Wĩyonage ta Ũrĩa Jehova Akuonaga

“Jehova nĩ akenagio nĩ andũ ake.” (Thb 149:4) O na gũtuĩka tũtirĩ akinyanĩru, nĩ onaga ngumo citũ njega na ũhoti witũ. O na kũrĩ ũguo, rĩmwe no tuone arĩ ũndũ mũritũ gũkorũo na mawoni maigananĩru kwĩyerekera. No twĩyone ta tũtarĩ andũ a bata nĩ ũndũ wa maũndũ marĩa andũ matwĩkagĩra. Ningĩ tũngĩĩciria mũno ũhoro wa mahĩtia marĩa twekĩte tene, no twĩkĩrĩre nganja kana Jehova nĩ atwendete. Nĩ kĩĩ kĩngĩtũteithia tũngĩkorũo na mawoni ta macio?

Ririkana atĩ Jehova onaga maũndũ marĩa andũ matangĩhota kuona. (1Sa 16:7) Ũguo nĩ kuuga atĩ nĩ onaga nginya makĩria ma ũrĩa ithuĩ twĩyonaga. Nĩ tũkenaga tondũ Bibilia nĩ ĩtũteithagia gũtaũkĩrũo nĩ ũrĩa Jehova atuonaga. No tũhote gũtaũkĩrũo tũngĩthoma mĩhari ya Bibilia ĩrĩa yonanagia ũrĩa Jehova endete athathaiya ake.

WĨRORERE VIDEO YA IGUITHIA NGORO YAKU ŨRĨ MBERE YA JEHOVA, ŨCOKE ŨCOKIE CIŨRIA ICI:

• Ngerekano ĩyo ya mũtengʼeri na ithe ĩratũruta atĩa igũrũ rĩgiĩ ũrĩa Jehova atuonaga?

  Your answer

• Mũndũ wĩkĩte mehia maritũ angĩoya makinya marĩa marabatarania nĩguo athondeke ũrata wake na Jehova, nĩ atĩa angĩiguithia ngoro yake mbere ya Jehova?—1Joh 3:19, 20

  Your answer

• Mũrũ wa Ithe witũ ũcio aagunĩkire atĩa nĩ ũndũ wa gũthoma na gwĩcũrania rũgano rwa Daudi na rwa Jehoshafatu?

  Your answer