Tuonanagia Wendo Rĩrĩa Twanyita Mbaru Mũbango wa Jehova wa Kũrũnga Andũ

Rĩrĩa ehia arĩa marega kwĩrira meherio kĩũngano-inĩ, ĩkoragwo ĩrĩ njĩra ya kũmarũnga, na ũndũ ũcio nĩ ũgitagĩra kĩũngano. (1Ko 5:6, 11) Rĩrĩa twanyita mbaru mũbango ũcio wa Jehova wa kũrũnga andũ, tũkoragwo tũkĩonania wendo. Ũndũ ũcio wonanagia wendo atĩa rĩrĩa mũbango ũcio wa kweheria mũndũ kĩũngano-inĩ warehe ruo rwa ngoro harĩ arĩa othe mahutĩtio nĩguo, ta andũ a hakuhĩ a famĩlĩ na arĩa maarĩ kamĩtĩ-inĩ ya ciira?

Ũndũ wa bata makĩria nĩ atĩ tuonanagia wendo witũ harĩ rĩĩtwa rĩa Jehova na ithimi ciake cia ũtheru. (1Pe 1:14-16) Ningĩ nĩ tuonanagia wendo witũ harĩ mũndũ ũcio weheretio kĩũngano-inĩ. O na gũtuĩka kũrũngwo na njĩra ĩyo nĩ kũrĩ ruo, nĩ kũrehaga “maciaro marĩ na thayũ ma ũthingu.” (Ahi 12:5, 6, 11) Tũngĩnyitanĩra na mũndũ weheretio kĩũngano-inĩ kana wĩyeheretie, tũngĩkorũo tũkĩregana na mũbango wa Jehova wa kũmũrũnga. Ririkana atĩ Jehova arũngaga andũ ake “na gĩkĩro kĩrĩa kĩagĩrĩire.” (Je 30:11) Rĩrĩa twanyita mbaru mũbango wa Jehova wa kũrũnga andũ na twatũũria mũtaratara mwega wa maũndũ ma kĩĩroho, tũkoragwo tũkĩonania atĩ nĩ tũrehoka mũndũ ũcio nĩ egũcokerera Ithe witũ ũrĩ tha.​—Isa 1:16-18; 55:7.

WĨRORERE VIDEO YA TŨŨRIA WĨHOKEKU ŨRĨ NA NGORO ĨRĨ NA ŨRŨMWE ŨCOKE ŨCOKIE CIŨRIA ICI:

• 

  Nĩ ruo rũrĩkũ aciari Akristiano maiguaga rĩrĩa mwana wao atiga Jehova?

• 

  Kĩũngano kĩngĩteithĩrĩria atĩa andũ a famĩlĩ arĩa matũũria wĩhokeku wao?

• 

  Nĩ rũgano rũrĩkũ rwa Bibilia ruonanagia atĩ wĩhokeku harĩ Jehova nĩ wa bata gũkĩra wĩhokeku harĩ andũ a famĩlĩ?

• 

  Tũngĩonania atĩa atĩ nĩ tuonaga wĩhokeku harĩ Jehova ũrĩ wa bata gũkĩra wĩhokeku harĩ andũ a famĩlĩ?