Apriili

Aliasuutigisan­nik ajor­nar­torsiuteqar­pit? Im­maqa up­peqativit ilaata ajual­latsip­paatit. (Jaak 3:2) Im­maqaluun­niit suleqativit atuaqativil­luun­niit Nalunaajaasuunerit pis­sutigalugu il­laruaatigaatsit. (1 Petr 4:3, 4) Aam­ma imaas­sin­naavoq ilaqut­tavit ilaata oqaluus­sisarun­naarsin­niarlutil­lu ataatsimiigiar­tarun­naarsin­niarsarigaatit. (Matt 10:35, 36) Ajor­nar­torsiutin­nit ar­torsin­neqar­tutut misigiguit im­maqa Jehovamut kif­far­torun­naarusulis­saatit. Qularutigis­san­ngilal­li qanorluun­niit ajor­nar­torsioraluaruit Jehovap ilisimas­suseqar­til­lutil­lu piner­tusaar­nis­san­nut nukis­saqar­tis­sagaatit. Inuit naam­mal­luin­nan­ngitsut ajor­nar­torsior­til­lutik piner­tusaarsimaneran­nik oqalut­tuat Jehovap Biibilimi al­laatigitip­pai. Sooq? Apustilip Paulusip isumas­sarsisin­neqarluni al­laatigisaatut ilin­niarfiginias­sagatsigit. Oqalut­tuat taak­ku atuar­tarutsigit tup­pal­lersaatigalugil­lu neriuuteqalis­sutigisin­naavagut. Biibilimil­li atuar­tar­neq naam­man­ngilaq. Atuak­kagut eq­qarsar­taatsitsin­nut uum­matitsin­nul­lu sun­niuteqar­tit­tariaqar­pagut. w21.03 14 § 1-2

Inuit oqaluus­sif­figisar­tak­kan­niit­tut karritut katersor­neqariaan­naasutut isigaagit? Taamaap­pat uku pingasut misigis­savatit: Siul­ler­tut, ilungersor­nerul­lutit oqaluus­sis­saatit. Katersuif­fik kil­leqar­tar­poq; tas­sa nukingin­nar­poq. Aap­paat­tut, nutaarsias­saq nuan­nersoq ilas­sineqaraangat nuan­naar­tas­saatit. Biibilimimi ima al­las­simavoq: “Tipaatsus­sap­put katersuif­fim­mi.” (Es 9:2) Pingajuat­tut, inuit ajoqersugan­ngorsin­naasorigak­kit taak­kua soqutigisaan­nut aal­lar­niutit naleq­qus­sar­tas­savat. Ajoqersuk­kat ilaat isumaqarsimasin­naap­put Samariamiut Jiisusimut ajoqersugan­ngorsin­naan­ngitsut. Jiisusili taamatut eq­qarsan­ngilaq, ajoqersugan­ngorsin­naasorai. Aam­ma uagut inuit oqaluus­sif­figisar­tak­katsin­niit­tut Kristusimut ajoqersugan­ngorsin­naasorisariaqar­pavut. Tamatumun­nga tun­ngatil­lugu apustili Paulusi maligas­saal­luar­poq. Taan­na oqaluus­sif­figisami up­perisaat soqutigisaal­lu pil­lugit paasiniaasar­poq Jiisusimul­lu ajoqersugan­ngorsin­naasorin­nil­luni. w20.04 8-9 § 3-4

Inoqatit­ta iliuusaan­nik isor­nar­torsiuinata qanoq misiginersut paasiniar­tarutsigu pitsaanerus­saaq. Jehovap kisimi tamak­kiisumik paasisin­naavaatigut. Taamaat­tumik taas­sumatut isigin­nit­taaseqaleq­qul­lutit qinunik­kut ikioq­qusarit. Aam­ma qanoq misigin­neqataanermik ersersitsisin­naanerlutit paasiumal­lugu taas­sumun­nga ikioq­qusarit. Qatan­ngutitsin­nut tamanut misigin­neqataasariaqar­pugut. Tamarmik Jonap, Eliap, Hagarip Lotil­lu ajor­nar­torsiorsimanerat­tut ajor­nar­torsior­tar­put, al­laat ilaatigut nam­min­neq pisuus­sutigisamin­nik. Tamat­tami nam­mineq pisuus­sutigisatsin­nik ajor­nar­torsior­nikuuvugut. Taamaat­tumik ‘misigin­neqataasar­nis­satsin­nik’ Jehovap piumasaqar­nera pis­susis­samisoor­poq. (1 Petr 3:8) Inut­tut as­sigiin­ngik­kaluaqaluta Jehovap naalan­neratigut nunarsuaq tamak­kerlugu anersaak­kut ilaqutariin­nitsin­ni tupin­naqisumi ataasioqatigiin­ner­put nakus­satsis­savar­put. Taman­na pil­lugu qanor­toq qatan­ngutitsin­nik tusar­naarluar­tarlutalu ilisarisiman­nilerlutalu misigin­neqataanis­sar­put aalajangiusimatigu. w20.04 18-19 § 15-17

Jehovamut naalan­nermut tun­ngatil­lugu Jiisusi maligas­saal­luar­ner­paavoq. Jehovamut naalak­kumal­luta Jiisusi sapin­ngisamik ilaar­tariaqar­par­put. (Joh 8:29) Sal­lusuis­sum­miit­tuarumal­luta qularin­ngil­luin­nar­tariaqar­par­put Jehova Guutiusoq sal­lusuitsoq, oqaasiilu Biibilimiit­tut tamarmik ilumoor­tuusut. Aam­ma qularin­ngit­tariaqar­par­put Jiisusi tas­saasoq Mis­siarsi neriorsuutigisaq. Guutip naalagaaf­fiani Jiisusip kun­ngiusus­satut tanitaasimanera inup­pas­suit ul­lumik­kut qularutigisar­paat. Johan­nesip mianersoq­qus­sutigaa ‘peq­quserlut­tut amerlasuut’ Jehova Jiisusilu pil­lugit sal­lusuis­sum­mik aalajangius­sisiman­ngitsunik tam­mar­titsiumaar­tut. (2 Joh 7-11) Johan­nesi ima al­lap­poq: “Sal­lutuujusoq kinaava, taan­naan­ngik­kuni Jiisusip Kristusiuneranik miserratigin­nit­toq?” (1 Joh 2:22) Uukapaatin­neqas­san­ngik­kut­ta Guutip oqaasia atuaq­qis­saar­tariaqar­par­put. Taamaalior­nitsigut Jiisusi Jehovalu aatsaat ilisimalersin­naavavut. (Joh 17:3) Taava sal­lusuis­sum­miil­luta qulak­kiis­savar­put. w20.07 21 § 4-5

Ajor­nan­ngik­kaangat qatan­ngutit­ta piumasaat uagut piumasatsin­nit pingaar­nerutit­tar­nerisigut taak­kunun­nga ‘naak­kius­sutaanaveersaarsin­naavugut’. (Rom 14:19-21; 1 Kor 8:9, 13) Tamatumuuna ar­paliutivin­nermi ar­paqataasut as­sigin­ngilavut. Taak­kuami im­min­nut unam­mip­put nam­minerlu ajugaanis­sar­tik pingaar­tin­ner­paal­lugu. Nam­mineq iluaqutis­sar­tik eq­qarsaatiginerugamik­ku ar­paqatitik sakat­tarlugit siul­lin­ngor­niarsarisar­put. Uagul­li im­mitsin­nut unam­min­ngilagut. (Gal 5:26; 6:4) Sapin­ngisamik inuit amerlaner­paat naas­saan­ngitsumik inuusin­naaler­nis­saan­nik ikior­neqar­nis­saat anguniagaraar­put. Taamaat­tumik siun­nersuut una maleruar­niar­tar­par­put: “Tamas­si im­mik­kut nam­mineq iluaqutis­sarsi pin­nagu inoqatis­sis­saaq iluaqutis­saat isumagisiuk.” (Fil 2:4) Inuunivim­mut ar­paliun­nermi apuut­tunut akis­sarsias­saq Jehovap asan­nil­luni neriorsuutigaa tas­sa qilam­mi nunamiluun­niit inuuneq naas­saan­ngitsoq. w20.04 28 § 10; 29 § 12

Kristumiut mil­lionilik­kuutaat “an­nikil­lior­titaangaar­nermit aniguisimasut” paratiisimiilis­sap­put. Nunarsuarmi aniguisut takus­savaat toqup ajugaaf­figineqar­nera al­la – tas­sa sior­natigut toqusimasut mil­liardilik­kuutaat makititaanerat. Nuan­nerunangaas­susia! (ApS 24:15) Jehovamut ilumoorfigin­nit­tuarsimasut tamarmik aam­ma toqu kingor­nut­tagaq ajugaaf­figis­savaat. Naas­saangitsumik inuusin­naalis­sap­put. Kristumiut maan­na inuusut tamarmik makititaaneq pil­lugu Paulusip Korinthimiunut al­latai tup­pal­ler­nar­tut qujamasuutigisariaqar­paat. Paulusip kajumis­saarutaata matuma naalan­nis­saanut pis­sutis­saqarluar­pugut: “Tamaviaarlusi Naalagaq kif­far­tuus­siuk.” (1 Kor 15:58) Ilumoorfigin­nil­luta sapin­ngisatsin­nil­lu kif­far­torut­ta nuan­ningaar­tumik siunis­saqas­saagut. Siunis­saq taman­na maan­na takorloorsin­naasatsin­nit nuan­ner­nerungaas­saaq. Taamanik­kus­samut nalus­san­ngilar­put Naalak­kamut tun­ngatil­lugu suliar­put asuliin­naan­ngitsoq. w20.12 13 § 16-17

Imaas­sin­naavoq Ezekieli 38:10-23; Dan 2:43-45; 11:44 – 12:1 aam­ma Saq­qum­mersitat 16:13-16, 21-milu al­las­simasut tamarmik tas­saasut pif­fis­sami kil­lilim­mi pisus­sat ataqatigiit­tut. Taamaap­pat siunis­sami pisus­sat tul­liut­tut imaas­sagunar­put. An­nikil­lior­nar­tus­sarsuup aal­lar­tin­nerata kingor­na ‘silarsuarmi tamarmi kun­ngit’ iligiilis­sap­put. (Saqq 16:13, 14) Iligiit taak­ku Biibilimi ‘Gogitut nunami Magogimi nunaqar­tutut’ taaneqar­put. (Ez 38:2) Naalagaaf­fiit iligiit taak­ku Guutip in­nut­taanik nungusaaniarlutik naggataamik saas­sus­sis­sap­put. Pif­fis­saq taman­na pil­lugu siulit­tuum­mi apustili Johan­nesi oqar­poq Guutip akerai nataq­qor­narsuar­nik nak­kaaf­figineqarumaar­tut. Nataq­qor­nat taak­ku Jehovap in­nut­taasa eq­qar­tuus­sum­mik tusarlius­saan­nut as­sersuutaasin­naap­put. Im­maqa tusarlius­saq taman­na kamas­sutigalugu Gogi Magogimeersoq Guutip in­nut­taanik nungusaaniarluni saas­sus­sis­saaq. – Saqq 16:21. w20.05 15 § 13-14

Guutip nukinga sulisoq tunis­sutaavoq pingaar­titas­sar­put. Anersaaq il­ler­nar­toq qujamasuutiginerulersin­naavar­put taan­na aq­qutigalugu nalitsin­ni angusimasat eq­qarsaatigisar­nerisigut. Jiisusip qilalian­ngin­nermini ajoqersuk­kani ima oqarfigai: ‘Anersaap il­ler­nar­tup tikip­pasi pis­satsitaajumaar­pusi, nalunaajaasigis­savas­silu nunarsuup isua tikil­lugu al­laat.’ (ApS 1:8) Anersaaq il­ler­nar­toq iluaqutigalugu nunarsuaq tamak­kerlugu inuit 8,5 mil­lionit mis­saan­niit­tut Jehovamik pal­lorfigin­nit­tun­ngorsimap­put. Aam­ma ataasioqatigiil­luta eq­qis­seqatigiip­pugut Guutip anersaava iluaqutigalugu pis­suserisas­sat ajun­ngitsut ineriar­tor­tik­katsigit, soorlu asan­nin­neq, nuan­naar­neq, eq­qis­sineq, kamajasuun­ngin­neq, inus­siar­nisaar­neq, ajun­ngitsuuneq, up­per­neq, saamaneq aam­ma im­minut naalak­kersin­naaneq. Pis­suserisas­sat taak­ku ‘anersaap inerititaanik’ taaneqar­tar­put. (Gal 5:22, 23, NW) Aap, anersaaq il­ler­nar­toq tunis­sutaavoq naleqangaar­toq! w20.05 28 § 10; 29 § 13

Arlalin­nik pis­sutis­saqarluta ilimagisin­naavar­put makititaasut asasatik ilisarisin­naajumaaraat. As­sersuutigalugu, Jehovap inun­nik itsaq makititsisimanera eq­qarsaatigigutsigu ilimagisin­naavar­put inuit toqun­ngitsiar­neran­nisul­li isik­koqar­til­lugit pis­suseqar­til­lugil­lu pin­ngor­teq­qik­kumaarai. Eq­qaamajuk Jiisusip toqu sinin­nermut makititaanerlu iter­nermut as­sersuuk­kai. (Matt 9:18, 24; Joh 11:11-13) Inuit sinereerlutik iteraangamik isik­kuat, nipaat eq­qaamasaal­lu sinilin­ngin­neran­nisut it­tar­poq. Lazarusimik oqalut­tuaq eq­qarsaatigiuk. Ul­lut sisamat toqungareerluni timaa asiulereersimavoq. Taamaak­kaluar­toq Jiisusip makitim­magu qatan­ngutaasa ilisarivaat, Lazarusil­lu taak­kua eq­qaamavai. – Joh 11:38-44; 12:1, 2. w20.08 14 § 3; 16 § 8

Tanitat saval­lu al­lat Guutip isaani naligiip­put. Eqimat­tat arlaan­naal­luun­niit asanerun­ngilaa. Taman­na nalun­ngilar­put tanitat pisiariumal­lugit akiliutaanik, tas­sa er­nermi asasami inuuneranik, aam­ma savat al­lat pisiarim­magit. Eqimat­tat taak­ku as­sigiin­ngis­sutaat tas­saagin­nar­poq as­sigiin­ngitsunik neriuuteqar­nerat. Tamarmik Guutimut Kristusimul­lu aalajaat­tariaqar­put. (5 Mos 10:12) Eq­qaamajul­lu Guutip anersaava tamatsin­nut as­sigiim­mik sun­niuteqarsin­naasar­toq. Tas­sa Jehovap inuup pisariaqar­titaa naaper­torlugu anersaamik il­ler­nar­tumik tunisar­paa. Jehovap kif­fani tamaasa nuan­ningaar­tumik siunis­saqar­tip­pai. (Jer 29:11) Jiisusip toquneranik eq­qaaniaanermi naas­saan­ngitsumik inuusin­naaq­qul­luta Guutip Kristusil­lu iliuuserisimasaat pil­lugit un­nersiutigin­nin­nis­samut periarfis­saqar­pugut. Kristumiut ilumoor­tut ataatsimoor­tar­nerisa eq­qaaniaaneq pingaar­ner­paar­taraat. w21.01 18 § 16; 19 § 19

Eq­qaaniaanermi najuut­tar­tut amerlanersaat nunarsuarmi inuunis­samik neriugisaqar­put. Taavami sooq najuut­tar­pat? Katit­torsior­tunut as­sersuun­neqarsin­naap­put. Najuun­nermik­kut katerlaanut asan­nin­ner­tik ajun­ngitsumil­lu kis­saas­siner­tik ersersit­tar­paat. Taak­kunatul­li savat al­lat eq­qaaniaanermi najuut­tar­put Kristusimik tanitanil­lu asan­nin­ner­tik ajun­ngitsumil­lu kis­saas­siner­tik ersersik­kusuk­kamik­ku. Aam­ma najuut­tar­put Jiisusip pil­liutaanik qujamasuutigin­nin­ner­tik ersersik­kusuk­kamik­ku, pil­lium­mi taman­na pis­sutigalugu nunarsuarmi naas­saan­ngitsumik inuusin­naap­put. Savat al­lat eq­qaaniaanermi najuut­tar­neran­nut pis­sutaasoq pingaarutilik al­la tas­saavoq Jiisusip peq­qus­sutaa naalak­kusuk­kamik­ku. Naalak­kap un­nuk­korsior­titsinerani siul­ler­paami Jiisusip apustilini aalajaatsut ima oqarfigai: “Taamaalior­taritsi uanga eq­qaaniarlunga.” (1 Kor 11:23-26) Taamaat­tumik tanitat ilaan­nik nunarsuarmiit­toqar­til­lugu savat al­lat eq­qaaniaanermi najuut­tar­put. w21.01 17-18 § 13-14

Asan­nin­nivik iliuutsik­kut ersersin­neqar­tar­poq. (Naleq­qiuguk Jaaku 2:17, 26). Jehova uagutsin­nik asan­nit­tuusoq as­sersuutigeriar­tigu. (1 Joh 4:19) Asan­nin­nini ersersip­paa oqaatsini nuan­nersut Biibilimi al­las­simasut aq­qutigalugit. (Tuss 25:10; Rom 8:38, 39) Guutip oqaasii up­perigaluarlugit aam­mali iliuuseqarmat taas­sumin­nga asaneqar­ner­put up­peril­luin­nar­par­put. Jehovap er­nini asasani uagut pil­luta naal­liul­lunilu toqunis­saa akueraa. (Joh 3:16) Jehovamit asaneqar­ner­put qular­nan­ngil­luin­nar­poq! Jehovamik Jiisusimil­lu asan­nin­ner­put ersersit­tar­par­put taak­kua naalan­nerisigut. (Joh 14:15; 1 Joh 5:3) Jiisusil­lu peq­quaatigut asaqatigiis­sasugut. (Joh 13:34, 35) Qatan­ngutigut asanerarlugit oqarfigisariaqar­pagut, aam­mali iliuutsik­kut asan­nin­ner­put ersersit­tariaqar­par­put. – 1 Joh 3:18. w21.01 9 § 6; 10 § 8

Tanitat Jiisusip naas­saan­ngitsumik najuler­nis­saanik Guutil­lu naalagaaf­fiani kif­far­toqatiginis­saanik neriuuteqar­put. Taak­kua Kristusi takusin­naas­savaat, oqaloqatigisin­naas­savaat ilagisarlugulu. (Joh 14:2, 3) Al­lal­li nunarsuarmiin­nis­samin­nik neriuuteqar­tut aam­ma Jiisusimit asaneqarlutil­lu pingaar­tin­neqas­sap­put. Jiisusi takusin­naan­ngik­kaluarlugu ikin­ngutigil­luar­nerulis­savaat inuunerlu Jehovap Jiisusil­lu ajor­narun­naarsitaat nuan­naarutigalugu. (Es 9:5, 6) Jiisusimut ikin­ngutaalerut­ta pil­luaq­qusaangaas­saagut. As­sersuutigalugu asan­nin­nera tapersersuineralu maan­nangaaq misigisin­naavar­put naas­saan­ngitsumil­lu inuunis­samut periarfis­sin­neqarluta. Pil­luaq­qus­sutis­sarli an­ner­paaq tas­saavoq Jehovamik, Jiisusip Ataataanik, ikin­nguteqaler­neq. Ilumum­mi Jiisusimut ikin­ngutaaneq ataq­qinaataangaar­poq! w20.04 25 § 15-16

Apustili Paulusi kristumiunut tanitanut Korinthimiit­tunut qilam­mut makititaasus­sanut al­lap­poq. Kristumiut taak­ku ‘Kristusi-Jiisusik­kut il­ler­nar­titaap­put qaaq­qusaal­lutil­lu il­ler­nar­tuus­sal­lutik’. Paulusip aam­ma eq­qaavai ‘Kristusimi sinip­paar­tut’. (1 Kor 1:2; 15:18; 2 Kor 5:17) Al­lak­kamini isumas­sarsiarititaasuni al­lani Paulusi al­lap­poq ‘Kristusimut atal­luin­nalersimasut toquk­kut taas­suma toquatut it­tuk­kut’ aam­ma Kristusimut atal­luin­nalis­sasut “toqusunit makin­nik­kut taas­suma makin­neratut it­tuk­kut”. (Rom 6:3-5) Jiisusi anersaatut makititaam­mat qilaliarmal­lu kristumiut tanitat aam­ma anersaatut makititaal­lutil­lu qilalias­sap­put. Paulusi al­lap­poq ‘Kristusi toqusunit makis­simasoq sinip­paar­tuni inereq­qaar­tuul­luni’. (1 Kor 15:20) Jiisusi siul­lersaal­luni anersaatut toqun­ngisaan­nar­tus­satul­lu makititaavoq. w20.12 5-6 § 15-16

Tanitat nalitsin­ni nunarsuarmi inuunermin­nik naam­mas­sin­nit­tut ingerlaan­naq qilaliar­tin­neqas­sap­put. Taman­na up­per­narsar­neqar­poq Korinthimiunut al­lak­kani siul­ler­ni 15:51, 52-imilu. Kristusip qatan­ngutai makititaagunik nuan­naangaas­sap­put. “Imaalial­laan­naq” al­lan­ngor­titaasut, tas­sa qilaliar­titaasut, suleris­sanersut Biibilimi oqalut­tuarineqar­poq. Jiisusip ima oqarfigai: “Ajugaasoq aalajaal­lunilu ilis­sin­nut suliareq­qusan­nik naggatis­saq tikil­lugu isumagin­nit­toq taan­na inuiaqatigiin­nut naalagaas­suseqar­tik­kumaar­para. Taas­suma kun­ngisut tigumiani saviminiusoq atorlugu paaris­savai, im­mersak­katut marraasutut sequmisis­sal­lugit, soorlu taamaalior­nis­samut ataatama pigin­naaneqar­tik­kaanga.” – Saqq 2:26-28. w20.12 12 § 14-15

Apustilip Paulusip Jiisusi ‘inereq­qaar­tuuneraramiuk’ ersersip­paa al­lat kingusin­nerusuk­kut aam­ma qilam­mut makititaajumaar­tut. (1 Kor 15:18) Apustilit tanital­lu al­lat Jiisusip makititaaneratut makititaajumaar­put. Paulusi Korinthimiunut al­lam­mat tanitanik qilam­mut suli makititaasoqarsiman­ngilaq. Taman­na siunis­sami pis­sasoq Paulusip ersersip­paa. ‘Tamarmik tul­leriis­susis­sar­tik malis­savaat: Kristusi inereq­qaar­tuul­luni, tikiutereer­pal­lu tul­liul­lutik Kristusip pigisai.’ (1 Kor 15:23; 1 Th 4:15, 16) Ul­lumik­kut Kristusip ‘tikiutereer­nerani’, tas­sa najuun­nerani, inuuvugut. Aap, apustilit kristumiul­lu tanitat al­lat taamani toqusimasut qilam­mi akis­sarsias­sar­tik aatsaat Jiisusip najuun­nerani pivaat, taava Kristusimut atal­luin­naler­put “toqusunit makin­nik­kut taas­suma makin­neratut it­tuk­kut”. – Rom 6:5. w20.12 5 § 12; 6 § 16-17

Apustilip Paulusip pivaa inuk qilaliar­toq, tas­sa ‘timeqar­toq anersaap pianik’. (1 Kor 15:43,44) Jiisusi nunarsuarmiin­nermini uiniusumik timeqar­poq, makititaagamili “anersaan­ngor­poq uumas­suseqalersitsisoq” qilam­mul­lu uterluni. Taamatut­taaq tanitat anersaatut makititaap­put. Paulusi ima nas­suiaavoq: “Soorlu inuup nunamiit­tup as­singa uatsin­niis­simasoq, taamatut aam­ma qilam­miit­tup as­singa uatsin­niis­saaq.” (1 Kor 15:45-49) Pingaaruteqar­poq malugis­sal­lugu Jiisusi inut­tut timeqarluni makititaan­ngitsoq. Paulusip makititaaneq pil­lugu eq­qar­tuinermi naggataatungaani ima al­lap­poq: “Uin­ngup aal­lu Guutip naalagaaf­fia [qilam­mi] kingor­nus­sarsiarisin­naan­ngilaat.” (1 Kor 15:50) Apustilit tanital­lu al­lat qilam­mut makititaagunik uiniusumik aam­mil­lu aserujasumik timeqas­san­ngil­lat. w20.12 11 § 10-12

Kristumiut siuliit nalaan­ni Jiisusip ajoqersugaasa ilaasa Guutimit isumas­sarsisin­neqarlutik qilaliar­nis­samik neriuut al­laatigaat. Apustili Johan­nesi ima al­lap­poq: “Maan­na Guutip qitor­naraatigut, sulilu saq­qum­mersin­neqan­ngilaq qanoq iliumaar­tugut. Ilisimavar­pul­li taan­na saq­qum­mersin­neqar­pat taas­sumatut iliumaarluta.” (1 Joh 3:2) Tas­sa kristumiut tanitat qilam­mut anersaatut makititaagunik qanoq it­tun­ngorumaarlutik naluaat. Nalun­ngilaal­li akis­sarsisin­neqarunik Jehova takujumaarlugu. Qilam­mut makititaaneq tamak­kiisumik Biibilimi al­laatigineqan­ngilaq, apustilili Paulusi paasis­sutis­siivoq. Kristusip ‘pis­saaneq pigin­naatitaanerlu nakuus­suserlu tamaasa suujun­naarsip­pagit’ tanitat qilam­miis­sap­put. “Akeq­qani kingul­lersaal­luni toqu” aam­ma suujun­naarsin­neqas­saaq. Naggataatigul­lu Jiisusip – kun­ngioqatimilu – naalal­luni pis­saanini Jehovamut tun­niutis­savaa. (1 Kor 15:24-28) Pis­sanganas­susia! w20.12 8 § 2

Kristumiut aalajaatsut qilaliar­nis­samik neriuuteqan­ngitsut aam­ma makititaanis­samik neriuuteqar­put. Biibilimi al­las­simavoq qilaliar­tut “makin­nermi siul­lermi” makititaasut. (Saqq 20:6) Tamatuman­nga erser­poq qilaliar­tut saniatigut aam­ma al­lat makititaajumaar­tut. Taman­na Jobip siunis­samut neriuutaanut naaper­tuup­poq. (Job 14:13) “Kristusip pigisai” qilam­miis­sap­put taas­suma naalak­kersuisut oqar­tus­saas­susil­lil­lu inuit pilersitaat tamaasa suujun­naarsip­pagit. Aam­ma “akeq­qani kingul­lersaal­luni toqu suujun­naarsitaajumaar­poq”. Soorunami qilam­mut makititaasut toqumit sun­ner­neqas­san­ngil­lat. (1 Kor 15:23-26) Qilaliar­nis­samik neriugisaqan­ngitsut Paulusip ul­lormut al­las­simaf­fim­mi oqaasii neriuuteqalis­sutigaat. Soorunami iluaatsut, tas­sa naaper­tuil­luan­ngitsut, qilaliarsin­naan­ngil­lat, taamaat­tumik Paulusip oqaasii nunarsuarmi makititaanis­samut in­nersuus­sutaap­put. w20.12 6-7 § 18-19

Ima eq­qarsalersoorsin­naavugut: ‘Qanoq nalun­ngis­sin­naavara Jehovap ilagin­naan­narsiman­ngik­kaanga?’ Taamatut aperineq Jehovamit isumak­keerfigineqarsin­naanermut ersiutaavoq. Napasuliaq Alapernaarsuiffik-mi ima al­las­simasoqar­poq: “Imaas­sin­naavoq ileq­qupalaat pigiliutiin­narsimasavut pis­sutigalugit amerlasoor­pas­suariarluta naak­kiut­tar­tugut. Eq­qarsaqinak Jehovap isumak­keerfigisin­naan­ngisaanik ajor­tuliorsimal­lutit. Saatanip taamator­piaq eq­qarsar­tik­kusup­paatit. Isumatsaq­qanip­pit ersersip­paa ajun­ngitsuusutit Jehoval­lu isumak­keerfigisin­naagaatit. Maniguut­tuarit, aam­ma isumak­keerfigeq­qul­lutit ilerasuutaaruteq­qul­lutil­lu Guuti qin­nuigiuaruk. Apustili Paulusi kristumiun­ngun­ngik­kal­larami ingasat­tumik ajor­tulior­tarsimavoq. Paulusip tamak­kua eq­qaamavai. (1 Tim 1:12-15) Up­peraali uter­titsis­sut Guutip tunis­sutaa iluaqutigalugu ajor­timinik isumak­keerfigineqarsin­naal­luni. Taamaasil­luni im­minut ingasat­tumik eq­qar­tuutin­ngilaq, Jehovamul­li pitsaaner­paamik tun­nius­sinis­sani pingaar­ner­paatip­paa. w20.11 27 § 14; 29 § 17

Saatanip al­lar­pas­suar­tigut aam­ma us­ser­nar­torsior­tit­tar­paatigut. Qanoq qisuariar­tar­pugut? Tamak­ku taama ajor­tigin­ngin­neran­nik isum­mer­nis­saq ajor­nan­ngitsuararsuuvoq. As­sersuutigalugu eq­qarsarsin­naavugut: ‘Taamaalioruma ilaajun­naarsitaanavian­ngin­nama ajor­navian­ngilaq.’ Taamatut eq­qarsar­neq ajorluin­nar­tuuvoq. Im­minut ima aperigut­ta pitsaanerus­saaq: ‘Saatanip us­ser­nar­tut sak­koralugit uum­matiga marloqiusan­ngor­tin­niarsaraa? Pileris­susipalaat nak­kaan­narfigiguk­kit Jehovap aq­qa kan­ngunarsas­savara? Guutimut qanin­nerulis­sutigis­savara imaluun­niit ungasin­nerulis­sutigis­savara?’ Apeq­qutit taamaat­tut eq­qarsaatigeq­qis­saar­tak­kit. Un­neq­qaril­lutit akisin­naanias­sagak­kit ilisimas­suseq qin­nutigiuk. Taamaalior­neq il­lersuutaangaarsin­naavoq. Us­ser­nar­tunik itigar­titsil­luin­nar­nis­san­nut iluaqutigisin­naavat, soorlu Jiisusi taamaaliorsimasoq oqarluni: “Nigorit, Saatani!” (Matt 4:10) Eq­qaamajuk: Marloqiusamik uum­mateqar­neq ajor­tuuvoq. w20.06 12-13 § 16-17

Jehovap najoq­qutas­siai maniguul­luta naalap­pavut, ilisimagatsigu Jehovap suna uagutsin­nut ajun­ngin­ner­paajusoq nalun­ngik­kaa. (Ef 4:22-24) Maniguuk­kat­ta Jehovap piumasaa uagut piumasatsin­nit sal­liul­lugulu inuit al­lat uagutsin­nit pingaar­nerusutut isigaavut. Taamaat­tumik Jehovamut up­peqatitsin­nul­lu nuan­nersumik at­taveqaqatigiip­pugut. (Fil 2:3) Mianersun­ngik­kut­tali inuit pingaakujul­lutil­lu nam­minis­sarsior­tut Saatanip silarsuaaniit­tut sun­nersin­naavaatigut. Kristumiut siul­liit nalaan­ni taman­na ajor­nar­torsiutaar­pasip­poq, apustilimi Paulusi Romamiunut ima al­lap­poq: “Tamas­si im­mik­kut ima oqarfiginiar­pas­si: Im­mis­sin­nik pingaar­teqinasi pisariaqar­tumit an­nerusumik, silaqas­susersili sianisuumik atorsiuk.” Paulusi al­lan­ngilaq im­minut pingaar­tin­ngil­luin­nas­sasugut. Maniguuk­kut­ta im­minut isigin­nit­taatsitsin­nut tun­ngatil­lugu oqimaaqatigiis­saaris­saagut pingaar­tip­pal­laalin­ngin­nis­samul­lu iluaqutigis­sal­lugu. w20.07 2 § 1-2

Kun­ngip Asap nalaani Judami eq­qis­sineqarun­naar­poq. Sak­kutoor­pas­suit mil­lioninit amerlanerusut Nubiamit, tas­sa Etiopiamit, sorsuf­figiar­tor­paat. Taak­kua naalagaat Zera isumaqarluin­nar­poq Juda ajugaaf­figisin­naal­lugu. Asal­li Guutini, Jehova, tatigaa. Asa ima qinuvoq: “Naalagaq Guuter­put, ikior­tigut il­lit tas­saagavit tunaarisar­put, il­lil­lu atik­kut sak­kutoor­pas­suit uku sorsuf­figinialeratsigit.” (2 Nal 14:10) Etiopiamiut sak­kutuui Judamiut sak­kutuuinit marloriaam­mit amerlanerugaluar­tut Asap nalun­ngilaa Jehova in­nut­taminik ikiuinis­samut pis­saaneqar­toq. Asalu pakatsin­ngilaq, Etiopiamiut sak­kutuui ajorsar­titaarujus­suar­put. (2 Nal 14:7-12) Tamat­ta im­mik­kut siunis­sar­put qanoq is­sanersoq sukumiisumik ilisiman­ngik­kaluarlugu nalun­ngilar­put Guutip in­nut­taasa eq­qis­sisimanar­tumik maan­nak­kut atugaqar­nerat kil­leqas­sasoq. Jiisusi oqar­poq ul­lus­sani kingul­ler­ni ajoqersuk­kani ‘inuian­nit tamanit uumis­sor­neqas­sasut’. – Matt 24:9. w20.09 17-18 § 14-16

Kialuun­niit narrunarsar­neqar­nini nuan­narineq ajor­paa. Akerlilersor­titsin­niil­li narrunarsar­neqar­ner­put ajual­laatigival­laarutsigu nikal­lorsin­naavugut. (Uss 24:10) Qanormi isigin­nit­taaseqarfigis­savar­put? Apustilitut Paulusitut ‘tul­luusimaarutigisin­naavar­put’. Jiisusi oqar­poq ajoqersuk­kani ilumoor­tut narrunarsar­neqarlutil­lu akerlilersor­neqarumaar­tut. (1 Petr 4:14) Aam­ma malersor­neqarumaar­nerat oqaatigaa. (Joh 15:18-20) Taman­na kristumiut siul­liit nalaan­ni eq­quup­poq. Taamani inuit grækerit kulturian­nit sun­ner­tis­simasut eq­qarsar­tarsimap­put kristumiut sianiitsuul­lutil­lu san­ngiitsuusut. Aam­ma juutit amerlasuut isumaqar­tarsimap­put kristumiut, soorlu Petrusi Johan­nesilu, “inuin­naasut im­mik­kut ilin­niagaqarsiman­ngitsut”. (ApS 4:13) Kristumiut inuit isaan­ni san­ngiip­pasip­put. Politik­kimut akuliun­neq ajoramik naalak­kersuinermut sun­niuteqar­neq ajor­put sorsut­tunul­lu peqataaneq ajoramik im­minut il­lersorsin­naar­pasin­natik. Ilaatigut tamak­ku pis­sutigalugit inuiaqatigiin­nit ajat­tugaap­put. Kristumiut siul­liit akerlilersor­timin­nit isiginerlun­neqar­ner­tik kif­far­tor­nermin­ni unis­sutigineq ajor­paat. w20.07 14-15 § 3-4

Apustilip Johan­nesip qatan­ngutiminik asan­ningaar­nera up­perluar­tuunis­saan­nil­lu kis­saateqar­nera al­lagaanit pingasunit erser­poq. Angutit ar­nal­lu qilam­mi Jiisusimik naalak­kersueqataasus­sat Johan­nesitut asan­nil­lutil­lu soqutigin­ningaar­tuunerat nalunagu qiim­maal­lan­nangaarami! (1 Joh 2:27) Johan­nesip kajumis­saarutai qanor­toq maleruar­tigit. Sal­lusuis­sum­mi inuujumal­luta sutigut tamatigut Jehovap naalan­nis­saa aalajangiusimatigu. Oqaasii atuaq­qis­saar­tar­tigit tutsuigalugil­lu. Jiisusimik up­perin­nin­ner­put nakus­satsik­kisigu inuit isumaliutersuutaat tunus­sisul­lu ilin­niar­titsis­sutaat itigar­til­lugit. Marloqiusamik inooriaaseqan­ngik­kisa ajor­tulior­nis­samul­lu nak­kaan­nar­nata, Jehoval­li najoq­qutas­siai qutsis­sut maleruarlugit inuugisa. Aam­ma qatan­ngutivut aalajaaq­qul­lugit ikior­tar­tigit ajual­latsitsisut isumak­keerfiginerisigut ikior­tarial­lil­lu ikior­nerisigut. Taava qanorluun­niit atugaqaraluarut­ta sal­lusuis­sum­mi inuujuarsin­naas­saagut. w20.07 24-25 § 15-17

Jehovap asan­nil­luni kif­fani aalajaatsut ilagiin­niis­sin­naatip­pai. Sulias­savut as­sigiin­ngik­kaluar­tut tamat­ta pingaaruteqar­pugut im­mitsin­nul­lu pisariaqar­til­luta. Apustilip Paulusip erseq­qis­sar­paa Jehovamut kif­faasoq kinaluun­niit kif­faqatiminut ima oqarsin­naan­ngitsoq: “Atorfis­saqar­tin­ngilak­kit.” (1 Kor 12:21) Ilagiin­ni eq­qis­seqatigiit­tuas­sagut­ta pingaar­teqatigiil­lutalu suleqatigiit­tariaqar­pugut. (Ef 4:16) Ataasioqatigiil­luta suleqatigiik­kut­ta tamat­ta asaneqar­tutut misigis­saagut, ilagiil­lu ingerlal­luas­sap­put. Utoq­qaaner­tat ilagiin­niit­tut tamarmik Jehovap anersaavanit il­ler­nar­tumit toq­qagaap­put. Tamarmil­li as­sigiin­ngitsunik pik­korif­feqar­put. (1 Kor 12:17) Im­maqa ilaat utoq­qaaner­tan­ngorlaajup­put misilit­tagaqar­pal­laar­natil­lu. Im­maqalu al­lat utoq­qan­ngor­ner­tik peq­qiil­lior­ner­til­lu pis­sutigalugit pisin­naasaat kil­leqar­put. Utoq­qaaner­tarli kinaluun­niit utoq­qaaner­taqatini pil­lugu ima eq­qarsas­san­ngilaq: “Atorfis­saqar­tin­ngilak­kit.” Utoq­qaaner­tat tamarmik Paulusip Romamiut 12:10-mi siun­nersuutaa malit­tariaqar­paat. w20.08 26 § 1-2; 26 § 4

Jehovap nunarsuarmi peqatigiis­sor­tani aq­qutigalugit inuunermut aq­qutik­kut siulersor­paatigut. Guutip peqatigiis­sor­tai paasin­nit­taatsinik nutaanik nas­suiaateqaraangata ileq­qoris­saar­nerlu pil­lugu najoq­qutas­siigaangata naalat­tar­pavut. Inuunitsin­nul­li al­latut sun­niuteqar­tumik al­lan­nguigaangata, as­sersuutigalugu naalagaaf­filersaarfik ataatsimiif­figisar­tagar­put tuniniar­pas­suk, qanoq qisuariar­tar­pugut? Nuan­naar­tuas­saagut eq­qaamagutsigu sulisitsisor­put tas­saasoq Jehova taas­sumalu peqatigiis­sor­tani siulersorai. (Kol 3:23, 24) Kun­ngi Daavi Jehovamut tunis­suteqar­nis­samut tun­ngatil­lugu maligas­siuil­luar­poq. Ima oqar­poq: “Uangami kinaaner­punga, in­nut­tak­kalu suuner­pat? Uagut nam­mineq pis­saaner­put atorlugu kajumis­sutsik­kut tunis­sutinik aatsivigisin­naan­ngil­luin­nar­patsigit. Suut tamarmik ilin­nit pip­put, mak­kut­taaq tun­nius­savut tas­saap­put ilin­nit pisarisimasavut.” (1 Nal 29:14) Uagut­taaq tunis­suteqaraangat­ta Jehovamit pisavut taas­sumun­nga tun­niuteq­qit­tar­pavut. Taamaak­kaluar­torli pif­fis­sar­put, nukivut aningaasaativul­lu sulias­siis­sutaanut atoraangatsigit Jehova nuan­naar­tar­poq. – 2 Kor 9:7. w20.11 22-23 § 14-16

Jehovamik Nalunaajaasuugat­ta oqaluus­sinermi iluatsit­tutut misiginis­samut inuit qas­sit Guutip peqatigiis­sor­taanut ilaalersil­lugit ikiorsimaneri apeq­qutaatin­neq ajor­par­put. (Luk 8:11-15) Oqaluus­sinermimi ilin­niar­titsinermilu piner­tusaarut­ta Jehovap iluatsit­tutut isigis­savaatigut. Sooq? Taamaalior­nitsigut Jehovamut er­neranul­lu naalat­tarat­ta. (Mark 13:10; ApS 5:28, 29) Oqaluus­sinis­samut kajumis­suseqangaar­pugut nalun­ngin­natsigu naggatis­saq qanil­lisoq! An­nas­sutaasin­naasumik oqaluus­sisin­naaner­put qaangiutingajaliivip­poq. Taamaat­tumik nangaaqinak misigalutit oqaluus­seqataasalis­saguit aatsaat atuk­katit ajun­ngil­luin­nar­tariaqar­tut. Kajumis­suseqar­nerulerumal­lutit, Biibilimik ilisimasaqar­nerulerumal­lutit, sapiis­suseqar­nerulerumal­lutit im­minul­lu naalak­kersin­naanerulerumal­lutit maan­na iliuuseqarit. Inun­nik aalisar­tut 8 mil­lioninit amerlanerusut ilagalugit nuan­naar­neq Jehovamit pisoq misigiuk. (Neh 8:10; Luk 5:10) Suliap unitsin­neqar­nis­saata tungaanut sapin­ngisamik oqaluus­seqataasar­nis­sat aalajangiusimajuk. w20.09 7 § 18-20

Pigisaqar­neruler­niar­neq al­lamut saasaatiginaveersaar­tariaqar­par­put. ‘Pisuus­sutit nakutitsisar­neri’ Jehovamik asan­nik­kun­naas­sutigisin­naavavut, Guutip oqaasianik pingaar­titsiun­naas­sutigisin­naavavut oqaluus­serusuk­kun­naas­sutigalugil­lu. (Matt 13:22) Jehovap uagutsin­nut tun­nius­sai paaril­luas­sagutsigit navianar­toqaraangat iliuuseqapal­las­sin­naasariaqar­pugut. Inter­neti ator­til­lugu imaluun­niit filmer­til­luta fjer­nsyner­til­lutaluun­niit kinguaas­siuutitigut inuunerlun­neq, peq­qar­niitsumik nakuuser­neq tunus­sisul­luun­niit siam­mar­tigaat takutin­neqar­pata qanoq ilius­sanerluta eq­qarsaatigereersin­naavar­put. Ajor­nar­torsiorsin­naaner­put piareersimaf­figigutsigu anersaak­kut ajoquser­naveersaarsin­naavugut Jehoval­lu isaani minguitsuujuarsin­naal­luta. (Tuss 101:3; 1 Tim 4:12) Jehovap uagutsin­nut tun­nius­sai naleqangaar­tut – sal­lusuis­sutit Biibilimeersut erlin­nar­tut al­lanil­lu ilin­niar­titsinis­samut im­mik­kut pisin­naatitaaf­fik – paaril­luar­tariaqar­pavut. Paaril­luarutsigit ilerasuuteqas­san­ngilagut, siuner­taqarluar­tumik inuus­saagut al­lal­lu Jehovamik ilisarisiman­nilersin­naaq­qul­lugit ikiuiner­put nuan­naarutigalugu. w20.09 30 § 16-19

Imermut morsutsin­neqareer­pit? Taamaap­pat Jehovamik up­perin­nin­nerit peqatigiis­sor­taanilu kif­far­torusus­suseqar­nerit takutis­simas­savat. Ul­lumik­kut Jehovap peqatigiis­sor­tani kinaas­sutsiminut, siuner­taminut najoq­qutas­siaminul­lu naaper­tuut­tumik siulersor­tar­pai. Jehovap pis­susii pingasut peqatigiis­sor­taatigut malun­nar­tut eq­qarsaatigik­kit. Siul­ler­tut, ‘Guuti kinaas­susersior­tuun­ngilaq’. (ApS 10:34) Jehovap asan­nin­nini kajumis­sis­sutigalugu er­nini tun­niup­paa ‘inuit tamarmik uter­titaas­sutis­saat­tut’. (1 Tim 2:6; Joh 3:16) Jehovap in­nut­tani tusarusut­tunut tamanut nutaarsias­samik nuan­nersumik oqaluus­sitip­pai, inuit amerlaner­paat uter­titsis­sum­mik iluaqutigin­nis­sin­naaq­qul­lugit. Aap­paat­tut, Jehova aaq­qis­sugaal­luar­nermut eq­qis­sinermul­lu Guutiuvoq. (1 Kor 14:33, 40) Taamaat­tumik taas­sumin­nga pal­lorfigin­nit­tut aaq­qis­sugaal­luar­tumik eq­qis­sisimasumil­lu kif­far­tus­sasut ilimagis­savar­put. Pingajuat­tut, Jehova tas­saavoq Ajoqersuisorsuaq. (Es 30:21) Taamaat­tumik peqatigiis­sor­taasa taas­suma oqaasia isumas­sarsiarititaasoq, ilagiin­ni tamanul­lu oqaluus­sinermi, ilin­niar­titsis­sutigisar­paat. w20.10 20 § 1-3