Aggusti

Jiisusimut ikin­ngutaal­luar­tut kisimik taas­suma uter­titsis­sutitut pil­liutaa tamak­kiisumik iluaqutigis­savaat. Jiisusip ersersip­paa ‘ikin­ngutini pil­lugit inuunini akigiumaarlugu’. (Joh 15:13) Inuit Jehovamut kif­far­tor­tut Jiisusip nunarsuarmiin­nera sioq­qul­lugu inuusimasut makititaagunik Jiisusi ilin­niar­tariaqarlugulu asaler­tariaqar­paat. Aatsaat Jiisusimut ikin­ngutaalerunik naas­saan­ngitsumik inuusin­naalis­sap­put. (Joh 17:3; ApS 24:15; Hebr 11:8-12, 24-26, 31) Guutip naalagaaf­fia pil­lugu tusagas­sanik nuan­nersunik oqaluus­sinitsin­ni ilin­niar­titsinitsin­nilu Jiisusip suleqatiginera nuan­naarutigaar­put. Jiisusi nunarsuarmiin­nermini ilin­niar­titsisar­poq. Qilam­mul­lu uter­nermi kingor­na ilagiin­ni niaquusutut nunarsuarmi suliatsin­nik aqutsivoq. Nam­mineq pil­luni Ataatanilu pil­lugu ilungersorlutit inun­nik ilin­niar­titsinerit malugalugulu pingaar­tip­paa. Aatsaat Jehovamit Jiisusimil­lu ikior­neqarut­ta suliar­put naam­mas­sisin­naas­savar­put. – Joh 15:4. w20.04 22 § 7-8

“Avan­narliup kun­ngia” aam­ma “Kujal­liup kun­ngia” aal­laq­qaam­mut taaguutigitin­neqar­put naalak­kersuisut Israelip avan­naatungaaniit­tunut kujataatungaaniit­tunul­lu. (Dan 10:14) Ukiumi 33-mi piinsip ul­luata tungaanut Israelik­kut tas­saap­put Guutip in­nut­tai. Ul­lorli taan­na aal­lar­nerfigalugu Jiisusimut ajoqersuk­kat aalajaatsut Jehovap in­nut­tamisut isigilerlugit ersersip­paa. Taamaat­tumik siulit­tuutip Danieli kapitali 11-mi al­las­simasup ilarujus­sua inuian­nut Israelik­kun­nut at­tuumas­suteqar­nani Kristusip ajoqersugaanut tun­ngavoq. (ApS 2:1-4; Rom 9:6-8; Gal 6:15, 16) Aam­ma Avan­narliup kun­ngia aam­ma Kujal­liup kun­ngia kik­kuuneri pif­fis­sap ingerlanerani al­lan­ngor­nikuup­put. Taamaak­kaluar­toq uku pingasut al­lan­ngun­ngil­lat: Siul­ler­tut, kun­ngit taak­ku nunani Guutip in­nut­taasa amerlasuut nunagisaan­ni naalak­kersuin­ngik­kunik taak­kunin­nga malersuisar­put. Aap­paat­tut, Guutip in­nut­taanik pin­neriaatsimik­kut ersersip­paat Guuti ilumoor­toq, Jehova, uumis­soritsik. Pingajuat­tul­lu, kun­ngit taak­ku marluk pis­saaneqar­niut­tar­put. w20.05 3 § 3-4

Jehova piumasaminik naam­mas­sin­nin­niarluni pisariaqar­toq naaper­torlugu sun­ngorsin­naanermigut pisoqar­titsisar­poq. Aam­ma piumasani naam­mas­siumal­lugu kif­fanilu naam­mal­luin­nan­ngitsut kif­far­toq­qul­lugit taak­ku pisariaqar­tumik pigin­naan­ngorsarsin­naavai. (Es 64:7) Taamaalior­nermigut Jehovap siuner­tani naam­mas­sisar­paa. Unitsin­neqarsin­naan­ngivip­poq. (Es 46:10, 11) Ataatatsin­nut qilam­miusumut qujamasun­neruler­tar­pugut taas­suma suliai naam­mas­sisaqaq­qul­lutalu uagutsin­nik qanoq pigin­naan­ngorsaasarsimanera eq­qarsaatigeq­qis­saaraangatsigit. As­sersuutigalugu pin­ngor­titai eq­qarsaatigigaangatsigit Jehovap suliai tamaasa tupigusuutigiler­tar­pavut. (Tuss 8:4, 5) Piumasaminul­lu naaper­tuut­tumik iliuuseqar­nitsin­ni naam­mas­sin­nis­sin­naaq­qul­luta ikiuisimanera eq­qarsaatigeq­qis­saaraangatsigu Jehova ataq­qinerungaaler­tar­par­put. Aap, Jehovap aq­qa mianer­nangaar­poq! Ataatat­tami qanoq it­tuuneranut, suliaanut naam­mas­siumaagaanul­lu tamanut at­tuumas­suteqar­poq. – Tuss 89:9. w20.06 9-10 § 6-7

Ilti silaan­naavoq inun­nik uumasunil­lu uumatitsisoq. Ilisimatuunit ilimagineqar­poq uumas­susil­lit anersaar­tor­nermin­ni ukiumut ilti tonsinik mil­liardilik­kutaanik oqimaas­susilik ator­taraat. Uumas­susil­lit taak­ku anersaar­toraangamik kuldioxidimik (CO2-mik) aniatitsisar­put. Iltili nungun­ngisaan­nar­poq, silaan­narlu kuldioxidimik ulik­kaalin­ngisaan­narluni. Sooq taamaap­pa? Jehovap im­mami nunamilu naasor­pas­suit pin­ngor­tis­simam­magit. Taak­kua kuldioxidi iltin­ngor­tit­tar­paat iltimik kaaviiaar­titsil­lutik. Iltip kaaviiaar­nera pis­sutigalugu ul­lormut al­las­simaf­fim­mi al­las­simasut ilumoorluin­nar­put. Nunarsuar­put alutor­nangaar­toq ajun­ngitsor­pas­suil­lu tas­saniit­tut qanoq qujamasuutiginerulersin­naavavut? (Tuss 115:16) Ilaatigut Jehovap pin­ngor­titaanik eq­qarsaatigin­neq­qis­saar­nik­kut. Taamaalior­tarut­ta Jehovap uagutsin­nut tunis­sutai pil­lugit ul­lut tamaasa taan­na qujaf­figerusut­tas­savar­put. Aam­ma qujamasun­ner­put ersersis­sin­naavar­put najugaqarfit­ta sapin­ngisamik eq­qiluitsuutin­niar­neratigut. w20.05 22 § 5, 7

Jehovap atermi Saatanimit narrunarsar­neqar­nera ilisimas­suseqarluni, kamajaal­luni naaper­tuil­luarlunilu iliuuseqarfigaa. Aam­ma Ajugaqan­ngitsuunini sor­pas­suar­tigut takutis­simavaa. Pingaar­ner­tul­li iliuutsimini tamani asan­nit­tuunini ersersis­simavaa. (1 Joh 4:8) Jehova aterminik il­ler­narsisitsiniarluni iliuuseqar­tuaan­narsimavoq. Guutip aq­qa Saatanip suli narrunarsar­tar­paa. Guutip pis­saaneqangaar­nera, naaper­tuil­luar­tuunera, ilisimas­suseqar­nera asan­nit­tuuneralu pil­lugit inuit qulalersin­niar­tar­pai. As­sersuutigalugu inuit up­per­tin­niarsarai Jehova Pin­ngor­titsisuun­ngitsoq. Guuteqar­neranik up­perin­nit­tut eq­qarsalersin­niar­tar­pai Guuti taas­sumalu najoq­qutas­siai sukan­ner­pal­laarlutil­lu naaper­tuil­luan­ngitsuusut. Al­laam­mi Jehovap peq­qar­niitsuunera ajoqersuutiginiar­tar­paa oqarluni Guutip inuit an­niar­titaaf­fim­mi ikualasumi naal­liutsit­tarai. Inuit sal­luliuutinik taamaat­tunik up­perin­nit­tut Jehovap naalak­kersuineranik naaper­tuil­luar­tumik itigar­titsinis­saat ilimanar­nerusar­poq. Saatani suujun­naarsin­neqar­nis­sami tungaanut aam­ma il­lit nakutin­niar­tas­savaatit. Iluatsitsis­savali? w20.06 5 § 13-15

Ilagiin­ni amerlasuuni qatan­nguteqar­pugut uagut oqaatsitsin­nik ilik­karumal­lutik ilungersor­tunik. Im­maqa eq­qarsaatitik oqaaser­taleruminaatsit­tar­paat. Oqaatsitsin­nil­li pik­korin­ngin­nerat isiginiar­nagu Jehovamut asan­nin­nerat taas­sumun­ngalu kif­far­torfigin­nik­kusun­nerat maluginias­savavut. Pis­susii nuan­nersut taak­ku maluginiarutsigit qatan­ngutit taak­ku pingaar­tingaarlugil­lu ataq­qis­savavut. Oqaatsivut pik­korif­figin­ngip­patigit ima oqas­san­ngilagut: “Atorfis­saqar­tin­ngilak­kit.” (1 Kor 12:21) Jehovap ilagiis­sor­tamini im­mik­kut pisin­naatitaaf­filerluta pingaaruteqar­tumik suliaqar­tip­paatigut. Angutaagaluaruit ar­naagaluaruit, aap­paqan­ngik­kaluaruit aap­paqaraluaruit, utoq­qaagaluaruit inuusut­tuugaluaruit, oqaatsinik pik­korif­feqaraluaruit pik­korin­ngik­kaluaruil­luun­niit Jehovamit tamatsin­nil­lu asaneqar­putit. (Rom 12:4, 5; Kol 3:10) Jehovap ilagiivini inis­sisimaf­fip­put al­lal­lu inis­sisimaf­fii qujamasuutigalugit ersersin­niar­tuas­savar­put. w20.08 31 § 20-22

Athenimiut guutipilus­sior­tuugaluar­tut, kinguaas­siuutitigut inuunerlut­tuugaluar­tut guutimik nalusut isumaliutersuutaat up­perigaluaraat apustilip Paulusip oqaluus­sif­figiun­naan­ngilai, ajual­lan­nar­tumil­lu oqaaseqar­tar­neri nikal­luutigisar­nagit. Nam­minermi ‘sior­natigut mitaatigin­nit­tuusimagaluarluni qinugin­nit­tuusimagaluarlunilu angutaasersorsuusimagaluarlunilu’ kristumiun­ngor­poq. (1 Tim 1:13) Soorlu Jiisusip Paulusi ajoqersugan­ngorsin­naasorisimagaa taamatut­taaq Paulusip Athenimiut ajoqersugan­ngorsin­naasorai. Isumal­luar­neralu asuliin­naan­ngilaq. (ApS 9:13-15) Kristumiut siul­liit nalaan­ni inuit as­sigiin­ngitsunik tunuliaqutal­lit Jiisusimut ajoqersugan­ngor­put. Paulusi ilagiin­nut Grækenlandimi Korinthimiit­tunut al­lap­poq taak­kua ilaat kristumiun­ngun­ngik­kal­laramik pinerlut­tuusiman­ngik­kunik inuunerlungaarsimasut. Imalu nangip­poq: “Ilasi taamaas­simagaluar­put, uf­far­neqarlusili minguiar­neqar­pusi.” (1 Kor 6:9-11) Il­lit inuit taamaat­tut inuunermin­nik al­lan­nguil­lutik ajoqersugan­ngorsin­naasoris­sagaluar­pigit? w20.04 12 § 15-16

Jehovamut kif­far­tor­nerup iluaqutaaneranik qularin­nit­tut utoq­qaaner­tat ajoriniapal­lat­tas­san­ngilaat. As­suarinagit taak­ku oqaasiinut pis­susilersor­neran­nul­lu pis­sutaasut paasiniar­tas­savaat. Aatsaat taamaaliorunik Biibili atorlugu qiim­mas­saasin­naap­put. Pruf­fiiti Elia dron­ningimit Jezabelimit qimaavoq. (1 Kng 19:1-3) Isumaqar­poq suliani iluaqutaan­ngitsoq. Nikal­lungaarami toqorusuin­naler­poq. (1 Kng 19:10) Jehovap Elia as­suarinagu kisimiin­ngitsoq, Jehovap pis­saaneranik an­ner­toq­quteqarsin­naasoq sulilu sulias­sar­pas­suaqar­toq up­per­narsaavigaa. Jehovap asan­nil­luni Eliap isumakuluutai tusar­naar­pai al­lamil­lu sulias­sil­lugu. (1 Kng 19:11-16, 18) Qanoq ilin­niarfigaar­put? Tamat­ta Jehovap kif­fai asan­nit­tumik pisas­savavut, ingam­mik utoq­qaaner­tat taamaalior­tas­sap­put. Narrutsaq­qagaluar­pat Jehovamil­luun­niit nal­lit­tor­neqar­nis­samut naleq­qutin­ngitsutut misigigaluar­pat pineqar­tup uum­mam­miuni aniatip­pagit utoq­qaaner­tat taan­na tusar­naarusus­savaat. Taava Jehovamit asaneqar­neranik qularun­naarsin­nias­savaat. w20.06 21-22 § 13-14

Jehovap ilaqut­tanik ikin­ngutinil­lu peqateqar­nermik nuan­naarutigin­nit­tus­satut pin­ngor­tip­paatigut. (Tuss 133:1) Jiisusi ikin­ngutin­naaqar­poq. (Joh 15:15) Aam­ma qanimut ikin­nguteqar­nerup iluaqutaanera Biibilimi al­laatigineqar­poq. (Uss 18:24) Al­las­simavor­taaq inoqatinit im­mik­koor­niar­neq peq­qin­nangitsuusoq. (Uss 18:1) Inup­pas­suit misigip­put inter­netik­kut at­taveqaqatigiit­tarfiit ikin­nguter­pas­suaqar­nis­samut kisimiit­tutul­lu misigin­ngin­nis­samut iluaqutigalugit. At­taveqaqatigiif­fiil­li taamaat­tut ator­nerini mianersorfis­saqar­poq. Misis­sueq­qis­saar­ner­ni paasineqarsimavoq inuit pif­fis­sarujus­suaq atorlugu inter­netik­kut at­taveqaqatigiit­tarfin­nik isigin­naar­tar­tut kiserliulerlutil­lu nikal­lor­tar­tut. Sooq? Imaas­sin­naavoq inuit inuunermin­ni nuan­naarutiginer­paasamin­nik ersersitsisunik – soorlu as­simin­nik, angalatil­lutik as­simin­nik ikin­ngutimil­luun­niit as­singinik torran­ner­paanik – inter­netik­kut at­taveqaqatigiit­tarfin­nut ik­kus­sisar­nerat pis­sutaasoq. Inuk tamak­kunin­nga isigin­naar­tar­toq isumaqalersin­naavoq as­silitit­tunut naleq­qiul­luni nam­mineq inuunini pik­kunaatsuusoq. w20.07 5-6 § 12-13

Vagttårnet oktobarip aal­laq­qaataa 1988-imoor­tumi al­las­simavoq: “Utoq­qaaner­tat paasisariaqar­paat utoq­qaaner­taqatigiit aalajangiil­luarsin­naaq­qul­lugit Kristusip anersaaq il­ler­nar­toq aq­qutigalugu utoq­qaaner­taqatigiit ilaat kinaluun­niit siulersorlugu najoq­qutas­siamik Biibilimeersumik eq­qaasis­sin­naagaa. (ApS 15:7-15) Utoq­qaaner­taqatigiin­ni utoq­qaaner­tap kialuun­niit anersaaq il­ler­nar­toq kisermaas­sin­naan­ngilaa.” Utoq­qaaner­taq utoq­qaaner­taqatiminik ataq­qin­nit­toq ataatsimiin­nermin­ni oqaaseqar­tus­sani siul­liuniar­tuaan­nan­ngilaq. Oqaluun­naavit­tuunanilu isumaqan­ngilaq nam­mineq isumani eq­qor­tuujuaan­nar­toq. Maniguul­lunili isumani oqaatigisar­paa. Utoq­qaaner­taqatini oqaaseqaraangata tusar­naaq­qis­sar­tar­pai. Pingaar­nerusumil­li najoq­qutas­siat Biibilimeersut oqaatigerusut­tar­pai aam­ma ‘inus­siap aalajaal­lunilu silatuup’ ilitsersuutai maleruarusut­tarlugit. (Matt 24:45-47, NW) Utoq­qaaner­taqatigiit asaqatigiil­lutik ataq­qeqatigiil­lutil­lu eq­qar­tueqatigiik­kaangata eq­qor­tunik aalajangiisin­naaq­qul­lugit Guutip anersaavata il­ler­nar­tup najuul­luni siulersor­tar­pai. – Jaak 3:17, 18. w20.08 27 § 5-6

Apustilip Paulusip akerai pis­saaneqar­nerungaar­put. Akut­tun­ngitsumik persut­tar­neqar­tar­poq par­naarus­saatin­neqar­tarlunilu. Aam­ma ikin­ngutaasus­saagaluar­tunit, ilaatigut ilagiin­neersunit, ajor­tumik pineqarluni akerlilersor­neqar­tar­poq. (2 Kor 12:11; Fil 3:18) Paulusili akerlilersor­timinit ajugaaf­figineqan­ngilaq. Qanoq? Oqaluus­sinini ingerlatiin­nar­paa, qatan­ngutimi pakatsisit­taraluaraan­ni taak­ku ilumoorfigiuar­pai, pingaar­ner­tul­lu inuunini tamaat Guutimut aalajaap­poq. (2 Tim 4:8) Taamaaliorsin­naavoq nam­mineq pigin­naasani tatiginagit Jehova tatigigamiuk. Il­lit il­laruaatigineqarlutil­luun­nit malersugaavit? Inuit Jehova Biibililu pil­lugit ilin­niar­tit­tar­pavut. Taman­na angusin­naavat inuit apeq­quteqaraangata Biibili najoq­qutaralugu akisar­nerisigut, ajor­tumik pin­nit­tunut ataq­qin­nit­tuunik­kut inus­siar­nersuunik­kul­lu, kiisalu kik­kun­nut tamanut ajun­ngitsulior­tar­nik­kut. – Matt 5:44; 1 Petr 3:15-17. w20.07 17-18 § 14-15

Ilumut Jehova maniguut­tuua? Aap, soorlu taama Daavi qulaani al­las­simasumi al­lat­toq. (Tuss 18:36) Taamatut al­lak­kami Daavip ataatami il­luani pruf­fiitimit Samuelimit Israelimi kun­ngiusus­san­ngor­tin­neqar­nini eq­qarsaatigisimas­sagunar­paa. Daavi arfineq-marlun­nik angajoqar­poq, taamaak­kaluar­torli kun­ngi Sauli paarlal­lugu Jehovamit kun­ngiusus­san­ngor­tin­neqar­poq. (1 Sam 16:1, 10-13) Tus­siaasior­toq Jehova pil­lugu ima al­lat­toq Daavip qular­nan­ngitsumik isumaqatigisimas­savaa: ‘Pavanersuaq is­siavoq samungarsuarli isigaluni. Makitip­pai nikanar­toq pujualan­nit, aam­ma piitsoq, is­siavis­sil­lugil­lu naalagaanerit akor­nan­ni.’ (Tuss 113:6-8) Jehovap inuit naam­mal­luin­nan­ngitsut qanoq pisarai takugaangatsigu maniguut­tuunera paasisar­par­put. Pal­lorfigin­nis­sin­naatiin­nar­nata ikin­ngutimisut isigaatigut. (Jaak 2:23) Taman­na ajor­narun­naarsik­kumal­lugu siul­liul­luni iliuuseqar­poq – ajor­tuliatsin­nik isumak­keerfigisin­naajumal­luta er­nini uter­titsis­sutitut pil­liutigivaa. Ila Jehovap naak­kit­tangaarluni misigin­neqataanersua! w20.08 8 § 1-3

Silarsuup matuma ajor­tup qaquguk­kut nungutin­nis­saa Jehovap aalajangereersimavaa. (Matt 24:36) Erinitsan­navian­ngilaq, siusinaarlunilu iliuuseqar­navian­ngilaq. Toqusimasut makitin­nis­saat qilanaaringaar­paa, erinitsajuip­porli. (Job 14:14, 15) Pif­fis­saq eq­qorlugu makititserusup­poq. (Joh 5:28) Jehovap erinitsajuin­nerata qujamasuutiginis­saanut pis­sutis­saqarluar­pugut. Eq­qarsaatigeriaruk: Jehova erinitsajuim­mat inup­pas­suit, soorlu uagut, “al­lamik isumataar­nis­samut” periarfis­saqarsimap­put. Jehovap kis­saatigaa inuit sapin­ngisamik amerlaner­paat naas­saan­ngitsumik inuus­sasut. Jehovap erinitsajuin­nera qujamasuutigalugu qanoq ersersis­sin­naavar­put? Inun­nik ‘eq­qor­tumik isigin­nit­taaseqar­ner­tik pis­sutigalugu naas­saan­ngitsumik inuulersin­naasunik’ ilungersorluta ujaasinitsigut. (ApS 13:48, NW) Taava taak­kut­taaq uagutsitut Jehovap erinitsajuin­nera iluaqutigisin­naas­savaat. w20.08 18 § 17

Atuaq­qis­saaqatigisar­tagar­put Jehova pil­lugu ilik­kagaqar­tik­kusup­par­put. Ilik­kak­kanili inuunerminut sun­niuteqar­tis­sagunigit aam­ma uum­mam­migut kil­litsis­sutigisariaqar­pai. Inuit nuan­nareqisamin­nik sor­pas­suar­nik Jiisusimit ilin­niar­tin­neqar­put, uum­matimik­kul­li kil­lin­neqar­ner­tik malin­nilis­sutigivaat. (Luk 24:15, 27, 32) Atuaq­qis­saaqatigisar­tak­kavit Jehova Ataatamisut, Guutimisut ikin­ngutimisul­lu at­taveqarfigilis­saguniuk kinaas­susilivit­tut isigisariaqar­paa. (Tuss 25:5) Atuaq­qis­saaraangas­si Guutip pis­susii nuan­nersut maluginiaq­qusak­kit. (2 Mos 34:5, 6; 1 Petr 5:6, 7) Sunaluun­niit sam­migaluaraangas­siuk taamaalior­tarit. Atuaq­qis­saaqatigisar­tak­kat Jehovap pis­susiinik, soorlu asan­nin­neranik, inus­siar­nersuuneranik misigin­neqataasuuneranil­lu, paasitiguk. Jiisusi oqar­poq “inas­sutit an­nersaat siul­lersaal­lu” tas­saasoq ‘Jehovamik Guutimik asan­nin­neq’. (Matt 22:37, 38) Taamaat­tumik atuaq­qis­saaqatigisar­tak­kat Jehovamik asan­ningaaler­nis­saanut ikioruk. w20.10 10 § 12

Jiisusip ar­nat tamaasa ataq­qin­nit­tumik pisar­pai. (Joh 4:27) Jiisusip ar­nat Ataatami piumasaatut ilior­tut im­mik­kut ataq­qingaar­pai. Maluginiar­nar­poq anersaak­kut ilaqut­tani eq­qar­toramigit angutit kisiisa eq­qaanagit aam­ma ar­nat eq­qaam­magit. (Matt 12:50) Jiisusi aam­ma taak­kunun­nga ikin­ngutaal­luar­tuuvoq. Mariamut Mar­thamul­lu, marluul­lutik aap­paqan­ngitsuugunar­tunut, ikin­ngutaanera sam­meriar­tigu. (Luk 10:38-42) Oqaatsimigut iliuutsimigul­lu toq­qis­sisimatit­tar­pai. Mariap ajoqersuk­katut Jiisusip isigaasa kil­linganut ingin­nis­sani it­toorin­ngilaa. Mar­thalu Mariap ikiun­ngim­mani eq­qarsaatimi Jiisusimut aniatin­nis­saan­nut tunuarsimaan­ngilaq. Katerisimaar­nermin­ni tamatumani Jiisusip ar­nat taak­ku marluk anersaak­kut ikior­pai. Jiisusil­lu ar­nanut taak­kunun­nga qatan­ngutaan­nul­lu Lazarusimut arlaleriarluni pulaar­tar­nermigut soqutigin­nin­nini ersersit­tar­paa. (Joh 12:1-3) Taamaat­tumik tupin­nan­ngilaq Lazarusi perulun­nar­tumik nap­parsimalermat Maria Mar­thalu Jiisusimut ikioq­qum­mata. – Joh 11:3. w20.09 20 § 3; 21 § 6

Jiisusip ajoqersugaasa siul­liit neriuutigaat Guutip kun­ngeqarfiata ‘er­niin­naq tikiul­luni’ Romamiut naalak­kersuineran­niit aniguisik­kiar­tus­sagaatik. Uagut Guutip kun­ngeqarfiata nunarsuarmi ajus­suseerutsitsinis­saa naaper­tuil­luar­nermil­lu tamak­kiisumik atuutilersitsinis­saa qilanaareqaar­put. (2 Petr 3:13) Jehoval­li pif­fis­salius­saata utaq­qinerani erinitsajuit­tariaqar­pugut. Jehovap Noa umiarsualior­nis­saanut ‘naaper­tuil­luar­nermil­lu oqaluus­sis­sutigin­nin­nis­saanut’ naam­mat­tumik pif­fis­saqar­tip­paa. (2 Petr 2:5, NW; 1 Petr 3:20) Jehovap Sodomami Gomorramilu najugaqar­tunik nungutitsiniarluni aalajangigaanik Aaperaat arlaleriarluni apeq­qusiim­mat erinitsajuil­luni tusar­naar­paa. (1 Mos 18:20-33) Aam­ma Israelik­kut ilumoorfigin­nin­ngitsut ukior­pas­suar­ni erinitsajuif­figingaar­pai. (Neh 9:30, 31) Nalitsin­nit­taaq inuit ‘al­lamik isumataar­nis­saan­nut’ naam­mat­tumik pif­fis­saqar­tim­magit Jehovap erinitsajuin­nera takusin­naavar­put. (2 Petr 3:9; Joh 6:44; 1 Tim 2:3, 4) Jehovap maligas­siuineranit ilik­kar­par­put uagut­taaq oqaluus­sinermi ilin­niar­titsinermilu erinitsajuitsuusariaqar­tugut. w20.09 10 § 8-9

Jehovap inuit makitik­kunigit inuugal­lar­nerat­tul­li eq­qaamasaqar­til­lugit kinaas­suseqar­til­lugil­lu makitis­savai. Tamatuma qanoq isumaqar­nera eq­qarsaatigiuk. Jehovap asangaaramitit eq­qarsaatitit, misigis­sutsitit, oqaatsitit iliuutsitil­lu tamaasa maluginiarlugil­lu eq­qaamasar­pai. Taamaat­tumik makitit­tariaqas­sagunitit inuugal­lar­nit­tul­li kinaas­suseqar­til­lutit makiteriaan­naavaatit. Kun­ngip Daavip nalun­ngil­luar­paa Jehovap tamat­ta im­mik­kut ilisarisimal­luaraatigut. (Tuss 139:1-4) Jehovap uagutsin­nik taama ilisarisiman­nil­luar­tigineranik paasin­nin­ner­put qanoq sun­ner­neqaatigaar­put? Jehovap uagutsin­nik ilisarisiman­nil­luar­nera eq­qarsaatigeq­qis­saarutsigu er­numanavian­ngilagut. Sooq? Eq­qaamajuk Jehovap asangaaraatigut. Tamat­ta im­mik­kut naleqar­tingaar­paatigut. Inuunitsin­ni misigisat­ta qanoq uagutsin­nut sun­niuteqarsimanerat maluginiaq­qis­saar­tar­paa. Tup­pal­ler­nangaarami, ilaa? Kisimiit­tutut misigin­ngisaan­nas­saagut. Jehovap ul­lut tamarluin­naasa najor­tar­paatigut ikiorusut­tarlutalu. – 2 Nal 16:9. w20.08 17 § 13-14

Jehovap in­nut­taminik ilin­niar­titsinini nuan­naarutigisar­paa. Kis­saatigaa in­nut­tami ilisarisimas­sagaan­ni, asas­sagaan­ni naas­saan­ngitsumil­lu inuus­sasut. Tamak­ku angusin­naavagut Jehovamit ilin­niar­tin­neqar­nitsigut. (Joh 17:3) Jehovap kristumiut siul­liit ilagiivi aq­qutigalugit in­nut­tani ilin­niar­tip­pai. (Kol 1:9, 10) Tamatumani anersaaq il­ler­nar­toq – ikior­ti Jiisusip neriorsuutigisimasaa – pingaaruteqar­poq. (Joh 14:16) Anersaaq il­ler­nar­toq iluaqutigalugu ajoqersuk­kat Guutip oqaasianik paasisaqar­neruler­put Jiisusil­lu oqaasiinik iliuusiinil­lu, kingusin­nerusuk­kut iivangkiiliuni al­lan­neqar­tunik, eq­qaasin­neqarlutik. Ilisimalik­katik tamak­ku kristumiut siul­liit up­per­nik­kut nakus­satsis­sutigaat aam­ma Guutimik, er­neranik up­peqatimin­nil­lu asan­nin­nerulis­sutigalugit. Nalitsin­ni Jehovap siulit­tuutigaa inuiaat tamarmik taas­suma aq­qutigeq­qusaanik ilin­niar­tin­neqarumal­lutik “ul­lus­sani kingul­ler­ni” qaq­qaanut as­sersuutaasumut or­nigutis­sasut. (Es 2:2, 3) Siulit­tuutip tamatuma eq­quun­nera maan­na takusin­naavar­put. w20.10 24 § 14-15

Kik­kut ikin­ngutimin­nit ajun­ngitsumik siun­nersor­neqar­ner­tik itigar­tit­tar­paat? Inuit makitasuut. Taak­kua “siutimik tusar­narisaat” kisiisa tusaajumasaramik­kit piviusut tusaajumaneq ajor­paat. (2 Tim 4:3, 4) Nam­mineq silatunerusoralutil­lu pingaar­nerusorisaramik siun­nersor­neqar­nis­sar­tik pisariaqar­tis­sorineq ajor­paat. Apustilili Paulusi ima al­lap­poq: “Im­minut pingaar­tuusorisoq, uf­fa taamaan­nani, taan­na im­minut sal­loqit­tar­poq.” (Gal 6:3) Aam­ma kun­ngi Salomo as­singusumik ima al­lap­poq: “Pitsaaneruvoq inuusut­toq piitsoq ilisimas­susilik kun­ngimit utoq­qarmit sianiitsumit mianersoq­qusas­saajun­naarsimasumit.” (Oqal 4:13) Apustili Petrusi inuit tusaatil­lugit Paulusimit naq­qin­neqarami qanoq qisuariar­nersoq maluginiaruk. (Gal 2:11-14) Paulusip qanoq sumilu oqar­nera kamaatigisimasin­naagaluar­paa. Petrusil­li silatusaarluni siun­nersor­neqar­nini akueraa. Paulusimut put­tarsinani kingusin­nerusuk­kut ‘qatan­ngutimisut asasamisut’ eq­qaavaa. – 2 Petr 3:15. w20.11 21 § 9, 11-12

Biibilimik atuaq­qis­saaqatigineqar­tar­tut anersaak­kut siumukar­nis­samin­nut suna iluaqutigingaas­savaat? Ataatsimiin­ner­nut najuut­tar­neq. Ataatsimiin­ner­ni Biibilimik ilin­niar­titsis­sutigineqar­tut ilisimasaqar­nik­kut up­per­nik­kul­lu iluaqutigis­sagamik­kit Guutimil­lu asan­nin­nerulis­sutigis­sal­lugit. (ApS 15:30-32) Aam­ma oqaluus­sisar­toq oqalut­tuarsin­naavoq Jehovamik asan­nin­nerujar­tor­til­luni taas­suma peq­qus­sutaanut naalak­kusulersimal­luni. (2 Kor 7:1; Fil 4:13) Biibilimil­lu atuaq­qis­saaqatigineqar­tar­tut oqaluus­sisar­tunik aalajaatsunik ilisarisimasaqalerunik taak­kua maligas­saal­luar­neran­nit Guutimik tul­lermil­lu asan­nin­nis­samik inas­sut qanoq maleruar­neqar­tar­toq ilik­kar­tar­paat. (Joh 13:35; 1 Tim 4:12) Oqaluus­sisar­tut nam­mineq atuk­kamin­nut as­singusunik atugaqar­tut paasigaangamik­ku Kristusimut ajoqersugan­ngorumal­lutik pisariaqar­tunik al­lan­nguinis­sar­tik ilik­kar­tar­paat. (5 Mos 30:11) Atuaq­qis­saaqatigineqar­tar­tup anersaak­kut siumukar­nerani ilagiin­niit­tut tamarmik arlaatigut ikiueqataasin­naap­put. – Matt 5:16. w20.11 5-6 § 10-12

Apustilip Paulusip im­maqa Efesosimi isigin­naar­titsisarfim­mi uumasunik akiuisimanini pivaa. (2 Kor 1:8; 4:10; 11:23) Im­maqaluun­niit juutit al­lal­lu ‘nersutitut nujuar­tatut’ il­lutik akerlilersuisut pivai. (ApS 19:26-34; 1 Kor 16:9) Qanorluun­niit nalaataqar­tarsimagaluaruni Paulusip navianar­torsiungaar­tarsimagaluarluni siunis­sani isumal­luarfigaa. (1 Kor 15:30, 31; 2 Kor 4:16-18) Pif­fis­sami navianar­torsiorfiusumi inuuvugut. Qatan­ngutit­ta ilaat pinerlut­tuliorfigineqarsimap­put. Al­lat sorsuf­fiusumi toq­qis­sisimaf­fiun­ngitsumilu inuup­put. Al­lal­lu nunani oqaluus­sinitsin­nik kil­lilersuif­fiusuni iner­teq­qutaaf­fiusuniluun­niit – par­naarus­saariaan­naal­lutik toqutaariaan­naal­lutil­luun­niit – Jehovamut kif­far­tor­put. Taak­ku tamarmik Jehovamut kif­far­tor­nermin­ni aalajaat­tuar­put uagutsin­nul­lu maligas­saal­luarlutik. Toq­qis­sisimap­put nalun­ngin­namik­ku maan­nak­kut toqus­sagaluarunik Jehovap pitsaanerungaar­tumik siunis­saqar­tik­kaatik. w20.12 9 § 3-4

Oqaluus­sif­figisavit soqutigin­nin­ngin­nerat angerlarsimasoqar­pian­ngin­neralu ilaan­nik­kut nikal­lungas­sutigisar­piuk? Taava oqaluus­sinermi qanoq nuan­naar­nerulersin­naavit? Oqaluus­sinermut eq­qor­tumik isigin­nit­taaseqar­nis­sat pingaaruteqar­poq. Taman­na qanoq isumaqar­pa? Eq­qaamajuk Guutip aq­qa kun­ngeqarfialu pil­lugit paasititsinis­saq oqaluus­sinitsin­nut pis­sutaasuni pingaar­ner­paajusoq. Jiisusip erseq­qis­sumik oqaatigaa ikit­tuin­naat inuunermut aq­qut naniumaaraat. (Matt 7:13, 14) Oqaluus­sinitsin­ni Jehovamik, Jiisusimik in­ngilinil­lu suleqateqar­ner­put nuan­naarutigisar­par­put. (Matt 28:19, 20; Saqq 14:6, 7) Jehovap inuit im­minik kif­far­tuus­serusut­tut kajungilersit­tar­pai. (Joh 6:44) Taamaat­tumik inuk maan­na tusarusun­ngitsoq im­maqa tul­liani tusar­naarumas­saaq. Deborah ima oqar­poq: “Nikal­lunganeq Saatanip sak­kuisa sak­kor­tuner­paat ilagaat.” Jehovali Saatanimit sak­kuinil­lu pis­saaneqar­nerungaar­poq. w20.12 26 § 18-19; 27 § 21

Kristumior­pas­suit aalajaatsut ilaqut­tatik pilersor­niarlugit pif­fis­saq tamaat sulisariaqar­put. Taamaak­kaluar­toq oqaluus­sisar­tut aalajaatsut taak­kua sapin­ngisar­tik naaper­torlugu Guutip peqatigiis­sor­tai tapersersor­paat. Ilaat ajunaar­nersuaqar­til­lugu ikiuut­tar­put, al­lat sanaar­tor­nermi ikiuut­tar­put, tamat­talu aningaasanik tunis­suteqar­tarsin­naavugut. Guutimik inoqatitsin­nil­lu asan­nin­ner­put kajumis­sis­sutigalugu taamaalior­tar­pugut. Sapaatit-akun­neri tamaasa ilagiit ataatsimiin­nerini najuun­nik­kut peqataanik­kul­lu up­peqatitsin­nik asan­nin­ner­put ersersit­tar­par­put. Qasoq­qagaluarluta ataatsimeeqataasar­pugut. An­nilaangagaluarluta akisar­pugut. Nam­minerlu ajor­nar­torsiuteqaraluarluta ataatsimiin­nerup sior­na kingor­nalu al­lanik qiim­mas­saasar­pugut. (Hebr 10:24, 25) Oqaluus­sisar­toqatigut qujamasuutigingaar­pagut! w21.01 10 § 11

Inuit makitasuut nam­min­neq nersor­neqarusun­nerusaramik nersualaarinis­sar­tik ajor­nakusoor­tit­tar­paat. Al­lanut sanil­lioq­qajaasarlutil­lu kak­kan­neruniar­tar­put. Al­lanik ilin­niar­titsisar­natil­lu akisus­saaf­filiineq ajor­put eq­qarsar­taramik “suliaq naam­mas­sil­luar­neqas­sap­pat nam­mineq suliarisariaqarlugu”, nam­min­nermi pitsaanerusumik suliarisin­naasorivaat. Inuk makitasooq pingaar­niakujut­tar­poq sin­ngaq­qajaasarlunilu. Makitasuujoq­qajaasarut­ta ‘isumatsigut nutaan­ngor­titaajuaq­qul­luta’ Jehovamut un­neq­qaril­luta ikioq­qusariaqar­pugut. Taamaaliorut­ta makitaneq inut­tut pis­suserilis­san­ngilar­put. (Rom 12:2) Jehovap maligas­siuinera qujamasun­nangaarami! (Tuss 18:36, NW) Kif­faminik pin­nit­tar­nerani maniguut­tuunera erser­poq, uagul­lu ilaarusup­par­put. Aam­ma inuit maniguul­lutik Guutimut kif­far­tor­tut Biibilimi al­laatigineqar­tut ilaarusup­pavut. Qanor­toq uagut Jehova tamatigut ataq­qinar­til­lugulu naalan­nar­tit­tar­tigu. – Saqq 4:11. w20.08 13 § 19-20

Aap­pariin­neq Guutimit tunis­sutaavoq ajun­ngil­luin­nar­toq. Inuil­li naam­mal­luin­nan­ngitsuup­put. (1 Joh 1:8) Taman­na pil­lugu Biibilimi al­las­simavoq aap­pariit tamarmik ‘ul­luin­nar­ni inuunermin­ni ajor­nar­torsior­tarumaar­tut’. Uiusup ilaqut­tami anersaak­kut, misigis­sutsitigut timik­kul­lu pisariaqar­titaan­nik isumagin­nin­nis­saa Jehovap naatsorsuutigaa. (1 Tim 5:8) Taamaat­torli nuliaasup ulapik­kaluarluni ul­lut tamaasa Biibilimik atuar­tar­nis­sani, atuak­kaminik eq­qarsaatigin­neq­qis­saar­tar­nis­sani Jehovamul­lu qaman­nga pisumik qinusar­nis­sani pif­fis­saqarfigisariaqar­pai. Sooq taama pingaaruteqar­tigaa? Jehovap kis­saatigim­magu tamat­ta im­mik­kut im­minut qanit­tumik at­taveqar­tuas­sasugut. (ApS 17:27) Paasinar­poq nuliaasup uiminit naam­mal­luin­nan­ngitsuusumit siulersor­tin­nis­sani saper­nar­tis­sin­naagaa. Taamaalior­nis­sanili ajor­nan­ngin­nerutis­savaa siulersuinermik najoq­qutas­siaq pil­lugu Biibilimi tun­ngavilersuutigineqar­tut paasil­lugil­lu akuerigunigit. w21.02 9 § 3, 6-7

Misilin­neqar­nerit panalior­nermut as­sersuun­neqarsin­naap­put. Panap saviminer­taa in­nermut kis­sataq nil­loraangami man­nger­neruler­tar­poq. Tamatumun­nga as­singusumik misilin­neqar­nitsin­ni piner­tusaaraangat­ta up­per­nik­kut nakus­satsit­tar­pugut taamaat­tumil­lu nuan­naarluta piner­tusaarsin­naasarluta. Jaaku ima al­lap­poq: “[Nikal­lujuin­neq] suliamik naam­mas­sisitsil­luas­saaq tas­saaq­qul­lusi naam­mal­luin­nar­tut pis­suseril­luar­tul­lu sumik inorsarfeqan­ngitsut.” (Jaak 1:4) Jaakup al­lak­kamini aam­ma nuan­naarun­naas­sutigisin­naasat­ta ilaat al­laatigai. Tas­sa qanoq ilior­nis­samik nalor­nineq. Ajor­nar­torsioraangat­ta Jehovap iluarisaanik, up­peqatit­ta iluaqutigisaan­nik aalajaat­tuar­nis­samul­lu iluaqutigisin­naasatsin­nik iliuuseqarusut­tar­pugut. Taamaaliorsin­naajumal­luta ilisimas­suseq Jehovameersoq pisariaqar­tip­par­put. (Uss 3:5, 6) Qanoq ilius­sanerluta nalugutsigu nikal­lorsin­naavugut nuan­naarun­naarlutalu. w21.02 28 § 7-9

Jehovap tamatumuuna maligas­sip­paatigut, ilumoorfigin­nitsinimi soraan­ngisaan­nar­tumik asavai. (Rom 8:38, 39) Uagut qatan­ngutitsin­nut asan­nin­nermik ersersitsinis­sar­put ajor­nakusoor­tis­sin­naasar­par­put. Ajual­latsin­neqaraangat­tali eq­qaamasariaqar­par­put ‘asaqatigiin­nik­kut im­mitsin­nut kamageqatigiit­tas­sasugut, eq­qis­sineq ataqatigiis­sutigalugu ilungersorlutalu aalajangiusimal­lugu anersaak­kut ataasius­suseq’. (Ef 4:1-3) Qatan­ngutit­ta kuk­kus­sutaat isiginiar­nerunagit Jehovap qatan­ngutitsin­nut isigin­nit­taasia ilungersorluta ilaar­nias­savar­put. (1 Sam 16:7; Tuss 130:3) Qatan­ngutigiit­tut asaqatigiin­nis­saq ajor­naatsuin­naasan­ngilaq, ingam­mik qatan­ngutit­ta naam­mal­luin­nan­ngis­sutaat maluginiaraangatsigit. Taman­na kristumiut siul­liit ilaan­nut, soorlu Euodiamut Syntykimul­lu, ajor­nar­torsiutaasimavoq. Apustilip Paulusip “Naalak­kami isumaqatigeeq­qul­lugit” oqaaq­qis­saar­pai. – Fil 4:2, 3. w21.01 22-23 § 10-11

Angutit inuusut­tuususi, qatan­ngutit Jehovamut kif­far­tor­nermi ilis­sin­nik ‘suleqateqarluar­ner­tik’ pingaar­tingaar­paat. (Sef 3:9, NW) Sulias­siis­sutinik aal­lus­sil­luarlusi suliaqar­tar­nersi nuan­naarutigingaar­tar­paat. Taak­kunan­nga iluarisaangaar­pusi. (1 Joh 2:14) Qatan­ngutit angutit inuusut­tuususi, Jehovap asal­lusilu tatigivaasi. Siulit­tuutigisimavaami ul­luni kingul­ler­ni angutit inuusut­tor­pas­suit ‘kajumil­lutik sas­sarumaar­tut’. (Tuss 110:1-3, NW) Nalun­ngilaa asal­lugulu sapin­ngisamik kif­far­torfigerusuk­kis­si. Taamaat­tumik utaq­qisin­naas­suseqaritsi kamagit­tarlusilu. Kuk­kusimatil­lusi oqaaq­qis­saar­neqaraangas­si siun­nersuutit maleruar­tarsigit qularinagu Jehovameersuusut. (Hebr 12:6) Sulias­siis­sutigineqar­tut ilungersuutigisarsigit. Pingaar­ner­tul­lu, qanorluun­niit ilioraangas­si Ataatar­put qilam­miusoq tul­luusimaar­tit­tarsiuk. – Uss 27:11. w21.03 7 § 17-18

Nikal­lus­sutigisin­naasavut amerlaqaat. Ilaatigut tas­saasin­naap­put naam­mal­luin­nan­ngis­suseq, san­ngiil­lior­neq peq­qiil­lior­nerlu. Aam­mali Jehovamut kif­far­tor­nermi kis­saatigisatsitut sulias­sin­neqan­ngin­neq imaluun­niit oqaluus­sif­figisar­tak­katsin­ni amerlanerit tusar­naarusungin­nerat nikal­lus­sutigisin­naavavut. Im­minut nikanar­tutut isigiler­nis­saq kuk­kus­sutitsin­nil­lu nikal­luutigin­nin­nis­saq ajor­nan­ngitsuararsuuvoq. Tamatuma kingunerisaanik isumaqalersoorsin­naavugut kuk­kus­sutivut pis­sutigalugit Jehovap silarsuar­taas­sami inuutin­navian­ngik­kaatigut. Taamatut eq­qarsar­neq navianangaar­poq. Biibilimi al­las­simavoq Jiisusi eq­qaas­san­ngik­kaan­ni inuit tamarmik ‘ajor­tulior­tar­tut’. (Rom 3:23) Jehoval­li kuk­kus­sutivut isiginiar­neruneq ajor­pai, naatsorsuutigin­ngilaalu naam­mal­luin­nar­tuus­sasugut. Akerlianil­li Jehova Ataataavoq asan­nit­toq ikiuerusut­torlu. Aam­ma kamagit­tar­tuuvoq. Ilar­pas­suat­ta eq­qor­tulior­nis­saq im­minul­lu nikanar­tutut isigin­ngin­nis­saq ilungersuutigisaraat nalun­ngin­namiuk ikiuinis­saminut piareersimajuaan­nar­poq. – Rom 7:18, 19. w20.12 22 § 1-3

Silarsuas­sami nutaami Jehovap asan­nil­luni naalak­kersuif­fis­saa qilanaarigatsigu ul­lut tamaasa inuunermut aq­qut ingerlaviginiar­tuar­tar­par­put. Aq­qul­li taan­na ameqaaq ilaan­nik­kul­lu ingerlavigiuminaat­tarluni. (Matt 7:13, 14) Sooq taamaap­pa? Naam­mal­luin­nan­ngis­suser­put pis­sutigalugu al­lamut sangoq­qajaalersoor­tarat­ta. (Gal 6:1) Inuunermut aq­qut nerukitsoq ingerlavigiuas­sagutsigu eq­qarsar­taaser­put, isigin­nit­taaser­put pis­susilersoriaaser­pul­lu al­lan­ngor­teriaan­naasariaqar­pavut. Apustilip Paulusip ‘oqaaq­qis­saarutinik ilas­sin­nit­tuaq­qul­luta’ kajumis­saar­paatigut. Eq­qarsaatitsin­nik misigis­sutsitsin­nil­lu nalilersuineq ajor­naatsuujuaan­nan­ngilaq. ‘Uum­mater­pum­mi tatigisas­saan­ngitsuuvoq’ kuk­kusumil­lu tun­ngavilersuil­luni ‘sal­loqit­taasin­naal­luni’. (Jer 17:9; Jaak 1:22) Taamaat­tumik eq­qarsaatitsin­nik misigis­sutsitsin­nil­lu nalilersuinitsin­ni Guutip oqaasia ator­tariaqar­par­put. Sooq? ‘Uum­matip eq­qarsaatai isumaalu eq­qar­tuut­tarmagit.’ – Hebr 4:12, 13. w20.11 18 § 1-3

Maniguun­neq nuan­naar­nerulersitsisar­poq. Sooq taamaap­pa? Pisin­naasat­ta kil­leqar­nerinik akuerin­nin­neq al­lat ikiuineran­nut qujamasun­nerulersitsisarmat. As­sersuutigalugu Jiisusip pupis­sunik qulinik ajorun­naarsitsinera eq­qarsaatigiuk. Taak­kua ilaata ataasiin­naap nap­paam­mit ajorluin­nar­tumit ajorun­naarsin­neqarami Jiisusi qujaf­figiar­tor­paa. Angutip taas­suma maniguut­tup nalun­ngilaa im­minut ajorun­naarsis­simasin­naanani taamaat­tumil­lu ikior­neqar­nini qujamasuutigaa Guutilu un­nersiutigalugu. (Luk 17:11-19) Inuit maniguut­tut ilak­kuminar­nerusar­put qanimul­lu ikin­nguteqaleriaan­naanerusarlutik. Sooq taamaap­pa? Al­lat pis­susaat nuan­nersut maluginiar­taramik­kit tatigisarlugil­lu. Al­lat suliamin­nik sunil­luun­niit iluatsitsinerat inuit maniguut­tut nuan­naarutigisar­paat nersualaarin­nit­tarlutil­lu. w20.08 12 § 17-18