Arĩrĩria Gĩcunjĩ Kĩmwe Ũcoke Ũheane Ngathĩti Cierĩ

Ngathĩti cia Mũrangĩri na Amkeni! ikoragwo na ũhoro mwanya mwanya ũgucagĩrĩria andũ. Handũ ha kwarĩrĩria na o mũndũ icunjĩ cigana ũna, nĩ wega kwarĩrĩria gĩcunjĩ kĩmwe. Tũngĩhũthĩra ũtaũku na tũkorũo nĩ tũthomete wega ngathĩti ciitũ, no tũhote gũthuura gĩcunjĩ kĩmwe thĩinĩ wa Mũrangĩri kana Amkeni! kĩrĩa kĩngĩkenia ũrĩa tũraria nake. Kwa ngerekano, tũngĩona indo ironania atĩ mũciĩ mũna ũrĩ na ciana, no tũthuure gĩcunjĩ kĩrĩa kĩraarĩrĩria ũhoro wa famĩlĩ. Tũngĩkora mũndũrũme, no twarĩrĩrie gĩcunjĩ kĩngĩmũkenia ta ũhoro wĩgiĩ thirikari njega. O na gũtuĩka tũkwarĩrĩria na mũndũ gĩcunjĩ kĩmwe, twagĩrĩirũo kũmũtigĩra ngathĩti cierĩ angĩkorũo nĩ arakenio nĩ ũhoro.