Mbela oho longifa ngoo oipalanyole oyo i li moshikalimo shOshungonangelo?

Ngeenge ovanhu tava kufa oifo, luhapu ohava tale koipalanyole oyo i li moshikalimo, opo nee tava penuna pomapandja onhumba oshifo. Oipalanyole oyo i li moshikalimo shOshungonangelo oi na omapulo nomautumbulilo mahapu taa pendula ohokwe yomunhu nopa ulikwa omapandja kutya ouyelele oo otau hangwa peni moshifo.

Ohatu dulu okulongifa omapulo nomautumbulilo oo e li moshikalimo opo tu dule okuhovela eenghundafana noupu. Ngeenge ohatu longo moshitukulwa osho hashi longwa luhapu, ohatu dulu okulongifa omatwalemo e lili noku lili mokupula omapulo a yoolokafana momukokomoko womwedi. Ngeenge omuneumbo okwe lipyakidila, ohatu dulu okulongifa etwalemo li li pauxupi moku mu ulikila shimwe shomoipalanyole oyo i li moshikalimo ndele hatu ti: “Ngeenge owa hala okumona ouyelele u na sha naasho, ohandi dulu oku ku fiila oshifo eshi, opo nee handi ka aluka fiku limwe tu uye tu kundafane ngeenge u na efimbo.” Ovaudifi vamwe otashi dulika va hovele eenghundafana mokuulikila omunhu omusholondodo woipalanyole ndele tave mu pula a hoolole po osho a hokwa. Opo nee, otava dulu oku mu ulikila opo pe na ouyelele oo noku mu leshela omushangwa oo va diladila komesho yefimbo. Otashi dulika to dulu okudiladila po eenghedi dimwe vali omo to dulu okulongifa oipalanyole oyo i li moshikalimo opo u hokwife omunhu a kufe po Oshungonangelo.