Omushangwa wefiku kau na vali okukala hau kundafanwa pelongekido loilonga yomomapya

Nale, pelongekido loilonga yomomapya opa li hapa kundafana pauxupi omushangwa wefiku ngeenge tau popi kombinga youkalele. Ndele paife opa ningwa omalunduluko shi na sha naasho. Okambo Konakona Omishangwa keshe efiku ka ke na vali okulongifwa pelongekido loilonga yomomapya. Ngaashi sha li nale, oo ta kwatele komesho elongekido loilonga yomomapya ota dulu okulongifa Ombibeli, Oukalele Wetu wOuhamba, embo lOfikola yOukalele, embo Reasoning nosho yo oishangomwa imwe vali oyo ya pamba oukalele. Ovamwatate ovo va pewa oshinakuwanifwa osho ove na okukala have lilongekida omaetepo taa longo oo taa ka kwafela ovo tava ka kala pelongekido. Ngaashi sha kala monakudiwa, elongekido loilonga yomomapya oli na okuningwa oule wominute 10 fiyo 15 noli na yo okukala lixupi lela ngeenge otali ningwa konima yokwoongala kweongalo.