Kwagagĩria Ũtungata Witũ​—Gũteithia Arĩa Ũtwaragĩra Ngathĩti

Ũndũ Ũcio nĩ wa Bata Nĩkĩ? Andũ aingĩ arĩa makenagĩra gũthoma magathĩti maitũ, matiendaga kwĩruta Bibilia hamwe na ithuĩ. No kũhoteke maiguaga hinya kũgarũrĩra ndini kana hihi makaaga mahinda ma kwĩruta. O na kũrĩ ũguo, o ũrĩa marathoma ngathĩti icio, no maambĩrĩrie kwĩrirĩria kwĩruta Bibilia. (1 Pet. 2:2) Mahota kũhutio ngoro nĩ gĩcunjĩ kĩna kĩa ngathĩti, kana maũndũ mao makorũo macenjetie. Kũmaceragĩra na njĩra nguhĩ, no gũtũme matuĩke arata aku na gũgũteithie kũmenya maũndũ marĩa mendete na marĩa matangĩkagĩra. Ũndũ ũcio no ũgũteithie kwambĩrĩria wĩruti wa Bibilia.