Ito dulu mbela okushiva vamwe va longe pamwe naave?

Momaongalo mahapu omu na ovaudifi ovo ihava kufa ombinga pandjikilile moukalele omolwokuhenoukolele ile molwoukulupe. (2 Kor. 4:16) Mbela ito dulu okushiva omuudifi oo e li monghalo ya tya ngaho opo mu ye pamwe naye komukonakoni woye? Ngeenge omuudifi a tya ngaho iha dulu okudja mo meumbo, mbela ito dulu okuya kuye pamwe nomukonakoni woye mu ka konakonene keumbo lomuudifi oo? Mbela ito dulu okukala ho i omalupita pamwe nomuudifi a tya ngaho moukalele weumbo neumbo, ndele tamu longo pamwe naye omaumbo ashike manini ile mu ye kelishuneko limwe ile avali? Ovaudifi vahapu ovanamido ove na owino muhapu moukalele. Osho otashi ka twa omukumo ovaudifi ovo. Kakele kaasho, naave oto ka mona ouwa muhapu. (Rom. 1:12) Navali, Jehova ote ke ku nangeka noupuna eshi to ulike ohole monghedi ya tya ngaho. — Omayel. 19:17; 1 Joh. 3:17, 18.