Cukuru ya Ũtungata wa Gĩtheokrasi ya Mwaka wa 2015 Ĩgũtũteithia Kwagagĩria Ũrutani Witũ

¹ Daudi mwandĩki wa thaburi oigire ũũ: “Ciugo cia kanua gakwa, o na mwĩrurumio wa ngoro, iroetĩkĩrĩka mbere yaku, wee Jehova, o wee ndũmba yakwa ya ihiga, o na ningĩ mũngũũri.” (Thab. 19:14) O na ithuĩ twendaga ciugo citũ ciĩtĩkĩrĩke nĩ Jehova, tondũ nĩ tuonaga ũrĩ mweke wa mwanya kwaria ũhoro wa ma tũrĩ kĩũngano-inĩ na tũrĩ ũtungata-inĩ. Cukuru ya Ũtungata wa Gĩtheokrasi nĩ njĩra ĩmwe ya iria Jehova ahũthagĩra gũtũmenyeria nĩ ũndũ wa ũtungata. Gĩthomo kĩu gĩĩkagwo o kiumia thĩinĩ wa ciũngano makĩria ma 111,000 thĩinĩ wa thĩ yothe. Nĩ ĩteithĩtie aarĩ na ariũ a Ithe witũ thĩinĩ wa thĩ yothe, kuuma mĩrerere-inĩ ĩtiganĩte magĩrĩre gũtuĩka ndungata cia ũhoro ũrĩa mwega na makahota kũrutana momĩrĩirie, marĩ na ũtaũku, na makahota kũringĩrĩria andũ metĩkĩre ũhoro wa ma.—Atũm. 19:8; Kol. 4:6.

² Mũtaratara wa cukuru wa mwaka wa 2015 nĩ ũgakorũo na maũndũ marĩa maarĩrĩirio thĩinĩ wa kabuku Menya Kĩrĩa Kĩrĩ Kiugo-inĩ kĩa Ngai na Maũndũ ma Kwarĩrĩria Makoniĩ Bibilia [td]. Makĩria ma ũguo, mũtaratara ũcio ũrĩ na mogarũrũku harĩ mahinda marĩa marĩhũthagĩrũo harĩ matemo ma Bibilia na Mĩario Na. 1. Mogarũrũku macio o hamwe na maũndũ ma kũrũmĩrĩrwo megiĩ ũrĩa icunjĩ thĩinĩ wa cukuru ciagĩrĩirũo nĩ kũrutwo nĩ mekwarĩrĩrio thĩinĩ wa ibungo iria irũmĩrĩire.

³ Matemo ma Bibilia: Ariũ a Ithe witũ arĩa maheetwo gĩcunjĩ gĩkĩ, marĩhũthagĩra ndagĩka igĩrĩ cia mbere, kwarĩrĩria ũndũ ũmwe kuuma harĩ ũthomi wa Bibilia wa kiumia kĩu. Kwĩhaarĩria wega nĩ kũrĩmahotithagia kwarĩrĩria maũndũ ma bata mangĩteithia kĩũngano harĩ ndagĩka-inĩ icio maheetwo. Thutha ũcio, athikĩrĩria nĩ marĩhũthagĩra ndagĩka ithathatũ o ta ũrĩa hararĩ hau kabere, nĩguo moige maũndũ marĩa marerutire ũthomi-inĩ wao wa Bibilia wa kiumia, mũndũ ategũkĩria nuthu ndagĩka. Nĩguo tũhũthĩre nuthu ndagĩka kwarĩrĩria kaũndũ kangĩguna kĩũngano, nĩ tũkũbatara kwĩhaarĩria wega. Ũndũ ũcio no ũtũgune, na ningĩ nĩ tũkũhe arĩa angĩ mweke wa kũgweta ũndũ ũrĩa marerutire.

⁴ Mĩario Na. 1: Ihinda rĩrĩa rĩrahũthagĩrũo gũthoma Bibilia, nĩ rĩnyihĩtio nginya ndagĩka ithatũ kana nini, na karĩkoragwo karĩ gacunjĩ o kanini. Arĩa maheo gĩcunjĩ gĩkĩ, marĩbataraga kwĩmenyeria wega na njĩra ya gũthoma na kayũ, na matigĩrĩre atĩ nĩ maratamũka ciugo wega, na ũhoro nĩ ũrathĩrĩrĩka wega na njĩra andũ marataũkĩrũo nĩ maũndũ marĩa marathomwo. Ndungata ciothe cia Jehova ciagĩrĩirũo kwĩrutanĩria gũthoma wega, tondũ gũthoma nĩ kũhingagia itemi rĩa bata ũthathaiya-inĩ witũ. Na githĩ tũtikenaga mũno nĩ gũkorũo atĩ nyingĩ cia ciana iria tũrĩ nacio nĩ ithomaga wega! Aciari nĩ maracokerio ngatho nĩ ũndũ wa kĩyo kĩao gĩa gũciteithia gũtuĩka athomi ega.

⁵ Mĩario Na. 2: Kĩrĩkoragwo kĩrĩ gĩcunjĩ kĩa ndagĩka ithano na kĩrĩgayagĩrũo mwarĩ wa Ithe witũ. Kĩongo kĩrĩa aheetwo nĩkĩo kĩagĩrĩire kũhũthĩrũo. Angĩkorũo mĩario ĩrutĩtwo kabuku-inĩ ka Menya Kĩrĩa Kĩrĩ Kiugo-inĩ kĩa Ngai, kana Maũndũ ma Kwarĩrĩria Makoniĩ Bibilia [td], mũrutwo agĩrĩirũo kwarĩrĩria kĩongo kĩrĩa agaĩirũo na njĩra ĩkuonania ũrĩa ũhoro ũcio ũngĩhũthĩrũo kũrĩa mũhunjagia. Maandĩko mangĩ maratwarana na ũhoro ũcio no mahũthĩrũo. Mũrori wa cukuru nĩ ekũmũhe mũteithĩrĩria ũmwe.

⁶ Mĩario Na. 3: Kĩrĩkoragwo kĩrĩ gĩcunjĩ kĩa ndagĩka ithano na kĩrĩgayagĩrũo mwarĩ kana mũrũ wa Ithe witũ. Rĩrĩa kĩagaĩrũo mwarĩ wa Ithe witũ, agĩrĩire kũruta ta Mĩario Na. 2. Rĩrĩa kĩagaĩrũo mũrũ wa Ithe witũ, kĩrutĩtwo kabuku-inĩ ka Menya Kĩrĩa Kĩrĩ Kiugo-inĩ kĩa Ngai (igw) kana Maũndũ ma Kwarĩrĩria Makoniĩ Bibilia [td], agĩrĩirũo kũmĩruta ĩrĩ mĩario na njĩra ĩkũguna athikĩrĩria. Mũrutwo agĩrĩirũo gũtaarĩria kĩongo kĩrĩa agaĩirũo na athuure maandĩko marĩa megũtwarana na ũhoro ũcio.

⁷ Ũndũ Mwerũ ũrĩ Thĩinĩ wa Mĩario Na. 3 Rĩrĩa Ĩrarutwo nĩ Ariũ a Ithe Witũ: Rĩrĩa mĩario ĩrĩa ĩrĩ na njata [*] yagaĩrũo mũrũ wa Ithe witũ, yagĩrĩirũo kũrutwo ta kĩonereria kĩa ũthathaiya wa famĩlĩ kana kĩonereria gĩa gũthiĩ kũhunjia. Mũrori wa cukuru nĩwe kaingĩ ũrĩthuuraga mũteithĩrĩria na gĩikaro. Mũteithĩrĩria agĩrĩirũo gũkorũo arĩ wa famĩlĩ ya mũrutwo kana mũrũ wa Ithe witũ kĩũngano-inĩ. Maandĩko mangĩ ma Bibilia marahutania na mĩario ĩyo no mahũthĩrũo. Rĩmwe na rĩmwe mũthuri wa kĩũngano no agaĩrũo gĩcunjĩ gĩkĩ na no ethuurĩre mũteithĩrĩria na gĩikaro. Hatarĩ nganja, kĩũngano nĩ kĩrĩkagĩrũo ngoro rĩrĩa kĩona athuri makĩonania ũhoti wao wa kũrutana marĩ na mũndũ wa famĩlĩ kana mũrũ wa Ithe witũ ũngĩ.

⁸ Ũtaaro: Mũrori wa cukuru agĩrĩirũo kũhũthĩra ndagĩka igĩrĩ kũgweta maũndũ marĩa mũrutwo eka wega, na kũmũhe ũtaaro ũrĩa wagĩrĩire kuuma ibuku-inĩ rĩa Gunĩka nĩ Cukuru ya Ũtungata wa Gĩtheokrasi. Rĩrĩa mũrori wa cukuru aranyita mũrutwo ũgeni, ndarĩgwetaga ũtaaro ũrĩa mũrutwo ararutĩra wĩra. Thutha wa mũrutwo kũrĩkia gĩcunjĩ gĩake na kũgaathĩrĩrio kuuma ngoro, mũrori wa cukuru nĩ agĩrĩire kũgweta ũndũ ũrĩa mũrutwo ekũrutagĩra wĩra, na ataarĩrie kĩrĩa kĩonania atĩ mũrutwo nĩ arutĩra gĩcunjĩ kĩu gĩake wĩra wega, kana ataarĩrie na gĩtĩo ũrĩa mũrutwo angĩgunĩka angĩrutĩra gĩcunjĩ kĩu wĩra wega makĩria.

⁹ Fomu ya ũtaaro ya mũrutwo ĩrĩ thĩinĩ wa ibuku rĩake rĩa Cukuru ya Ũtungata karatathi ka 79 nginya 81. Thutha wa mũrutwo kũrĩkia gĩcunjĩ gĩake, mũrori wa cukuru nĩ egwĩkĩra rũũri harĩa arutĩra wĩra na no amũũrie marĩ keheri-inĩ kana nĩ ararutĩire wĩra gacunjĩ ga kwĩmenyeria karĩa kahutanĩtie na ũtaaro ũrĩa araahetwo. Mũrutwo no agaathĩrĩrio kana aheeo ũtaaro ũngĩ ũngĩmũteithia, thutha wa mĩcemanio kana hĩndĩ ĩngĩ. Ũtaaro ũrĩa o mũrutwo aheagwo thĩinĩ wa cukuru, ũbatiĩ kuonwo ũrĩ mweke wa kũmũteithia gũkũra kĩĩroho.—1 Tim. 4:15.

¹⁰ Mũrutwo angĩhĩtũkia ndagĩka iria agaĩirũo, mũrori wa cukuru kana mũteithĩrĩria, abatie kũmũmenyithia na njĩra ya ũũgĩ atĩ ndagĩka ciake nĩ thiru. Mũrutwo nĩ abatiĩ kũhe gĩtĩo kĩmenyithia gĩa kũmuonia atĩ ndagĩka ciake nĩ thiru, arĩkĩrĩrie na kaũndũ karĩa aroiga na ehere.— Rora ibuku rĩa Cukuru ya Ũtungata karatathi ka 282, kĩb. 4.

¹¹ Arĩa othe maagĩrĩire nĩ marekĩrũo ngoro meyandĩkithie thĩinĩ wa Cukuru ya Ũtungata wa Gĩtheokrasi. (Rora ibuku rĩa Cukuru ya Ũtungata kar. 282, kĩb. 6.) Gĩthomo kĩrĩa cukuru ĩno ĩheanaga nĩ kĩhotithĩtie ndungata cia Jehova kũhunjia na kũrutana ũhoro mwega wa Ũthamaki irĩ na ma, gĩtĩo, na wendo. Hatarĩ nganja, Jehova nĩ akenaga nĩ ũndũ wa kũgoocwo nĩ arĩa othe maragunĩka nĩ gĩthomo kĩu gĩake!—Thab. 148:12, 13; Isa. 50:4.