Eedjo dokafo Onghalamwenyo yopaKriste noilonga yokuudifa
2-8 MEI
OMAMONA OMEENDJOVO DAKALUNGA | 1 SAMUEL 27-29
“Ondunge yaDavid moita”
it-1-E 41
Akis
Lwoikando ivali, eshi David a ya onhapo Saul, okwa ka konga eameno kohamba Akis. Oshikando shotete, eshi David a li a talika ko e li omutondi, okwa li e liningifa a fa omupwidi, na Akis okwa li e mu efa a ye ina ningilwa sha. (1Sam 21:10-15; eshangelo lopombada lEpsalme 34 nEpsalme 56) Oshikando oshitivali, David okwa li a ya pamwe novakwaita 600 nomaukwaneumbo avo, na Akis okwa li e va tuma va ka kale kuSiklag. Momukokomoko womudo neehani nhee, odo va kala oko, Akis okwa li ta diladila kutya David novalumenhu vaye ohava i va ka homone oilando yaJuda, ashike mboli David ova li hava ka homona Ovagesuri Ovagirsi nOvaamaleki. (1Sam 27:1-12) David okwa li a enda filufilu Akis medu, nomolwaashi Akis a li e mu ninga omukulunhu wongudu yovanangeli vaye, eshi Ovafilisti va li tave liunganeke va ka ponokele ohamba Saul. Ashike molwaashi “ovapangeli vOvafilisti” inava kala ve shi panda, xuuninwa, Akis okwa tumina David novalumenhu vaye kuSiklag. (1Sam 28:2; 29:1-11) Eshi David a ninga ohamba nokwa lwifa Gat, Akis otashi dulika a li ina dipawa. Okwa kala ko fiyo opefimbo lokupangela kwaSalomo. — 1Eeh 2:39-41; tala mo-Insight GAT.
Ovalumenhu ovanyasha, ongahelipi tamu dulu okukala mwe lineekelwa kuvamwe?
Natu ka kundafaneni eshongo limwe, olo David a li a taalela. Konima eshi David a vaekwa a ninge ohamba, okwa li e na okuteelela pa pite omido dihapu, opo a nangekwe po e li ohamba yOvajuda. (1 Sam. 16:13; 2 Sam. 2:3, 4) Oshike sha li she mu kwafela a teelele nelididimiko momukokomoko wefimbo olo? Ponhele yokweefa a teka omukumo, okwa li a yandja elitulemo kwaasho a li ta dulu okuninga po. Pashihopaenenwa, eshi David a li onhauki moshitukulwa shOvafilisti, okwa li a longifa omhito oyo, opo a lwife ovatondi vOvaisrael. Kungaho, okwa li a dula okwaamena eengaba doshitukulwa shaJuda. — 1 Sam. 27:1-12.
it-2-E 245 ¶6
Oipupulu
Nonande Ombiibeli oya tokola okupopya oipupulu, osho inashi hala okutya ohatu dulu okupopya ouyelele u li paushili hatu u lombwele ovanhu, ovo inava wana oku u uda. Jesus Kristus okwa ti: “Osho shiyapuki inamu shi yandja keembwa, noilanda yeni inamu i yandja koingulu, opo ihe i lyate nomakondo ayo, ndele tai mu pilukile po noku mu monifa oshiponga.” (Mat 7:6) Nomolwaasho peemhito dimwe, Jesus okwa li a henuka okuyandja ouyelele we lixwapo, ile okunyamukula omapulo sha yukilila, molwaashi okwa li e shii kutya, ngeenge okwa ningi ngaho, ota ka etifa oilanduliko inyikifa oluhodi. (Mat 15:1-6; 21:23-27; Joh 7:3-10) Osho osha faafana naashi Abraham, Isak, Rahab naElisa va li va enda medu ovatondi, ile tu tye ovo ihava longele Jehova, ile va henuka oku va lombwela ouyelele we lixwapo. — Gen 12:10-19; etuk 20; 26:1-10; Jos 2:1-6; Jak 2:25; 2Eeh 6:11-23.
Omamona opamhepo
Mbela oonakufya otava dulu ngoo okukwafela ovanamwenyo?
Diladila kombinga yaashi. Ombibeli oya popya kutya ngeenge omunhu a fya ‘oha shuna medu, nomadiladilo aye kae po vali.’ (Epsalme 146:4) Saul naSamuel ova li ve shii kutya Kalunga okwa tokola okuya kovapopi neemhepo. Nomolwaasho Saul a li a kwatela komesho oshikonga shokukomba mo oumhulile moshilongo. — Leviticus 19:31.
Diladila kwaashi: Ngeno omuprofeti omudiinini Samuel okwa li e na omwenyo e li oshishitwa shopamhepo, mbela ngeno okwa nyona omhango yaKalunga ndele ta longele kumwe nomupopi neemhepo opo a dule oku ka shakena naSaul? Jehova ka li a hala okupopya naSaul. Mbela omupopi neemhepo oo okwa li ngoo ta dulu okukondjifa Kalunga Omunaenghono adishe a popye naSaul okupitila muSamuel oo a hangwa a fya? Hasho nandenande. Osha yela kutya oshishitwa osho sha li tashi liti osho Samuel kasha li nandenande omuprofeti waKalunga omudiinini, ndele osha li oshishitwa shopamhepo shikolokoshi, ondemoni oyo ya li tai liningifa ya fa Samuel oo a fya.
9-15 MEI
OMAMONA OMEENDJOVO DAKALUNGA | 1 SAMUEL 30-31
“Lipameka mOmwene Kalunga koye”
Tila Jehova, opo u kale omunelao!
Etilokalunga laDavid kala li ashike le mu kwafela a henuke okulonga osho inashi yuka, ndele ola li yo le mu pameka a katuke eenghatu noku ninge omatokolo opandunge nonande okwa li meenghalo didjuu. Oule womudo neemwedi nhee, David novakwaita vaye ova li va ya onhapo Saul nokukonga ouhondameno muSiklag, oshitukulwa shOvafilisti shokomikunda. (1 Samuel 27:5-7) Pomhito imwe, eshi David novakwaita vaye va li va ya poima ponhumba, Ovaamalek ova li va ponokela oshilando osho nokukwata po ovakainhu nounona noimuna yavo, ndele tave shi xwike po. Eshi David novakwaita vaye va aluka nokumona osho sha ningwa po, ova lila. Diva ovakwaita vaDavid ova li ve mu handukila nova li va hala oku mu dipaa nomamanya. Nonande osho osha li shi uditife David oudjuu, ka li a teka omukumo. (Omayeletumbulo 24:10) Etilokalunga laye ola li le mu linyengifa e “lipameke mOmwene Kalunga” okupitila meilikano. Kekwafo laKalunga, David novakwaita vaye ova li va shikula Ovaamalek, ndele tava kufa ko oinima yavo aishe novanhu vavo ovo va li va kwatwa po. — 1 Samuel 30:1-20.
Jehova ohe tu amene opo tu ka xupifwe
David okwa pita meenghalo dihapu dinyikifa oluhodi monghalamwenyo yaye. (1 Sam. 30:3-6) Eendjovo da nwefwa mo odo a shanga otadi ulike kutya Jehova okwa li e shii omaliudo aye. (Lesha Epsalme 34:19; 56:9.) Kalunga oku shii yo omaliudo etu. Ngeenge ‘omitima detu da teyauka’ ile ‘omhepo yetu ya nyanyauka,’ oha ehene popepi nafye. Osho ohashi tu hekeleke ngaashi naanaa sha li sha hekeleka David oo a imba ta ti: “[Ohandi] hafele nokunyakukilwa ouwanghenda woye, shaashi wa tala oudjuu wange, nowa dimbulukwa omatilifo omwenyo wange.” (Eps. 31:8) Ndele Jehova oha ningi shihapu shihe fi ashike okuyandja elitulemo komaupyakadi etu. Ohe tu pameke moku tu hekeleka nomoku tu twa omukumo. Osho ohe shi ningi okupitila mokwoongala kwopaKriste.
Omamona opamhepo
Omanenedhiladhilo okuza membo lyaSamuel gwotango
30:23, 24. Etokolo ndyoka tali popiwa moka lya kankamena kuNumeri 31:27, otali ulike kutya Jehova okwa yalula mboka taya longo iilonga yokukwathela megongalo. Ano kutya nduno oshike tatu longo, natu shi ‘longe nomwenyo aguhe ongaamboka itaatu longele aantu, ihe Omuwa ye mwene.’ — Aakolossa 3:23.
16-22 MEI
OMAMONA OMEENDJOVO DAKALUNGA | 2 SAMUEL 1-3
“Oshike hatu lihongo keimbilo hali ifanwa ‘outa’?”
w00-E 6/15 13 ¶9
Fimaneka ovo ve na eenghonopangelo
Mbela David okwa li a uda nai eshi a li ta ungaungiwa naye shihe li pauyuki? David okwa lombwela Jehova a ti: “Osheshi . . . ovakolokoshi otava nangele omwenyo wange.” (Epsalme 54:3) Okwa mbubulila Jehova omutima waye a ti: “Kalunga kange, xupife nge movatondi vange, . . . ovanaenghono otava shivile nge olwoodi, nande inandi nyona nondihe netimba. Ame nande inandi ninga sha, otava totele nge nokulilongekida. Penduka, u shakeneke nge, u tale!” (Epsalme 59:1-4) Mbela naave ou na efiku wa li u udite ngaho, uhe na eshi wa ninga oo e na eenghonopangelo, ashike ota twikile okuungaunga naave shihe li pauyuki? David ka li a efa po okufimaneka Saul. Eshi Saul a fya, David ka li a hafa, ndele okwa tota po eimbilo a ti: “Saul naJonatan, ovaholafani novahokwafani inava tukauka mokukala nomwenyo kwavo. . . Monhapo ve dule eenhwa, meenghono ve dule eenghoshi! Lileni Saul, nye ovana oukadona vaIsrael.” (2 Samuel 1:23, 24) Osho kashi fi tuu oshihopaenenwa shiwa shokufimaneka omuvaekwa waJehova, nokuli nonande David okwa li a ungaungiwa naye shihe li pauyuki kuSaul!
Oukengeleledi owa hapupala momafiku axuuninwa
MOmbibeli omu na yo oihopaenenwa yavahapu ovo va li ovadiinini. Natu ka kundafaneni ivali yomuyo nokutala kutya oshike hatu lihongo mo. Tete natu ka taleni koshihopaenenwa shaumwe oo a li omudiinini kuDavid. Omonamati wohamba Saul woshiveli wedina Jonatan oye ngeno a li e na okufyuulula oshipundi shaxe opo a pangele Ovaisrael, ndele osho inashi ka ningwa molwaashi Jehova okwa li a hoolola David oye a ninge ohamba yaIsrael a landula Saul. Ponhele yokukala a twila David ondubo nokukala e mu tala ko a fa omukondjifi waye, ‘omwenyo waJonatan owe limanga kumwe nomwenyo waDavid’ nokwe mu udanekela kutya ota ka kala omudiinini kuye. Jonatan okwa li nokuli a pa David oikutu yaye, eongamukonda, outa nomwiya, osho sha li tashi ulike kutya okwe mu fimaneka e li ohamba. (1 Sam. 18:1-4) Jonatan okwa li a ninga keshe osho ta dulu opo ‘a nyatipalife’ David nokwa li e mu popila koshipala shaSaul, nokuli nonande osho osha li tashi pula omwenyo ile efyo. Omolwoudiinini waye, Jonatan okwa li a lombwela David a ti: “Oto ka ninga ohamba yaIsrael, ndele ame ohandi ka ninga omutivali puove.” (1 Sam. 20:30-34; 23:16, 17) Onghee hano, itashi kumwifa eshi David a li a imba eimbilokemo eshi Jonatan a fya, ta ulike kutya okwa nyika oufiye noku mu hole. — 2 Sam. 1:17, 26.
Omamona opamhepo
it-1-E 369 ¶2
Omumwaxe
Oshitya “omumwaxe” ohashi longifwa yo kwaavo va hangana moinima yonhumba nove na omalalakano a faafana. Pashihopaenenwa, ohamba Hiram yaTirus oya li ya ifana ohamba Salomo omumwaxe, hamolwaashi ngeno ve na ondodo i fike pamwe, ndele otashi dulika molwaashi aveshe va li hava dulu okuyandja omiti nosho yo oinima imwe yotembeli. (1Eeh 9:13; 5:1-12) “Taleni, oshiwa nosha wapala shi fike peni, ovamwaxe ngeenge tava kala kumwe nombili.” David okwa shanga ta ulike kutya havanhu ashike ovo va dalwa kuxe, ile kuina imwe tava dulu okukala ve na ombili nova hangana. (Eps 133:1) David okwa li a ifana Jonatan omumwaxe, molwaashi ova li ve holafane nove hole oinima ya faafana, nonande kava li va dalwa kuxe naina umwe. (2Sam 1:26) Ookaume ovo ve hole oinima ya faafana, nokuli nonande oii, ohave liufana ovamwaxe. — Omayel 18:9.
23-29 MEI
OMAMONA OMEENDJOVO DAKALUNGA | 2 SAMUEL 4-6
“Kala u na etilo lashili lokuha udifa nai Jehova”
Omanenedhiladhilo okuza membo lyaSamuel omutiyali
6:1-7. Nonando David okwa li e na elalakano ewanawa, onkambadhala ye okutembudha oshikethahangano e shi enditha metemba oya li ya yono ompango yaKalunga, noshizemo osha li oshiwinayi. (Eksodus 25:13, 14; Numeri 4:15, 19; 7:7-9) Okukwata Oshikethahangano kwaUsa okwa li ku ulike kutya omalalakano omawanawa ihaga lundulula shoka Kalunga ta pula.
Jehova oha ningi alushe osho sha yuka
Kaleka momadiladilo kutya Ussa okwa li e na okukala e shii Omhango nawa. Oshikefa okwa li tashi faneke okukala po kwaJehova. Omhango oya popya kutya kasha li shi na okukwatwa kwaavo inava ufwa, nelondwelo ola li la yela kutya ovanyoni otava ka handukilwa nefyo. (Numeri 4:18-20; 7:89) Onghee hano, okutembulwa kwoshikefa shiyapuki kakwa li ku na okutalwako ku li oshilonga shongaho. Osha yela kutya Ussa okwa li Omulevi (nonande ka li omupristeri); onghee hano okwa li e na okukala e shii Omhango nawa. Kakele kaasho, omido da pita Oshikefa osha li sha lundululilwa keumbo laxe omolweameno. (1 Samuel 6:20–7:1) Osha kala ko omido 70, fiyo David a hoolola oku shi tembula. Hano okudja kounona, Ussa okwa li e shii eemhango di na sha nOshikefa.
Jehova oha ningi alushe osho sha yuka
Ngaashi sha tumbulwa nale, Jehova oha tale omutima. Molwaashi Eendjovo daye otadi ti kutya Ussa okwa katuka “omolwoushima,” Jehova otashi dulika a mona oikala yokulihola mwene oyo inai hololwa mehokololo. Mbela Ussa otashi dulika kwa li e na ounhwa, sha hala okutya, e na eamo lokutauluka omangabeko a yuka? (Omayeletumbulo 11:2) Okuwilika moipafi Oshikefa osho sha kala sha tuvikilwa koukwaneumbo wavo okwa li she mu ningifa a kale e litumbaleka? (Omayeletumbulo 8:13) Mbela Ussa okwa li e he na eitavelo a diladile kutya eke laJehova olixupi okukanghamifa oshikefa shiyapuki osho sha li tashi faneke okukala po kwaYe? Kashi na nee mbudi kutya osha li ngahelipi, ohatu dulu okukala noushili kutya Jehova okwa li a ninga osho sha yuka. Otashi dulika a mona mo sha momutima waUssa osho she mu ningifa a tokole meendelelo. — Omayeletumbulo 21:2.
Omamona opamhepo
w96-E 4/1 29 ¶1
Omutengi woye wu undulila alushe kuJehova
David, e li ohamba, pomhito imwe ka li a undulila omutengi waye kuJehova. Eenghatu daye oda ulika kutya nokuli naavo ve na ekwatafano liwa naJehova omafimbo amwe otava dulu okuungaunga nai neenghalo donhumba odo tava shakeneke. Potete David okwa li a handuka. Nolwanima, okwa ka kwatwa koutile. (2 Samuel 6:8, 9) Ekwatafano laye naJehova ola li la yelekwa neenghono. Pomhito imwe okwa li a dopa okuundulila omutengi waye kuJehova, eshi a li ina shikula oipango yaye. Mbela nafye omafimbo amwe ohatu lihange monghalo ya tya ngaho? Mbela ohatu pe Jehova ombedi omolwomaupyakadi oo haa etifwa kokulidimbika omayele aye? — Omayeletumbulo 19:3.
30 MEI–5 JUNI
OMAMONA OMEENDJOVO DAKALUNGA | 2 SAMUEL 7-8
“Jehova okwa ninga ehangano naDavid”
w10-E 4/1 20 ¶3
“Ouhamba woye otau ka kala po koshipala shoye fiyo alushe”
Jehova okwa li a kumwa kehalo laDavid la dja komutima. Molwaashi David okwa li e liyandja, Kalunga okwa li a ninga ehangano naye kutya ota ka hoolola umwe okudja mepata laDavid, oo ta ka pangela fiyo alushe, ngaashi sha xunganekwa. Natan okwa li a lombwela David eudaneko olo Kalunga e mu udanekela a ti: “Nepata loye nouhamba woye otau ka kala po koshipala shoye fiyo alushe. Olukalwapangelo loye tali ka kala la pama fiyo alushe.” (Ovelishe 16) Olyelye ta ka fyuulula ehangano olo, oo ta ka pangela fiyo alushe? — Epsalme 89:20, 29, 34-36.
w10-E 4/1 20 ¶4
“Ouhamba woye otau ka kala po koshipala shoye fiyo alushe”
Jesus wokuNasaret okwa li womoludalo laDavid. Eshi omweengeli a li ta shiivifa kombinga yokudalwa kwaJesus okwa ti: “Jehova Kalunga ote ke mu pa olukalwapangelo laxe David. Ota ka pangela e li Ohamba mepata laJakob fiyo alushe, nOuhamba waye itau ka xula po.” (Lukas 1:32, 33) Ehangano olo Jehova a li a ninga naDavid ola li la wanifwa po okupitila muJesus Kristus. Onghee ota pangele fiyo alushe, hakehalo lovanhu, ndele omolweudaneko olo Kalunga a li e mu udanekela. Natu dimbuluke kutya omaudaneko aKalunga ohaa wanifwa po alushe. — Jesaja 55:10, 11.
Kala u na eitavelo ihali tengauka mOuhamba
Diladila kwaasho Jehova a li a udanekela ohamba David yomuIsrael shonale okupitila mehangano olo a ninga naDavid. (Lesha 2 Samuel 7:12, 16.) Jehova okwa ninga ehangano olo naDavid pefimbo lepangelo laDavid muJerusalem, e mu udanekela kutya Messias ota ka dja moludalo laye. (Luk. 1:30-33) Kungaho, Jehova okwa li a yandja ouyelele wa wedwa po wokondadalunde u na sha nepata omo tamu ka dja oludalo nokwa udaneka kutya umwe womoludalo laDavid ota ka kala “a wana” okukala kolukalwapangelo lOuhamba wopaMessias. (Hes. 21:25-27) Okupitila muJesus, ouhamba waDavid otau ka ‘kala po alushe.’ Kungaho, oludalo laDavid otali ka ‘kala po alushe nolukalwapangelo laye otali faafana netango.’ (Eps. 89:35-38) Natu kale nelineekelo kutya epangelo laMessias ka li na fiku li kale li na oulingilingi notali ka etifa omauwa taa kalelele.
Omamona opamhepo
it-2-E 206 ¶2
Omafiku axuuninwa
Exunganeko laBileam. Ofimbo Ovaisrael inava ya medu leudaneko, omuprofeti Bileam okwa lombwela ohamba Balak yokuMoab a ti: “Ila, ame ohandi ku hololele oshiwana eshi otashi ka ninga ngahelipi koshiwana shoye pexulilo lomafiku. . . . Onyofi tai ka holoka muJakob, nepangelodibo tali yeluka muIsrael. Ndele Ye ta ka teyaula eembadu domutwe waMoab ndele ta kombo po oludalo alishe laShet.” (Num 24:14-17) Mewanifo lotete leudaneko, “onyofi” oya li tai ulike kohamba David, oo a li a finda Ovamoab. (2Sam 8:2) Shi na sha newanifo lexunganeko olo, “exulilo lomafiku” ola hovela eshi David a ninga ohamba. Molwaashi David okwa li e lile po Jesus e li ohamba yopaMessias, exunganeko olo nalo otali longo kuJesus eshi ta ka finda ovatondi vaye. — Jes 9:7; Eps 2:8, 9.
6-12 JUNI
OMAMONA OMEENDJOVO DAKALUNGA | 2 SAMUEL 9-10
“David okwa li a ulika ohole i na oudiinini”
w06-E 6/15 14 ¶6
Oto dulu okukala wa hafa
David okwa shanga a ti: “Omunelao ou, ha yavele oshingone.” Okwa weda ko a ti: “Oye ta xupifwa kOmwene mefiku loiponga. Omwene ote mu amene, a kale nomwenyo, ta ifanwa omunelao.” (Epsalme 41:1, 2) Onghedi omo David a ulikila ohole Mefiboset, omonamati oshingudu shakaume kaye Jonatan, oi li oshihopaenenwa shiwa shokukenukila oingone. — 2 Samuel 9:1-13.
Omanenedhiladhilo okuza membo lyaSamuel omutiyali
9:1, 6, 7. David okwa li a gwanitha po omauvaneko ge. Natse otu na okukambadhala okugwanitha po shoka tu uvaneka okuninga.
Ove lididimikila omakiya mombelela yavo
Konima yeedula donhumba, ohamba David molwohole yaye inene yokuhola Jonatan, okwa fila Mefiboset onghenda. David okwe mu pa oiniwe aishe yaSaul nokwa yandja oshilonga kuSiba omupiya waSaul shokufiloshisho epya. David okwa lombwela yo Mefiboset ta ti: “Oto ka lya alushe omungome poshililo shange.” (2 Samuel 9:6-10) Pe he na omalimbililo, ouwanghenda waDavid owa hekeleka Mefiboset nowa kwafela okuxwepopaleka ouyahame woulema waye. Kashi fi tuu oshilihongomwa shiwa! Nafye otu na yo okufila onghenda ovo tava kondjo nekiya mombelela.
Omamona opamhepo
it-1-E 266
Eendjedi
Oiwana ihapu yonale yokoushilo, mwa kwatelwa Ovaisrael, oya li ya tala ko eendjedi di li oshinima sha fimana. Omhango yaKalunga oya li ya kelela Ovaisrael vehe likulule “omixungo,” eexwiki odo di li pokati komatwi nomesho nosho yo okuha kulula eendjedi davo mominghulo. (Lev 19:27; 21:5) Osho osha li oshinima shopalongelokalunga kovapaani vamwe.
13-19 JUNI
OMAMONA OMEENDJOVO DAKALUNGA | 2 SAMUEL 11-12
“Ino efa omahalo mai e ku pangele”
Ohatu dulu okumanguluka mo momwiyo waSatana
Olwisho ola ningifa ohamba David i dimbwe ashishe osho ya pewa kuJehova, ngaashi oupuna, efimano nosho yo eshi ya li ya finda ovatondi vayo vahapu. David okwa li a dimina nolupandu kutya eeshali odo a pewa kuKalunga, ‘itadi dulu okuvalwa.’ (Eps. 40:5) Ashike pomhito imwe, David okwa li a dimbwa ashishe osho a pewa kuJehova. Ka li vali a wanenwa, nokwa li a hala shihapu. Nonande David okwa li e na ovakulukadi vonhumba, okwa li a kulika omahalo mai momutima waye, a hala omukulukadi wamukwao. Omukulukadi oo okwa li Batseba, nomushamane waye okwa li Uria, Omuheti. Ohole yokuliholamwene oya li ye linyengifa David a ye momilele naBatseba, na Batseba okwa li a ninga eteelelo. Osho David a ninga osha li shii unene, ashike okwa li yo a nyona enyono likwao la kwata moiti, a pangela omhangela, opo a dipaife Uria. (2 Sam. 11:2-15) David okwa li ta diladila shike? Mbela okwa li ta diladila kutya Jehova ke wete osho ta ningi? Nonande David okwa kala omupiya waJehova omudiinini, okwa li a kwatwa kolwisho, naasho osha li she mu etela oilanduliko ii. Shihafifa, David okwa li a dimina enyono laye nokwe livela ombedi. Ka li tuu a hafa eshi Jehova e mu dimina po! — 2 Sam. 12:7-13.
Omolwashike tu na okudulika nehalo liwa kuJehova, nongahelipi tu na oku shi ninga?
Jehova okwa li a nangeka po David a ninge omutwe woukwaneumbo waye nosho yo woshiwana ashishe shaIsrael. David okwa li e na eenghonopangelo dihapu e li ohamba. Omafimbo amwe okwa li a longifa nai eenghonopangelo daye nokwa li a ninga omapuko a kwata moiti. (2 Sam. 11:14, 15) Ndele okwa li a dulika kuJehova eshi a tambula ko outekuduliko. Okwa li a mbubulila Jehova omutima waye okupitila meilikano. Okwa li yo a ninga ngaashi ta dulu opo a tambule ko omayele aJehova. (Eps. 51:1-4) Kakele kaasho, okwa ulika yo elininipiko eshi a tambula ko omayele mawa okudja kovalumenhu nokovakainhu. (1 Sam. 19:11, 12; 25:32, 33) David okwa li e lihonga komapuko aye nokwa li a pitifa komesho okulongela Jehova.
Efa eliudo loye li deulwe keemhango nokomafinamhango aKalunga
Inatu pumbwa okumona oixuna omolwoilanduliko yokuhadulika keemhango daKalunga opo tu lihonge oilihongomwa ya fimana. Ohatu dulu okulihonga komapuko avamwe ovo omanyono avo a shangwa mEendjovo daKalunga. Omayeletumbulo 1:5 okwa ti: “Omunongo na pwilikine opo a hapupalife eendunge.” Kalunga ohe tu pe ewiliko la denga mbada ngeenge hatu lesha omahokololo Ombiibeli nokudilonga kuo. Pashihopaenenwa, diladila kouyahame oo ohamba David ya li ya mona eshi ya li inai dulika koshipango shaJehova nosho yo eshi ya haela naBatseba. (2 Sam. 12:7-14) Eshi hatu lesha nokudilonga kehokololo olo, ohatu dulu okulipula kutya: ‘Ongahelipi ohamba David ya li tai dulu okuhenuka oilanduliko inyikifa oluhodi omolwokuhaela naBatseba? Ngeenge onda shakeneke eyeleko la tya ngaho, mbela ohandi dulu ngoo oku li finda? Mbela ohandi ka ya onhapo ngaashi Josef, ile ohandi ke liyandja ngaashi David?’ (Gen. 39:11-15) Ohatu dulu okukala tu ‘tonde osho shii’ ngeenge otwa kala hatu diladila koilanduliko ii youlunde.”
Omamona opamhepo
it-1-E 590 ¶1
David
Jehova okwa li e va mona nokwa li a holola enyono lavo. Ngeno Jehova okwa li a efa David naBatseba va pangulwe kovapanguli vopanhu koshi yOmhango yaMoses, ngeno aveshe ova dipawa, mwa kwatelwa okaana oko ka li medimo laBatseba. (Deut 5:18; 22:22) Ashike Jehova okwa li a ungaunga navo ye mwene nokwa li a ulikila David onghenda, omolwehangano lOuhamba olo va li va ninga (2Sam 7:11-16), nomolwaashi David naye okwa li a ulika onghenda (1Sam 24:4-7; yelekanifa Jak 2:13), na Jehova okwa li a didilika kutya ova li ve livela ombedi. (Eps 51:1-4) Ashike nande ongaho, ova li va mona oilanduliko. Okupitila momuprofeti Natan, Jehova okwa popya a ti: “Tala, omeumbo loye Ame ohandi ke ku etela oshiponga.” — 2Sam 12:1-12.
20-26 JUNI
OMAMONA OMEENDJOVO DAKALUNGA | 2 SAMUEL 13-14
“Okulihola mwene kwaAmnon okwa li kwa etifa oupyakadi”
it-1-E 32
Absalom
Omudipai waAmnon. Molwaashi omumwainakadona waAbsalom, Tamar, okwa li muwa, osho osha ningifa omumwainamati waAbsalom, Amnon, a kale e mu hokwa. Amnon okwa li e livelifa, opo nee ta tumu Tamar e mu etele oikulya keumbo laye, ndele te mu kwata onghonga. Amnon ka li vali a hokwa Tamar, onghee okwe mu taataa mo meumbo laye. Absalom okwa li a shakena naTamar ta pombaula oikutu yaye, oyo ya li hai mu didilikifa mo e li okamonakadonaelela kohamba, e kwete omute komutwe waye. Absalom okwa li ta fekele Amnon, molwaashi okwa li e shii kutya Amnon okwa hokwa Tamar. Absalom okwa li a lombwela omumwainakadona aha popye sha, ndele te mu kufa po a ka kale naye meumbo laye. — 2Sam 13:1-20.
Kulika elipangelo
MOmbiibeli omu noihopaenenwa yelondwelo yaavo va li vehe nelipangelo li na sha nekwatafano lopamilele. Oya ulika yo oilanduliko inyikifa oluhodi oyo hai dulu okweetwa kokuhenelipangelo. Ngeenge ope na umwe oo a taalela onghalo ya fa yaKim, oshiwa okudilonga kehokololo lomunyasha oo a popiwa mOmayeletumbulo etukulwa 7. Diladila yo keenghatu odo Amnon a li a katuka nokoilanduliko inyanyalifi oyo a li a mona. (2 Sam. 13:1, 2, 10-15, 28-32) Ngeenge tashi uya pokukala nekwatafano lopaihole, ovadali otava dulu okukwafela ounona vavo va kale ve nelipangelo nounongo mokukundafana navo pefimbo lelongelokalunga loukwaneumbo oihopaenenwa yopaMbiibeli oyo ya tumbulwa metetekelo.
it-1-E 33 ¶1
Absalom
Konima yomido mbali. Eshi efimbo lekululo leedi la fika, Absalom okwa li a longekida oshivilo muBaal-Hasor, osho sha li eekilometa 22 kouningininolukadi waJerusalem, nokwa shiva ko ovanamati aveshe vohamba David naDavid ye mwene. Konima eshi xe a anya okuya koshivilo osho, Absalom okwa li e mu pula a tume ko oshiveli shaye, Amnon, ponhele yaye. (Omayel 10:18) Poshivilo osho, eshi omutima waAmnon wa li “wa hafifwa komaviinyu,” Absalom okwa li a tuma ovapiya vaye, opo ve mu dipae. Ovana ovamati vamwe ova shuna kuJerusalem, ndele Absalom okwa ya moukwatwa pamwe naxekulu Omusiria mouhamba waGesur koushilo wefuta laGalilea. (2Sam 13:23-38) “Eongamukonda” olo la popiwa komuprofeti Natan ola ya “mepata” laDavid na omo tali kala fiyo alushe. — 2Sam 12:10.
Omamona opamhepo
g04-E 12/22 8-9
Ouwa oo wa fimana
Diladila kombinga yaAbsalom, umwe womovanamati vaDavid. Absalom okwa li e na eenghedi dii nonande okwa li e na eholokepo liwa lokombada. Ombiibeli oya popya kombinga yaye ya ti: “Ndele muIsrael ashishe inamu kala omulumenhu nande umwe e nondjelo iwa nomutangwa ngaashi Absalom. Okudja koshififinwa fiyo opokati komutwe waye kamu nombudi yasha.” (2 Samuel 14:25) Absalom okwa li a tukulila xe oshibofa nokwa nyeka ko eenghonopangelo daxe. Okwa li nokuli a nangala novakulukadi vaxe vopomunghulo. Oshidjemo, Absalom okwa li a mona oixuna nokwa fya efyo linyanyalifa. — 2 Samuel 15:10-14; 16:13-22; 17:14; 18:9, 15.
Mbela ou udite wa nanenwa popepi naAbsalom? Hasho nandenande. Ka li omunhu muwa. Nonande okwa li e na eholokepo liwa lokombada okwa li e na ounhwa, ka li omudiinini nokasha li she mu imba a fye. Kakele kaasho, mOmbiibeli omu na oihopaenenwa ihapu yaavo va li ve na eendunge, ovanhu vawa ovo inava popiwa kombinga yeholokepo lavo lokombada. Osho sha li sha fimana unene ouwa wavo wokomutima.
27 JUNI–3 JULI
OMAMONA OMEENDJOVO DAKALUNGA | 2 SAMUEL 15-17
“Absalom okwa li a tukula ounashibofa molwaashi okwa li e na ounhwa”
it-1-E 860
Ovatetekeli
Osha li onghedindjikilile yokoushilo, opo ovalotoki va tetekele komesho yetemba nova shiivife okuuya kohamba noku i kwafela. (1Sam 8:11) Omolwounashibofa waAbsalom naAdonia ova li va ninga oshinima sha faafana, eshi va pitifa ovalumenhu 50 komesho yomatemba avo. — 2Sam 15:1; 1Eeh 1:5; tala mo-Insight RUNNERS.
Longela Kalunga oo e li odjo yemanguluko
MOmbibeli omu na oihopaenenwa ihapu i na sha naavo va li va nwefa mo nai vakwao. Shimwe shomoihopaenenwa oyo oshaAbsalom, omonamati wohamba David. Absalom okwa li e na ondjelo iwa. Ndele ngaashi Satana, naye mokweendela ko kwefimbo okwa li a kulika omahalo mai momutima waye; a li a hala okuninga ohamba ponhele yaxe nonande ka li e na oufembanghenda wokuninga ohamba. Absalom okwa li a kendabala okukufa xe ouhamba mokuliningifa a fa e na ko nasha neenghono nOvaisrael vakwao noku va lombwela oipupulu kutya ohamba oyo tai pangele kai na ko nasha navo. Ngaashi naanaa Ondiaboli ya li ya ninga moshikunino shaEden, Absalom naye okwa li a ningifa ovanhu va diladile kutya oku na ko nasha navo nokwa li yo a popya oipupulu inyanyalifa kombinga yaxe. — 2 Sam. 15:1-5.
it-1-E 1083-1084
Hebron
Konima yomido donhumba omonamati waDavid, Absalom, okwa shuna kuHebron noko a li a kufila ko eenghonopangelo daxe. (2Sam 15:7-10) Okwa hoolola oku ka pangela kuHebron, molwaashi oshi li oshilando sha kula muJuda. Lwanima, omutekulu waDavid, ohamba Rehobeam, okwa tungulula Hebron. (2Omaf 11:5-10) Konima eshi Juda a findwa kOvababilon, naashi Ovajuda va aluka moukwatwa, vamwe vomOvajuda ova ka tungila muHebron. (Kiriath-arba). — Neh 11:25.
Omamona opamhepo
Mbela ou na ngoo ouyelele u li mondjila?
Otashi dulika nafye pauhandimwe tu ningilwe okuhenouyuki omolwoushili inau lixwa oo u li apeshe. Diladila koshihopaenenwa shohamba David nosho yo shaMefiboset. David okwa li a ulikila Mefiboset onghenda eshi e mu shunifila nehalo liwa omapya oo a li nale a xekulu Saul. (2 Sam. 9:6, 7) Ashike lwanima, David okwa ka uda ouyelele wa puka kombinga yaMefiboset. David okwa li a kufa Mefiboset oinima yaye aishe nopehe na okukonakona ouyelele oo ngeenge owoshili. (2 Sam. 16:1-4) Lwanima eshi David a popya naMefiboset, okwa li a mona kutya okwa ninga epuko nokwa li e mu shunifila vali oinima yaye. (2 Sam. 19:24-29) Ngeno David okwa shilipalekele kutya osho a uda oshoshili, ngeno ina katukila Mefiboset onghatu meendelelo shihe li pauyuki.