Nĩ Ũrehaarĩria nĩ Ũndũ wa Kĩririkano?
Kũrĩ Nisani 13 mwaka wa 33, Jesu nĩ aamenyaga atĩ aatigarĩtie hwaĩ-inĩ ũmwe tu wa gũkorũo hamwe na arutwo ake arĩa eendete mũno, mbere yake kũũragwo. Angĩarĩanĩire Pasaka yake ya mũthia hamwe nao acoke ambĩrĩrie gĩkũngũĩro kĩerũ, Irio cia Hwaĩ-inĩ cia Mwathani. No mũhaka akorũo nĩ mabataraga kwĩhaarĩria na njĩra nene nĩ ũndũ wa mũthenya ta ũcio mũnene. Kwoguo, agĩtũma Petero na Johana mathiĩ makahaaragĩrĩrie maũndũ. (Luk. 22:7-13) Kuuma hĩndĩ ĩyo, o mwaka Akristiano arĩa marenda gũkũngũĩra Kĩririkano kĩu nĩ mabataraga kwĩhaarĩria. (Luk. 22:19) Nĩ maũndũ marĩkũ ma bata tũbataire gwĩka nĩguo twĩhaarĩrie nĩ ũndũ wa Kĩririkano kĩrĩa gĩũkĩte kĩa Ĩpuro 3?
Mũhunjia Ũmwe Ũmwe:
Nyitanĩra biũ kambĩini-inĩ ya gwĩta andũ moke Kĩririkano.
Andĩka marĩĩtwa ma arutwo a Bibilia, andũ a famĩlĩ, arĩa mũthomaga nao, arĩa mũrutaga wĩra nao kana andũ angĩ, na ũmete magoka Kĩririkano.
Thoma na wĩcũũranie ũhoro wa ũthomi wa Bibilia wa Kĩririkano.
Ũka Kĩririkano-inĩ wĩhaarĩirie kũnyita ũgeni arĩa magoka.