Juuli

Qin­nutivut akineqas­sap­pata Jiisusimut ikin­ngutaal­luar­tariaqar­pugut. Tas­sa Jiisusip aq­qani qinuneq naam­man­ngilaq. Aam­ma paasisariaqar­par­put Jehovap qin­nutit­ta akinerini Jiisusi qanoq ator­tar­neraa. Jiisusi apustilinut ima oqar­poq: ‘Sunaluun­niit uanga atik­kut qin­nutigigus­siuk naam­mas­sis­savara.’ (Joh 14:13) Jehovap qin­nutivut tusarlugil­lu akisar­pai, piumasaminil­li naam­mas­sin­nit­tus­satut Jiisusi akisus­saaf­filer­paa. Qin­nutivut akitin­nagit Jehovap maluginiar­tar­paa Jiisusip peq­qus­sutai maleruar­nerivut. As­sersuutigalugu Jiisusi ima oqar­poq: ‘Inuit unioq­qutitsinerinik isumak­keerfigigus­sigit, taava Ataatas­si qilam­miit­tup aam­ma ilis­si isumak­keerfigis­savaasi. Inuil­li isumak­keerfigin­ngik­kus­sigit, taava aam­ma Ataatas­si unioq­qutitsinis­sin­nik isumak­keerfigis­san­ngilaasi.’ (Matt 6:14, 15) Jehovap Jiisusil­lu uagutsin­nut ajun­ngisaar­tar­nerat ilaarlugu al­lanut ajun­ngisaar­tar­nis­sar­put pingaaruteqangaarami! w20.04 21 § 6

Apustilip Paulusip tusar­naar­tini sunik soqutigisaqar­nersut maluginiar­tar­paa aal­lar­niutinilu naleq­qus­sarlugu. As­sersuutigalugu Lystrami inup­pas­suit oqaloqatigisai Biibilimik ilisimasakitsuararsuup­put ilisimasaqan­ngivil­lutil­luun­niit. Taamaat­tumik taak­kua paasisin­naasaan­nik tun­ngavilersuisar­poq. Inuunermik nuan­naarutigin­nis­sin­naaneq aam­ma sialuk naggoris­sisitsisar­toq eq­qar­tor­pai. Oqaatsit as­sersuutil­lu tusar­naar­timi paasiuminar­titaat ator­tar­pai. Inuit oqaluus­sif­figisar­tak­kan­niit­tut soqutigisaat paasiniar­tak­kit aal­lar­niineril­lu naleq­qus­sarlugu. Oqaloqatiginiak­kavit taas­sumaluun­niit angerlarsimaf­fiata or­nin­nerani taas­suma soqutigisai qanoq paasiniarsin­naavigit? Malugin­nin­niaanik­kut. Im­maqa il­luminik qalipaavoq, atuak­kamik atuar­poq, biilini iluarsaap­pai al­lamil­luun­niit suliaqarluni. Naleq­qup­pat suliaanut tun­ngasoq aal­lar­niutigisin­naavat. (Joh 4:7) Al­laat inuup atisai inut­taa pil­lugu paasis­sutis­siisin­naap­put – im­maqa sumiuuneranik, sulif­fianik timersuum­mil­luun­niit nuan­narisaanik ersersitsip­put. w20.04 11 § 11-12

Qatannguti­ta ilaat er­numangaar­nermik akiugaqar­ner­tik pis­sutigalugu inuit akor­nan­niik­kaangamik an­nilaangangaalerlutil­lu ajuk­kus­sin­naasar­put. Inup­pas­suit akor­nan­niin­nis­sar­tik saper­nar­tis­sin­naagaluarlugu ataatsimiigiar­tar­put ataatsimeersuaqataasarlutil­lu. Ilisarisiman­ngisamin­nik oqaloqateqar­nis­sar­tik saper­nar­tit­tar­paat, taamaak­kaluar­torli suli il­lumiit il­lumut oqaluus­sisar­put. Il­lit taamatut akiugaqaruit kisimiin­ngilatit. Inup­pas­suit ilit­tul­li akiugaqar­put. Eq­qaamajuk tamaviaar­nerit Jehovamut nuan­naarutaasoq. Maan­namut tun­niutiin­narsiman­ngin­ner­pit ersersip­paa Jehovamit pil­luaq­quneqar­tarlutil­lu nukis­san­nik tunineqar­tar­tutit. (Fil 4:6, 7) Timik­kut tar­nik­kul­luun­niit nap­paateqaraluarlutit Jehova kif­far­torfigiguk­ku qularis­san­ngilat taan­na nuan­naar­til­lugu. Ilar­pas­suavut peq­qiil­lioraluarlutik piner­tusaar­put. (2 Kor 4:16) Aap, Jehovap ikiuineratigut inuunivim­mut ar­paliun­nermi tamat­ta apuuf­fis­saq tikil­lugu piner­tusaarsin­naavugut! w20.04 31 § 20-21

Guutip ilisimas­susersua nunarsuarmit pin­ngor­titaanit erser­poq. (Hebr 3:4) Im­mik­kuul­laris­suuvoq, nunarsuatsin­nimi avatangiisit ajun­ngil­luin­narmata inuit inuuin­narsin­naap­put. Nunarsuup silaan­narsuarmiin­nera umiatsiap im­mamiin­neranut as­sersuun­neqarsin­naavoq. Umiatsiarli nunarsuar­pul­lu pingaarutilin­nik as­sigiin­ngis­suteqar­put. As­sersuutigalugu, umiatsiami ilaasut nam­min­neq iltis­samin­nik, nerisas­samin­nik imis­samin­nil­lu pilersitsisariaqarunik im­mamul­lu eq­qaaq­qusaanatik qanoq sivisutigisumik uumas­sap­pat? Sivisunavian­ngilaq. Nunarsuarmili inuit uumasul­lu mil­liardilik­kuutaat uumaan­narsin­naap­put ilti, nerisas­sat imerlu pisariaqar­tin­neqar­tut nunarsuup nungus­sin­naan­ngitsutut pilersit­tarmagit. Silaan­narsuarmut eq­qaaneq ajor­poq, sulili alutor­narlunilu najugariuminar­tuaan­nar­poq. Sooq taamaap­pa? Jehovap nunarsuaq pin­ngor­tik­kamiuk ilisimas­suseqangaarluni atoq­qiisin­naan­ngor­til­lugu pin­ngor­tip­paa. w20.05 20 § 3-4

Saatanip Jehova mamarlerlugu sal­lutuujunerar­paa. Taamaalior­nermigut Saatani Diaavulun­ngor­poq, tas­sa mamarliisun­ngor­poq. Evap nakutitaal­luin­narluni Saatani up­peraa. (1 Tim 2:14) Saatani Jehovamit tatigineruleramiuk Eva aalajangiinerlup­poq. Aalajanger­porlu Jehova naalan­niar­nagu. Or­piup nerif­figeq­qusaan­ngitsup naatitaanik neriler­poq kingor­nalu Adami tunil­lugu. (1 Mos 3:6) Eva Saatanimut qanoq akisimasus­saagaluar­toq eq­qarsaatigiuk. Takorlooruk ima oqarsimagaluar­pat: “Naluak­kit kinaasutit, Ataatagali Jehova nalun­ngilara, aam­ma asal­lugulu tatigaara. Adamilu pisariaqar­titatsin­nik tamanik tuninikuuaatigut. Sooq eq­qar­tor­nerlus­saviuk? Peer­niarit!” Jehovap oqaatsit taak­ku asan­nin­nermik tun­ngavil­lit panim­mi ilumoorfigin­nit­tup oqaatigisai nuan­naarutigingaarsimas­sagaluar­pai. (Uss 27:11) Evali Jehovamut ilumoorfigin­nin­ngilaq, aam­ma Adami taamaaliun­ngilaq. Ataatar­tik qaman­nga pisumik asan­ngin­namik­ku Adamip Eval­lu Guutip aq­qa narrunarsar­neqarmat il­lersun­ngilaat. w20.06 4 § 10-11

Qatan­ngutivut ar­nat Jehovamut kif­far­tor­nermin­ni iliuuserisar­pas­sui pil­lugit nersualaar­neqar­tariaqar­put. Kif­far­toriaatsit tas­saasin­naap­put sanaar­tor­neq, aserfal­latsaaliuineq, oqaluus­sisar­toqatigiin­nik al­lamiutut oqaasilin­nik tapersersuineq Betelimilu kif­far­tor­neq. Ajunaar­nersuaqar­til­lugu ikiuut­tar­put, Biibililersaarutinik nutsereqataasar­put aam­ma pioneriul­lutil­lu ajoqersuiar­tor­titaasarlutik. Aam­ma aap­paqar­tut uimin­nik tapersersuim­mata uiusut Jehovap peqatigiis­sor­taani akisus­saaf­fim­min­nik naam­mas­sin­nis­sin­naap­put. Qatan­ngutit angutit akisus­saaf­fil­lit taak­ku nuliamin­nit tapersersor­neqan­ngik­kunik ‘inun­nik tunis­sutaasutut’ tamak­kiisumik kif­far­torsin­naas­san­ngik­kaluar­put. (Ef 4:8, NW) Utoq­qaaner­tat ilisimas­suseqar­tut nalun­ngilaat qatan­ngutit ar­nat piumas­suseqar­tut ‘amerlaqisut’ nutaarsias­samil­lu nuan­nersumik oqaluus­sil­laq­qis­suusar­tut. Utoq­qaaner­tal­lu nalun­ngilaat qatan­ngutit ar­nat inersimal­luar­tut aalajaatsut qatan­ngutinik ar­nanik inuusun­nerusunik ajor­nar­torsior­tunik ikiuil­luarsin­naasut. (Tit 2:3-5) Erseq­qip­poq qatan­ngutivut ar­nat pingaar­tin­neqar­tariaqar­tut! w20.09 23-24 § 13-14

Jehovap im­minut kif­far­torsimasut unit­tooq­qagal­lar­tul­li in­nut­taminik peqateqar­tan­ngitsut puiun­ngilai. Aam­ma kif­far­torsimanerat puiun­ngilaa. (Hebr 6:10) Jehovap in­nut­taminik isumas­suisar­nera pruf­fiitip Esajap nuan­nersumik ima as­sersuusiaraa: “Savaatini paarsisutut paarai, talerminik katersor­pai; savaaq­qat pak­kup­pai.” (Es 40:11) Savanik Paarsisorsuaq savaatimi ilaat qimaguk­kaangat qanoq misigisar­pa? Jehovap misigis­susii Jiisusip ersersip­pai ajoqersuk­kani ima oqarfigigamigit: “Qanoq isumaqar­pisi? Inuup 100-nik savaateqar­tup taak­kua ilaat ataaseq tam­mar­pat ilai 99-it qaq­qanut qimal­lugit tam­mar­toq ujariar­tus­san­ngin­ner­paa? Naniguniul­lu, ilumut oqarfigaas­si, taan­na 99-init tam­man­ngitsunit nuan­naarutiginerus­savaa.” – Matt 18:12, 13. w20.06 19-20 § 8-9

Sapin­ngisatsin­nik Jehova kif­far­torfigigutsigu taman­na ataq­qinaatitut isigaar­put. (Tuss 27:4; 84:11) Qatan­ngut angut im­mik­kut it­tumik pisin­naatitaaf­feqalerusup­pat taman­na nersor­nar­poq. Sulias­sin­neqarunili im­minut pingaar­tip­pal­laalis­san­ngilaq. (Luk 17:7-10) Maniguul­luni al­lat pil­lugit kif­far­torusut­tariaqar­poq. (2 Kor 12:15) Biibilimi inuit im­minut pingaar­tip­pal­laarlutik maligas­siuinerlut­tut oqalut­tuarineqar­put. Diotrefesi pingaakujul­luni ilagiin­ni ‘sal­liujumasar­poq’. (3 Joh 9) Uzzijap makital­luni im­minut Jehovamit sulias­siis­sutaan­ngitsoq suliariniarsaraa. (2 Nal 26:16-21) Absalomi kun­ngin­ngorusuk­kami peq­quserlul­luni inun­nit iluareq­qusaar­poq. (2 Sam 15:2-6) Biibilimi oqalut­tuanit taak­kunan­nga ersersin­neqar­tutut Jehovap inuit im­minut ataq­qinaaser­niar­tut iluarin­ngilai. (Uss 25:27) Pingaakujut­tut ataq­qineqarusut­tul­lu ajor­nar­torsiuteqaleriaan­naap­put. – Uss 16:18. w20.07 4 § 7-8

Ilaqutariit kristumiut ilaat nunagisamin­ni inuuniapiloor­neq pis­sutigalugu sulif­fis­sarsiorlutil­luun­niit nunamut al­lamut nuus­simap­put. Taamaat­toqar­pat imaas­sin­naavoq nunasif­figisami oqaatsit ator­neqar­tut atorlugit meeq­qat atuarfim­mi ilin­niar­tin­neqar­tut. Aam­ma angajoq­qaat sulif­fit­taarumal­lutik nunasif­fim­min­ni oqaaserineqar­tut im­maqa ilin­niar­tariaqar­paat. Taavami nunasif­figisamin­ni nam­min­neq ilitsoq­qus­samin­nik oqaasilin­nik ilageeqar­pat oqaluus­sisar­toqatigeeqar­pal­luun­niit? Ilagiit sorliit ataatsimiigiarfigisas­savaat? Nunasif­figisamin­ni oqaasilin­nut imaluun­niit ilitsoq­qus­samin­nik oqaasilin­nut ataatsimiigiar­tas­sap­pat? Ilaqutariin­ni it­tuusup aalajanger­tus­saavaa ilagiin­nut sorler­nut ataatsimiigiar­tas­sanerlutik. Taman­na al­lat aalajangersin­naan­ngim­mas­suk ilaqutariin­nut suna pitsaaner­paajunersoq eq­qarsaatigisariaqar­paa. Ilaqutariin­ni it­tuusup aalajangigaa ataq­qisariaqar­par­put. Qanorluun­niit aalajangiigaluar­pat aalajangigaa ataq­qil­lugu ilaqutariit ilagiitsin­ni tikil­luaq­qusaasutut misigitis­savavut. – Rom 15:7. w20.08 30 § 17-18

Jehovamit pis­satsin­neqas­sagut­ta eq­qarsar­naveersaar­tariaqar­pugut nukivut, ilin­niak­kavut, kulturer­put pisuus­sutivul­lu pis­sutigalugit Jehovamit ator­neqarsin­naasugut. Guutip in­nut­tai amerlasuut inuit isaan­ni ‘ilisimasuun­ngil­lat, pis­saaneqar­tuun­ngil­lat akimasuujunatil­lu’. (1 Kor 1:26) Taamaat­tumik san­ngiis­sutitit Jehovamut kif­far­tor­nis­san­nut aporfigeqinagit, Jehovamil­li pis­satsin­neqar­ner­pit maluginis­saanut periarfis­satut isigik­kit. As­sersuutigalugu up­per­nerit pil­lugu qulalersin­niar­neqaraangavit up­perisavit il­lersor­nis­saanut sapiis­suseqarumal­lutit Jehovamut qinunik­kut ikioq­qusin­naavutit. (Ef 6:19, 20) Ilungersunar­tumik timik­kut tar­nik­kul­luun­niit nap­paateqaruit Jehovamut kif­far­tor­nermi ulap­puteqar­tuarumal­lutit nukis­san­nil­lu tuneq­qul­lutit qinusin­naavutit. Jehovap ikiuinera takugaangak­ku up­per­neruler­tas­saatit pis­satsin­neqar­tarlutil­lu. w20.07 16 § 9

Guutip naalagaaf­fia inuunitsin­ni sal­liuk­kutsigu Jehovamit iluarisaajumal­luta Aaperaatul­li pil­liuteqariaan­naas­saagut. (Mark 10:28-30; Hebr 11:8-10) Ajor­nar­torsiuteqan­ngivin­nis­sat ilimageqinagu. Jehovamut inuuner­tik tamaat kif­far­tor­tut al­laat aam­ma ajor­nar­torsiuteqar­tar­put. (Jaak 1:2; 1 Petr 5:9) Siunis­samik eq­qarsaatigin­nit­tuar­nis­satsin­nut aatsaat taama pis­sutis­saqar­tigaagut. Silarsuarmi pisunit erser­poq ul­lus­sani kingul­ler­paani inuusugut. Guutip naalagaaf­fia aqutsiler­pat asasat­ta toqusunit makitin­neqar­nerat pil­luaq­qus­sutis­sar­pas­suat­ta ilagaat. Taamanik­kus­samut Aaperaat up­per­nini erinitsajuin­ninilu pil­lugit ilaqut­tanilu nunarsuarmi makititaanermik­kut Jehovamit akis­sarsisin­neqas­saaq. Il­lit tikil­luaq­quseqataas­savit? Aaperaatut Guutip naalagaaf­fia pil­lugu pil­liuteqariaan­naaguit, qanorluun­niit ajor­nar­torsioraluarlutit up­per­tuaruit aam­ma erinitsajuil­lutit Jehova utaq­qiuaruk­ku taamaaliorsin­naas­saatit. – Mika 7:7. w20.08 5-6 § 13-14; 7 § 17

Nalun­ngilar­put akeq­qat­ta toquk­kaluar­patigut Jehovap inuulerseq­qik­kumaaraatigut. Qularin­ngil­luin­nar­par­put sumil­luun­niit Jehovamik kif­far­torun­naarsin­neqarsin­naanata. (Rom 8:35-39) Makititaanis­samik neriuum­mi Jehovap ilisimas­susersua ersaringaarami! Tamatumuunak­kut Saatanip sak­kuisa sun­niuteqar­ner­paat ilaat atorsin­naajun­naar­tip­paa im­minul­lu aalajaat­tuar­nis­samut sapiis­suseqalersil­luta. Jehovap akeraanit toqumik sioorasaar­neqaraluaruil­luun­niit makititaanis­sat up­peris­saviuk? Taman­na qanoq nalun­ngis­sin­naaviuk? Im­minut ima aperisin­naavutit: ‘Jehovamik tatigin­nin­nera ul­luin­nar­ni aalajangiisar­nin­nit erser­pa?’ (Luk 16:10) Aam­ma ima aperisin­naavutit: ‘Naalagaaf­fik sal­liuk­kuk­ku Jehovap pisariaqar­titan­nik tunisiumaar­neranik up­perin­nin­nera inooriaatsin­nit takuneqarsin­naava?’ (Matt 6:31-33) Apeq­qutit taak­ku angeruk­kit qanorluun­niit misilin­neqar­nis­samut piareersimas­saatit. – Uss 3:5, 6. w20.08 17-18 § 15-16

Guutip oqaasia atorluarsin­naasariaqar­par­put. Tamatumun­nga tun­ngatil­lugu ataatsimiin­nitsin­ni ilin­niar­tin­neqar­tar­pugut. Sal­lusuis­sutil­li Biibilimeersup ilumut naleqar­tuunera pil­lugu al­lat nas­suiaas­sin­naas­sagutsigit nam­mineq Biibilimik atuaq­qis­saakulasariaqar­pugut. Guutip oqaasia atorlugu up­per­ner­put nakus­satsit­tariaqar­par­put. Taamaalius­sagut­ta Biibilimik atuar­neq naam­man­ngilaq. Biibili eq­qor­tumik paasis­sagutsigu nas­suiarsin­naas­sagutsigulu atuak­kavut eq­qarsaatigeq­qis­saar­tariaqar­pavut Biibililersaarutitsin­nil­lu misis­sueq­qis­saarluta. (1 Tim 4:13-15) Taamaaliorut­ta Biibili atorlugu al­lanik ilin­niar­titsisin­naalis­saagut. Ilin­niar­titat­tali Biibilimik atuf­fan­nis­saat naam­man­ngilaq. Tusar­naar­tivut al­las­simaf­fim­mik paasin­nis­sin­naaq­qul­lugit tamatumin­ngalu maleruaasin­naaq­qul­lugit ikiorusup­pavut. Guutip oqaasianik ilin­niar­titsil­laq­qin­nerulersin­naavugut aalajangersimasumik Biibilimik atuaq­qis­saar­tar­nik­kut. – 2 Tim 3:16, 17. w20.09 28 § 12

Jehovap qanoq ikiuisimatiginera eq­qarsaatigisarutsigu oqaluus­sinitsin­ni al­lamut saasar­tin­navian­ngilagut. As­sersuutigalugu anersaak­kut inuus­sutis­satsin­nik naam­mat­torsuar­nik tunisimavaatigut, soorlu Biibililersaarutinik naqitik­kanik elektroniskiusunil­lu, tusar­naagas­sianik isigin­naagas­sianil­lu, kiisalu inter­netik­kut aal­lakaatitas­sianik. Una eq­qarsaatigeriaruk: Nit­tar­tak­katsin­ni paasis­sutis­sat oqaatsini 1.000-nit amerlanerusuni pis­sarsiarineqarsin­naap­put! (Matt 24:45-47) Oqaluus­sinitsin­ni al­lamut saasar­tin­ngin­nis­samut iluaqutigisin­naasar­put al­la tas­saavoq Jiisusip maligas­siaanik malin­nin­ner­put. Sal­lusuis­sut pil­lugu nalunaajaanermini Jiisusi al­lamut saasar­tin­ngivip­poq. (Joh 18:37) Al­laat Saatanip “silarsuarmi naalagaaf­fiit tamaasa taak­kualu alutor­nas­susiat” neqeroorutigim­magit inun­nil­luun­niit kun­ngin­ngor­tin­niar­neqarami us­ser­nar­torsiun­ngilaq. (Matt 4:8, 9; Joh 6:15) Pigisalerituujun­ngilaq sak­kor­tuumil­lu akerlilersor­neqaraangami siooraneq ajorluni. (Luk 9:58; Joh 8:59) Up­per­nik­kut misilin­neqar­til­luta apustilip Paulusip ul­lormut al­las­simaf­fim­mi siun­nersuutaa eq­qaamasarutsigu al­lamut saasar­tis­san­ngilagut. w20.09 9-10 § 6-7

Qatan­nguter­pas­suit ar­nat ilagiin­ni iliuuseqangaar­tar­tut qujamasuutigingaar­pavut! Oqaluus­sisarlutil­lu ataatsimiin­ner­ni peqataasar­put. Ilaat naalagaaf­filersaarfin­nik aserfal­latsaaliuinermi ikiuut­tar­put up­peqatimin­nil­lu soqutigin­nin­nermik ersersitsisarlutik. Soorunami aam­ma ajor­nar­torsior­tar­put. Ilaasa angajoq­qaatik utoq­qalisut isumas­sor­tar­paat. Al­lat ilaqut­tamin­nit akerlilersor­neqar­put. Al­lal­lu anaanaap­put kisimiit­tut ilungersorlutik qitor­namin­nik pilersuisut. Sooq qatan­ngutivut ar­nat tapersersus­savavut? Ar­nat silarsuarmi ataq­qineqar­tariaqar­nermis­sut ataq­qineqar­tuaan­nan­ngim­mata. Aam­ma Biibilimi kajumis­saar­neqar­pugut taak­ku tapersersus­sagivut. As­sersuutigalugu apustilip Paulusip ilagiit Romamiit­tut peq­quai Føbe tikil­luaq­qus­sagaat “pisariaqagaanil­lu tamanik ikiorlugu”. (Rom 16:1, 2) Paulusip ar­nat nikanar­nerusutut pisarsimas­sagunaraluarlugit kristumiun­ngorami Jiisusi ilaarlugu ar­nat ataq­qin­nit­tumik inus­siar­nersumil­lu pisar­pai. w20.09 20 § 1-2

Biibilimik atuaq­qis­saaqatigisar­tak­kavut nutaarsias­samik nuan­nersumik oqaluus­seqataarusulersin­niarlugit ima aperisin­naavavut: “Biibilimi ilin­niar­titsis­sutigineqar­tut malerualerak­kit inuunin­ni qanoq iluaqutigaagit? Isumaqar­pit al­lat tusarlius­sap tamatuma tusar­nis­saa pisariaqar­tik­kaat? Il­lit taak­ku qanoq ikiorsin­naavigit?” (Uss 3:27; Matt 9:37, 38) Eq­qaamajuk Jiisusip peq­qus­sutini “tamaasa maleruaq­qul­lugit” al­lanik ilin­niar­titseq­qugaatigut. Peq­qus­sutaanut ilaap­put inas­sutit an­ner­paat marluk – Guutimik tul­lermil­lu asan­nin­neq. Inas­sutil­lu taak­ku oqaluus­sinermut ajoqersugan­ngor­titsior­tor­nermul­lu at­tuumas­suteqarluin­nar­put. (Matt 22:37-39) Asan­nin­neq oqaluus­sinis­samut kajumis­sis­sutaasar­poq. Biibilimik atuaq­qis­saaqatigineqar­tar­tut ilaasa oqaluus­sinis­sar­tik merserisar­paat. Oqarfigisin­naavavul­li Jehovap ikiuineratigut inuit qunugiun­naariar­tus­sagaat. – Tuss 18:2-4; Uss 29:25. w20.11 3-5 § 6-8

Biibilimik atuaq­qis­saaqateqar­nis­samut piareersar­nermi atuaq­qis­saaqatigisar­tak­kat taas­sumalu pisariaqar­titai pil­lugit Jehovamut qinusarit. Biibilimik ilin­niar­titsinin­ni atuaq­qis­saaqatigisar­tak­kavit uum­mataa kil­lik­kumal­lugu Jehovamut ikioq­qugit. Eq­qaamajuk Nalunaajaasun­ngor­nis­saa siuner­tarigit. Atuaq­qis­saaqatigineqar­tar­tup aam­ma Jehova tusar­naar­tarlugulu saaf­figisariaqar­paa. Ul­lut tamaasa Biibilimik atuar­taruni Jehova tusar­naar­tas­savaa. (Jos 1:8; Tuss 1:1-3) Jehovamut ul­lut tamaasa qinusarsin­naavoq. Taamaat­tumik atuaq­qis­saar­nersi aal­lar­nerlugu naggaserlugulu qaman­nga pisumik qinusarit qin­nutin­nul­lu atuaq­qis­saaqatigisar­tak­kat ilan­ngul­lugu. Taamatut maligas­siuinik­kut uum­mam­mit pisumik Jehovamut Jiisusip aq­qani qinusar­nis­saanik ilin­niar­tis­savat. (Matt 6:9; Joh 15:16) Qinusar­nini ul­lul­lu tamaasa Biibilimik atuar­tar­nini Jehovamut qanin­nerulis­sutigis­savaa. – Jaak 4:8. w20.10 8 § 8; 9 § 10-11

Nalitsin­ni Jehovap peqatigiis­sor­taasa aaq­qis­sugaal­luar­nerat eq­qis­sisimaneral­lu erseq­qip­poq, soorlu kristumiut siul­liit nalaan­ni taamaat­toq. (ApS 16:4, 5) As­sersuutigalugu ilagiin­ni al­lani – al­laal­luun­niit nunami al­lami – Napasuliaq Alapernaarsuiffik-mik atuaq­qis­saaqatigiin­neq najuuf­figis­saguk­ku nalus­san­ngilat atuaq­qis­saaqatigiin­neq qanoq aqun­neqarumaar­toq al­laaserisarlu sorleq atuaqatigiis­sutigineqarumaar­toq. Taman­na toq­qis­sisimanaris­savat. Guutip anersaava kisimi taama ataasioqatigiis­sitsisin­naavoq! (Sef 3:9) Qanoq iliorsin­naavit? Uku eq­qarsaatigik­kit: ‘Ilagiin­ni ataasius­suseq eq­qis­sinerlu siuarsar­pak­ka? Siulersor­titsin­nut naalat­tar­punga? Tatiginar­tuuvunga, ingam­mik ilagiin­ni akisus­saaf­feqaruma? Pif­fis­samik eq­qorluaasar­punga, ikiuiumatuujuvunga kif­far­torusus­suseqarlungalu?’ (Jaak 3:17) Taak­ku eq­qarsaatigereerlugit paasiguk­ku arlaatigut pitsan­ngorsaasariaqarlutit anersaaq il­ler­nar­toq qin­nutigiuk. Anersaamit il­ler­nar­tumit inut­tut ilusilersor­tin­nerujar­tor­til­lutit iliuuseriniak­katil­lu sun­ner­neqar­nerujar­tor­til­lugit qatan­ngutin­nit asaneqar­nerujar­torlutil­lu pingaar­tin­neqar­nerujar­tus­saatit. w20.10 23 § 12-13

Guutip oqaasia tarrarsorfigisin­naavar­pul­lusooq. (Jaak 1:23-25) Inuit amerlanersaat ul­laak­kut anin­ngin­nermin­ni tarrarsor­tar­put. Taamaalil­lutik al­lanit takuneqan­ngin­nermin­ni isik­koris­saq­qaar­tar­put. Tamatumun­nga as­singusumik ul­lut tamaasa Biibilimik atuaraangat­ta eq­qarsar­taatsitsigut isigin­nit­taatsitsigul­lu suut aaq­qitas­saanersut paasisar­par­put. Amerlasuut ul­laat tamaasa anin­ngin­nermin­ni ul­lormut al­las­simaf­fik atuaq­qaar­tar­paat. Taamaalior­ner­tik iluaqutigalugu atuak­katik eq­qarsaatimin­nut sun­niuteqar­tit­tar­paat. Taava Guutip oqaasiani siun­nersuutit atuarsimasatik ul­lup ingerlanerani maleruar­niar­tar­paat. Tas­sa Guutip oqaasia ul­lut tamaasa atuaq­qis­saarlugulu eq­qarsaatigeq­qis­saar­tariaqar­par­put. Taman­na ajor­nan­ngip­paluk­kaluaqisoq inuunermut aq­qutik­kut nerukitsuk­kut ingerlajuar­nis­satsin­nut iliuuserisin­naasat­ta pingaar­ner­paar­taasa ilagaat. Guutip oqaasia qin­nguar­taatitut ip­poq, takusin­naan­ngisatsin­nim­mi takun­nis­sin­naalersitsisar­poq. Siun­nersuutil­li Biibilimiit­tut Guutil­lu sin­niisaaneersut iluaqutigis­sagutsigit maniguut­tuusariaqar­pugut. w20.11 18 § 3; 20 § 8

Kristumiut siul­liit malersugaasaraluarlutik ilaan­nik­kut toq­qis­sil­lutik inuusin­naasar­put. Pif­fis­saq eq­qis­sisimaf­fiusoq qanoq ator­tar­paat? Tusagas­saq nuan­nersoq aalajaal­lutik oqaluus­sis­sutigiuar­paat. Apustilit Suliaan­ni al­las­simasutut ‘Jehova mianeralugu inuup­put’. Oqaluus­siuaramik ‘amerliar­tor­put’. Erseq­qip­poq pif­fis­sami eq­qis­sisimaf­fiusumi ilungersorlutik oqaluus­sinerat Jehovap pil­luaq­qugaa. (ApS 9:26-31) Kristumiut siul­liit nutaarsias­samik nuan­nersumik siaruar­terinis­samut periarfis­satik tamatigut atorluar­tar­paat. As­sersuutigalugu apustilip Paulusip Efesosimi oqaluus­sinis­samut ajoqersugan­ngor­titsior­tor­nis­samul­lu periarfis­saqarlualerami taman­na atorluar­paa. (1 Kor 16:8, 9) Ajoqersuk­kat aal­lus­sil­luarlutik Jehovap ‘oqaasia nalunaajaatigaat’. (ApS 15:30-35) Taman­na qanoq kinguneqar­pa? Taman­na ul­lormut al­las­simaf­fim­mit akineqar­poq. w20.09 16 § 6-8

Adami ajor­tuliorami toqusus­san­ngor­poq kinguaas­sanilu toqusus­san­ngor­til­lugit. Naalan­ngin­neratalu kingunipilui ul­lumik­kut suli malun­nar­put. Guutili er­nerminik makititsim­mat inuit al­laanerul­luin­nar­tumik periarfis­saqaler­put! Apustili Paulusi ima tun­ngavilersuivoq: “Toqusut makin­nis­saat inuk [Jiisusi] aq­qutigalugu nal­liup­poq. Soorlumi Adamimi tamarmik toqusar­tut, taamatut­taaq Kristusimi tamarmik uum­mar­titaajumaar­put.” (1 Kor 15:21, 22) Paulusip suna pivaa al­lak­kami “Adamimi tamarmik toqusar­tut”? Paulusip Adamip kinguaavi ajor­timik naam­mal­luin­nan­ngis­susermil­lu kingor­nus­sisimasut taamaat­tumil­lu toqusus­san­ngor­tut pivai. (Rom 5:12) Adami ‘uum­mar­titaajumaar­tunut’ ilaan­ngilaq. Taas­sumami naam­mal­luin­nar­tuul­lunilu piaaraluni Guuti naalan­ngin­namiuk Kristusip uter­titsis­sutitut pil­liutaa iluaqutigis­san­ngilaa. Adami ‘savaasat’ pineqar­nis­saat­tut pineqar­poq, taak­kumi ‘Inuup Er­neranit’ naas­saan­ngitsumik suujun­naarsitaasus­satut eq­qar­tuun­neqas­sap­put. – Matt 25:31-33, 46; Hebr 5:9. w20.12 5 § 13-14

Aalajangersimasumik sulias­sin­neqan­ngik­kut­ta in­ngilit aalajaatsut eq­qarsaatigis­savavut. Itsaq kun­ngip ajor­tup Akabip qanoq nakutin­neqarsin­naaneranik Jehovap in­ngilit siun­nersuuteqaq­quai, arlal­lil­lu siun­nersuuteqar­put. In­ngilil­li ataasiin­naap siun­nersuutaa Guutip iluatsis­sanerar­paa. (1 Kng 22:19-22) In­ngilit aalajaatsut al­lat nikal­lor­pat siun­nersuuteqarsimaner­til­lu peq­qis­simis­sutigilerlugu? Soorunami naamik. In­ngilit maniguutingaar­put, ataq­qinaal­lu tamaat Jehovamut tun­niuk­kusup­paat. (Eqq 13:16-18; Saqq 19:10) Eq­qaamajuk Guutip aq­qanik taaguuteqarluta kun­ngeqarfianik, tas­sa naalagaaf­fianik, oqaluus­sis­sutigin­nin­ner­put ataq­qinaataaner­paasoq. Sulias­sin­neqar­neriin­nar­put pis­sutigalugu Guutip naleqar­tutut isigineq ajor­paatigut. Maniguuk­kut­tali Jehovamit qatan­ngutitsin­nil­lu asaneqas­saagut. Taamaat­tumik maniguut­tuujuar­nis­san­nik Jehova qin­nuigisaruk. Jehovamut kif­far­tor­tut Biibilimi eq­qaaneqar­tut maniguun­nermut tun­ngatil­lugu maligas­siuisut eq­qarsaatigisak­kit. Qatan­ngutitit kajumil­lutit sapin­ngisan­nik ikior­tak­kit. – 1 Petr 5:5. w20.12 26 § 16-17

Niaqoror­naveeq­qut an­nas­sut tas­saavoq neriuuter­put Jehovameersoq – tas­sa toqumit an­naan­neqar­nis­samik Jehoval­lu piumasaatut ilior­tut tamarmik akis­sarsisin­neqar­nis­saan­nik neriuut. (1 Th 5:8; 1 Tim 4:10; Tit 1:1, 2) Eq­qarsar­taaser­put an­naan­neqar­nis­samik neriuum­mit il­lersor­neqar­tar­poq. Neriuut iluaqutigalugu Guutip neriorsuutai eq­qarsaatiginerusin­naavagut, taava ajor­nar­torsiutitsin­nit ar­torsin­neqas­san­ngilagut. Niaqoror­naveeq­qut atisin­naavar­put Guutip eq­qarsar­taasianut naaper­tuut­tumik eq­qarsaateqar­tar­nik­kut. As­sersuutigalugu pisuus­sutit naleerutiasut tutsuiginagit Guuti neriuf­figaar­put. (Tuss 26:2; 104:34; 1 Tim 6:17) Anersaap panaa tas­saavoq Guutip oqaasia, Biibili. Panaq taan­na nakutitsiniutinik qulaajaasar­poq, aam­ma ajoqersuinerluutinut ileq­qunul­lu ajoqutaasunut inus­siaasut inus­siaajun­naarsis­sin­naavai. (2 Kor 10:4, 5; 2 Tim 3:16, 17; Hebr 4:12) Panap tamatuma eq­qor­tumik ator­nis­saa ilin­niar­tar­par­put nam­mineq atuaq­qis­saar­nik­kut Guutil­lu peqatigiis­sor­taanit ilin­niar­titaanik­kut. – 2 Tim 2:15. w21.03 27 § 4; 29 § 10-11

Jiisusi pil­lugu oqaluus­sinini pis­sutigalugu par­naarus­saaq­qagaluarluni apustilip Johan­nesip ersersip­paa inuit al­lat eq­qarsaatigisarlugit. As­sersuutigalugu im­minut saq­qum­mersin­neqar­tut al­lap­pai, ilagiil­lu “qanit­tuk­kut piumaar­tus­sat” nalun­ngin­nias­sam­matigit al­latani taak­kunun­nga nas­siup­pai. (Saqq 1:1) Taava Patmosimit iperagaanermi kingor­naagunar­toq Jiisusip inuunera kif­far­tor­neralu pil­lugit Johan­nesi iivangkiiliumik al­lap­poq. Aam­ma up­peqatini qiim­mas­sar­niarlugit nakus­satsin­niarlugil­lu pingasunik al­lagaqar­poq. Johan­nesi im­minut pil­liutigeriaan­naasoq ilaarsin­naavat inooriaatsik­kut inun­nik asan­nit­tuunik­kut. Saatanip silarsuaata kis­saatigaa aningaasarsiorlutit tusaamasan­ngor­niarlutil­luun­niit pif­fis­sat nukitil­lu tamaasa ilin­nut atus­sagitit. Naalagaaf­fim­mil­li oqaluus­sisar­tut sumi tamaniit­tut im­minut pil­liutigeriaan­naasut nutaarsias­saq nuan­nersoq oqaluus­sis­sutigiumal­lugu inuil­lu Jehovamut qanil­linis­saan­nut ikiorumal­lugit pif­fis­sar­tik ator­tar­paat. w21.01 10 § 9-10

Kun­ngip Saulip er­neratut Jonatanip kun­ngin­ngor­tus­saanini aalajangiusimasin­naagaluar­paa Daavilu sin­ngagilerlugu. (1 Sam 20:31) Maniguul­lunili Jehovamut ilumoorfigin­nit­tuar­poq. Taamaat­tumik Jehovap kun­ngis­satut toq­qagaa tapersersor­paa. Aam­ma ataatami kamaatingaaraluaraani Daavi ilumoorfigaa. (1 Sam 20:32-34) Jonatanip Daavi asangaaramiuk unam­mil­ler­timisut isigin­ngilaa. Jonatani sorsut­tar­tuuvoq sapiitsoq piserial­laq­qis­sorlu. Ataatanilu ‘nat­toralin­nit suk­kanerusar­tutut løvinil­lu nakuunerusutut’ tusaamaneqar­put. (2 Sam 1:22, 23) Jonatanip sapiitsuliar­pas­suani tul­luusimaarutigisin­naagaluar­pai. Ajugaaniar­tuun­ngilarli sin­ngatuujunanilu. Paarlat­tuanik Daavip sapiitsuunera Jehovamil­lu tatigin­nin­nera Jonatanip nuan­naar­torivai. Daavi Goliatimik toqutsim­mat Jonatanip im­misut asangaaler­paa. Uagut­taaq qatan­ngutigut taamatut asasin­naavagut. w21.01 22 § 6, 8-9

Kristumiut tamarmik Jiisusi niaqoraat. Ar­narli katin­nermigut angum­mik naam­mal­luin­nan­ngitsumik aam­ma niaqoqaler­tar­poq. Taman­na unam­miniar­narsin­naavoq. Taamaat­tumik katin­niarluni eq­qarsaruni angut katin­niak­kani pil­lugu uku eq­qarsaatigisariaqar­pai: ‘Angut taan­na niaquul­luarsin­naar­pasip­pa? Anersaak­kut it­tut pingaar­ner­paatip­pai? Taamaan­ngip­pat sooq ilimagis­savara katereerut­ta niaquul­luarsin­naas­sasoq?’ Ar­nap aam­ma uku eq­qarsaatigisariaqar­pai: ‘Aap­pariil­luas­sagut­ta uanga qanoq iliuuseqarsin­naavunga? Kamagit­tar­tuul­lungalu tuk­kor­tuuvunga? Jehovamut at­taveqarluar­punga?’ (Oqal 4:9, 12) Ar­naq eq­qarsarluaq­qaarluni uis­saminik toq­qaaguni katereerunik aap­pariit­tut iluatsil­lutil­lu pil­luarsin­naas­sap­put. Qatan­ngutit ar­nat uimin­nut naalan­nermik­kut maligas­siuil­luar­tut amerlaqaat. Nersualaar­neqar­tariaqar­put! w21.02 8 § 1-2

Ukiuni kingul­ler­ni oqaluus­sisar­tor­pas­suit oqaluus­sinerusin­naajumal­lutik al­lamiutut oqalus­sin­naaler­nis­saq ilagiin­nilu oqaluus­sisar­tunik pisariaqar­titsif­fiunerusuni kif­far­torsin­naanis­saq anguniagarisimavaat. Kristumiut taak­ku Jehovamut kif­far­tor­nerujumal­lutik nam­min­neq taama aalajangersimap­put. Oqaatsit ilin­niak­katik ukior­pas­suar­ni pik­korif­figin­ngik­kaluarlugit ilagiin­nut sor­pas­suar­tigut iluaqutaap­put. Pis­suserin­nerat misilit­tagaal­lu ilagiin­nut nakus­sas­saataap­put. Qatan­ngutit im­minut pil­liutigeriaan­naasut taak­ku pingaar­tingaar­pavut! Utoq­qaaner­taqatigiit qatan­ngutip angutip ilagiin­ni oqaaserineqar­tut pik­korif­figin­ngim­magit utoq­qaaner­tas­satut ilagiin­niluun­niit kif­far­tor­tus­satut in­nersuus­sutiginis­saa tunuarsimaarutigis­san­ngilaat. Utoq­qaaner­taqatigiit pineqar­toq utoq­qaaner­tanut ilagiin­nilu kif­far­tor­tunut Biibilimi piumasaqaatit tun­ngavigalugit nalilis­savaat oqaatsit ilagiin­ni ator­neqar­tut atorlugit qanoq pik­koritsiginera tun­ngaviginagu. – 1 Tim 3:1-10, 12, 13; Tit 1:5-9. w20.08 30 § 15-16

Inuit ilaat isumaqar­put aatsaat peq­qik­kunik, aningaasaater­pas­suaqarunik ilaqutariit­tul­lu pil­luarunik nuan­naarsin­naal­lutik. Nuan­naar­nerli Jaakup al­laatigisaa Guutip anersaavata inerititaanut ilaavoq, taamaat­tumil­lu inut­tut atuk­kanit sun­ner­neqar­neq ajor­poq. (Gal 5:22) Kristumiu Jiisusimik malin­nit­toq Jehovamil­lu iluarisaasoq qaman­nga pisumik nuan­naarsin­naavoq. (Luk 6:22, 23; Kol 1:10, 11) Nuan­naar­ner­put naneruum­mut naneruarfiup iluaniit­tumut as­sersuun­neqarsin­naavoq. Anorimut sialum­mul­lu as­sequteqarami ikumajuarsin­naavoq. Uagut­taaq qanorluun­niit nalaataqaraluarut­ta, al­laat nap­parsimagaluarut­ta pis­sakil­lioraluarut­taluun­niit, nuan­naar­tuarsin­naavugut. Aam­ma ilaqutatsin­niit inun­niil­lu al­lanit il­laruaatigineqarlutalu akerlilersor­neqas­sagaluarut­ta nuan­naarsin­naavugut. Al­laat nuan­naarun­naarsin­niar­neqaraangat­ta nuan­naar­neruliin­nar­tar­pugut. Up­per­ner­pum­mi pil­lugu misilin­neqaraangat­ta erser­tar­poq kristumiuusugut ilumoor­tut. (Matt 10:22; 24:9; Joh 15:20) Taman­nar­piaq pis­sutigalugu Jaaku ul­lormut al­las­simaf­fim­miit­tutut al­lap­poq. w21.02 28 § 6

Biibilimik atuar­nin­ni al­las­simaf­fiit Jehovamik tatigin­nin­nerup pingaaruteqas­susianik ersersitsisut atuaraangak­kit eq­qaamaniar­tak­kit. Nipilim­mik atuar­tar­neq imaluun­niit atuaq­qit­taqat­taagas­sanik al­lat­tuineq im­maqa iluaqutigisin­naavat. Jehovap Josva peq­quaa inatsisit nipilim­mik atuar­tas­sagai silatusaar­tumik iliorsin­naaq­qul­lugu. Inatsisinik atuar­tar­nini siooraler­nani sapiil­lunili Guutip in­nut­taanik siulersuinis­saminut iluaqutigis­savaa. (Jos 1:8, 9) Il­lit­taaq Guutip oqaasiani al­las­simaf­fip­pas­suit pis­sutsini an­nilaangaf­fiusin­naasuni toq­qis­sisimaan­nar­nis­san­nut iluaqutigis­savatit. (Tuss 27:1-3; Uss 3:25, 26) Ataatsimiin­ner­ni oqalugiaatit, akis­sutit qatan­ngutitsin­nil­lu ineriar­tor­nar­tumik oqaloqateqar­tar­nerit iluaqutigisar­pagut. (Hebr 10:24, 25) Isumakuluutigut pil­lugit ikin­ngutigut ilagiin­niit­tut oqaloqatigigaangatsigit qiim­maal­langaar­tar­pugut. w21.01 6 § 15-16

Maniguut­tuarit Jehovalu tatigiuarlugu. Imermut morsutsin­neqaravit up­perluar­tuunerit Jehovamil­lu tatigin­nin­nerit takutip­pat, Jehoval­lu nuan­naangaarluni ilaqut­taminut tikil­luaq­quaatit. Jehovali taamatut tatigiuar­tariaqar­pat. Pingaarutilin­nik aalajangiis­sagaangavit Jehovamik tatigin­nin­nis­sat ajor­nar­tit­tarunan­ngilat. Pingaaruteqan­ngin­nerusunil­li aalajangiisus­saagaangavit tatigisar­piuk? Qanorluun­niit aalajangiinialeraangavit – as­sersuutigalugu aliik­kutas­sanut, sulif­fis­samut inuunermilu anguniagas­sanut tun­ngatil­lugu – Jehovap tatiginis­saa pingaaruteqangaar­poq! Nam­mineq ilisimas­sutsit tatigeqinagu. Aalajangiitin­nak Biibilimi najoq­qutas­siat misis­sor­tak­kit maleruarlugil­lu. (Uss 3:5, 6) Taamaalioruit Jehova nuan­naar­til­lugulu ilageeqatin­nit ataq­qineqalis­saatit. Tamatsitul­li naam­mal­luin­nan­ngitsuugavit ilaan­nik­kut kuk­kusoor­tarumaar­putit. Taman­nali Jehovamut kif­far­tor­nis­sin­nut tamaviaarun­naas­sutigeqinagu. w21.03 6 § 14-15

Ilaqut­tan­nit akerlilersor­neqar­pit? Nunamiluun­niit Jehovap in­nut­taasa suliaan­nik kil­lilersuif­fiusumi iner­teq­qutaaf­fiusumiluun­niit najugaqar­pit? Taamaap­pat Timotheusimut al­lak­kat aap­paat 1:12-16 aam­ma 4:6-11, 17-22 atuaruk­kit qiim­maal­las­sagunar­putit. Apustilip Paulusip par­naarus­sivim­miitil­luni taak­ku al­lap­pai. Versit taak­kua atuan­ngin­neran­ni ajor­nar­torsiutit misigis­sutsitil­lu pil­lugit Jehova oqalut­tuuguk – am­masumik oqalut­tuarit. Paulusip misilin­neqaatigisai atuar­til­lugit il­lit ajor­nar­torsior­nin­ni iluaqutigisin­naasatit malugisin­naaq­qul­lugit Jehovamut ikioq­qugit. Jehovap Paulusi ilisimatereer­paa kristumiuunera pis­sutigalugu malersor­neqar­tarumaar­toq. (ApS 21:11-13) Jehovap Paulusi qanoq ikior­paa? Qin­nutai akisarlugil­lu pis­satsit­tar­paa. (2 Tim 4:17) Paulusi neriorsoq­qis­saar­neqar­poq suleruloor­nini pil­lugu akis­sarsias­sani piumaaraa. Aam­ma Paulusip ikin­ngutai aalajaatsut atorlugit Jehovap ikior­paa. w21.03 17-18 § 14-15, 19