No Ũgĩe na Thayũ o na Kũrĩ na Mbaara na Ngũĩ
Gary ũrĩa mbere ĩyo watungataga njeshi-inĩ aaugire, “Itaneruta Bibilia, ndiamenyaga kĩrĩa gĩatũmaga gũkorũo na wĩki-naĩ mũingĩ ũguo thĩinĩ wa thĩ, wagi wa kĩhooto, na mathĩna. No rĩu nĩ ngoragwo na thayũ wa meciria, tondũ nĩ njũĩ atĩ ica ikuhĩ Jehova Ngai nĩ ekũrehe thayũ thĩinĩ wa thĩ.”
Gary towe tu ũgunĩkĩte na njĩra ĩyo. Ta rora wone ũrĩa Bibilia ĩteithĩtie andũ angĩ.
BIBILIA YUGAGA ŨŨ: “Wee Jehova ũrĩ mwega na ũkoragwo wĩhaarĩirie kuohanĩra.”—Thaburi 86:5.
ŨGUNI: “Mũhari ũyũ ũndeithagia gũkorũo na ma atĩ Jehova nĩ arĩ tha. Nĩ njũĩ atĩ nĩ ehaarĩirie kũnjohera nĩ ũndũ wa maũndũ marĩa mothe ndekire rĩrĩa ndarũaga mbaara-inĩ.”—Wilmar, Colombia.
BIBILIA YUGAGA ŨŨ: “Nĩ kũũmba ngũũmba igũrũ rĩerũ na thĩ njerũ; na maũndũ marĩa ma hau kabere matikaaririkanwo, o na kana maikare ngoro-inĩ.”—Isaia 65:17.
ŨGUNI: “Nĩ ndagĩire na depression, na nĩ ndangĩkaga meciria mũno nĩ ũndũ wa kũririkana maũndũ moru marĩa ndeyoneire ndĩ njeshi-inĩ. No rĩandĩko rĩu nĩ rĩndirikanagia atĩ ica ikuhĩ Jehova nĩ ekũnjehereria mĩtangĩko ya meciria, na andeithie kũriganĩrũo nĩ maũndũ moru marĩa ndeyoneire. Matigaikara ngoro-inĩ yakwa rĩngĩ kana meciria-inĩ. Kĩu gĩgaakorũo kĩrĩ kĩrathimo kĩnene!”—Zafirah, United States.
BIBILIA YUGAGA ŨŨ: “Matukũ-inĩ make arĩa athingu nĩ makaagaacĩra, naguo thayũ nĩ ũkaaingĩha o nginya rĩrĩa mweri ũtagaakorũo ho.”—Thaburi 72:7.
ŨGUNI: “Nĩ ndĩcũranagia ciugo icio kaingĩ. Ica ikuhĩ mbaara o hamwe na maumĩrĩro moru mayo nĩ igũthira, na tũtigatangĩka rĩngĩ nĩ ũndũ wa ũgitĩri wa andũ arĩa twendete.”—Oleksandra, Ukraine.
BIBILIA YUGAGA ŨŨ: “Akuũ aku nĩ magaatũũra muoyo. . . . Arahũkai na mwanĩrĩre nĩ gũkena, inyuĩ mũikaraga rũkũngũ-inĩ!”—Isaia 26:19.
ŨGUNI: “Hakuhĩ andũ othe a famĩlĩ itũ nĩ mooragirũo hĩndĩ ya njũragano ya gĩĩkabira kwerekera Atutsi. No mũhari ũcio nĩ ũheaga ũũma atĩ nĩ ngaamona rĩngĩ. Nĩ ndĩriragĩria gũkaigua mĩgambo yao marĩ na gĩkeno thutha wao kũriũkio!”—Marie, Rwanda.
BIBILIA YUGAGA ŨŨ: “No kahinda kanini gatigaru, na andũ arĩa aganu matigaakorũo kuo rĩngĩ . . . No andũ arĩa ahooreri nĩ makaagaya thĩ, na nĩ magaakena mũno nĩ ũndũ wa kũingĩhĩrũo nĩ thayũ.”—Thaburi 37:10, 11.
ŨGUNI: “O na gũtuĩka mbaara nĩ yathirire, kũrĩ o na wagi wa kĩhooto na andũ oru. No mĩhari ĩyo nĩ ĩnyũmagĩrĩria mũno. Jehova nĩ onaga maũndũ mothe na agataũkĩrũo nĩ maũndũ marĩa ndĩragerera. Eranĩire atĩ ica ikuhĩ mathĩna mothe nĩ megũthira na mariganĩre.”—Daler, Tajikistan.
Andũ arĩa magwetetwo ngathĩti-inĩ ĩno nĩ amwe a Aira a Jehova milioni nyingĩ arĩa mateithĩtio nĩ Bibilia kũgĩa na thayũ. Nĩ merutĩte gũtooria rũmena rwa mũthemba o wothe, nginya rwa gĩĩkabira kana kĩĩrũrĩrĩ. (Aefeso 4:31, 32) Ningĩ Aira a Jehova matiĩingĩranagia na maũndũ ma gĩũteti kana mbaara.—Johana 18:36.
Ũndũ ũngĩ nĩ atĩ, Aira a Jehova thĩinĩ wa thĩ yothe nĩ mateithanagia ta andũ a famĩlĩ ĩmwe ĩrĩ wendo. (Johana 13:35) Kwa ngerekano, Oleksandra ũrĩa ũkũgwetetwo na hau kabere, nĩ aabatarire kũũrĩra bũrũri-inĩ ũngĩ marĩ na mwarĩ wa nyina nĩ ũndũ wa mbaara. Aaugire: “Rĩrĩa twakinyire mũhaka-inĩ, o rĩo nĩ tuoonire Aira a Jehova a kũu arĩa mookĩte gũtwamũkĩra. Nĩ maatũtiirĩrĩire tũkĩhota gũikara bũrũri-inĩ ũcio mũgeni.”
Tũrakũnyita ũgeni ũũke mĩcemanio-inĩ itũ ya Gĩkristiano, na nĩ ũkwĩruta ũhoro wĩgiĩ ndũmĩrĩri ya thayũ ĩrĩa ĩrĩ Bibilia-inĩ na wone ũrĩa ĩngĩgũteithia. Hingũra jw.org nĩguo wone Nyũmba ya Ũthamaki ya Aira a Jehova ĩrĩa ĩrĩ hakuhĩ nawe, kana ũhoe wĩruti wa Bibilia ũtarĩ marĩhi hamwe na Mũira wa Jehova mũkĩhũthĩra ibuku rĩa Kenera Ũtũũro Tene na Tene!