Septembari

Joelip siulit­tuutaa Petrusip al­lan­ngor­tilaarlugu isumas­sarsisitaal­luni is­suar­paa. (ApS 2:16, 17) Oqaatsit aal­lar­tis­sutaasut “tamatuma kingor­na” ator­nagit Petrusi ima oqar­poq: “Ul­lus­sani kingul­ler­ni” – tas­sa juutit aaq­qis­suus­saanerisa ul­lus­saan­ni kingul­ler­ni – Guutip anersaani “inun­nut tamanut” kuis­savaa. Tamatuman­nga erser­poq aatsaat pif­fis­sangaatsiaq qaangiutereersoq Joelip siulit­tuutaa eq­quut­toq. Kristumiut siul­liit nalaan­ni Guutip anersaavata kuineqar­nerata kingor­na silarsuaq tamarmi oqaluus­sif­figineqaler­poq. Ukiup 61-ip mis­saani apustili Paulusi Kolos­semiunut al­lap­poq nutaarsias­saq nuan­nersoq “qilaap ataani pin­ngor­titanut tamanut” oqaluus­sis­sutigineqarsimasoq. (Kol 1:23) Taamani ‘pin­ngor­titat tamarmik’ tas­saap­put inuit Paulusip al­lal­lu tikis­sin­naasaan­niit­tut. Jehovap anersaava il­ler­nar­toq sun­niiner­tooq iluaqutigalugu ul­lumik­kut siam­masin­nerusumik oqaluus­sisoqar­nerujus­suuvoq – al­laat “nunarsuup isua tikil­lugu”! – ApS 13:47. w20.04 6-7 § 15-16

Jehovap tamat­ta im­mik­kut asavaatigut, aam­ma savaatiminit qimagus­simasut asavai. (Matt 18:12-14) Pruf­fiiti Ezekieli aq­qutigalugu Guuti neriorsuivoq savaatini tam­marsimasut ujar­niarlugit anersaak­kul­lu nakus­satseq­qin­niarlugit. Iliuuseriniak­kani, Israelimi savanik paarsisut savamik tam­mar­toqaraangat iliuuserisar­tagaanut as­singusut, oqaatigai. (Ez 34:12-16) Siul­ler­tut, savanik paarsisup sava ujas­savaa, naak ujar­nera ilungersunarlunilu sivisusin­naagaluar­toq. Aap­paat­tut, naniguniuk angerlaatis­savaa. Pingajuat­tut, sava ajoqusersimap­pat kaap­pal­luun­niit paarsisup san­ngiil­lisimasoq asan­nil­luni ikius­savaa, ikii mat­tusis­savai, pak­kutis­savaa nerisil­lugulu. Utoq­qaaner­tat, “Guutip savaataanik” paarsisuusut, ilagiin­nit qimagus­simasoq ikior­niarlugu aam­ma taamaalior­tariaqar­put. (1 Petr 5:2, 3) Utoq­qaaner­tat unit­tooq­qasunik ujaasisar­put, nanisatil­lu ilagiin­nut utersin­naaq­qul­lugit ikioriarlugit anersaak­kut pisariaqar­titaan­nik isumas­sor­nerisigut asan­nit­tuliorfigisar­paat. w20.06 20 § 10

Jiisusi oqarami narsaatit katersuif­figeriaan­nan­ngorsimasut isumaqar­pa inuit amerlanerit im­minut ajoqersugan­ngus­sasut? Naamerluin­naq. Biibilimimi siulit­tuutigineqar­poq inuit amerlan­ngitsut Jiisusimut up­per­tun­ngus­sasut. (Joh 12:37, 38) Jiisusil­lu inuit uum­mam­miuinik paasin­nis­sin­naaneq pigin­naaneqarfigaa. (Matt 9:4) Im­minik up­perin­nilersut amerlan­ngitsut sam­minerugaluarlugit aal­lus­sil­luarluni kik­kun­nut tamanut oqaluus­sivoq. Uagul­lu inuit oqaluus­sif­figisavut takuin­narlugit uum­mam­miuinik paasin­nis­sin­naan­ngitsugut isum­mius­sif­figeriis­san­ngil­luin­nar­pavut! Ajoqersugan­ngorsin­naaneral­li takorloor­taruk. Jiisusip ajoqersuk­kaminut oqaasii eq­qaamak­kit. Narsaatit qaqor­tis­simap­put, tas­sa katersuif­figeriaan­naap­put. Inuit al­lan­ngorlutik Kristusimut ajoqersugan­ngorsin­naap­put. Jehovap ajoqersugan­ngorsin­naasut ‘erlin­nar­tuutitut’ isigai. (Hagg 2:7) Jehovap Jiisusil­lu isigin­nit­taasiat­tut inuit isigin­nit­taaseqarfigigutsigit taak­kua tunuliaqutaat soqutigisaal­lu pil­lugit paasisaqas­saagut. Takor­nar­tatut isiginagit anersaak­kut qatan­ngutigilersin­naasatsitut isigis­savavut. w20.04 13 § 18-19

Biibilimi ersersin­neqar­poq Jehovamit iluarisaas­sagut­ta Jiisusimut asan­nin­ner­put soraan­ngisaan­nar­tariaqar­toq. Jiisusimut ikin­ngutaajumal­luta taan­na ilisarisimaler­tariaqar­par­put. Biibilimi iivangkiiliut sisamat atuar­nerisigut taamaaliorsin­naavugut. Jiisusip inuunera pil­lugu Biibilimi al­las­simasut eq­qarsaatigeq­qis­saar­til­lugit inun­nut asan­nit­tulior­tar­nera kil­lin­neqaatigalugu ataq­qilerlugulu asalis­savar­put. As­sersuutigalugu ajoqersuk­kaminut naalagaagaluarluni taak­kua inus­siatut pineq ajor­pai. Paarlat­tuanik eq­qarsaatini misigis­sutsinilu oqalut­tuarisar­pai. An­niaateqaraangata aliasuuteqaraangatalu misigin­neqatigisar­pai. (Joh 11:32-36) Al­laam­mi akerlilersor­taasa nas­suerutigaat tusarlius­saanik akuerin­nit­tut taas­sumun­nga ikin­ngutaaler­tar­tut. (Matt 11:19) Jiisusip ajoqersuk­kaminut pis­susilersoriaasia ilaarutsigu al­lanut at­taveqarluar­nerulis­saagut. Taava nuan­naar­nerulerluta Jiisusi ataq­qinerulerlugulu asanerulis­savar­put. w20.04 22 § 9-10

1870-imi Tuluit Nunaat nunarsuarmi naalagaaf­fis­suuvoq an­ner­tuner­paaq sak­kutooqar­nik­kul­lu pis­saaneqar­ner­paajul­luni. Naalagaaf­fis­suaq taman­na nas­sut­tut mikisutut al­laatigineqar­poq, taas­sumalu nas­suit pingasut al­lat – Frankrigi, Spania Hol­landilu – ajugaaf­figai. (Dan 7:7, 8) Sorsun­nersuul­lu siul­liup aal­lar­tereer­nerata tungaanut Tuluit Nunaat tas­saavoq Kujal­liup kun­ngia. Pif­fis­sap tamatuma nalaani USA aningaasaqar­nik­kut pis­saaneqar­ner­paan­ngor­poq aam­ma Tuluit Nunaat qanimut suleqatigilerlugu. Sorsun­nersuup siul­liup nalaani USA aam­ma Tuluit Nunaat iligiilerlutik sak­kutooqar­nik­kut pis­saanilis­suup­put. Taamanik­kut Tuluit Nunaat aam­ma USA nunarsuarmi pis­saaneqar­ner­paajuler­put naalagaaf­fis­suan­ngorlutik. Danielip siulit­tuineratut taan­na ‘amerlasoorsuar­nik sapiitsunik sak­kutooqar­poq’. ‘Ul­luni kingul­ler­ni’ Tuluit Nunaata USA-l­lu naalagaaf­fis­suat tas­saavoq Kujal­liup kun­ngia. w20.05 4 § 7-8

Nunarsuar­put seqinermiit naleq­qul­luin­nar­tumik ungasis­suseqarmat imeq piusin­naavoq. Qanin­nerulaarsimagaluaruni kis­sar­pal­laarluni imeqas­san­ngik­kaluar­poq nunalu paningaarmat inuuf­fiusin­naas­sanani. Ungasin­nerulaarsimagaluaruni imeq qeril­luni nunarsuaq sikuin­nan­ngorsimas­sagaluar­poq. Jehovap nunarsuaq inis­sil­luarsimangaarmagu imeq uumaan­nar­titsil­luni kaaviiaarsin­naavoq. Seqer­nup imaq imerlu kis­sal­lugit aalar­tit­tar­pai nuian­ngor­til­lugil­lu. Ukiut tamaasa imeq nunarsuarmi tatsit tamarmik katil­lugit imaan­nit an­ner­tunerusoq seqinermit aalar­tin­neqar­tar­poq. Taava ul­lut qulit mis­saan­ni silaan­narmeereeraangami sialun­nguut­tar­poq nit­taalan­nguul­luniluun­niit. Pif­fis­sap ingerlanerani imeq im­mami nunamilu katersuuteq­qiler­tar­poq aal­laq­qaataaniil­lu kaaviiaaq­qilerluni. Jehovap imeq nunarsuarmi nungun­ngin­nias­sam­mat kaaviiaar­tip­paa. Jehovap ilisimas­susersua pis­saaneralu ersaringaaramik! – Job 36:27, 28. w20.05 22 § 6

Taman­na qin­nutigiuar­taq­qul­lugu Jiisusip kajumis­saar­paatigut. (Luk 11:9, 13) Jehovap anersaani il­ler­nar­toq atorlugu nukis­satsin­nik ‘as­seqan­ngitsumik’ tunisar­paatigut. (2 Kor 4:7) Qanorluun­niit misilin­neqaraluarut­ta anersaaq il­ler­nar­toq iluaqutigalugu piner­tusaarsin­naavugut. Aam­ma Guutimut kif­far­tor­nitsin­ni anersaaq il­ler­nar­toq iluaqutigalugu sulianik akisus­saaf­fin­nil­lu naam­mas­sin­nis­sin­naavugut pigin­naasatsin­nil­lu pitsaanerulersitsisin­naal­luta. Nalun­ngilar­put Guutip anersaavata iluaqutigineratiguin­naq kif­far­tor­nermi ajun­ngitsunik angusaqarsin­naal­luta. Guutip anersaavanik il­ler­nar­tumik pingaar­titsiner­put ersersis­sin­naavar­put ajor­tunik eq­qarsaateqar­nerluta pileris­suseqar­nerlutaluun­niit paasiumal­lugu Jehovamut ikioq­qul­luta qinusar­nitsigut. (Tuss 139:23, 24) Taamaat­toqar­pat Jehovap anersaani il­ler­nar­toq atorlugu paasitis­savaatigut qanoq eq­qarsaatit kis­saatil­lu ajor­tut akiorsin­naanerivut taamaalior­nis­samul­lu nukis­satsin­nik tunil­luta. Anersaap il­ler­nar­tup qin­nutigisar­neratigut ersersis­savar­put Jehovap taan­na aq­qutigalugu ikiuinera pingaar­til­lugu ajor­tunil­lu iliun­ngin­nis­sar­put aalajangiusimal­lugu. – Ef 4:30. w20.05 28-29 § 10-12

Jehovap aq­qa il­lersoraangatsigu Jiisusi ilaar­tar­par­put. Jiisusip Ataatami aq­qa atuin­nar­nagu aam­mali taan­na tusaamaneqarlualersin­neratigut ilisimalersip­paa. As­sersuutigalugu farisiiarit Jehova tas­saanerar­tar­paat peq­qar­niitsoq, piumasaqar­pal­laar­toq, qanil­lineqarsin­naan­ngitsoq aam­ma naak­kit­taatsoq, Jiisusil­li inuit ikiorlugit paasitip­pai Jehova ingasaas­sinian­ngitsuusoq, kamagit­tar­tuusoq, asan­nit­tuusoq isumak­keerfigin­nit­tar­tuusorlu. Aam­ma ul­luin­nar­ni iliuutsimini Ataatami pis­susiinik ilaarseq­qis­saar­nermigut Jehovamik ilisiman­nilersip­pai. (Joh 14:9) Jiisusitut Jehova pil­lugu ilisimasavut, as­sersuutigalugu asan­ningaar­nera, oqaluus­sis­sutigisin­naavavut. Taamaalior­nik­kut Jehova pil­lugu sal­luliuutit mamarliineril­lu eq­qun­ngitsuunerat up­per­narsas­savar­put. Jehovap aq­qa il­ler­nar­tuusoq al­lanut nalujun­naarsin­neratigut il­ler­narsisis­sin­naavar­put. Jehovap qanoq it­tuunera oqaatsitsigut iliuutsitsigul­lu ersersit­tar­par­put. Guuti pil­lugu sal­lusuis­sutinik ilin­niar­titsisar­nitsigut Jehovap aq­qa il­ler­narsisis­savar­put. w20.06 6-7 § 17-18

Inter­netik­kut at­taveqaqatigiit­tarfiit ajun­ngitsumik ator­neqarsin­naap­put – as­sersuutigalugu ilaqut­tanik ikin­ngutinil­lu at­taveqaqatigiin­nermut. Malugisimaviul­li inuit ilaan­nik­kut al­lanit nuan­naar­torineqarumal­lutik ik­kus­sisar­tut? Soorlu ima oqar­niar­tut: “Takun­nga.” Ilaasalu as­sitik al­lal­lu as­sii nikanarsaasumik kan­ngunar­tumil­lu oqaaseqaateqarfigisar­paat. Kristumiut taamatut inter­netik­kut at­taveqaqatigiit­tarfiit ator­navian­ngilaat, kajumis­saar­neqar­pum­mi maniguun­neq misigin­neqatigin­nin­nerlu ineriar­tor­tis­sagaat. (1 Petr 3:8) Inter­netik­kut at­taveqaqatigiit­tarfiit ator­taruk­kit im­minut ima aperigit: ‘Oqaaseqaatit, as­sit filmil­luun­niit uanga ik­kut­tak­kak­ka isumaqalersitsisin­naap­pat malugeq­qusaar­tunga? Al­lat sin­ngatilersin­naavak­ka?’ Kristumiut misigin­ngil­lat al­lanit nuan­naar­torineqar­tariaqarlutik. Biibilimi siun­nersuut ul­lormut al­las­simaf­fim­miit­toq maleruar­paat. Maniguuk­kut­ta silarsuarmi inuit malugeq­qusaar­tut ilaalis­san­ngilavut. – 1 Joh 2:16. w20.07 6 § 14-15

Apustili Paulusi Kristusimut ajoqersugan­ngun­ngik­kal­larami peq­qar­niitsuuvoq Jiisusip ajoqersugaanik malersuisoq. (ApS 7:58) Paulusip, taamani Saulusitut ilisimaneqar­tup, ilagiin­nik malersuinera Jiisusip unitsip­paa. Paulusi qilam­mit oqaluup­paa tap­pingersil­lugulu. Tap­pis­seq­qis­saguni malersorsimasaminut ikior­tis­sarsior­tariaqar­poq. Ajoqersuk­kamit Ananiamik atilim­mit ikior­neqar­nis­sani maniguul­luni akuerigamiuk isigisaqaq­qiler­poq. (ApS 9:3-9, 17, 18) Kingor­na Paulusi ilagiin­ni ilisimaneqarlualer­poq. Damaskusiliar­til­lunili Jiisusip im­minut iliuuserisimasaa puiun­ngisaan­nar­paa. Paulusi maniguut­tuar­poq anersaak­kul­lu qatan­ngutiminit ikior­neqar­nis­sani akuerisarlugu. Nalun­ngilaa taak­kua ikiuinerat ‘nakus­satsis­sutigisarlugu’. – Kol 4:10, 11, NW. w20.07 18 § 16-17

Jehovap Ajugaqan­ngitsuugaluarluni al­lat oqar­tus­saas­susiler­pai. Jiisusi Naalagaaf­fim­mini kun­ngin­ngor­tip­paa. Aam­ma inuit 144.000-t Jiisusimut naalak­kersueqataasus­satut oqar­tus­saas­susilis­savai. Jehovali ilin­niar­titseq­qaar­tar­poq. Jiisusi kun­ngiusus­satut palasiunerusus­satul­lu ilin­niar­tip­paa. (Hebr 5:8, 9) Aam­ma Jiisusimik naalak­kersueqataasus­sat ilin­niar­tip­pai. Taamaak­kaluar­toq suliaat tamaasa aqun­niarsarinavian­ngilai, piumasaminil­li naam­mas­sin­nik­kumaar­nerat qularutigin­ngilaa. (Saqq 5:10) Ataatat­ta qilam­miusup ikior­neqar­tariaqan­ngik­kaluarluni al­lat oqar­tus­saas­susiler­tarmagit uagut­taaq taamaalior­tar­nis­sar­put suli pingaaruteqar­nerusimas­saaq. Ilaqutariin­ni it­tuuit ilagiin­niluun­niit utoq­qaaner­taal­lutit? Taamaap­pat Jehova ilaarlugu al­lat sulias­sit­tak­kit, sulial­lu qanor­piaq suliarineqar­nis­saanik nam­mineq aalajangiisit­tak­kit. Taava suliaq naam­mas­sis­saaq, sulias­sitatil­lu ilik­kagaqarsimal­lutik im­minut tatiginerulis­sap­put. – Es 41:10. w20.08 9-10 § 5-6

Jehovap kif­fani qimagus­simasoq pil­lugu qanoq misigis­sasugut kis­saatigaa? Jiisusip maligas­sip­paatigut. Taas­suma nalun­ngilaa Jehovap kif­fani tamaasa asagai, taamaat­tumil­lu ‘Israelik­kun­ni savat tam­marsimasut’ Jehovamut utersin­naaq­qul­lugit sapin­ngisaminik ikior­niar­pai. (Matt 15:24) Jiisusi, paarsisutut ajun­ngitsutut, Jehovap kif­faanik aam­ma an­naasaqar­naveersaar­poq. (Joh 6:39) Apustilip Paulusip Efesosimi ilagiin­ni utoq­qaaner­taasut Jiisusi ilaaq­qul­lugu ima oqarfigai: ‘San­ngiitsut isumagisariaqar­pasi Naalak­kal­lu Jiisusip nam­mineq oqaasii imaat­tut eq­qaamal­lugit: “Tunisineq pil­luar­nar­neruvoq tigusinermit.”’ (ApS 20:17, 35) Erseq­qip­poq tamatumun­nga tun­ngatil­lugu ul­lumik­kut utoq­qaaner­tat im­mik­kut akisus­saaf­feqar­tut. Spaniami utoq­qaaner­taasoq Salvadorimik atilik ima nas­suiaavoq: “Jehovap kif­fani qimagus­simasut qanoq isumas­sorusutsigigai eq­qarsaatigigaangak­ku taak­ku ikior­niarlugit sapin­ngisara tamaat iliuuseqar­niar­tar­punga. Qularutigin­ngilara Jehovap taak­ku uan­nit isumagitik­kusuk­kai.” w20.06 23 § 15-16

Naam­mal­luin­nar­tun­ngor­nis­sar­put Kristusip ukiuni 1.000-ni naalak­kersuinerata naanis­saata tungaanut Jehovap erinitsajuil­luni utaq­qis­savaa. Taman­na sioq­qul­lugu ajor­tuliatsin­nik isumak­keerfigerusup­paatigut. Maligas­siuinera ilaarlugu al­lat erinitsajuif­figalugil­lu pis­susii ajun­ngitsut isiginiar­nerusariaqar­pavut. Nunarsuaq pin­ngor­tin­neqaq­qaarmat Jiisusi in­ngilil­lu nuan­naangaar­put. Takorloorul­li nunarsuaq tamarmi inun­nik naam­mal­luin­nar­tunik Jehovamut asan­nil­lutil­lu kif­far­tor­tunik ulik­kaar­pat qanoq nuan­naar­nerutigis­sasut. Aam­ma qilaliar­tus­sat suliamik inun­nut iluaqutaanerat takul­lugu nuan­naangaas­sap­put. (Saqq 4:4, 9-11; 5:9, 10) An­niar­nermik qiasoqar­tarun­naarluni nuan­naar­nerup piinik qul­lilisoqar­talis­saaq, aam­ma nap­paatit, aliasuutit toqulu peerul­luin­narsimas­sap­put. Taman­na nal­liutserlugu Ataatat­ta asan­nit­tup, ilisimas­suseqarluar­tup erinitsajuitsul­lu ilaar­nis­saa aalajangiusimatigu. Taamaalioruit qanorluun­niit pisoqaraluar­pat nuan­naar­tuas­saatit. (Jaak 1:2-4) Jehovap ‘toqusut makik­kumaar­neran­nik’ neriorsuutaa qujamasun­nangaarami, ilaa? – ApS 24:15. w20.08 19 § 18-19

Guutip asan­nil­luni Biibili inun­nut tun­niup­paa. Ataatat­ta qilam­miusup asangaaramisigut angutit isumas­sarsisil­lugit al­latsip­pai. Inuunermi apeq­qutit pingaar­nerit Jehovap Biibilimi akivai, soorlu uku: ‘Sumin­ngaan­neer­pugut?’ ‘Inuuneq qanoq siuner­taqar­pa?’ aam­ma ‘Siunis­sami susoqas­sava?’ Jehovap kis­saatigaa inuit tamarmik apeq­qutit taak­ku akis­sutis­sarsis­sagaat. Taamaat­tumik ukior­pas­suit ingerlanerini Biibilip oqaatsinut amerlasuunut nutser­neqar­nis­saa isumagisimavaa. Maan­na Biibili tamaat ilaan­naaluun­niit oqaatsini 3.000-nit amerlanerusuni atuar­neqarsin­naavoq! Biibili atuak­kani nutser­neqar­ner­paal­lunilu siam­marsimaner­paavoq. Biibilimik qujamasuutigin­nin­ner­put ersersis­sin­naavar­put ul­lut tamaasa atuar­tar­neratigut, ilin­niar­titsis­sutaasa eq­qarsaatigeq­qis­saar­tar­nerisigut ilik­kak­kat­talu sapin­ngisamik maleruar­tar­nerisigut. Aam­ma Biibilimi al­las­simasut sapin­ngisamik inun­nut amerlaner­paanut oqalut­tuarigaangatsigit Guutimut qujamasun­ner­put ersersit­tar­par­put. – Tuss 1:1-3; Matt 28:19, 20. w20.05 24-25 § 15-16

Pruf­fiitip Jeremiap oqaluus­sif­figisai tusar­naarusun­ngil­luin­nar­put. Nikal­lorluni oqaluus­serusuk­kun­naaraluar­poq. Oqaluus­siuar­porli. Sooq? ‘Jehovap oqaasii’ Jeremiap iluani in­ner­tut ikumasutut im­mata oqaluus­siun­naarsin­naan­ngilaq! (Jer 20:9) Aam­ma uagut Guutip oqaasianit sun­ner­neqaraangat­ta taamatut misigisar­pugut. Taamaat­tumik ul­lut tamaasa Biibilimik atuar­tar­nis­samut eq­qarsaatigin­neq­qis­saar­tar­nis­samul­lu pis­sutis­saqarluar­pugut. Tamatuma kingunerisaanik oqaluus­sinitsin­ni nuan­naar­nerulis­saagut, amerlanerusul­lu tusar­naarusulis­sagunar­put. (Jer 15:16) Taamaat­tumik nikal­lungas­suteqaruit Jehovamut kimigiiserlutit tapersersoq­qusarit. Naam­mal­luin­nan­ngitsuuner­pit, san­ngiis­suteqar­nivit nap­parsimanivil­luun­niit naam­magalugu ator­nis­saanut ikius­savaatit. Aam­ma kif­far­tor­nermi iliuuserisin­naasan­nut oqimaaqatigiis­sumik oqaluus­sinermul­lu isumal­luar­tumik isigin­nit­taaseqaler­nis­san­nut ikius­savaatit. Taamaat­tumik isumakuluuteqaraangavit Ataatat asan­nit­toq qilam­miusoq qin­nuigisaruk. Ikiuineratigum­mi nikal­lunganerit anigorsin­naavat. w20.12 27 § 20-21

Qatan­ngutit ar­nat ilaat ataatsimiin­nerit saniatigut up­peqatimin­nik peqateqar­nis­samut periarfis­sakip­put. Taamaat­tumik ataatsimiin­ner­ni taak­ku ilas­sisas­savavut, oqaloqatigisas­savavut asaneqar­tutul­lu misigitit­tas­sal­lugit. Jiisusi ilaarlugu qatan­ngutit ar­nat pif­fis­saqarfigisarsin­naavavut. (Luk 10:38-42) Im­maqa neriar­toq­qusin­naavavut aliik­kusersoqatigiin­nis­samul­luun­niit iseriar­toq­qulaarlugit. Pulaar­toqaraangat­ta oqaloqatigiin­ner­put ineriar­tor­nar­tuutik­kusut­tar­par­put. (Rom 1:11, 12) Utoq­qaaner­tat Jiisusip isigin­nit­taasiatut isigin­nit­taaseqar­tariaqar­put. Jiisusip nalun­ngilaa kisimiit­tut ilaat aap­paqan­ngin­ner­tik pis­sutigalugu ar­torsarsin­naasut, erseq­qis­sar­paali aap­par­taar­neq meerar­taar­nerluun­niit pil­lualis­sutaajuaan­nan­ngitsut. (Luk 11:27, 28) Jehovamum­mi kif­far­tor­neq pil­lualivis­sutigisar­par­put. (Matt 19:12) Ingam­mik utoq­qaaner­tat up­peqatitik ar­nat anersaak­kut qatan­ngutimit­tut anaanamit­tul­lu pisas­savaat. Pitsaas­saaq utoq­qaaner­tat ataatsimiin­nerup sior­na kingor­nalu ar­nat taak­ku oqaloqatigisarunik­kit. w20.09 21-22 § 7-9

Israelimi naasoris­saasup naatsiias­sat ukiak­kut sial­lereeraangat ik­kus­sor­tar­pai uper­naak­kul­lu sial­lereeraangat inerititat katersor­tarlugit. (Mark 4:28) Qanor­toq uagut­taaq naasoris­saasutul­li erinitsajuitsuugisa. Taman­nali ajor­naatsuujuaan­nan­ngilaq. Amerlaner­tigut inuit naam­mal­luin­nan­ngitsut suliamik kinguneri ingerlaan­naq takorusut­tar­paat. Naasoris­saanermili inerititaqarluar­tunik naatitsiniarut­ta suliuar­tariaqar­pugut, soorlu as­saal­luta, ik­kus­suil­luta, naasupiluiaal­luta imer­teril­lutalu. Taamatut­taaq ajoqersugan­ngor­titsior­tor­nermi ilungersor­tuar­tariaqar­pugut. Kinaas­susersior­tuun­ngin­nis­saq asan­nit­tuunis­sarlu Biibilimik atuaq­qis­saaqatigisar­tak­kat­ta ingerlaan­naq ilik­kar­navian­ngilaat. Tamatuma saniatigut inuit tusar­naaruman­ngip­pata erinitsajuitsuuneq nikal­lun­ngin­nis­satsin­nut iluaqutigis­savar­put. Aam­ma tusar­naarusuk­kaluar­pataluun­niit erinitsajuitsuusariaqar­pugut. Biibilimik atuaq­qis­saaqater­put pin­ngitsaalil­lugu up­per­neruler­tis­sin­naan­ngilar­put. Al­laat Jiisusip ilin­niar­titsis­sutai ajoqersugaasa aal­laq­qaam­mut paasiuminaatsip­paat. (Joh 14:9) Eq­qaamas­savar­put uagut ik­kus­suisuugaluarluta imer­terisuugaluarlutalu Guuti naajar­tor­titsisuusoq. – 1 Kor 3:6. w20.09 11 § 10-11

Biibilimik atuaq­qis­saar­tar­tup imermut morsutsin­neqar­nis­saa tamat­ta kis­saatigaar­put. Taamaalior­nis­saanut ikior­niarlugu ataatsimiigiar­taleq­qul­lugu kajumis­saar­tariaqar­par­put. Atuaq­qis­saar­tar­tut ingerlaan­naq ataatsimiigiar­talersut amerlaner­tigut siumukapal­lan­nerusar­put. Oqaluus­sisar­tut ilaasa atuaq­qis­saaqatigisar­tak­katik nas­suiaat­tar­paat Biibilimik paasisaqarluas­sagunik ataatsimeeqataasariaqar­tut. Atuaq­qis­saaqatil­lu Hebræerit 10:24, 25 atuarsigit, ataatsimiigiar­tar­nerul­lu qanoq iluaqutaatiginera nas­suiaruk. Ataatsimiin­nermi ilik­karsimasan­nik pik­kusul­lutit oqalut­tuuguk. Taman­na qaaq­qusiin­nar­nermit kajumis­sinar­neruvoq. Ataatsimiigiaq­qaar­nermini takusai misigisaalu up­perisarsioqatigiit al­lat katersuutsitsineran­ni misigisimasaanit pitsaanerungaas­sap­put. (1 Kor 14:24, 25) Aam­ma maligas­siuil­luar­tut ilaarsin­naasani Nalunaajaasun­ngor­nis­saminut ikior­tigisin­naasani naapis­savai. w20.10 10-11 § 14-15

Guutip anersaava iluaqutigalugu taas­suma oqaasiani atuaq­qis­saak­katit atuak­katil­lu maleruarsin­naalis­savatit. Tus­siaasior­tutut ima qinugit: “Ajoqersun­nga Naalagaq aq­qutigeq­qusan­nik, inuusin­naaq­qul­lunga sal­lusuis­sutin­ni. Uum­matima il­lit aq­qit kisiat mianeriliuk.” (Tuss 86:11) Anersaak­kut inuus­sutis­sat Jehovap oqaatsini peqatigiis­sor­tanilu aq­qutigalugit pilersitai iluaqutigiuak­kit. Soorunami ilisimasaqar­niaan­narlutit taamaalius­san­ngilatit. Sal­lusuis­sut uum­mam­miuliuk­kusup­pat inuunin­nilu maleruarusul­lugu. Taamaalior­nin­ni Jehovap anersaava iluaqutigis­savat. Aam­ma qatan­ngutitit qiim­mas­sarusup­patit. (Hebr 10:24, 25) Sooq? Anersaak­kut ilaqutarigak­kit. Guutip anersaava qin­nutigisaruk ataatsimiin­ner­ni uum­mam­mit pisumit akisarsin­naaq­qul­lutit pisas­saqaraangavil­lu pitsaaner­paamik iliuuseqarsin­naaq­qul­lutit. Taamaalioruit Jehovamut Jiisusimul­lu ersersis­savat taak­kua ‘savaataan­nik’ asan­nin­nerit. (Joh 21:15-17) Taamaat­tumik ajoqersuisorsuaq tusar­naaruk anersaak­kut nerisas­saqar­titsineranik naam­mat­torsuar­nik iluaqutigin­nil­luar­nik­kut. w20.10 24-25 § 15-17

Apustilit san­ngiil­ligaluar­tut Jiisusip qanoq pivai? Makititaanermi kingunin­ngua ajoqersuk­kami ilaat ima oqarfigai: “Erseqinasi, qatan­ngutik­kalu oqarfigiar­torsigit [makititaasunga].” (Matt 28:10a) Jiisusip apustilini qimaasut nikal­luun­nagit ‘qatan­ngutimisut’ suli isigai. Jiisusi Jehovatul­li naak­kin­nit­tuul­lunilu isumak­keerfigin­nit­tar­tuuvoq. (2 Kng 13:23) Uagut­taaq oqaluus­seqataasarun­naarsimasut soqutigingaar­pavut. Qatan­ngutigaavut asavavul­lu! Up­peqatit­ta sior­natigut, im­maqa ukior­pas­suar­ni, asan­nit­tulior­tarsimaneri eq­qaamavavut. (Hebr 6:10) Maqaasingaar­pavut! (Luk 15:4-7) Taamaat­tumik unit­tooq­qasut ilagiit ataatsimiin­neran­ni najuuteq­qul­lugit kajumis­saar­tak­kit. Unit­toorsimasorlu naalagaaf­filersaarfim­mut iser­pat qaman­nga pisumik tikil­luaq­qusariaqar­par­put. w20.11 6 § 14-17

Jaakup Johan­nesil­lu anaanar­tik ilagalugu Jiisusi oqar­tus­saas­suseqarfigin­ngisaanik aalajangeeq­quaat. Jiisusili qanoq qisuariar­pa? Nangaarian­ngivil­luni oqar­poq Ataatami qilam­miusup kisimi aalajanger­tus­saagaa Naalagaaf­fim­mi kik­kut taler­pim­mi tungaani saamim­milu tungaani is­sias­sanersut. (Matt 20:20-23) Oqar­tus­saas­sutsimi kil­leqar­nera nalunagu ersersip­paa. An­neruniajuik­kami Jehovap peq­qus­sutigin­ngisaanik iliuuseqar­neq ajor­poq. (Joh 12:49) Jiisusip maligas­siaa qanoq ilaarsin­naavar­put? Jiisusi ilaas­sagutsigu ul­lormut al­las­simaf­fim­mi siun­nersuut maleruar­tariaqar­par­put. Qanoq? Siunersior­neqaraangat­ta nam­mineq isumat­ta malitsin­niarsarin­ngin­neratigut eq­qarsaq­qaar­natalu oqalut­tan­ngin­nitsigut. Paarlat­tuanik Biibilimi Biibililersaarutitsin­nilu siun­nersuutit in­nersuus­sutigisas­savavut. Taamaalior­nitsigut nas­suerutigis­savar­put suna tamaat ilisimanagu, maniguul­lutali akueris­savar­put Jehovap siun­nersuutai nam­mineq siun­nersuutitsin­nit pitsaanerujuaan­nar­tut. – Saqq 15:3, 4. w20.08 11-12 § 14-15

Ikin­ngutit siun­nersor­tariaqarlugu misigiguit suut eq­qarsaatigisariaqar­pigit? Oqaloqatigin­ngin­nerani im­minut ima aperigit: ‘Iluar­niar­pal­laar­punga?’ Inuk iluar­niar­pal­laar­toq Jehovap najoq­qutas­siai aal­laaviginagit nam­mineq isum­mani malil­lugu misigin­neqataar­piar­nanilu siun­nersuisar­poq. Eq­qarsarluareerlutit misigiguit ikin­ngutit siun­nersor­tariaqarlugu oqarfigiuk suna ajor­nar­torsiutaanersoq, apeq­quteqar­tar­nik­kul­lu kuk­kus­sutaanik paasitiguk. Biibili tun­ngavigiuaruk, ikin­ngutim­mi ilin­nut pin­nani Jehovamut akisus­saavoq. (Rom 14:10) Ilisimas­suseq Guutip oqaasianiit­toq atorluaruk, siun­nersuigaangavil­lu Jiisusitut misigin­neqataasarit. (Uss 3:5; Matt 12:20) Eq­qaamajuk al­lanik pin­nit­tar­ner­put malil­lugu Jehovap piumaaraatigut. – Jaak 2:13. w20.11 21 § 13

Qanoq isik­koqar­nerit tun­ngavigalugu naliler­neqarusus­savit? Soorunami naamik. Tup­pal­ler­nar­poq nalunagu Jehova qal­lik­kut it­tut tun­ngavigalugit isum­mius­sineq ajor­toq. As­sersuutigalugu Samueli Jehovamit oqarfigineqar­poq Isajip er­nerisa ilaat Israelimi kun­ngin­ngorumaar­toq. Kinaas­savali? Isajip angajul­lequtaa, Eliabi, takugamiuk Samueli ima oqar­poq: “Tas­sa taan­na Naalak­kap tanitas­san­ngor­titaa maan­nak­kut Naalak­kap saaniip­poq.” Eliabi kun­ngiusus­satut piuk­kun­nar­pasip­poq. Jehoval­li takusai al­laanerup­put. Taamaat­tumik Samueli ima oqarfigaa: “Isik­kua angis­susialuun­niit aalajangiisuutis­san­ngilatit uanga taan­na narrugigak­ku.” Jehovamuna suna pigaa? Ima nangip­poq: “Inuim­mi isimin­nut saq­qumisuin­naat isigisar­paat, Naalak­kal­li inuup uum­mataa isigisar­paa.” Qatan­ngutitsin­nik pin­nit­tar­nitsin­ni Jehova ilaar­tariaqar­par­put. w20.04 14 § 1; 15 § 3

Jiisusi narsaatit naarlaanik suaasias­sar­tal­lit aq­qusaarlugit angalasimavoq. (Joh 4:3-6) Karrit taak­ku qaam­matit sisamat mis­saat qaangiup­pata katersor­neqarsin­naalis­sap­put. Jiisusi eq­qumiiginarsin­naasumik ima oqaaseqar­poq: “Isisi uisis­sigit narsaatil­lu qimerloorlugit, qaqor­tis­simap­put katersuif­figeriaan­nan­ngorlutik.” (Joh 4:35, 36) Jiisusip oqaatsini qanoq isumaqar­tip­pai? Jiisusip karrit katersor­neqar­nis­saat pin­nagu inuit katersor­neqar­nis­saat pigunar­paa. Qanoq pisoqaq­qam­mersoq eq­qarsaatigiuk. Juutit Samariamiunik peqateqar­tan­ngik­kaluar­tut Jiisusip ar­naq Samariamiu oqaluus­sif­figaa, taan­nalu tusar­naar­poq! Jiisusil­lu narsaatit ‘katersuif­figeriaan­nan­ngorlutik qaqor­tis­simasut’ eq­qar­tormagit Samariamior­pas­suit taan­na pil­lugu ar­namit tusagaqarsimasut paasisaqar­nerujumal­lutik Jiisusip tungaanukar­put. (Joh 4:9, 39-42) Biibili pil­lugu atuak­kami oqalut­tuaq taman­na ima al­laatigineqar­poq: “Inuit Jiisusimik tusar­naariarlutik naapigiaapal­lan­neran­nit ... erser­poq karritut katersor­neqariaan­naasutut it­tut.” w20.04 8 § 1-2

Ataatsimiin­nigut oqaluus­sil­laq­qin­nerunis­samut ilin­niar­titsil­laq­qin­nerunis­samul­lu iluaqutigaagut. As­sersuutigalugu Biibililersaarutit ilin­niar­titsinermi ator­tak­katsin­neersut atorluar­nerusin­naaler­tar­pagut. Taamaat­tumik ilagiit ataatsimiin­nis­saan­nut piareersarluar­tarit. Ataatsimiin­ner­ni tusar­naaq­qis­saar­tarit, ilik­kak­katil­lu ator­tak­kit. Taamaalior­taruit ‘Kristusi-Jiisusimut sak­kutuujul­luar­tun­ngus­saatit’. (2 Tim 2:3) Aam­mat­taaq in­ngilit pis­saanil­lit mil­lionilip­pas­suit tapersersor­tigaagut. In­ngilip ataatsip iliuuserisin­naasaa eq­qarsaatigiuk! (Es 37:36) Maan­na takorloorsin­naaler­piuk in­ngiler­pas­suit sunik naam­mas­sisaqarsin­naanersut? Inuup anersaapiluul­luun­niit Jehovap sak­kutuui pis­saasut ajugaaf­figisin­naan­ngilai. Jehova ajugaqan­ngitsuuvoq. Taamaat­tumik ikior­patigut akerlilersor­tigut qanorluun­niit amerlatigigaluar­pata taak­kunan­nga nukit­tunerujuaan­nas­saagut. (Eqq 6:16) Tamak­ku eq­qarsaatigiuak­kit suleqativit, atuaqativit ilaqut­tavil­luun­niit Nalunaajaasuun­ngitsup oqaasii iliuusiiluun­niit nikal­lungas­sutigigaangak­kit. Eq­qaamajuk akiuun­nin­ni kisimiin­ngin­navit. Jehovap siulersuinera naaper­torlugu ilior­putit. w21.03 29 § 13-14

Im­maqa Israelik­kut isigin­nit­taasiat Esaja 22:13-imi al­las­simasoq apustilip Paulusip is­suar­paa. Guutimut qanil­linis­sar­tik soqutiginagu inuul­luataarusuin­nar­put. Israelik­kut taak­ku isumaqar­put inuuneq taan­naan­naam­mat atorluar­niaan­nar­tariaqar­toq – isuma taman­na aam­ma ul­lumik­kut nalingin­naavoq. Toqusunik makititsinis­samik neriuut pingaar­tik­katsigu eq­qumaf­figis­savar­put kik­kut ikin­ngutis­satut toq­qas­sanerlugit. Qatan­ngutit Korinthimiut makititaanis­samik up­perin­ningitsunik taamanik­kut peqateqar­naveersaar­tariaqarsimap­put. Ul­lumik­kut uagut taak­ku ilin­niarfigisin­naavavut. Siunis­sami qanoq pisoqar­nis­saanik isumakuluutigin­nin­ngitsunik nuan­naar­niutinil­lu pingaar­titsival­laar­tunik ikin­nguteqarut­ta uagutsin­nut ajor­tumik sun­niuteqas­saaq. Inuit taama it­tut kristumiup peqatigival­laar­tarunigit isigin­nit­taatsimigut inooriaatsimigul­lu ajoqutigisin­naavaa – al­laat ajor­tuliorluni Guutip uumigisaatut inooriaaseqalersin­naavoq. Taamaat­tumik Paulusi ima oqaaq­qis­saarivoq: “Pimoorul­lugu silat­tor­niaritsi ajor­tuliorun­naarlusilu!” – 1 Kor 15:33, 34. w20.12 9 § 3, 5-6

Jehovap nunami qilam­milu ilaqut­taminik aaq­qis­suus­sinera versimi matumani al­laatigineqar­poq. Jehova kik­kun­nut tamanut ‘niaquugami’ oqar­tus­saas­suseqar­ner­paavoq, taamaat­tumil­lu kinaluun­niit Jehovamit akisus­saatitaas­saaq. Aam­ma Jehovamit oqar­tus­saas­susiler­neqarsimasunut taamaap­poq. (Rom 14:10; Ef 3:14, 15) As­sersuutigalugu Jehovap Jiisusi ilagiin­nut oqar­tus­saas­susiler­paa, Jiisusili ilagiin­nik qanoq pin­nit­tar­nini tun­ngavigalugu Jehovamit akisus­saatitaas­saaq. (1 Kor 15:27) Aam­ma uiusoq nuliaminut meeq­qaminul­lu Jehovap oqar­tus­saas­susiler­paa. Ilaqut­taminut oqar­tus­saas­suseqar­nini qanoq ajun­ngitsumik atorsin­naavaa? Jehovap qanoq piumasaqarfigineraani siul­lermik paasisariaqar­paa. Aam­ma sooq oqar­tus­saas­susiliisar­nersoq qanorlu Jehova Jiisusilu ilaarsin­naanerlugit ilisimasariaqar­paa. Sooruna? Jehovap ilaqutariin­ni niaquusut oqar­tus­saas­suseqar­tim­magit, naatsorsuutigim­magulu taman­na ajun­ngitsumik atus­sagaat. – Luk 12:48b. w21.02 2-3 § 1-3

Pisut ilaat puior­niarlugit aalajanger­nitsigut Jehova ilaarsin­naavar­put. Jehovap piumaguni suut tamaasa eq­qaamasin­naagaluar­pai, ajor­tuliavul­li peq­qis­simis­sutigigaangatsigit puior­niarlugit aalajanger­tar­poq isumak­keerfigalutalu. (Tuss 25:7; 130:3, 4) Kis­saatigaa uagut­taaq al­lanut taamaalior­tas­sasugut, aam­ma uagutsin­nik ajual­latsitsisimagaluar­pataluun­niit. (Matt 6:14; Luk 17:3, 4) Qarasatsin­nik tupin­naqisumik qujamasuutigin­nin­ner­put ersersis­sin­naavar­put taas­sumin­nga tunis­suteqar­tup ataq­qinaatis­saatut ator­neratigut. Ilaasa suup ajun­ngitsuuneranik suul­lu ajor­tuuneranik nam­mineq aalajangeerusun­nermik­kut qarasar­tik nam­minis­sarsiorlutik ator­tar­paat. Jehoval­li pin­ngor­tik­kamisigut pis­susis­samisoor­poq ilimagis­sal­lugu taas­suma najoq­qutas­siai pitsaaner­paajusut. (Rom 12:1, 2) Jehovap najoq­qutas­siai malik­kaangatsigit inuunitsin­ni eq­qis­sineq misigisas­savar­put. (Es 48:18) Aam­ma paasis­savar­put Jehovap qanoq inuunis­sar­put kis­saatigineraa, tas­sa taan­na Pin­ngor­titsisitsitut Ataatatsitul­lu ataq­qinar­tis­sagip­put nuan­naar­tis­sagip­pul­lu. – Uss 27:11. w20.05 23-24 § 13-14

Qatan­ngutitsin­nut asan­nin­ner­put qanoq ineriar­tor­tis­sin­naavar­put? Ilisarisimaneruler­nerisigut, taamaalioraangat­tami misigin­neqatigineruler­tar­pagut. Ukioqatigul­li kisiisa qanimut ikin­ngutigilersin­naavagut? Naamik. Eq­qaamajuk Jonatanip ukiunik 30-nik angajul­liugaluarluni Daavi qanimut ikin­ngutigileraa. Il­lim­mi, ilin­nit utoq­qaanerusut inuusun­nerusul­luun­niit ikin­ngutigilersin­naavigit? Taamaalioruit ersersis­savat ‘qatan­ngutigiis­suit tamaasa asal­lugit’. (1 Petr 2:17, NW) Tas­sa imaap­pa qatan­ngutigut asagutsigit tamaasa qanimut ikin­ngutigis­sagigut? Taman­na ajor­nar­poq. Soqutigisaqatigiin­neq pis­sutigalugu inuit ilaat al­laniit qanin­nerusumik ikin­ngutigisar­pagut. Aam­ma Jiisusimut taamaap­poq. Apustilini tamaasa ikin­ngutitut taagaluarlugit Johan­nesi im­mik­kut qanin­neruaa. (Joh 13:23; 15:15; 20:2) Taamaat­torli al­laniit ajun­ngin­nerusumik pineq ajor­paa. – Mark 10:35-40. w21.01 23 § 12-13

Apustili Paulusi juutinut synagogimiit­tunut oqaluus­sinermisul­li Guutimik nalusunut Athenimiit­tunut oqaluus­sin­ngilaq. Avatangiisini maluginiaq­qis­saar­pai inuil­lu up­perisarsior­nik­kut ileq­qui malugalugit. (ApS 17:23) Taava sal­lusuis­sut Al­lak­kaneersoq taak­kunun­nga oqalut­tuarigamiuk akuersaarsin­naasaan­nik aal­lar­niuteqar­poq. Tas­sa Paulusi naleq­qus­sarusus­suseqar­poq. Athenimiut oqarfigai tusarlius­sami pilerfia tas­saasoq taak­kua pal­lorfiginiarsarisaat ‘Guuti nalusaq’. Paulusip Guutimik nalusut Al­lak­kat ilisiman­ngik­kaluaraat oqaluus­sif­figiuar­pai. Karritul­li katersor­neqariaan­naasutut isigalugit nutaarsias­sap nuan­nersup tusarliun­nerani naleq­qus­sar­poq. Paulusitut malugin­nin­niaasarit. Inuit up­perisaan­nut ersiutaasin­naasut maluginiar­tak­kit. Angerlarsimaf­fiup matuani arlaan­nik paasis­sutis­saqar­pa? Oqaluus­savit aq­qa, atisalersoriaasia, isik­kua oqaloriaasialuun­niit qanoq up­perisaqar­neranut ersersitsip­pat? w20.04 9-10 § 7-8