Reliable Prophecy, nĩyo thenema ya gatatũ ĩrĩa ĩrĩ thĩinĩ wa DVD The Bible—A Book of Fact and Prophecy. Thutha wa kuona thenema ĩyo-rĩ, hihi no ũcokie ciũria ici?

(1) Nũũ Kĩhumo kĩa ũhoro wa kwĩhokwo ũrĩa ũrĩ thĩinĩ wa Bibilia? (Dan. 2:28) (2) Bibilia yugaga maũndũ marĩkũ ĩtekũhĩtia makoniĩ Misiri ya tene, na ũrathi ũrĩa wandĩkĩtwo thĩinĩ wa Isaia 19:3, 4 wahingire atĩa? (3) Maũndũ marĩa mathikũrĩtio manyitaga mbaru na njĩra ĩrĩkũ ũrĩa Bibilia yugaga igũrũ rĩgiĩ Aashuri, athamaki ao, na kwanangwo kwa Ashuri? (Nahu. 3:1, 7, 13) (4) Nĩ morathi marĩkũ megiĩ Babuloni maahingire? (Jer. 20:4; 50:38; 51:30) (5) Nĩ ũrathi ũrĩkũ wĩgiĩ Media na Perisia wahingire? (Isa. 44:28) (6) Ũrathi ũrĩa ũrĩ thĩinĩ wa Danieli 7:6 na 8:5, 8 wahingire atĩa kwerekera Ũyunani? (7) Ũrathi ũrĩa ũrĩ thĩinĩ wa Danieli 7:7 wahingire atĩa rĩrĩa Roma yatuĩkire wathani ũrĩa mũnene biũ thĩinĩ wa thĩ? (8) Nĩ Kaisari arĩkũ magwetetwo thĩinĩ wa Bibilia? (9) Nĩkĩ gĩekĩkire harĩ Akristiano rungu rwa wathani wa Nero? (10) Morathi marĩa marĩ thĩinĩ wa Kũguũrĩrio 13:11 na 17:10 maahingirio atĩa? (11) Mũthamaki wa kanana nũũ? (12) Nĩ maũndũ marĩkũ thĩinĩ wa thenema ĩno maronania ũũma wa Kohelethu 8:9? (13) Nĩ morathi marĩkũ wetereire mũno kuona makĩhinga? (14) Ũngĩhũthĩra thenema ĩno atĩa kũiguithia andũ atĩ Bibilia yumĩte kwĩ Ngai?