Ũrĩa Tũngĩhũthĩra Broshua—Nĩa Mareka Wendi wa Jehova Ũmũthĩ?

Broshua Nĩa Mareka Wendi wa Jehova Ũmũthĩ? yaharĩrĩirio nĩguo ĩkaaragĩrĩrio hĩndĩ ĩrĩa tũreruta Bibilia na mũndũ, ndagĩka nini mbere kana thutha wa kwĩruta.a Ithomo rĩa 1 nginya rĩa 4 rĩteithagia mũrutwo gũtũmenya wega, Ithomo rĩa 5 nginya 14 rĩmateithagia kũmenya maũndũ marĩa twĩkaga, na Ithomo 15 nginya 28 rĩonanagia ũrĩa ithondeka ritũ rĩrutaga wĩra. Nĩ wega gũthoma icunjĩ cia broshua ĩyo o ta ũrĩa irũmanĩrĩire tiga angĩkorũo harĩ na ũndũ mũna mũrenda kwarĩrĩria. O ithomo rĩkoragwo rĩrĩ karatathi-inĩ kamwe tu na kwoguo harĩ arutwo aingĩ no rĩarĩrĩrio na ndagĩka ithano nginya ikũmi.

• 

  Thomai kĩongo gĩa ithomo rĩu kĩrĩa gĩthondeketwo kĩrĩ kĩũria

• Thomai ithomo rĩrĩ rĩothe kana mwarĩrĩrie kĩbungo o kĩbungo

• Arĩrĩriai ũrĩa mwathoma. Hũthĩra ciũria iria irĩ mũhuro wa karatathi na mbica. Thomai na mwarĩrĩrie maandĩko marĩa monanĩtio kũringana na ũrĩa ũkuona kwagĩrĩire. Muonie atĩ ciongo nini iria irĩ na rangi mũcamu iracokia kĩũria kĩrĩa arĩ kĩo kĩongo gĩa ithomo rĩu

• Angĩkorũo harĩ na gathandũkũ ga “Caria Ũhoro Makĩria,” gathomei hamwe na wĩkĩre mũrutwo ngoro eke ũrĩa karoiga