No Ũkenere Irathimo Kuuma Kũrĩ Ngai Ũrĩ Wendo Tene na Tene
Hihi nĩ wĩriragĩria gũkorũo thĩinĩ wa thĩ ĩtarĩ na mbaara, ngucanio, na ngayũkano?
Hihi nĩ wĩyũragia na arĩ korũo gũtikoragwo na mĩrimũ, mathĩna, na gĩkuũ?
Hihi nĩ wĩriragĩria gũikara ũtarĩ na mĩtangĩko na ũtegwĩtigĩra?
Hihi nĩ wĩriragĩria gũtũũra kũndũ riũa rĩtaaraga mũno kana kũndũ mbura ĩtoiraga gũkĩria njano?
Ngai witũ ũrĩ wendo, ũrĩa wombire thĩ ĩno itũ thaka, nĩ eranĩire atĩ nĩ akaahe andũ ũtũũro ũrĩ na thayũ na gĩkeno tene na tene. Maũndũ macio ti iroto.
Thĩinĩ wa icunjĩ iria irũmĩrĩire, nĩ ũkwĩruta:
Mawoni marĩa Mũũmbi witũ akoragwo namo kwerekera andũ
Maũndũ marĩa tũngĩĩruta kuuma Kiugo-inĩ kĩa Ngai
Maũndũ marĩa anabii a Ngai maguũrĩtie megiĩ maũndũ marĩa Ngai atwĩkagĩra na marĩa abangĩte gũtwĩkĩra
Ũrĩa tũngĩka nĩguo tũkorũo na gĩkeno mahinda-inĩ maya, na tũkaamũkĩra irathimo cia gũtũũra ihinda rĩa Ngai rĩakinya
Reke twambĩrĩrie na kuona indo iria Mũũmbi witũ atũheaga cionanagia atĩ nĩ atwendete.