Ũrĩa Ũngĩhũthĩra Icunjĩ cia Gũteereta na Mũndũ Ũtungata-inĩ

Ariũ a Ithe witũ nĩ merutanagĩria mũno kũhaarĩria icunjĩ cia gũteereta na mũndũ ũtungata-inĩ, na ahunjia aingĩ nĩ monete irĩ na maumĩrĩra mega gĩcigo-inĩ kĩao. No tondũ maũndũ nĩ ngũrani kũndũ gũtiganĩte thĩinĩ wa thĩ, rĩrĩa ahunjia marĩ ũtungata-inĩ, no mahũthĩre njĩra ngũrani, kana marĩrĩrie ũndũ ngũrani, ũrĩa ũkũgucĩrĩria andũ a gĩcigo kĩao. Rĩrĩa kũrĩ na kambĩini ya mwanya, ahunjia magĩrĩirũo kũrũmĩrĩra ũtongoria ũrĩa ũheanĩtwo wĩgiĩ kambĩini ĩyo. Muoroto witũ nĩ kũhingia rĩathani rĩrĩa Jesu aaheanire rĩgiĩ kũhunjia ũhoro ũrĩa mwega wa Ũthamaki.​—Mat 24:14.

Rĩrĩa ahunjia mararuta tũcunjĩ twa arutwo, magĩrĩire kwarĩrĩria ũndũ ũrĩa warĩrĩirio gacunjĩ-inĩ ga gũteereta na mũndũ ũtungata-inĩ Kabuku-inĩ ka Mũcemanio wa Ũtũũro na Ũtungata. O na kũrĩ ũguo, tiga hakorirũo honanĩtio ũndũ ũngĩ, no mahũthĩre kĩũria ngũrani, rĩandĩko ngũrani, gĩikaro ngũrani, kana ũndũ ngũrani ũrĩa makaarĩrĩria hĩndĩ ĩyo ĩngĩ, ũrĩa ũngĩkorũo na maumĩrĩra mega gĩcigo-inĩ kĩao. Ũyũ nĩ ũgarũrũku harĩ ũtongoria ũrĩa waheanĩtwo karatathi-inĩ ga 8, ga kabuku ka mũcemanio ka Juni 2020.