Osho to dulu okutya ngeenge to yandje oifo

Oshungonangelo 1 Novemba

“Ovanyasha ova taalela shili omashongo mahapu kunena, ndele mbela oshike tashi ke va kwafela va dule okuungaunga nao? [Teelela omunhu a nyamukule. Opo nee lesha Epsalme 119:9.] Oshifo eshi otashi ulike nghee Eendjovo daKalunga tadi dulu okukwafela ovanyasha va pondole monghalamwenyo yavo.” Ulikila omunhu oshitukulwa osho sha hovela pepandja 12.

Awake! Novemba

Lesha 2 Timoteus 3:16. Opo nee tya: “Mbela owa dimina kutya otu na okukala twa itavela keshe osho Ombibeli tai ti? [Teelela omunhu a nyamukule.] Oshitukulwa eshi otashi kundafana shi na sha nongeenge ovalafululi voikulunima novanandjokonona vomounyuni ova twa ngoo kumwe naasho Ombibeli ya popya shi na sha naEgipti shonale.” Ulikila omunhu oshitukulwa osho sha hovela pepandja 15.

Oshungonangelo 1 Desemba

“Atusheni otwa hala okukala twa wanenwa. Ndele mbela oto diladila kutya otwa pumbwa okukala tu na oimaliwa ihapu opo tu kale twa wanenwa? [Teelela omunhu a nyamukule.] Omushangi umwe wOmbibeli okwa li e lihonga okukala a wanenwa nongeenge a li e na oiniwe inini. [Lesha Ovafilippi 4:11, 12.]” Oshifo eshi osha kundafana oinima itano oyo tai hangwa mOmbibeli oyo tai dulu okukwafela omunhu a kale a wanenwa.

Awake! Desemba

“Mbela ope na ngoo efiku we lipulile kutya omolwashike Okrismesa hai danwa mo 25 Desemba nonande Ombibeli inai tumbula kutya Jesus okwa dalwa naini? [Teelela omunhu a nyamukule.] Omushangwa ou otau ulike kutya Jesus ka li a dalwa pokufu. [Lesha Lukas 2:8.]” Oshifo eshi otashi kundafana kombinga youdilo weenghulunghedi dimwe dOkrismesa odo da tambulwa ko apeshe.