OSHITWA 11

Okupopya nexwamo

Ovaroma 12:11

ENGONGO: Ngeenge oto popi nexwamo, ovapwilikini voye otava ka kala va hokwa osho to popi.

Oshikundafanwa nashi kume omutima woye. Eshi to lilongekidile oshipopiwa shoye, diladila moule nghee etumwalaka loye la fimana. Kala u shii oshikundafanwa shoye opo u dule okupopya tashi di komutima.
Diladila kovapwilikini voye. Dilonga kunghee ouyelele oo to ka yandja tau ka etela ovapwilikini voye ouwa. Diladila keenghedi odo to ka longifa eshi to yandje oshipopiwa opo shi kwafele ovapwilikini va pandule ouyelele oo.
Oshipopiwa shoye nashi kale sha mwenyopala. Shi yandja nexwamo. Longifa omaudi nosho yo omalinyengo okoshipala opo u ulike nghee u udite.

Lungama uha kenyananeke ovapwilikini voye mokukala ashike to longifa eudi limwe alike. Omaudi oye naa kale taa ti sha. Popya nexwamo eshi to popi oitwa oyo ya fimana nosho yo eshi to ladipike ovapwilikini va katuke onghatu. Lungama uha kale wa xwama unene eshi to yandje oshipopiwa shoye opo uha lolokife ovapwilikini.