Iga Wega
Hihi Wee nĩ Ũhũthagĩra Broshua Ici?
Bibilia—Ina ujumbe Gani?
Ĩhaarĩrĩirio ĩgucĩrĩrie andũ arĩa matoĩ maũndũ maingĩ megiĩ Bibilia, na makĩria arĩa matarĩ a ndini cia Gĩkristiano
Ũrĩa ũngiuga ũkĩmĩheana: “No twende kũigua mawoni maku megiĩ ũndũ ũyũ ũgwetetwo thĩinĩ wa Maandĩko (kana ibuku-inĩ rĩrĩ itheru). [Thoma Thaburi 37:11, rĩrĩa rĩonanĩtio gĩcunjĩ-inĩ gĩa 11.] Ũgwĩciria thĩ ĩgakorũo ĩhaana atĩa rĩrĩa ũrathi ũyũ ũkahinga? [Eterera acokie.] Gĩkĩ nĩ kĩonereria gĩa kĩĩrĩgĩrĩro na ũmĩrĩru ũrĩa andũ a mĩhĩrĩga yothe na wĩtĩkio wa mĩthemba yothe mangĩgĩa naguo kuuma kũrĩ Bibilia.” Thoma kĩbungo kĩrĩa kĩrĩ karatathi-inĩ ga 3 harĩa igũrũ, na ũmũhe broshua ĩyo.
No ũgerie njĩra ĩno: Angĩkorũo nĩ ũreruta Bibilia na mũndũ wa ndini ĩtarĩ ya Gĩkristiano ũkĩhũthĩra ibuku rĩa Bibilia Ĩrutanaga, hũthagĩra ndagĩka nini ũkĩambĩrĩria kana mũthia-inĩ wa o ithoma ũkarĩrĩria gacunjĩ kamwe ka broshua ĩno kũmũteithia amenye ũrĩa Bibilia ĩhaana.
Kitabu kwa ajili ya watu wote
Ĩhaarĩrĩirio ĩgucĩrĩrie andũ athomu no matoĩ maũndũ maingĩ megiĩ Bibilia
Ũrĩa ũngiuga ũkĩmĩheana: Thoma 2 Timotheo 3:16, 17. Ũcoke uge ũũ: “Hihi nĩ wĩtĩkanagia na ũndũ ũyũ, atĩ Bibilia yatongoririo nĩ roho wa Ngai? Kana ũgwĩciria rĩrĩ no ibuku rĩega tu? [Eterera acokie.] Andũ aingĩ no marute mawoni mao megiĩ kĩũria kĩu, ĩndĩ nĩ tuonete atĩ nĩ anini marĩ methuthurĩria Bibilia o ene. [Thoma ũndũ wonetwo ũrĩ mũhuro wa kĩongo karatathi-inĩ ga 3.] Broshua ĩno nĩ ĩronania itũmi njega cia andũ a mĩrerere yothe na a mĩthemba yothe ya wĩtĩkio gũthuthuria maũndũ marĩa marĩ thĩinĩ wa Bibilia.”
No ũgerie njĩra ĩno: Mwene nyũmba angĩtĩkĩra broshua ĩyo, uga ũũ: “Ũndũ ũmwe ũtũmaga andũ aingĩ mecirie Bibilia ndĩrĩ ũndũ wa bata ĩrutanaga-rĩ, nĩ tondũ ndini ndĩarĩtie ma igũrũ rĩa Bibilia na ũrutani wayo. Hĩndĩ ĩrĩa ngacoka, no nyende gũgaakũhe ngerekano ĩmwe.” Rĩrĩa ũgacoka, arĩrĩria maũndũ mamwe marĩa marĩ karatathi-inĩ ga 4-5.
No ũtuĩke mũrata wa Ngai!
Ĩhaarĩrĩirio ĩgucĩrĩrie arĩa marĩ na gĩthomo kĩnini kana matahotaga gũthoma wega
Ũrĩa ũngiuga ũkĩmĩheana: “Hihi nĩ ũgwĩciria no kũhoteke tũtuĩke arata a Ngai? [Eterera acokie. Ũcoke ũthome Jakubu 2:23.] Broshua ĩno ĩhaarĩrĩirio ĩtũteithie tũtuĩke arata a Ngai, o ta Iburahimu.”
No ũgerie njĩra ĩno: Iceera-inĩ rĩa mbere kana ũkĩmũcokera, arĩrĩria gĩcunjĩ kĩa 1 kĩrĩ gĩothe kana o hanini, ĩrĩ njĩra ya kũmuonia ũrĩa angĩĩruta Bibilia.
Njinsi ya Kupata Maisha Yenye Kuridhisha
Ĩhaarĩrĩirio ĩgucĩrĩrie arĩa matarĩ a ndini
Ũrĩa ũngiuga ũkĩmĩheana: “Tũramũcerera nĩ ũndũ andũ aingĩ no mende kũiganĩra makĩria ũtũũro-inĩ. Ithuothe nĩ tũcemanagia na mathĩna mangĩtũniinĩra gĩkeno. Rĩrĩa kwahana ũguo, twahota gũcaria ũtaaro harĩ mũndũ twĩhokete wa famĩlĩ kana mũrata kana tũkĩhũthĩra mabuku kana Intaneti. Hihi nĩ kũ wonete andũ mangĩruta ũtaaro mwega? [Eterera acokie.] Andũ amwe nĩ magegetio nĩ kuona ũtaaro mwega thĩinĩ wa Bibilia. Ĩno nĩ ngerekano ĩmwe. [Muonie gĩcunjĩ gĩa 2, ũcoke ũthome ũmwe wa mohoro marĩa magwetetwo.] Broshua ĩno ĩhaarĩrĩirio ĩtaarĩrie ũrĩa tũngĩgĩa na kũiganĩra makĩria ũtũũro-inĩ.”
No ũgerie njĩra ĩno: Mwene nyũmba angĩtĩkĩra broshua ĩyo, uga ũũ: “Andũ aingĩ manaigua atĩ Bibilia nĩ ĩrĩ mahĩtia maingĩ. Hĩndĩ ĩrĩa ngacoka, no nyende gũgakuonia ngerekano ĩmwe ĩngĩgũkenia ĩronania ũrĩa Bibilia ĩtarĩ mahĩtia ĩkĩaria maũndũ ma sayansi.” Rĩrĩa ũgaacoka arĩrĩria kĩbungo gĩa 4 karatathi-inĩ ga 12.
Maswali Matano Muhimu Kuhusu Chanzo cha Uhai
haarĩrĩirio nĩ ũndũ wa Akristiano ethĩ arĩa marutagwo cukuru atĩ indo nĩ kwĩyumĩria cieyumĩririe ningĩ no ĩtũteithie tũkĩaranĩria na arĩa metĩkĩtie indo nĩ kwĩyumĩria cieyumĩririe, arĩa metĩkĩtie atĩ ũhoro wa Ngai ndũngĩmenyeka, na arĩa metĩkĩtie gũtirĩ Ngai (Broshua ĩno ndĩhaarĩrĩirio ĩrĩ ya kũheanwo nyũmba kwa nyũmba.)
Ũrĩa ũngĩmĩhũthĩra ũkĩaranĩria na mũndũ wĩtĩkĩtie indo nĩcio cieyumĩririe kana wĩtĩkĩtie gũtirĩ Ngai: “Ũmũthĩ hakuhĩ mabuku mothe ma sayansi marutanaga atĩ indo nĩ kwĩyumĩria cieyumĩririe. Wĩtĩkĩtie ũrutani wa atĩ indo nĩ kwĩyumĩria cieyumĩririe nĩ ũhoro wa gũtungwo-ĩ, kana ũgwĩciria atĩ rĩu ũira ũronania nĩ wa ma? [Eterera acokie.] Nĩguo tũtue itua rĩa ũũgĩ, nĩ njũĩ nĩ ũgwĩtĩkania na niĩ atĩ nĩ twagĩrĩirũo kũrora maũndũ macio merĩ. Broshua ĩno nĩ yonanĩtie ũira ũmwe ũrĩa ũtũmĩte andũ aingĩ metĩkie atĩ muoyo nĩ kũmbwo wombirũo.”
No ũgerie njĩra ĩno: Angĩkorũo nĩ ũthiaga cukuru, no ũtige waigĩrĩra broshua ĩyo ndesiki-inĩ yaku nĩguo wone kana harĩ mũrutwo ũgũkenio nĩyo.
Why Should We Worship God in Love and Truth?
Ĩhaarĩrĩirio ĩgucĩrĩrie Ahĩndĩ
Ũrĩa ũngiuga ũkĩmĩheana: “Ihoya rĩũĩkaine rĩa Kĩĩhĩndĩ riugaga ũũ: ‘Nduta kũrĩ maheeni ũndongorie harĩ ma. Kuuma nduma-inĩ ũndongorie harĩ ũtheri.’ Hihi nĩ ũgwĩciria harĩ bata wa gũthathaiya Ngai tũrĩ na wendo na ma? [Eterera acokie.] Ta rora ũrĩa Jesu oigire ũndũ-inĩ ũcio.” Thoma Johana 4:24. Ũcoke ũthome kĩbungo gĩa 4 karatathi-inĩ ga 3 na ũmũhe broshua ĩyo.
No ũgerie njĩra ĩno: Mwene nyũmba etĩkĩra broshua ĩyo, uga ũũ: “Ahĩndĩ amwe ogĩ moigaga atĩ ũhoro wa ma ũhithĩtwo ngoro-inĩ ciitũ. Angĩ makoiga ma yonekaga thĩinĩ wa maandĩko matheru. Hĩndĩ ĩyo ĩngĩ, no nyende tũkaarĩrĩria kĩũria kĩrĩ mũthia-inĩ wa kĩbungo gĩa 3 karatathi-inĩ ga 4: ‘Nĩ kũ twagĩrĩirũo gũcaria ma ĩgiĩ Ngai?’”
The Pathway to Peace and Happiness
Ĩhaarĩrĩirio ĩgucĩrĩrie Aabutha
Ũrĩa ũngĩmĩheana kũrĩ mũndũ mũkũrũ gũgũkĩra Mũbutha: “Kwahoteka nĩ ũthumbũkaga ta niĩ nĩ kũingĩha kwa meciria mathũku na ũrĩa marathũkia ciana ciitũ. Ũgwĩciria nĩ kĩĩ gĩtũmĩte kũgĩe na wongerereku ta ũcio wa waganu gatagatĩ-inĩ ka andũ ethĩ? [Eterera acokie.] Hihi nĩ ũĩ atĩ ũndũ ũcio nĩ waarathĩtwo ibuku-inĩ rĩambĩrĩirie kwandĩkwo ihinda iraihu mbere ya ndini cia Gĩithĩramu, Gĩkristiano, na Kĩĩhĩndĩ kwambĩrĩrio? [Thoma 2 Timotheo 3:1-3.] Ta rora wone atĩ maũndũ maya no marathiĩ na mbere o na andũ magĩthomaga. [Thoma mũhari wa 7.] Ũhoro ũrĩa ũrĩ broshua-inĩ ĩno nĩ wandeithirie kũmenya ma andũ aingĩ matarĩ meruta. No wende kũmĩthoma?”
No ũgerie njĩra ĩno: Wamũceera rĩngĩ, thutha wa kũmũteithia akenere makĩria ũhoro wa Bibilia, mwonie ciũria irĩ ngothi-inĩ mwena wa na thutha, na ũmuonie harĩa angĩihũria atũmĩrũo ibuku rĩa Bibilia Ĩrutanaga. Mwĩre nĩ ũgũkuĩte ibuku rĩu angĩkorũo no ende kũrĩona. Mwonie karatathi karĩa konanĩtie ũhoro ũrĩa ũrĩ thĩinĩ na mwarĩrĩrie kĩbungo kĩmwe kana igĩrĩ thĩinĩ wa gĩcunjĩ kĩrĩa egũthuura.
Our Problems—Who Will Help Us Solve Them?
Ĩhaarĩrĩirio ĩgucĩrĩrie Ahĩndĩ
Ũrĩa ũngiuga ũkĩmĩheana: “Andũ aingĩ tũrĩ twaria nao nĩ matangĩkaga nĩ ũrĩa waganu ũingĩhĩte thĩinĩ wa thĩ. Hihi nĩ ũgwĩciria nĩ kũrĩ hĩndĩ Ngai akaaniina mathĩna marĩa marĩ thĩ ĩno? [Eterera acokie.] Ũrathi ũyũ ũtũheaga mwĩhoko. [Thoma Thaburi 37:11.] Ũndũ ũcio ndathoma thĩinĩ wa Bibilia, ibuku rĩkoretwo kaingĩ rĩkĩhũthĩrũo ũũru na aingĩ makaga gũtaũkĩrũo nĩrĩo. Wahota kũmaka mũno ũngĩmenya atĩ Bibilia ti ibuku rĩa athũngũ; na rĩtigathagĩrĩria ũkoloni, kana rĩgatũgĩria kĩruka kĩmwe kĩa andũ igũrũ rĩa kĩrĩa kĩngĩ. No nĩ rĩheanaga mwĩhoko atĩ ica ikuhĩ Ngai nĩ ekũniina mathĩna maitũ. Nĩ rĩkoragwo na ũrutani ũngĩtũteithia kũhiũrania na mathĩna maitũ ma rĩu. Broshua ĩno nĩ ĩheanĩte ũhoro makĩria.”
No ũgerie njĩra ĩno: Iceera-inĩ rĩngĩ, thutha wa gũteithia mwene nyũmba akenio nĩ ũhoro wa Bibilia, muonie mbica karatathi-inĩ ga 4-5 ka ibuku rĩa Bibilia Ĩrutanaga. Thoma na arĩ rĩandĩko rĩmwe harĩ marĩa monanĩtio na ũmũhe ibuku rĩu.
Je! Ulimwengu Usio na Vita Utakuwako Wakati Wowote?
Ĩhaarĩrĩirio ĩgucĩrĩrie Ayahudi
Ũrĩa ũngiuga ũkĩmĩheana: “Hĩndĩ ciothe thĩinĩ wa historĩ andũ nĩ makoretwo makĩnyamarĩka mũno nĩ ũndũ wa mbaara. Hihi wĩciragia nĩ kĩĩ gĩtũmaga mbaara ithiĩ na mbere, o na andũ makiugaga mendete thayũ? [Eterera acokie.] Ũrathi ũyũ wa Isaia nĩ ũtũheaga kĩĩrĩgĩrĩro. [Thoma Isaia 2:4.] Ona kũrĩ ũguo, ũndũ ũcio nĩ ũtũmaga twĩyũrie ciũria ciigana ũna: Nĩ rĩ na nĩ na njĩra ĩrĩkũ ũrathi wa Isaia ũkaahinga? Nĩkĩ kĩngĩtũma twĩtĩkie atĩ Maandĩko nĩ kĩhumo gĩa kwĩhokeka gĩa kĩĩrĩgĩrĩro? Broshua ĩno nĩ ĩcoketie ciũria icio.”
No ũgerie njĩra ĩno: Mwene nyũmba etĩkĩra broshua ĩyo, mwonie ũhoro ũrĩa ũrĩ karatathi-inĩ ga 16-17 na uuge ũũ: “Andũ aingĩ nĩ meciragia ũhoro wa maũndũ moru ta Njũragano cia hĩndĩ ya Nazi makeyũria, ‘Angĩkorũo Ngai arĩ kuo-rĩ, etĩkagĩria mĩnyamaro nĩkĩ?’ No twarĩrĩrie ũndũ ũcio ndacoka.”
Mwongozo wa Mungu—Njia Yetu ya Kwenda Paradiso
Ĩhaarĩrĩirio ĩgucĩrĩrie Aithĩramu arĩa maikaraga kũndũ maraigua marĩ na wĩyathi wa kwĩruta Bibilia
Ũrĩa ũngiuga ũkĩmĩheana: “Nĩ njũĩ atĩ Aithĩramu metĩkĩtie Ngai ũmwe na magetĩkia anabii othe. Hihi ũguo nĩguo kũrĩ? [Eterera acokie.] No nyende kwaria nawe ũhoro wĩgiĩ ũrathi ũmwe wa tene waarathĩte ũhoro wa ũrĩa thĩ ĩno ĩgaatuĩka paradiso. No ngũthomere ũrĩa mũnabii ũcio oigire? [Thoma Isaia 11:6-9.] Andũ aingĩ nĩ marigagwo nĩ ũrĩa Ngai akaarehe ũgarũrũku ta ũcio thĩinĩ wa thĩ. Broshua ĩno nĩ yonanĩtie maũndũ marĩa anabii moigaga igũrũ rĩa ũndũ ũcio.”
No ũgerie njĩra ĩno: Mwene nyũmba angĩtĩkĩra broshua, uga ũũ: “Ibuku rĩrĩ rĩa Ngai nĩ rĩtaaragĩria atĩ kĩambĩrĩria, andũ maikaraga thĩinĩ wa paradiso. Hĩndĩ ĩrĩa tũkaaria rĩngĩ, no nyende gũgaacokia kĩũria gĩkĩ, ‘Andũ maaregire ũtongoria wa Ngai atĩa makĩũrũo nĩ paradiso?’” Hĩndĩ ĩrĩa ũgaacoka, arĩrĩria ciugo cia kĩambĩrĩria cia gĩcunjĩ kĩrĩa kĩambĩrĩirie karatathi-inĩ ga 6.
Imani ya Kweli—Siri ya Kuwa na Maisha yenye Furaha
Ĩhaarĩrĩirio ĩgucĩrĩrie Aithĩramu arĩa maikaraga kũndũ maraigua marĩ na wĩyathi wa kwĩruta Bibilia
Ũrĩa ũngiuga ũkĩmĩheana: Onania mbica ĩrĩa ĩrĩ karatathi-inĩ ka 16-17 ũcoke ũge: “Mbica ĩno nĩ ngũrani mũno na maũndũ marĩa tuonaga ũmũthĩ. Hihi nĩ ũgwĩciria no kũhoteke mũthenya ũmwe thĩ ĩno ĩkaahaana ũũ? [Eterera acokie.] Ta rora ũndũ ũrĩa ibuku rĩrĩ rĩa Ngai rĩranĩire. [Thoma kuuma Bibilia-inĩ yaku rĩmwe rĩa maandĩko marĩa monanĩtio.] Broshua ĩno nĩ ĩtũteithagia gwĩtĩkia biũ atĩ ciĩranĩro icio nĩ ikaahinga.”
No ũgerie njĩra ĩno: Ũgĩtiriha iceera rĩa mbere, ũria mwene nyũmba athuure kĩũria kĩmwe harĩ iria irĩ na thutha ngothi-inĩ. Ũcoke ũbange gũkaarĩrĩria macokio macio kuuma broshua-inĩ ĩno wacoka.
Lasting Peace and Happiness—How to Find Them
Ĩhaarĩrĩirio ĩgucĩrĩrie Achaina
Ũrĩa ũngiuga ũkĩmĩheana: “Ũmũthĩ ũtũũro ũrĩ na mathĩna maingĩ mũno mangĩtũniinĩra gĩkeno. Hihi nĩ kĩĩ gĩgũteithagia ũkene o na kũrĩ na mathĩna? [Eterera acokie.] Andũ aingĩ nĩ monete gĩkeno nĩ ũndũ wa kũrũmĩrĩra ũtaaro wa Bibilia. [Thoma Thaburi 119:1, 2.] Amwe nĩ maregaga Bibilia makoiga nĩ ibuku rĩa athũngũ. No ta rora ũndũ ũyũ. [Arĩrĩria kĩbungo gĩa 16 karatathi-inĩ ka 17.] Broshua ĩno nĩ ĩraarĩrĩria ũrĩa tũngĩona gĩkeno na thayũ wa gũtũũra.”
No ũgerie njĩra ĩno: Angĩkorũo mwene nyũmba nĩ etĩkĩra broshua ĩyo, thomai hamwe mĩhari ĩtatũ ya mbere ya kĩbungo gĩa 18 karatathi-inĩ ka 17 na uuge ũũ: “Rĩrĩa ngacoka, no nyende gũgaakuonia maũndũ marĩa tũngĩtanya kũringana na Bibilia.” Wacoka, arĩrĩria ũndũ ũmwe thĩinĩ wa kĩbungo gĩa 6 karatathi-inĩ ka 30.