Ahunjia makĩhunjia hakuhĩ na Monrovia, Liberia

Gũteereta na Mũndũ Ũtungata-inĩ

●○○ KŨHUNJĨRIA MŨNDŨ RĨA MBERE

Kĩũria: Hihi Bibilia no ĩhũthĩke mahinda maya kana nĩ hĩtũke nĩ mahinda?

Rĩandĩko: 2Ti 3:16

Ũndũ Ũrĩa Mũkaarĩrĩria: Bibilia ĩkoragwo na ndũmĩrĩri ĩrĩkũ?

○●○ GŨCOKERA MŨNDŨ RĨA MBERE

Kĩũria: Bibilia ĩkoragwo na ndũmĩrĩri ĩrĩkũ?

Rĩandĩko: Mat 6:10

Ũndũ Ũrĩa Mũkaarĩrĩria: Nĩ maũndũ marĩkũ Ũthamaki wa Ngai ũgeka?

○○● GŨCOKERA MŨNDŨ RĨA KERĨ

Kĩũria: Nĩ maũndũ marĩkũ Ũthamaki wa Ngai ũgeka?

Rĩandĩko: Da 2:44

Ũndũ Ũrĩa Mũkaarĩrĩria: Ũthamaki ũcio ũkaarehe mogarũrũku marĩkũ thĩinĩ wa thĩ?

Kwambĩrĩria mweri ũyũ, Mũcemanio wa Ũtũũro na Ũtungata ndũrĩkoragwo na icunjĩ ithatũ ngũrani cia ũrĩa ũngiuga. Handũ ha ũguo, Kabuku ka Mũcemanio wa Ũtũũro na Ũtungata Witũ karĩkoragwo na gacunjĩ ga gũteereta na mũndũ ũtungata-inĩ karĩa karĩkoragwo na kĩũria gĩa kwambĩrĩria ndeereti, rĩandĩko, na kĩũria kĩa ũndũ ũrĩa mũkaarĩrĩria nĩguo gĩgũteithie gũgacokera mũndũ ũcio. Kũrĩthaakagwo video ya gũteereta na mũndũ ũtungata-inĩ o ĩmwe tu harĩ kiumia. O mũhunjia no athuure kĩrĩa angĩenda kũhũthĩra kuuma thĩinĩ wa Gathandũkũ Gaitũ ka Indo cia Kũrutana na rĩrĩa angĩenda kũhũthĩra kĩrĩa athuura, akĩhunjĩria mũndũ rĩa mbere kana agĩcokera mũndũ. Makĩria ma ũguo, kabuku ka mũcemanio karĩkoragwo na maũndũ tũngiuga tũgĩcokera mũndũ rĩa mbere na rĩa kerĩ. Njĩra ĩno nĩ ĩgũtũteithia kũririkanaga atĩ muoroto witũ nĩ kũruta “arĩa othe [marĩ] na mwerekera ũrĩa wagĩrĩire wa kũheo muoyo wa tene na tene.”—Atũ 13:48.

Icunjĩ cia Arutwo: Tiga hakorirũo herĩtwo ũndũ ũngĩ, arutwo magĩrĩire kũhũthĩra tũcunjĩ twa gũteereta na mũndũ ũtungata-inĩ.