Maaji

Jiisusi meeraanerminiil­li angajoq­qaani naalan­niarlugit aalajanger­poq. Angajoq­qaaminit ilisimasaqar­nerusorin­ngin­nami siun­nersuutaan­nik itigar­titsineq ajor­poq. Jiisusip nukap­piaq­qani angajul­lersaasutut akisus­saaf­fini pimoorut­tarsimas­savaa. Ilaqut­taminik pilersueqataajumal­luni Josefi sanasuusoq ilin­niarfiginiarlugu ilungersuutigisimas­savaa. Jiisusip tupin­nar­tulior­nik­kut naar­tugineqalersimanini nam­minerlu pil­luni Guutimit oqariar­tor­titaasut oqaasii pil­lugit angajoq­qaaminit tusarsimas­savai. (Luk 2:8-19, 25-38) Jiisusip oqalut­tuun­neqar­tar­nini naam­maginagu aam­ma nam­mineq Al­lak­kanik Il­ler­nar­tunik atuaq­qis­saar­tarsimavoq. Taman­na qanoq nalun­ngilar­put? Jerusalemimi ilin­niar­titsisut Jiisusip meeraasup “ilisimas­susia akis­sutaalu” tupigusuutigim­mas­suk. (Luk 2:46, 47) Jiisusil­lu Guutip oqaasianik atuaq­qis­saarluar­tarsimagami aq­qaneq-marluin­nar­nik ukioqarluni up­peril­luin­nar­paa Jehova Ataatagalugu. – Luk 2:42, 43, 49. w20.10 29-30 § 13-14

Jiisusip makititaanera up­perigatsigu al­lat aam­ma makititaajumaar­tut up­perisin­naavar­put. Apustilip Paulusip makititaanis­samik eq­qar­tuinermi aal­laq­qaataata tungaani uku pingasut eq­qaavai: (1) ‘Kristusi toquvoq ajor­tivut pil­lugit.’ (2) ‘Ilisaavoq.’ (3) ‘Ul­lut pingajuan­ni makis­simavoq Al­lak­kat malil­lugit.’ (1 Kor 15:3, 4) Jiisusip toqunera, ilisaanera makititaaneralu sooq uagutsin­nut pingaaruteqar­pat? Pruf­fiiti Esaja siulit­tuivoq Mis­siarsi ‘inuusut nunaan­nit peersitaas­sasoq’ ‘pinerlut­tul­lu akor­nan­ni ilineqas­sasoq’. Taman­naan­naan­ngilarli. Esaja aam­ma siulit­tuivoq ‘amerlasuut ajor­tuliaat ersus­sagai’. Jiisusi inuunerminik uter­titsis­sutitut pil­liutigin­nin­nermigut taamaalior­poq. (Es 53:8, 9, 12; Matt 20:28; Rom 5:8) Tas­sa Jiisusip toqunera, ilisaanera makititaaneralu pis­sutigalugit uagut ajor­timit toqumil­lu inus­siaataajun­naar­nis­sar­put aam­ma asasat­ta toqusimasut takoq­qin­nis­saat up­perisin­naavar­put. w20.12 2-3 § 4-6; 5 § 11

Apustili Paulusi juutit synagogian­ni oqaluus­sigajup­poq. As­sersuutigalugu synagogimi Thes­salonikamiit­tumi juutit sabbatini “tul­leriin­ni pingasuni oqaloqatigisar­pai Al­lak­kat najoq­qutaralugit”. (ApS 17:1, 2) Paulusip synagogimiin­neq sungiusimal­luar­paa. Juutitum­mi perorsagaavoq. (ApS 26:4, 5) Juutit paasisin­naagamigit isumal­luarluni oqaluus­sif­figisin­naavai. (Fil 3:4, 5) Paulusi malersugaal­luni Thes­salonikamit kingusin­nerusuk­kul­lu Berøamit qimaasariaqareerluni Athenimut apuup­poq. Aam­ma tas­saniitil­luni “synagogimi juutit Guutimil­lu mianerin­nit­tut oqaloqatigisar­pai”. (ApS 17:17) Niueriar­tor­tarfim­mili oqaluus­sinermini al­lanik tusar­naar­teqar­poq. Tusar­naar­tut ilagaat isumaliutersor­tar­tut Guutimil­lu nalusut al­lat, taak­kualu Paulusip tusarlius­saa ‘ajoqersuutitut nutaatut’ isigigamik­ku ima oqar­put: “Oqaatigisatit uagut siutitsin­nut tusar­nar­taap­put.” – ApS 17:18-20. w20.04 9 § 5-6

San­ngiis­sum­mik aalajangersimasumik akiugaqaruit im­minut naleqan­ngitsutut isigeqinak. Tamat­ta kuk­kusarat­ta uter­titsis­sut iluaqutigalugu Jehovamit pisas­sarin­ngisaraluatsin­nik ajun­ngisaarfigineqar­nis­sar­put pisariaqar­tip­par­put. (Ef 1:7; 1 Joh 4:10) Ilagiin­ni qatan­ngutit­ta tup­pal­lersaanerat iluaqutigisin­naavar­put. Qatan­ngutit­ta tusar­naarsin­naavaatigut tup­pal­lersarsin­naal­lutalu. (Uss 12:25; 1 Th 5:14) Nigeriami qatan­ngut ar­naq, Joy, nikal­lunganermik akiugaqar­toq ima oqar­poq: “Qatan­nguteqan­ngik­kaluaruma qanoq iliorsimas­sagaluar­ner­punga? Qatan­ngutin­nit tup­pal­lersar­neqaraangama up­per­narsisar­para Jehovap qin­nutik­ka akisarai. Al­laam­mi taak­ku ilin­niarfigalugit nikal­lungasunik qanoq tup­pal­lersaasin­naal­lunga ilik­kar­para.” Eq­qaamasariaqar­par­pul­li qaquguk­kut tup­pal­lersar­neqar­tariaqar­ner­put qatan­ngutit­ta amerlaner­tigut ilisimaneq ajoraat. Taamaat­tumik qatan­ngut anersaak­kut inersimal­luar­toq ikior­neqar­tariaqar­nitsin­nik paasitit­tariaqarsin­naavar­put. w20.12 24 § 7-8

Kinaluun­niit qanimut ikin­ngutigilis­sagaan­ni pif­fis­saqarfigineqar­tariaqar­poq. Eq­qarsaatisi misigis­sutsisilu pil­lugit oqaloqatigiin­nis­sin­ni ikin­ngutigiilis­saasi. Jiisusimul­li qanimut ikin­ngutaaler­nis­saq unam­miniar­nar­toqar­poq. Taak­kua ilaat tas­saavoq Jiisusimik naapitsisiman­ngin­ner­put. Kristumiut siul­liit amerlasuut as­singusumik unam­miniagaqar­put. Taamaak­kaluar­toq apustili Petrusi ima al­lap­poq: ‘Taan­na takusiman­ngik­kaluarlugu asavarsi, isigin­ngik­kaluarlugu maan­na up­perfigaarsi.’ (1 Petr 1:8) Tas­sa Jiisusi naapin­nikuun­ngik­kaluarlugu qanimut ikin­ngutigilersin­naavar­put. Aam­mali Jiisusi oqaloqatigisin­naan­ngilar­put. Qinugaangat­ta Jehova oqaluut­tar­par­put. Soorunami Jiisusip aq­qani qinusar­pugut, taan­nali toq­qaan­nar­tumik oqaluun­neq ajor­par­put. Jiisusim­mi im­minerminut qinusaq­qun­ngilaatigut. Sooq? Qinuneq pal­lorfigin­nin­nermut ilaam­mat Jehovalu kisiat pal­lorfigisus­saagatsigu. (Matt 4:10) Jiisusili asal­lugu suli ersersis­sin­naavar­put. w20.04 20 § 1-3

Grækerit timersorlutik unam­miuaar­neran­ni ar­paliut­tut qasunermik, an­niar­nermik as­sigisaan­nil­lu unam­miniagaqar­tar­put. Sungiusar­ner­til­li timik­kul­lu pigin­naasatik kisiisa isumal­luutigisar­paat. Taak­kunatul­li uagut inuunivim­mut ar­paliun­nitsin­ni sungiusar­neqar­tar­pugut. Taak­kuali iluaqutigisin­naan­ngisaan­nik iluaqutis­saqar­pugut. Jehova nukis­samik kil­leqan­ngitsumik aal­lerfigisin­naavar­put, neriorsor­paatigum­mi tatigigutsin­ni ilin­niar­til­lutalu nakus­satsis­sal­luta. Apustili Paulusi unam­miniagas­sar­pas­suaqarsimavoq. Narrunarsar­neqar­nermi malersor­neqar­nermilu saniatigut san­ngiitsutut misigisar­poq timiminilu “kapinar­tumik” taasaminik akiugaqarluni. (2 Kor 12:7) Tamak­kuali tun­niutiin­nas­sutiginagit Jehovamik tatigin­nin­nerminik ersersitsinis­samut periarfis­satut isigai. (2 Kor 12:9, 10) Paulusi taama isigin­nit­taaseqarmat misilin­neqar­nerani tamani Jehovap ikior­paa. w20.04 29 § 13-14

Jehova taas­sumalu peqatigiis­sor­taasa ilaat qilam­miit­tut ‘suleqatiginerat’ tunis­sutaavoq erlin­nar­toq. (2 Kor 6:1) Oqaluus­sigaangat­ta suleqatigisar­pavut. Paulusi im­minut pil­luni oqaluus­seqataasar­tul­lu pil­lugit ima al­lap­poq: “[Uagut] tas­saavugut Guutip suleqatai.” (1 Kor 3:9) Kristumiutut kif­far­toraangat­ta Jiisusi suleqatigisar­par­put. Jiisusip ajoqersuk­kani peq­qugamigit ‘aal­larlutik inuit inuian­nit tamaneersut ajoqersugan­ngor­teq­qul­lugit’ nangil­luni oqar­poq ‘ul­lut tamaasa najorlugit’. (Matt 28:19, 20, NW) In­ngilim­mi? “Nunarsuarmi najugaqar­tunut ... tamanut” nutaarsias­sat nuan­nersut atajuar­tus­sat tusarliuk­kaangatsigit in­ngilinit siulersor­neqar­tar­ner­put qujamasuutigeqaar­put. (Saqq 14:6) Qilam­miit tapersersor­neqarat­ta qanoq angusaqarsin­naavugut? Naalagaaf­fik pil­lugu tusarlius­saq siaruar­teraangatsigu ‘naatsiias­sat’ ilaat tusar­naarumasunut tut­tar­put naajar­torlutil­lu. (Matt 13:18, 23) Sal­lusuis­sutip naatsiias­sar­taa kia naajar­tor­til­lugu inerititaqalersit­tar­paa? Ul­lormut al­las­simaf­fim­mi Jiisusip taman­na akivaa. w20.05 30 § 14-15

Ul­lumik­kut angajoq­qaat mil­lionil­lit avis­simap­put. Aam­ma ilaqutariit al­lat najugaqatigiik­kaluarlutik im­min­nut qanit­tumik at­taveqatigiit­tan­ngil­lat. Ilaqutariin­nik siun­nersuisar­toq ima oqar­poq: “Anaanaq, ataataq meeq­qal­lu oqaloqatigiin­neq ajor­put, pif­fis­samil­lu an­nersaat ator­toris­saarutinut elektroniskiusunut spil­linul­lu ator­tar­paat. Najugaqatigiik­kaluarlutik im­min­nut ilisarisimar­pian­ngil­lat.” Uagut silarsuarmit asan­niuitsoqarfiusumit ilusilersor­tik­kusun­ngilagut. Taamaat­tumik timik­kut anersaak­kul­lu ilaqut­tagut asanerulerumal­lugit iliuuseqar­tuar­tariaqar­pugut. (Rom 12:10) Kristumioqatitsin­nut asan­nin­neq qanoq it­toq ineriar­tor­tis­savar­put? Ilaqutariit qanit­tumik at­taveqatigiit­tut asan­nin­nerat­tut it­toq. Anersaak­kut ilaqut­tagut taamatut asagutsigit nuan­naarluta ataasioqatigalugit Jehovamut kif­far­toqatigisin­naas­savagut. – Mika 2:12. w21.01 20 § 1-2

Timersor­tar­toqatigiit ataasioqatigiit­tut iluatsitsinis­saat timersor­tar­toqatigiit ikioqatigiin­ngitsut ajugaanis­saan­nit ilimanar­neruvoq. Eq­qarsaatitit, kis­saatitit misigis­sutsitil­lu tamak­kerlugit Jehovamut kif­far­toruit uum­matit timersor­tar­toqatigiin­nut iluatsitsil­luar­tunut as­sersuun­neqarsin­naas­saaq. Eq­qaamajuk Saatanip marloqiusamik uum­mateqalersik­kusungaaraatit. Kis­saatigaa Jehovap kis­saataanut akerliusunik eq­qarsaateqas­sasutit, kis­saateqas­sasutit misigis­suseqas­sasutil­lu. Uum­matik­kul­li iluun­ngarlutit Jehovamut kif­far­tor­nis­sat pisariaqar­poq. (Matt 22:36-38) Uum­matit Saatanimit marloqiusan­ngor­tin­neqar­tin­ngisaan­naruk! Daavitut Jehovamut ima qinugit: “Uum­matima il­lit aq­qit kisiat mianeriliuk.” Qin­nutit inuunin­ni malin­niarlugu ilungersorit. Qanorluun­niit aalajangigas­saqaraangavit Jehovap aq­qata il­ler­nar­tup ataq­qinarsisin­neqar­nis­saa ul­lut tamaasa aalajangiusimal­luin­narlugu takutit­taruk. Taamaalioruit Jehovamik Nalunaajaasut ilaat­tut ateq taan­na tusaamaneqarlualersis­savat. (Uss 27:11) Tamat­talu pruf­fiiti Mika isumaqatigalugu ima oqarsin­naas­saagut: ‘Uagut Jehovap Guutit­ta aq­qani naas­saan­ngil­luin­nar­tumik inuujumavugut.’ – Mika 4:5, NW. w20.06 13 § 17-18

Avan­narliup kun­ngiata nunarsuarmi naalak­kersuisut tamaasa peqatigalugit saas­sus­sinera taman­na Ajugaqan­ngitsup kamaatigalugu sorsun­neq Harmagedoni aal­lar­titis­savaa. (Saqq 16:14, 16) Taamanik­kus­samut Avan­narliup kun­ngia inuiaal­lu al­lat Gogimut Magogimeersumut ilaasut piuneerun­neqas­sap­put ‘ikior­tis­saqas­san­ngil­lal­lu’. (Dan 11:45) Avan­narliup kun­ngiata iligisaasalu piuneerun­neqar­nis­saat uagul­lu aniguisitaanis­sar­put pil­lugit Danielip siulit­tuutaani versimi tul­liut­tumi paasis­sutis­saqar­neruvoq. (Dan 12:1) Versi taan­na qanoq isumaqar­pa? Kun­ngit­ta Jiisusip Kristusip atiisa ilagaat Mikaeli. Taan­na tas­saavoq 1914-imiil­li Guutip naalagaaf­fia qilam­mi pilersin­neqarmal­li Guutip in­nut­taanik “il­lersuisoq”. Qanit­tuk­kut “saq­qum­merumaar­poq”, tas­sa akeq­qani piuneeruk­kumaar­pai, sorsun­nermi Harmagedonimi. Sorsun­neq taman­na pif­fis­sami Danielip ‘ul­lunik an­nikil­lior­nar­tunik’ taasaani pisus­sat kingul­lersaris­savaat. Johan­nesip siulit­tuutaani Saq­qum­mersitani al­las­simasumi pif­fis­saq sorsun­nermik kinguneqar­tus­saq taman­na ‘an­nikil­lior­titaangaar­nis­samik’ taaneqar­poq. – Saqq 6:2; 7:14. w20.05 15-16 § 15-17

Josefip inus­siatut par­naarus­satul­lu pis­sutsit atuk­kani aqus­sin­naan­ngilai. Qanorli isumal­luar­tuarsin­naasimava? Iliuuserisin­naan­ngisani eq­qarsaatigiuar­nagit im­minut sulias­siis­sutigineqar­tut ulap­putigiuar­pai. Jehovamit iluarisaajuar­nis­sani noq­qaas­sutigaa. Josefip iliuusii pis­sutigalugit Jehovap pil­luaq­quaa. (1 Mos 39:21-23) Nunarsuarmi peq­qar­niisaarfiusumi inuuvugut. Taamaat­tumik inoqatitsin­nit, al­laal­lumi up­peqatitsin­nit, ajor­tumik pineqarsin­naasar­pugut. Jehovali qimar­nguf­figisarutsigu nikal­lungagaluarluta kif­far­torfigiun­naar­navian­ngilar­put. (Tuss 62:7, 8; 1 Petr 5:10) Aam­ma maluginiarsin­naavar­put Josefi Jehovamit sin­nat­tor­tin­neqarami 17-inik ukioqarunar­toq. Tas­sa Jehovap kif­fani inuusut­tut tatigai. Nalitsin­ni inuusut­tor­pas­suit Josefitut Jehovamut up­perluar­put. Al­laam­mi taak­kua ilaat Guutimut ilumoorfigin­nin­ner­tik pis­sutigalugu par­naarus­saasimap­put. – 1 Joh 2:14. w20.12 16 § 3; 17 § 5, 7

Apustilit Petrusi Johan­nesilu Jiisusimut ajoqersugaap­put taan­nalu pil­lugu ilin­niar­titsisarlutik. Taman­nali pis­sutigalugu malersugaaner­tik ataq­qinaatitut isigaat. (ApS 4:18-21; 5:27-29, 41, 42) Kristumiut siul­liit kan­ngusuutis­saqan­ngil­lat. Naak nikagineqar­taraluarlutik inoqatitik ikior­niarlugit akerlilersor­timin­nit iliuuseqar­nerungaar­put. As­sersuutigalugu ilaasa al­lataat Biibilimi ilan­ngun­neqarsimap­put inun­nut mil­lionilin­nut iluaqutaal­lutil­lu neriuutis­siil­lutik. Aam­ma Naalagaaf­fik oqaluus­sis­sutigisimasaat maan­na qilam­mi naalak­kersuilereersimavoq ungasin­ngitsuk­kul­lu nunarsuarmi naalak­kersuilis­sal­luni. (Matt 24:14) Una eq­qarsaatigiuk: Taamani naalagaaf­fiit pis­saanil­lit kristumiunik siul­ler­nik malersuisut qangarsuarli piujun­naareersimap­put. Kristumiul­li aalajaatsut maan­na Guutip naalagaaf­fiani kun­ngiup­put. Akerlilersuisut toqunikuup­put, makititaas­sagunil­lu uumis­sorsimasamin­nit naalak­kersor­neqas­sap­put. – Saqq 5:10. w20.07 15 § 4

Guutip neriorsuutaa ima up­peritigaa al­laat Tanitaq, tas­sa Mis­siarsi Guutip naalagaaf­fiani Kun­ngiusus­saq, takusin­naal­lugulusooq. Taman­na pis­sutigalugu Jiisusip juutit nalimini inuusut ima oqarfigisin­naasimavai: “Aaperaat ataatarsi nuan­naaqaaq ul­lora takus­sagamiuk, takugamiul­lu tipaatsup­poq.” (Joh 8:56) Ersarip­poq Aaperaap nalun­ngik­kaa kinguaas­sani Naalagaaf­fim­mi Jehovap pilersitas­saani naalak­kersueqataas­sasut, Jehoval­lu neriorsuutiminik eq­quutitsinis­saa kajumil­luni utaq­qivaa. Aaperaap ‘il­loqarfim­mik’, tas­sa Naalagaaf­fim­mik, Guutip pilersitaanik utaq­qisaqar­nini qanoq takutip­paa? Aaperaap nunarsuarmi naalagaaf­fiit suul­luun­niit in­nut­taaf­figin­ngilai. Angalaan­navip­poq, aalajangersimasumik angerlarsimaf­feqan­ngilaq nunamilu kun­ngimik tapersersugaqarani. Tamatuma saniatigut Aaperaat kun­ngeqarfim­mik nam­mineq pilersitsiniarsarin­ngilaq. Jehovali naalat­tuar­paa taas­sumalu neriorsuutaata eq­quun­nis­saa utaq­qiuarlugu. Taamaalior­nermigut Jehovamut up­perluar­tuunini takutip­paa. w20.08 3 § 4-5

Jehova neriorsuivoq paratiisimi kinaluun­niit oqas­san­ngitsoq: “Nap­parsimavunga!” (Es 33:24) Toqusunit makit­tut peq­qis­sumik timeqarlutik pin­ngor­teq­qin­neqas­sap­put. Ingerlaan­narli naam­mal­luin­nar­tun­ngor­navian­ngil­lat. Taamaak­kaluar­pam­mi ilaqutaasa ikin­ngutaasalu ilisaris­sagunan­ngilaat. Ilimanar­poq Kristusip ukiuni tuusintini naalak­kersuinerani inuit naam­mal­luin­nar­tun­ngoriar­tuaas­sasut. Aatsaat ukiut tuusintit taak­kua naap­pata Jiisusip Naalagaaf­fik Ataataminut uter­tis­savaa. Sulias­siis­sutigineqar­toq taamanik­kus­samut naam­mas­sineqarsimas­saaq inuil­lu naam­mal­luin­nar­tun­ngorsimas­sal­lutik. (1 Kor 15:25-28; Saqq 20:1-3) Asasatit takoq­qik­kuk­kit qanoq misigis­sanerlutit takorlooruk. Nuan­naar­nermik il­las­savit qial­lutil­luun­niit? Nuan­naangaaravit erinarsorlutit Jehova un­nersiutigis­saviuk? Qularutigin­ngis­sin­naavar­pul­li Ataatat­ta er­neratalu asan­ningaar­tut makititsinermik tunis­sutaan­nik qujamasuutigin­nin­ner­put pis­sutigalugu asangaas­sagivut. w20.08 16-17 § 9-10

Apustilip Paulusip kristumiunut eq­qarsaatigeq­quaa aap­paqar­natik Jehovamut kif­far­torsin­naanersut. (1 Kor 7:8-9) Paulusip kristumiut aap­paqan­ngitsut nikagin­ngilai. Al­laat Timotheusi qatan­ngut angut inuusut­toq aap­paqan­ngitsoq pingaarutilim­mik akisus­saaf­filer­paa. (Fil 2:19-22) Paasinar­poq qatan­ngutip aap­paqar­nera aap­paqan­ngin­neraluun­niit kisiat tun­ngavigalugu pineqar­toq piuk­kun­nar­nersoq nalileraan­ni kuk­kunerus­sasoq. (1 Kor 7:32-35, 38) Jiisusip Paulusil­luun­niit kristumiut aap­par­taas­sanersut aap­par­taas­san­ngin­nersul­luun­niit ilin­niar­titsis­sutigin­ngilaat. Taavami aap­paqar­neq aap­paqan­ngin­nerlu qanoq isumaqarfigis­savavut? Vagttårnet oktobarip aal­laq­qaataat 2012-imoor­tumi taman­na nuan­nersumik ima akineqar­poq: “[Aap­paqar­neq aap­paqan­ngin­nerlu] Guutimit tunis­sutitut isigineqarsin­naap­put. ... Jehovap [aap­paqan­ngin­neq] peq­qusiileqis­sutis­satut aliasuutis­satul­luun­niit isigeq­qun­ngilaa.” Taamaat­tumik qatan­ngutit angutit ar­nal­lu aap­paqan­ngitsut ataq­qisariaqar­pavut. w20.08 28 § 8-9

Nunat ilaan­ni inup­pas­suit nutaarsias­sanik nuan­nersunik soqutigin­nil­lutik tusar­naarusungaar­tar­put. Nunanili al­lani soqutigin­nit­tut amerlan­ngil­lat. Il­lim­mi najugaqarfigisan­niit­tut qanoq qisuariar­tar­pat? Qanorluun­niit ik­kaluar­pat suliap naam­mas­sinis­saata tungaanut oqaluus­siuar­nis­sar­put Jehovap piumasaraa. Jehovap pif­fis­salius­saa nal­liup­pat oqaluus­siner­put naam­mas­sis­saaq, “taavalu naggatis­saq nal­liutis­saaq”. (Matt 24:14) Jiisusip ajoqersuk­kani paasitip­pai ul­luni kingul­ler­ni pis­sutsit qanoq ik­kumaar­nersut. Nalun­ngin­namiuk ajoqersuk­kami oqaluus­sinermin­ni pis­sutsit tamak­ku al­lamut saasaatigisin­naagaat ‘eq­qumaq­quai’. (Matt 24:42) Noap nalaani inuit al­lamut saasar­tik­kamik taas­suma mianersoq­qus­sutaanut tusar­naar­neq ajor­put. Nalitsin­nit­taaq uagut taamatorluin­naq al­lamut saasar­neqar­niar­tar­pugut. (Matt 24:37-39; 2 Petr 2:5) Taamaat­tumik Jehovap sulias­siis­sutaa aalajangiusimarusup­par­put. w20.09 8 § 1-2, 4

Saatani ‘kamat­torsuuvoq’, isumaqarut­talu kaman­nera uagutsin­nut sun­niuteqas­san­ngitsoq kuk­kus­saagut. (Saqq 12:12) Siunis­sami qanit­tuk­kut tamat­ta up­per­nik­kut misilin­neqas­saagut. Ungasin­ngitsuk­kut “naal­liun­nar­toqangaas­saaq silarsuup pileq­qaar­neraniit maan­namut as­seqan­ngitsumik nal­liuteq­qin­ngisaan­nas­sasumil­lu”. (Matt 24:21) An­nikil­lior­nar­tus­sarsuup nalaani ilaqutaasut akerlilersuilersin­naap­put, oqaluus­siner­pul­lu iner­teq­qutaalersin­naavoq. (Matt 10:35, 36) Il­lit kun­ngitut Asatut tatigis­saviuk Jehovap ikiorumaarlutil­lu il­lersorumaaraatit? (2 Nal 14:10) Jehovap siunis­sami pisus­sanut anersaak­kut piareersaap­paatigut. Aalajaas­sin­naaq­qul­luta “inus­siaq aalajaal­lunilu silatooq” aq­qutigalugu “pif­fis­saq eq­qorlugu” anersaak­kut nerisas­sanik tunisar­paatigut. (Matt 24:45, NW) Jehovamil­li tatigin­nil­luar­neq ineriar­tor­tik­kumal­lugu uagut nam­mineq iliuuseqar­tariaqar­pugut. – Hebr 10:38, 39. w20.09 18 § 16-18

Jehovap anersaani il­ler­nar­toq sun­niiner­tooq atorlugu inuit oqar­tus­saas­susil­lit piumasamisut ilior­tis­sin­naavai, siuner­taminut naaper­tuuk­kaangat. Inuit er­ngup kuun­nera aqun­niarlugu kus­sinilior­tar­put. Taamatut­taaq Jehovap anersaani il­ler­nar­toq atorlugu naalak­kersuisut aalajangiisar­neri aqus­sin­naavai nam­mineq piumasamisut ilior­tin­niarlugit. Taamaalioraangat inuit oqar­tus­saas­susil­lit Guutip in­nut­taanut iluaqutaasumik iliuuseqarusus­suseqar­tar­put. (Naleq­qiuk­kit Ezra 7:21, 25, 26) Uagut susin­naavugut? “Kun­ngit qul­lersaal­lutil­lu pisor­taasut” kristumiutut inuunitsin­nut kif­far­tor­nitsin­nul­lu sun­niuteqar­tus­sanik aalajangigas­saqaraangata qin­nus­sin­naavavut. (1 Tim 2:1, 2; Neh 1:11) Kristumiut siul­liit qin­nus­sisar­nerat­tut uagut­taaq qatan­ngutivut par­naarus­saaq­qasut Guutimut qaman­nga pisumik qin­nut­tar­pavut. – ApS 12:5; Hebr 13:3. w20.11 15 § 13-14

Ajoqersugan­ngorlaaq atuaq­qis­saaqatigisarsimaguk­ku taas­suma Kristusimut ajoqersugan­ngor­nera suli nuan­naarutiginerus­sagunar­pat! (1 Th 2:19, 20) Ajoqersugan­ngorlaat tas­saap­put “al­lak­kat ... nersualaarutaasut” – taas­sumin­nga atuaq­qis­saaqatigin­nis­simasumut ilagiin­nul­lu. (2 Kor 3:1-3) Ukiuni sisamani kingul­ler­ni Biibilimik atuaq­qis­saaqatigineqar­tar­tut qaam­matit tamaasa 10 mil­lionit mis­saat nunarsuaq tamak­kerlugu nalunaarsor­neqar­tar­put. Aam­ma pif­fis­sami tamatumani ukiumut inuit agguaqatigiis­sil­lugu 280.000-t Jehovap Nalunaajaasuisut kuisit­tar­put, tas­sa imermut morsutsin­neqar­tar­put. Biibilimil­li atuaq­qis­saaqatigineqar­tar­tut mil­lionil­lit Kristusimut ajoqersugan­ngor­nis­saan­nut qanoq ikiorsin­naavavut? Jehovap taman­na suli periarfis­saatim­magu sapin­ngisamik piaar­ner­paamik Nalunaajaasun­ngor­nis­saan­nut ikiorusup­pavut, pif­fis­sakeqaagum­mi! – 1 Kor 7:29a; 1 Petr 4:7. w20.10 6 § 1-2

Kun­ngi Sauli Jehovamit peq­quneqar­nermisut iliun­ngilaq. Aam­ma taman­na pil­lugu Samuelimit oqaaq­qis­saar­neqarami kuk­kusimanini nas­suerutigiuman­ngilaa. Akerlianil­li im­minut il­lersorluni naalan­ngin­nini taama ajor­tigin­ngin­nerar­paa inuil­lu al­lat pisuutil­lugit. (1 Sam 15:13-24) Aam­ma sior­natigut as­singusumik im­minut il­lersorsimavoq. (1 Sam 13:10-14) Ajoraluar­tumik Sauli uum­mam­migut makitasuun­ngorsimagami eq­qarsar­taatsiminik al­lan­nguin­ngilaq. Taamaat­tumik Jehovap oqaaq­qis­saar­paa iluariun­naarlugulu. Sauli as­sigiumanagu apeq­qutit uku eq­qarsaatigisariaqar­pavut: ‘Siun­nersuutit Biibilimiit­tut maleruarumanagit utoq­qatsis­sutis­sarsior­tar­punga? Iliuutsik­ka taama ajor­tigin­ngin­nerar­tar­pak­ka? Imaluun­niit al­lat pisuutin­niar­tar­pak­ka?’ Apeq­qutini ataasiin­narluun­niit angersin­naagutsigu eq­qarsar­taaser­put isigin­nit­taaser­pul­lu al­lan­ngor­tit­tariaqas­savavut. Taamaaliun­ngik­kut­ta uum­matitsigut makitasuun­ngorsin­naavugut Jehovamul­lu ikin­ngutaajun­naarluta. w20.11 20 § 4-5

Inuusut­tuusutit, kina kif­far­torfigiumanerlugu aalajangerit. Jehova kinaanersoq, qanoq piumasaqar­nersoq piumasaalu naaper­torlugu qanoq iliuuseqarsin­naasutit nam­mineq misis­sor­tariaqar­pat. (Rom 12:2) Taava Jehova kif­far­torfiginiarlugu aalajangersin­naalis­saatit, taman­nami inuunin­ni aalajangigas­sat pingaar­ner­paar­taraat. (Jos 24:15) Biibili atuar­tarlugulu atuaq­qis­saar­taruk­ku Jehova asanerujar­torlugulu up­perinerujar­tus­savat. Jehovap piumasaa inuunin­ni sal­liuguk. Saatanip silarsuaata isumaqalersin­niar­paatit pigin­naanitit im­minut iluaqutaatik­kuk­kit pil­luas­sasutit. Pigisanil­li pingaar­titsisut ‘im­min­nut amerlasuunik erloqis­sutis­sior­tar­put’. (1 Tim 6:9, 10) Jehovali tusar­naar­taruk­ku piumasaalu inuunin­ni sal­liun­niarlugu aalajangeruit silatusaarlutil­lu “iluatsitsil­luas­saatit”. – Jos 1:8. w20.10 30-31 § 17-18

Kristumiut siul­liit nalaan­ni Jiisusip tusarlius­saa inun­nut tamanut neriuutis­siivoq. Ajoqersuk­kani peq­quai suliani ingerlateq­qil­lugu ‘nunarsuup isua tikil­lugu’ oqaluus­sis­sasut. (ApS 1:8) Soorunami taamaaliorsin­naas­sagunik ikior­neqar­tariaqar­put. Anersaaq il­ler­nar­toq, tas­sa ikior­ti Jiisusip neriorsuutigisaa, pisariaqar­tip­paat. (Joh 14:26; Zak 4:6) Ukiumi 33-mi piinsip ul­luani Jiisusip ajoqersugai anersaamik il­ler­nar­tumik tunineqar­put. Anersaaq il­ler­nar­toq iluaqutigalugu ingerlaan­naq oqaluus­siler­put, sivitsun­ngitsorlu inuit tuusintilik­kuutaat nutaarsias­samik nuan­nersumik ilas­sin­nip­put. (ApS 2:41; 4:4) Akerlilersuisoqalermat ajoqersuk­kat siooraneq oqaluus­siun­naas­sutiginagu Guutimut ikioq­qup­put. Ima qinup­put: ‘Kif­fatit pisin­naatik­kit oqaatsit siooran­ngivil­lutik oqaatigeq­qul­lugu.’ Taava anersaamik il­ler­nar­tumik ikior­neqarlutik ‘Guutip oqaasia nalunaajaatigaat siooranatik’. – ApS 4:18-20, 29, 31. w20.10 21 § 4-5

Sooq Jiisusip Jehovamit uum­mar­teq­qin­neqarsimanera up­perisin­naavar­put? Jiisusip makititaasimaneranik takun­nit­tor­pas­suaqar­poq, taak­kulu taman­na al­lanut oqalut­tuaraat. (1 Kor 15:5-7) Takun­nit­toq apustilip Paulusip eq­qaasaa siul­leq tas­saavoq apustili Petrusi (Kefasi). Taas­sumalu Jiisusimik takun­nis­simaneranik ajoqersuk­kat al­lat up­per­narsaasuup­put. (Luk 24:33, 34) Aam­ma ‘aq­qaneq-marluusut’, tas­sa apustilit, Jiisusi makititaasimasoq takuaat. Taava “qatan­ngutit 500-t qaangerlugit amerlas­suseqar­tut ataatsik­kut takuaat”, taman­na im­maqa Galilæami pisimavoq eq­qar­tor­neqarlunilu Mat­thæusi kapitalimi 28-mi. (Matt 28:16-20) Jiisusi aam­ma af­farmik qatan­ngutigigunak­kaminit “Jaakumit takuneqar­poq”, taas­suma Jiisusip Mis­siarsiunera up­perin­ngeq­qaarsimagaluar­paa. (Joh 7:5) Up­periler­paali Jiisusi makititaasimasoq takugamiuk. Ukiup 55-ip mis­saani Paulusip al­lak­kani taak­ku al­lam­magit Jiisusip makititaasimaneranik takun­nit­tor­pas­suit suli inuup­put, taamaat­tumik takun­nit­tut taak­kua ilaan­nik qular­tut oqaloqatigin­nis­sin­naap­put. w20.12 3 § 5, 7-8

Peq­qiil­liorut­ta, ingam­mil­lu katsorsar­neqarsin­naan­ngitsumik nap­paateqarut­ta, isumal­luar­tumik eq­qarsar­nis­saq ajor­nakusoor­tis­sin­naavar­put. Taamaat­tumik Jehova tapersersor­tigiuk. Tupin­nar­tulior­nik­kut maan­na ajorun­naarsin­ngik­kaluarluta tup­pal­lersar­tar­paatigut piner­tusaarsin­naaq­qul­lutalu nakus­satsit­tarluta. (Tuss 94:19) As­sersuutigalugu il­lumi sulias­sanik ikior­neqar­tariaqarut­ta qatan­ngutivut ikiuinis­saan­nut piumas­suseqalersis­sin­naavai. Aam­ma uagutsin­nik qinoqateqar­nis­saan­nut kajumis­suseqalersis­sin­naavai. Imaluun­niit tup­pal­lersaatigisin­naasatsin­nik, soorlu silarsuas­sami nutaami nap­paateqarani an­niaateqaranilu inuunermik naam­mal­luin­nar­tumik, Oqaatsimini al­las­simasunik eq­qaasis­sin­naavaatigut. (Rom 15:4) Oqaluus­sinermili kil­lilim­mik iliuuseqarsin­naasutut im­maqa misigivugut. Qatan­ngut ar­naq Laurelimik atilik ukiuni 37-ni puaasap saviminiusup iluaniis­simavoq. Aam­ma kræftersimavoq, an­ner­tuunik pilatsit­tarsimavoq amimigul­lu nap­paateqarluni. Oqaluus­siuar­porli. Peq­qis­saasut ikior­tinilu angerlarsimaf­fim­minukar­tar­tut oqaluus­sif­figisar­pai inuil­lu min­ner­paamik 17-it Biibili pil­lugu eq­qorluar­tumik ilisimasaqaler­nis­saan­nik ikiorlugit! w20.12 24 § 9; 25 § 12

Apustili Paulusi ikior­neqar­tariaqar­poq. Ukiup 56-ip mis­saani inup­pas­suit Paulusi Jerusalemimi naalaf­fiup silataanukaal­lugu toqoriaraluar­paat. Aqaguani Kil­lisiuisoqatigiin­nut sas­sar­tin­neqarami akeq­qaminit aq­qunar­neqangajavip­poq. (ApS 21:30-32; 22:30; 23:6-10) Taama pisoqar­til­lugu Paulusi ima eq­qarsarsimas­sagunar­poq: ‘Taama ajor­tigisumik pineqar­nin­ni qanoq sivisutigisumik piner­tusaarsin­naas­saanga?’ Paulusi qanoq ikior­neqar­pa? Par­naarus­saanermi aqaguani ‘Naalak­kap’, tas­sa Jiisusip, ima oqarfigaa: “Nikal­loqinak! Soorlu Jerusalemimi uanga pil­lunga nalunaajaasimasutit, Romamis­saaq taamaalius­saatit.” (ApS 23:11) Taman­na qiim­mas­saatigingaarsimas­savaa. Paulusip Jerusalemimi nalunaajaasimanera pil­lugu Jiisusip nersualaar­paa. Neriorsor­paalu pinerlineqarani Romamut piumaar­toq tas­sanilu nalunaajaaq­qik­kumaar­toq. Paulusi taama neriorsor­neqarami toq­qis­sial­las­simas­saaq, soorlu meeraq ataataminit pak­kun­neqar­til­luni toq­qis­sisar­toq. w20.11 12 § 1; 13 § 3-4

Ajor­nar­torsioraangat­ta isumakuluuteqaraangat­taluun­niit Guutip naalagaaf­fia pil­lugu neriuutit­ta ‘tar­nimut kitsatut it­tup’ toq­qis­sisimatis­sin­naavaatigut. Jehovap siunis­saq isumakuluf­fiun­ngitsoq pil­lugu neriorsuutaa eq­qarsaatigeq­qis­saar­taruk. (Es 65:17) Paratiisimi ajor­tumik pisoqarfiun­ngitsumi inuunis­sat takorlooruk. (Mika 4:4) Neriuutit al­lanut oqalut­tuarigaangak­ku up­perineruler­tar­pat. Oqaluus­sinermi ajoqersugan­ngor­titsior­tor­nermilu sapin­ngisan­nik iliuuseqar­tarit. Taamaalior­taruit neriun­nerit ‘naggatis­saq tikil­lugu aalajangiuteq­qajuarsin­naavat’. (Hebr 3:14) Silarsuup matuma naggatis­saa qanil­liar­tor­til­lugu isumakuluutigisin­naasatsin­nik suli amerlanerusunik ajor­nar­torsiuteqar­tarumaar­pugut. Ajor­nar­torsior­nitsin­ni im­minut tatigival­laaler­nata Jehovamik tatigin­nis­sin­naavugut. Iliuutsitsigut ersersit­tar­tigu Jehovap neriorsuutaa una up­peralugu: “Utaq­qil­luaan­narlusilu tatigigus­singa taman­na nakuus­sutigis­savarsi.” – Es 30:15, Testamentitoqaq. w21.01 7 § 17-18

Jehovap nal­lit­tuingaar­nera Jaaku 5:11-mi al­laatigineqar­toq kajungilis­sutigisar­par­put. (2 Mos 34:6) Jehovap kuk­kus­sutitsin­nik isumak­keerfigin­nin­nermigut nal­lit­tor­tar­paatigut. (Tuss 51:3) Biibilili naaper­torlugu nal­lit­tuineq tas­saagin­nan­ngilaq isumak­keerfigin­nin­neq. Kinaluun­niit nal­lit­tuisoq an­nikil­lior­tumik takusaqaraangami qaman­nga pisumik ikiuerusut­tar­poq. Taamatut­taaq Jehovap ikiorusut­tar­paatigut, al­laat anaanaasup meeq­qaminik ikiuerusun­neraniit an­nerusumik. (Es 49:15) Nal­lit­tuisuugami an­nikil­lior­nitsin­ni an­ner­toq­qusersor­tar­paatigut. (Tuss 37:39; 1 Kor 10:13) Imaas­sin­naavoq qatan­ngutitsin­nit pakatsisin­neqar­tugut, Jehovatul­li nal­lit­tuis­sagut­ta put­tarsinata isumak­keerfigisariaqar­par­put. (Ef 4:32) Aam­ma qatan­ngutitsin­nik ajor­nar­torsior­tunik ikiuinis­saq pingaaruteqar­poq. Taamaat­tumik Jehova, kik­kun­nit tamanit asan­nin­ner­paaq, ilaar­tar­par­put. – Ef 5:1. w21.01 21 § 5

Ilaqutariin­ni niaquusoq oqimaaqatigiis­saarisariaqar­poq. Ima sulitigis­san­ngilaq al­laat ilaqut­tami anersaak­kut misigis­sutsik­kul­lu pisariaqar­titaan­nik matus­susiil­luarsin­naajun­naarluni. Jehovap ikiorumal­luta ilin­niar­til­lutalu perorsar­tar­paatigut. (Hebr 12:7-9) Jiisusip Ataatani ilaarlugu oqar­tus­saaf­figisani asan­nil­luni ilin­niar­tit­tar­pai. (Joh 15:14, 15) Inus­siar­nersumik naq­qiisar­poq. (Matt 20:24-28) Nalun­ngilaa naam­mal­luin­nan­ngitsuugat­ta kuk­koq­qajaasar­tugut. (Matt 26:41) Ilaqutariin­ni niaquul­luar­tup Jehovamik Jiisusimil­lu ilaarsisup ilaqut­tami naam­mal­luin­nan­ngitsuunerat eq­qaamasar­paa ‘peq­qar­niisaarfiginerlu’ ajorlugit. (Kol 3:19) Nam­mineq naam­mal­luin­nan­ngitsuunini eq­qaamagamiuk kuk­kugaangata ‘saamasumik’ ikior­tar­pai. (Gal 6:1, NW) Jiisusitul­li nalun­ngilaa pitsaaner­paamik ilin­niar­titsis­saguni maligas­siuisariaqarluni. w21.02 6-7 § 16-18

Jehovap er­nini akigalugu ilagiin­niit­tut Jiisusimil­lu up­perfigin­nit­tut tamaasa uter­tip­pai. (Mark 10:45; ApS 20:28; 1 Kor 15:21, 22) Jiisusip inuunini uagut pil­luta pil­liutigaa, taamaat­tumik ilagiin­nut niaqun­ngor­tin­neqarsimanera pis­susis­samisoor­poq. Taman­na pis­sutigalugu inun­nut ataasiak­kaanut, ilaqutariin­nut ilagiin­nul­lu malit­tarisas­siorsin­naatitaavoq maleruaan­ngitsunul­lu oqaaq­qis­saarisin­naatitaal­luni. (Gal 6:2) Jiisusili malit­tarisas­siuus­siin­nar­tan­ngilaq. Aam­ma asangaarlutalu isumagisar­paatigut. (Ef 5:29) Qatan­ngutit ar­nat Kristusimut naalat­tut uimik utoq­qaaner­tal­lu siulersuineran­nik ataq­qin­nit­tuup­put. Qatan­ngutit angutit Jehovap siulersuinermut najoq­qutas­siaanik paasin­nil­luarsimasut ar­nat ataq­qin­nit­tumik pisar­paat. Ilagiin­niit­tut tamarmik Jehovap siulersuinermut najoq­qutas­siaanik maleruaap­pata ilagiit eq­qis­seqatigiis­sap­put. Pingaar­ner­tul­li, Ataatar­put asan­nit­toq qilam­miusoq, Jehova, ataq­qinarsisis­savar­put. w21.02 18-19 § 14-17

Taamaal­lutik sak­kutuunilu qimaasutut filisterit nunaan­niitil­lutik ilaqut­tatik qimal­lugit sorsugiar­put. Peqan­ngin­neran­ni akeraat najugaqarfian­nut saas­sus­siar­tor­put ilaqutaal­lu aal­larul­lugit. Daavi sak­kutuutut misilit­tagaqarluarami misigisimasin­naagaluar­poq nam­mineerluni ilaqut­tatik aal­larun­neqarsimasut aniguisis­sin­naal­lugit. Taamaalior­nanili Jehovamut siulersoq­quvoq. Daavip Jehova ima aperaa: “Taak­ku malersoruk­kit angusin­naaner­pak­ka?” Jehovap Daavi taamaalioq­quaa oqarfigalugulu aal­larus­saasimasut aniguisik­kumaarai. (1 Sam 30:7-10) Pisoq taan­na qanoq ilin­niarfigisin­naaviuk? Aalajangiitin­nak siun­nersor­tis­sarsiorit. Inuusut­tuusutit, angajoq­qaatit oqaloqatigik­kit. Aam­ma utoq­qaaner­tat misilit­tagaqarluar­tut siun­nersuil­luarsin­naasar­put. Angutit taak­ku Jehovap tatigalugit toq­qarsimasai aam­ma il­lit tatigisin­naavatit. Jehovap taak­ku ilagiin­nut tunis­sutigai. (Ef 4:8, NW) Up­persusiat ilaar­taruk­ku siun­nersuutaal­lu maleruarlugit silatusaarlutit aalajangiisas­saatit. w21.03 4-5 § 10-11

Jiisusi oqar­poq ilik­kak­kagut maleruan­ngik­kutsigit as­sigiin­nas­sagip­put inuk sioq­qani il­lulior­toq. Taan­na asuliin­naq sulivoq. Sooq? Anorersualerlunilu sialus­sualer­pat il­luliaa isas­sam­mat. (Matt 7:24-27) Uagut­taaq ilik­kak­kagut maleruan­ngik­kutsigit iliuuserinikuusagut asuliin­nas­sap­put. Ajor­nar­torsiulerut­ta malersor­neqalerut­taluun­niit up­per­nik­kut inorsas­saagut. Atuaq­qis­saaraangat­tali ilik­kak­kagul­lu maleruaraangatsigit aalajangiil­luar­nerulersin­naal­lutalu eq­qis­sisimanerul­lutalu up­per­nik­kut nakus­satsit­tar­pugut. (Es 48:17, 18) Misilin­neqar­nermi aalajaatsuus­sagut­ta Jehovamut qinukulasariaqar­pugut atuaq­qis­saar­tarlutalu. Eq­qaamajuas­savar­pul­lu pingaar­ner­paaq tas­saasoq Jehovap aq­qata il­ler­narsisin­neqar­nis­saa. Up­peril­luin­narsin­naavar­put Jehovap tunun­ngisaan­nas­sagaatigut suul­luun­niil­lu Jehovap asan­nis­susianit avis­saar­tis­sin­naan­ngik­kaatigut. – Hebr 13:5, 6. w21.03 15 § 6; 18 § 20