OSHITWA 15

Okupopya to ulike kutya owa tomhwa

1 Ovatessaloniki 1:5

ENGONGO: Ulika kutya osho to popi oshoshili nowe shi itavela nonokutya osha fimana.

Lilongekida nawanawa. Konakona oshikundafanwa moule fiyo osheshi wa uda ko nghee sha pambafana nOmbiibeli. Kendabala okupopya oitwa oyo ya fimana noitya i li paunafangwa. Yandja elitulemo kunghee oshipopiwa osho tashi ka kwafela ovapwilikini voye. Ilikana u pewe omhepo iyapuki.

Liendifa po to popi mokule eshi to lilongekida oshipopiwa shoye opo u kale u shi shii nawa nou ke shi yandje monghedi ya mwenyopala.
Longifa oitya oyo tai dulu okutomha ovapwilikini. Ponhele yokweendulula osho sha shangwa moshishangomwa, longifa oitya yoye mwene. Popya monghedi oyo tai ulike kutya owa tomhwa kwaasho to popi.
Popya nondjungu notashi di komutima. Popya nondaka ya yeleka. Nonande otashi dulika shi kale shidjuu, kendabala okukala to popi to tale kovapwilikini voye.

Kaleka momadiladilo kutya okupopya to ulike kutya owa tomhwa itashi ti okukala uhe na ko nasha, ile u na ounhwa, ile to findile vamwe kongudi. Nonande oto popi nondjungu, shi ninga monghedi yopahole.