OSHITWA 12

Okupopya nohamu nosho yo nonghenda

1 Ovatessaloniki 2:7, 8

ENGONGO: Eshi to popi, ulikila ovapwilikini voye kutya ou na ko nasha navo nonokutya owa hala oku va kwafela.

Diladila kombinga yovapwilikini voye. Diladila komaupyakadi oo a taalelwa kovapwilikini voye, ove to faneke momadiladilo oye nghee ve udite.
Hoolola eendjovo doye noukeka. Elalakano loye nali kale okutulumukifa, okuhekeleka nokupameka ovapwilikini. Henuka okupopya oinima oyo tai va udifa nai, noino popila mowii ovanhu ovo inava itavela muKalunga ile oinima oyo va itavela.
Ulika kutya ou na ohokwe movapwilikini voye. Oto ka ulika kutya ou na ko nasha shili novapwilikini voye ngeenge oho popi newi longhenda nokulongifa omaudi taa wapalele. Lungamena omaudi oye okoshipala, nokukala to limemesha efimbo nefimbo.

Ino likondjifa u ulike omaliudo ile u a ulike monghedi ya pitilila. Ulika omaliudo eshi to lesha, ashike lungama uha yukife elitulemo kwoove mwene. Eshi to yandje oshipopiwa, kendabala okupopya nonghenda nomonghedi yopahole.