Oihopaenenwa yomatwalemo

Eetepo li na sha nokuhovela omakonakombibeli mOlomakaya lotete laAprili

“Ovanhu vahapu ove udite kutya Ondiaboli oyo tai xwaxwameke owii oo u li mounyuni. Ashike otave lipula kutya: ‘Mbela Ondiaboli oya dja peni? Mbela Kalunga oye e i shita?’ Ove oto diladila ngahelipi? [Teelela omunhu a nyamukule.] Didilika eshi sha shangwa apa.” Ulikila omuneumbo oshitukulwa osho shi li kombada yOshungonangelo yaMarsa-Aprili, ndele tamu kundafana okatendo kotete nokulesha omushangwa oo wa etwa po. Opo nee mu pa oshifo nokuninga elongekido u aluke mu uye mu kundafane epulo la landula ko.

Oshungonangelo Marsa–Aprili

“Ovanhu vahapu ova itavela kutya ngeenge omunhu okwa fi, okwa xula po filufilu nokatu na vali efiku tu ke mu mone. Mbela ove oto diladila ngahelipi? [Teelela omunhu a nyamukule.] Onda hala ndi ku ulikile nghee Kalunga a tala ko oonakufya. [Lesha Mateus 22:31, 32.] Otu na oushili kutya elalakano laKalunga lokunyumuna oonakufya otali ka wanifwa po shili molwaashi okwe va tala ko va fa ve na omwenyo. Oshitukulwa osho shi li pepandja 7 loshifo eshi osha kundafana moule kombinga yelalakano laKalunga li na sha nokunyumuna oonakufya.”

Awake! April

“Elongifo leenghono moukwaneumbo oli li oupyakadi oo u li mounyuni aushe. Vamwe ohava ti osheetifi shomaupyakadi eputuko lomunhu, onakudiwa yaye nosho yo omalihafifo e na sha nelongifo leenghono. Mbela ove oto diladila kutya oshike lelalela hashi etifa elongifo leenghono moukwaneumbo? [Teelela omunhu a nyamukule.] Ombibeli otai ulike kutya omushamane nomukulukadi ove na okukala ve na ekwafano la tya ngahelipi. [Lesha Ovaefeso 5:33.] Oshifo eshi otashi kundafana shi na sha nanghee vamwe va dula okuungaunga nomupondo nomaupyakadi meehombo davo mokutula moilonga omafinamhango Ombibeli.”