Yandja oileshomwa yopaMbiibeli noukeka

Jesus okwa ti: “Onye mwa tambula oshali, yandjeni yo oshali.” (Mat 10:8) Ohatu dulika kelombwelo la yela lokuhapula ovanhu ofuto eshi hatu va pe Eembiibeli ile oileshomwa yetu. (2Kor 2:17) Kakele kaasho, oileshomwa oyo oi na oshili yondilo ya dja mEendjovo daKalunga. Ohashi pula eenghendabala noimaliwa ihapu ngeenge oileshomwa oyo tai nyanyangidwa nokutuminwa komaongalo mounyuni aushe. Onghee hano, natu kufe ashike oileshomwa oyo twa pumbwa.

Longifa eendunge dokuyoolola ngeenge to yandje oileshomwa kuvamwe, nokuli nonande oto yandje oundombwedi wohangelela. (Mat 7:6) Ponhele yokuyandja oileshomwa kukeshe oo ta ende po, ninga eenghendabala mu hovele eenghundafana opo u pendule ohokwe yaye. Ngeenge omunhu okwa longela kushimwe shomoitwa oyo i li mokamhungu, oto dulu oku mu pa oshileshomwa. Ngeenge ku wete naanaa ohokwe momunhu oo, oshiwa oku mu pa okafo. Ngeenge okwa pula oshifo ile shimwe shomoishangomwa yetu, inatu ongaonga oku shi mu pa. — Omayel 3:27, 28.