“Heana Ngathĩti ya Tene Kana Broshua o Yothe Ĩrĩa Ĩngĩkenia Ũrĩa Ũrahunjĩria”

Mĩeri-inĩ ĩrĩa tũheanaga ibuku Bibilia Ĩrutanaga na tũkambĩrĩria wĩruti wa Bibilia na andũ riita rĩa mbere, ahunjia nĩ mekĩragwo ngoro “mamarutĩre ngathĩti o yothe ya tene kana broshua yarĩrĩirie ũndũ ũngĩkenia mũndũ ũrĩa marahunjĩria,” angĩkorũo mwene nyũmba arĩ na ibuku rĩu na ndarenda kwĩruta. Nĩkĩ?

Broshua na ngathĩti cia tene ikoragwo na maũndũ matiganĩte ma ihinda rĩrĩa rĩagĩrĩire. Kaũndũ karĩ thĩinĩ wacio no kahutie ngoro ya mwene nyũmba. Kwogwo-rĩ, rĩrĩa ũrahaarĩria mondo ya kũhunjia, ĩkĩra broshua na ngathĩti cia tene cigana ũna. Angĩkorũo ndũrĩ na ngathĩti cia tene-rĩ, hihi no ũhoe imwe kuuma kĩũngano-inĩ kĩanyu. Angĩkorũo mwene nyũmba arĩ na ibuku Bibilia Ĩrutanaga na ndarenda kwĩruta Bibilia, no ũmuonie ngathĩti imwe kana broshua iria ũrĩ nacio na ũmwĩre athuure ĩrĩa ĩkũmũkenia. Thutha ũcio, banga kũmũcokera nĩguo ũkũrie wendo wake harĩ ndũmĩrĩri ya Bibilia. Hihi no akorũo nĩ agetĩkĩra kwĩruta Bibilia.