Ũrĩa Tũngĩhũthĩra Ngathĩti cia Tene

Kaingĩ nĩ kũiga tũigaga kana tũgate ngathĩti iria cia tene, nĩ ũndũ ũcio nĩ wega twĩcirie ũrĩa tũngĩcitigĩra andũ. Ngathĩti ĩmwe tu nĩ njiganu gũteithia mũndũ agucĩrĩrio nĩ ũhoro wa ma na ambĩrĩrie gũkaĩra rĩĩtwa rĩa Jehova. (Rom. 10:13, 14) Ta wĩcirie ũrĩa maũndũ maya mangĩgũteithia gũtigĩra andũ ngathĩti cia tene.

• Nĩ wega kwamba kũhoya rũtha kũrĩ arĩa marũgamagĩrĩra kũndũ ta kũu mangĩkorũo marĩ hakuhĩ. Ũngĩthiĩ gũtiga ngathĩti ũkore harĩ ingĩ iratigĩtwo ho, ndũgatige ingĩ.

• Hihi kũrĩ ũrĩ na famĩlĩ? Kũrĩ wendete gwĩka ũndũ mũna? Kana hihi nĩ kũrĩ ũrenda gũthiĩ gũceera kũndũ kũna? Etha ngathĩti ĩmwe ya tene hihi ĩrĩ na ũhoro ũmũkoniĩ, na ũmũtwarĩre ũkĩmũcokera.