Oktobari

Jiisusi ilisarisimalerutsigu taas­sumatut eq­qarsalerlutalu iliuuseqar­talersin­naavugut. Taas­sumalu eq­qarsar­taasia ilisimanerulerlugulu ilaaraangatsigu qanin­nerusumik ikin­ngutigiler­tar­par­put. Jiisusi qanoq ilaarsin­naavar­put? As­sersuuteqariar­ta. Jiisusip ilorrisimaar­nis­sani pin­nagu al­lanik ikiuinis­sani pingaar­nerutip­paa. (Matt 20:28; Rom 15:1-3) Taamaat­tumik im­minut pil­liutigeriaan­naal­lunilu isumak­keerfigin­nit­tar­poq. Al­lanit oqaluuserinerlun­neqaraangami ajual­lapal­lan­neq ajor­poq. (Joh 1:46, 47) Aam­ma inuup sior­natigut kuk­kus­sutigisimasai eq­qarsaatigiuar­neq ajor­pai. (1 Tim 1:12-14) Jiisusi ima oqar­poq: “Asaqatigiik­kus­si tamatumuuna tamarmik paasis­savaat ajoqersugarigis­si.” (Joh 13:35) Im­minut ima aperigit: ‘Qatan­ngutik­ka eq­qis­seqatigiumal­lugit tamaviaar­nik­kut Jiisusip maligas­siaa ilaar­para?’ w20.04 24 § 11

Silarsuarmi inuit amerlasuut Jehovap aq­qanik narrunarsaal­lutil­lu mitaatigin­nit­tar­put, il­lil­li Guutip il­ler­nar­tuunera, naaper­tuil­luar­tuunera, ajun­ngitsuunera asan­nit­tuuneralu pil­lugit oqaluus­sisar­nik­kut aq­qanik il­lersuinis­san­nut periarfis­saqar­putit. Iliuutsik­kut takutis­sin­naavat Guuti naalak­kersuisorerusul­lugu. Inun­nut paasitin­niar­tarsin­naavat Jehovap naalak­kersueriaasia kisimi naaper­tuil­luar­tuul­lunilu pin­ngor­titanut tamanut eq­qis­sinermik pil­luar­nermil­lu atuutilersitsisin­naasoq. (Tuss 37:9, 37; 146:5, 6, 10) Sal­lusuis­sutinik Biibilimeersunik ilin­niar­titsigaangat­ta Jehovap qilam­mi nunamilu kisimi oqar­tus­saanera erseq­qis­sar­tar­par­put. Guutip inatsisaanik ilin­niar­titsinis­saq soorunalimi pingaaruteqar­poq, Ataatatsin­nil­li qilam­miusumik asan­nilersitsinis­saq ilumoorfigin­nilersitsinis­sarlu siuner­taraar­put. Taamaat­tumik Jehovap pis­susiisa nuan­nersut erseq­qis­sar­tar­nerisigut aq­qa tusaamaneqarlualersit­tariaqar­par­put. (Es 63:7) Taamaaliorut­ta ilin­niar­titavut Jehovamut asan­nin­nis­saan­nut ilumoorfigin­nin­nis­saan­nul­lu ikius­savavut. w20.06 6 § 16; 7 § 19

Qarasar­put torral­lataavoq. Anaanavit naavaniik­kal­laravil­li qaratsat siumut aalajanger­neqarsimasumik ineriar­tor­poq qaratsamilu cel­lit tuusintil­lit minutsimut pin­ngor­tarlutik! Ilisimatuut isumaqar­put inersimasup qarasaa 100 mil­liardit pal­lil­lugit im­mik­kut it­tunik cel­leqar­toq neuroninik taaneqar­tar­tunik. Cel­lit taak­ku qaratsap 1,5 kilomik oqimaatsigisup sananeqaataanut tun­ngaviup­put. Qaratsat­ta pigin­naasaasa ilaan­naat tas­saavoq oqalus­sin­naaner­put. Oqaluk­kaangavit timin­ni susoqar­tar­nersoq eq­qarsaatigiuk. Oq­qan­ni, qungatsin­ni, siggun­ni, al­leq­qun­ni sakis­san­nilu nukitit 100-t mis­saan­niit­tut qaratsavit ataqatigiis­sil­lugit aqut­tar­pai. Oqaatsitit paasiuminas­sap­pata nukiit taak­ku tul­leriiaaq­qis­saar­tumik ator­neqar­tariaqar­put. 2019-imi misis­suinermi ersersin­neqar­poq inoorlaat oqaatsinik ataasiak­kaanik im­mik­koor­titsisin­naasut. Taman­na ilisimatuut arlal­lit ilimagisaan­nik tun­ngaviliivoq – tas­sa inun­ngoraangat­ta oqaatsinik ilisarin­nis­sin­naal­lutalu ilin­niarsin­naas­suseqareer­tar­tugut. Ilumum­mi oqalus­sin­naaner­put Guutimit tunis­sutaavoq. w20.05 22-23 § 8-9

Aaperaap il­loqarfim­mi Urimi inooriaaserisani ilorrisimaar­nar­toq kajumil­luni qimap­paa. Sooq? “Il­loqarfik aalajaatsunik toq­qavilik” utaq­qigamiuk. (Hebr 11:8-10) Il­loqarfik Aaperaap utaq­qisaa tas­saavoq Guutip naalagaaf­fia. Naalagaaf­fik taan­na Jiisusimit Kristusimit tanitanil­lu 144.000-nit naalak­kersor­neqas­saaq. Paulusip Naalagaaf­fik taan­na tas­saanerar­paa “Guutip uumasup il­loqarfia, Jerusalemi qilam­miit­toq.” (Hebr 12:22; Saqq 5:8-10; 14:1) Guutip piumasaa qilam­misut nunarsuarmi pinias­sam­mat Jiisusip ajoqersuk­kaminut Naalagaaf­fik taan­na tikiuteq­qul­lugu qin­nutigisaq­quaa. (Matt 6:10) Guutip naalagaaf­fia qanor­piaq aaq­qis­suus­saas­sanersoq Aaperaap nalun­ngilaa? Naamik. Ukior­pas­suar­ni paasis­sutis­sat taak­ku ‘an­ngigisamut il­ler­nar­tumut’ (NW) ilaap­put. (Ef 1:8-10; Kol 1:26, 27) Aaperaal­li nalun­ngilaa kinguaami ilaat kun­ngin­ngorumaar­tut, Jehovam­mi taamatut neriorsorsimavaa. – 1 Mos 17:1, 2, 6. w20.08 2-3 § 2-4

Tunus­sisut ilin­niar­titsis­sutaat itigar­tit­tariaqar­pavut. Diaavulu kristumiut up­per­nikil­lisin­niarlugit ilungersor­tuarsimavoq. Taamaat­tumik ilumoor­toq sal­lumit im­mik­koor­tis­sin­naasariaqar­par­put. Uumis­sor­tivut inter­neti tas­sanilu at­taveqaqatigiit­tarfiit atorlugit sal­lunik siaruar­terisar­put Jehovamik tatigin­nin­ner­put qatan­ngutitsin­nil­lu asan­nin­ner­put in­narlerumal­lugu. Sal­luliuutit taamaat­tut up­pereqinagit. Saatanimeersuup­put! (1 Joh 4:1, 6; Saqq 12:9) Saatanip saas­sus­sisar­neri akiorsin­naajumal­lugit Jiisusimut taas­sumalu Jehovap siuner­taani inis­sisimaneranut up­per­ner­put ineriar­tor­tit­tariaqar­par­put. Aam­ma inus­siaq aalajaal­lunilu silatooq kisiat aq­qutigalugu Jehovap nunarsuarmi peqatigiis­sor­taminik siulersuinera tatigisariaqar­par­put. (Matt 24:45-47) Taamaaliorsin­naavugut akulikitsumik Biibilimik atuaq­qis­saar­tar­nik­kut. Taava up­per­ner­put or­pit­tut sorlaqarluar­tutut ilis­saaq. Apustili Paulusi ul­lormut al­las­simaf­fim­mi as­singusumik as­sersuusior­poq. w20.07 23-24 § 11-12

Tamat­ta naam­mal­luin­nan­ngitsuugat­ta al­lat isik­kuisigut eq­qar­tuuteq­qajaasar­pavut. (Joh 7:24) Takusavul­li aal­laavigalugit an­nikitsuin­narmik paasisaqar­tar­pugut. As­sersuusioriar­ta. Nakorsap misilit­tagar­tuup pik­koris­sul­lu nakorsiar­toq qanoq nap­paateqar­nersoq isik­kuin­naatigut naliler­navian­ngilaa. Nap­paatigisarsimasai, misigis­susai maan­nalu nap­paataata malun­niutai paasil­luarumal­lugit nakorsiar­toq tusar­naarluar­tariaqar­paa. Al­laam­mi nakorsiar­tup timaata ilua takujumal­lugu qin­nguar­taavim­mut as­silitik­kiar­tor­tit­tariaqas­savaa. Taamaan­ngip­pat kuk­kusumik katsorsarsin­naavaa. Tamatumun­nga as­singusumik uagut qatan­ngutivut isik­kuin­naasigut ilisarisimal­lualer­navian­ngilavut. Inut­tut qanoq it­tuunerat paasiniaq­qis­saar­tariaqar­par­put. Soorunami inuit uum­mam­miugisaat takusin­naan­ngilavut. Sapin­ngisatsin­nil­li Jehova ilaar­niarsin­naavar­put. Taas­suma tusar­naar­tar­pai, tunuliaqutaat atugaal­lu eq­qarsaatigisar­pai misigin­neqatigisarlugil­lu. w20.04 14-15 § 1-3

Maniguun­neq ineriar­tor­tit­tariaqar­par­put, inuim­mi pingaakujut­tut ‘silaqas­suser­tik sianisuumik’ ator­neq ajor­paat. Inuit makitasuut as­sor­tuiumatuul­lutil­lu nam­minis­sarsior­tuup­put. Inuk taamaat­toq im­minut ajoquserlunilu al­lanut ajoqutaasar­poq. Eq­qarsar­taatsini al­lan­ngor­tin­ngik­kuniuk isum­mamigut Saatanimit tap­piil­lisin­neqarlunilu ajor­tumik sun­ner­neqas­saaq. (2 Kor 4:4; 11:3) Inuk maniguut­toq ajun­ngitsumik eq­qarsar­taaseqar­poq. Im­minut isigin­nit­taatsimini oqimaaqatigiis­saarisuuvoq, nalun­ngilaalu inoqatini arlalip­pas­suar­tigut im­minit pik­korin­nerusut. (Fil 2:3) Aam­ma nalun­ngilaa ‘Guutip makitasuut akerar­torai, qanilaar­tul­li saam­maat­tarai’. (1 Petr 5:5) Ajun­ngitsumik eq­qarsar­taaseqar­tut Jehovamut akeraaler­nis­sar­tik kis­saatigin­ngilaat. Maniguut­tuujuas­sagut­ta Biibilimi siun­nersuut una maleruar­tariaqar­par­put: ‘Inutoqaq iperarsiuk iliuusai ilan­ngul­lugit, atisiul­lu inuk nutaaq.’ Jiisusip maligas­siaa misis­sor­tariaqar­par­put sapin­ngisamil­lu malin­niarsaralugu. – Kol 3:9, 10; 1 Petr 2:21. w20.07 7 § 16-17

Jehovap ilagiivinut ilaaneq im­mik­kut pisin­naatitaaf­fiuvoq! Inuit pil­luarlutil­lu eq­qis­sisimasut anersaak­kut paratiisimeeqatigaavut. Il­lit ilagiin­ni suut sulias­saraagit? Paulusip ilagiit inuup timaanut as­sersuup­pai ilagiin­niit­tul­lu timip avataanut as­sersuul­lugit. (Rom 12:4-8; 1 Kor 12:12-27; Ef 4:16) Paulusip as­sersuusiaata ilin­niagas­sar­taata ilaat tas­saavoq Jehovap ilaqutariivini tamat­ta im­mik­kut pingaar­tin­neqar­tugut. Paulusip as­sersuusiani ima aal­lar­tip­paa: “Soorlumi timimi ataatsimi arlalin­nik avateqar­tugut tamarmik im­mik­kut sulias­salin­nik, taamatut tamat­ta Kristusimi timiuvugut ataaseq tamat­ta im­mik­kut avateqatigiil­luta.” (Rom 12:4, 5) Sunaana pigaa? Ilagiin­ni as­sigiin­ngitsunik pik­korif­feqaraluarluta tamat­ta im­mik­kut pingaaruteqar­pugut. w20.08 20 § 1-2; 20 § 4

Angajoq­qaajususi, Jehovap maniguun­nera qanoq ilaarsin­naavisiuk? Ajor­nan­ngik­kaangat sulias­sap qanoq suliarineqar­nis­saa pil­lugu qitor­nasi isumasior­tarsigit. Naleq­qup­pal­lu siun­nersuutaat malis­sigit. Jehova al­laat kif­fani aalajangik­kaminik apeq­qusiigaangata kamagit­tar­tuunermigut maligas­siuil­luar­poq. Jehovap Sodomamik Gomorramil­lu suujun­naarsitsinialerluni Aaperaat isumaqataan­ngim­mat tusar­naar­paa. (1 Mos 18:22-33) Aam­ma eq­qaamajuk Aaperaap nulia, Sara, Jehovap qanoq pineraa. Utoq­qalil­luni naar­tuler­nis­saa pil­lugu neriorsuinini il­laatigim­magu ajual­lan­naniluun­niit kamalin­ngilaq. (1 Mos 18:10-14) Ataq­qin­nit­tumil­li pivaa. Angajoq­qaajuguit utoq­qaaner­taaguil­luun­niit Jehova qanoq ilin­niarfigisin­naaviuk? Aalajangik­katit apeq­quser­neqaraangata qanoq qisuariar­tar­nerlutit eq­qarsaatigiuk. Naq­qiiniapal­lat­tar­pit? Apeq­qusiisul­luun­niit isumaat paasiniar­tar­pigit? Oqar­tus­saas­susil­lit Jehovamik ilaarsinerat ilaqutariin­nut ilagiin­nul­lu iluaqutaasar­poq. w20.08 10 § 7-9

Sal­lusuis­sut ilin­nialeq­qaaratsigu nalun­ngilar­put suli amerlasuunik ilik­kagas­saqarluta, taamaat­tumil­lu al­lanit ikior­neqar­nis­sar­put akueriuminar­tis­simas­sagunar­par­put. (1 Kor 3:1, 2) Maan­nak­kum­mi? Ukior­pas­suar­ni Jehovamut kif­far­torsimagut­ta misilit­tagar­pas­suaqarsimas­saagut, taman­nalu pis­sutigalugu al­lanit, ingam­mik uagutsitul­li misilit­tagaqar­tigin­ngitsunit, ikior­neqar­nis­sar­put akueriuminaatsis­sin­naavar­put. Eq­qaamasariaqar­par­pul­li Jehovap qatan­ngutivut aq­qutigalugit nakus­satsit­taraatigut. (Rom 1:11, 12) Jehovamit pis­satsin­neqas­sagut­ta al­lanit ikior­neqar­tar­nis­sar­put akuerisariaqar­par­put. Naam­mas­sisaqar­nis­samut nukiit, ilin­niak­kat pisuus­sutil­luun­niit aalajangiisuun­ngil­lat. Nalun­ngilaa maniguun­neq Jehovamil­lu tatigin­nin­neq aalajangiisuusut. Qanor­toq tamat­ta Jehova tatigiuar­tigu, itsaq maligas­siuil­luar­tut ilin­niarfigitigit, kiisalu up­peqatitsin­nit ikior­neqar­tar­nis­sar­put akuerisar­tigu. Taamaaliorut­ta misigis­savar­put qanorluun­niit san­ngiitsigigaluaraangat­ta Jehovamit pis­satsin­neqar­tarumaarluta! w20.07 14 § 2; 19 § 18-19

Ilaqut­tatsin­nut Nalunaajaasuun­ngitsunut oqaluus­sinitsin­ni erinitsajuitsuunis­saq saper­narsin­naavoq. Taman­na saper­nar­tik­kutsigu Oqaluus­sisar­tup oqaasii 3:7-imi najoq­qutas­siaq una iluaqutigisin­naavar­put: “Nipangersimaf­fis­saqar­poq oqaluf­fis­saqarlunilu.” Ileq­qoris­saar­ner­put nalunaajaataal­luarsin­naavoq, sal­lusuis­sum­mil­li eq­qar­tuinis­samut piareersimajuar­tariaqar­pugut. (1 Petr 3:1, 2) Oqaluus­sinitsin­ni ilin­niar­titsinitsin­nilu ilungersoraluarluta inuit tamaasa, aam­ma ilaqut­tavut, erinitsajuif­figisariaqar­pavut. Angutit ar­nal­lu aalajaatsut Biibilimi eq­qaaneqar­tut inuil­lu nalitsin­ni inuusut maligas­siuineran­nit erinitsajuin­neq ilin­niarsin­naavar­put. Habak­kukip Israelimi ajus­suseerun­nis­saq kis­saatigigaluar­paa, erinitsajuil­lunili alaper­naarsuiuar­nis­sani aalajangiusimavaa. (Hab 2:1) Apustili Paulusi kif­far­tor­nerminik naam­mas­sin­nin­nis­saminik kis­saateqaraluarluni erinitsajuil­luni ‘nutaarsias­samik nuan­nersumik peq­qis­saar­tumik nalunaajaatigin­nit­tuar­poq’. – ApS 20:24, NW. w20.09 12 § 12-14

Jiisusi, oqar­tus­saaner­paamut Jehovamut tul­lersor­taasoq, im­minut pingaar­tip­pal­laan­ngilaq. Guutip kif­faasa Jiisusi ilaarlugu maniguut­tut asaqatigiin­neq ilisar­naatigaat. (Luk 9:48; Joh 13:35) Taavami ilagiin­ni ajor­nar­torsiuteqar­pat misigiguil­lu iluamik aaq­qin­neqan­ngitsut? Naam­magit­taal­lior­nak ilagiin­ni siut­tuusut maniguul­lutit tapersersorsin­naavatit. (Hebr 13:17) Taamaaliorsin­naajumal­lutit im­minut ima aperigit: ‘Ajor­nar­torsiuterujus­suup­pat aaq­qin­neqar­tariaqar­tut? Aaq­qiinis­samut pif­fis­saal­luar­pa? Aaq­qin­nis­saan­nut uanga akisus­saavunga? Un­neq­qaril­lunga oqarsin­naavunga ataasioqatigiin­neq siuarsar­niarlugu, imaluun­niit pingaar­tin­neqarusuk­kama taamaalior­punga?’ Jehovap maniguun­neq pigin­naasanit pingaar­tin­neruaa, aam­ma angusaqarluar­taraluar­tugut ataasioqatigiin­neq pingaar­tin­neruaa. Taamaat­tumik sapin­ngisan­nik maniguul­lutit Jehovamut kif­far­torit. Taamaalioruit ilagiin­ni ataasioqatigiin­nerulersitsis­saatit. – Ef 4:2, 3. w20.07 4-5 § 9-11

Jiisusip ar­nat Guutimik mianerin­nit­tut ‘pigisatik’ atorlugit im­minik isumagin­nit­tut qujamasuutigai. (Luk 8:1-3) Anersaak­kut it­tunik itisuunik oqalut­tuup­pai. As­sersuutigalugu toqunis­sani makititaanis­sanilu taak­kunun­nga eq­qar­tor­pai. (Luk 24:5-8) Ar­nat taak­ku an­nikil­lior­titaajumaar­neran­nut piareersimaq­qul­lugit apustilinik ikiuinermisut ikior­pai. (Mark 9:30-32; 10:32-34) Jiisusi tigusaam­mat apustilit qimaap­put, ar­nal­li Jiisusimik isumas­suisarsimasut taan­na nap­pak­kami an­niar­titaaf­fim­mi toqulersoq ungasin­nagu najor­paat. (Matt 26:56; Mark 15:40, 41) Ar­nat Guutimik mianerin­nit­tut Jiisusimik makititaasimasumik takun­neq­qaar­tuup­put. Toqusunit makititaanini pil­lugu ar­nat taak­ku apustilinut oqariar­tor­tip­pai. (Matt 28:5, 9, 10) Ukiumi 33-mi piinsip ul­luani anersaaq il­ler­nar­toq kuineqarmat aam­ma ar­nat najuus­simasin­naap­put, tas­saniit­tul­lu tamarmik tupin­nar­tulior­nik­kut al­lamiutut oqalut­talerlutil­lu “Guutip tupin­nangaar­tuliai” pil­lugit al­lanut oqalut­tuar­taler­put. – ApS 1:14; 2:2-4, 11. w20.09 23 § 11-12

Oqaluus­siner­put an­naas­siniar­neruvoq! Taman­na qanoq nalun­ngilar­put? Mat­thæusi 28:19, 20-milu Jiisusi ima peq­qusivoq: “Aal­larlusi inuit ... ajoqersugan­ngor­tis­sigit ... imermut morsutsin­nerisigut.” (NW) Imermut morsutsin­neqar­nis­sap pingaaruteqas­susia pil­lugu suna nalun­ngilar­put? An­nan­nis­samut piumasaqaataavoq. Imermut morsutsin­neqarumasup up­perisariaqar­paa Jiisusip uagut pil­luta toqunera makititaaneralu an­naan­neqar­nis­samut pis­sutis­satuaasoq. Taamaat­tumik apustilip Petrusip kristumioqatini ima al­laf­figai: “Imeq taan­na ... ilis­sin­nut [an­nas­sutaavoq] ... Jiisusi-Kristusip toqusunit makin­nera tun­ngavigalugu.” (1 Petr 3:21) Imermut morsutsin­neqar­tup naas­saan­ngitsumik inuunis­sani neriuutigisin­naavaa. Ajoqersugan­ngor­titsior­torumal­luta ilin­niar­titsil­laq­qis­sun­ngor­tariaqar­pugut. (2 Tim 4:1, 2) Sooq? Jiisusip ima peq­qum­matigut: “Aal­larlusi inuit ... ajoqersugan­ngor­tis­sigit ... ilin­niar­tin­nerisigut.” (NW) Apustili Paulusi suliami tamatumani piner­tusaaq­qusivoq, taamaalior­nik­kum­mi ‘im­minut an­naatis­sagat­ta tusar­tivul­lu an­natsil­lugit’. w20.10 14 § 1-2

Ajoqersuk­kap Petrusip inun­nik aalisar­tuunini nuan­narilersimavaa. Jehovalu ikior­tigalugu suliamut tamatumun­nga pik­koris­sun­ngorsimavoq. (ApS 2:14, 41) Pingaar­ner­tut Jehovamik asan­nin­ner­put kajumis­sis­sutigalugu oqaluus­sisar­pugut. Aam­ma Jehovamik asan­nin­ner­put iluaqutigalugu im­minut ajuk­kun­neq qaangersin­naavar­put. Jiisusip Petrusi inun­nik aalisar­tun­ngoq­qugamiuk ima oqarfigaa: “Erseqinak!” (Luk 5:8-11) Petrusip ajoqersugan­ngoruni qanoq pisoqarsin­naanera an­nilaan­ngatigin­ngilaa. Jiisusimil­li suleqateqar­nis­saminut ajuk­kup­poq, tupigusoqaarmi Jiisusip tupin­nar­tulior­nik­kut aalisagar­pas­suar­nik pisaqar­tim­matik. Imaas­sin­naavoq aam­ma il­lit Kristusimut ajoqersuk­katut suliarisariaqak­kavit suliarinis­saan­nut ajuk­kut­tutit. Taamaap­pat Jehovamik, Jiisusimik inoqatin­nil­lu asan­nin­neruler­nis­sat sulis­sutigiuk. Taamaalioruit Jiisusip inun­nik aalisar­tun­ngor­nis­samik kajumis­saarutaa maleruarusun­nerulis­savat. – Matt 22:37, 39; Joh 14:15. w20.09 3 § 4-5

Pif­fis­sar­put, nukivut pigisavul­lu atorlugit ‘eq­qor­tumik isigin­nit­taaseqar­ner­tik pis­sutigalugu naas­saan­ngitsumik inuulersin­naasut’ ujar­tar­pavut. (ApS 13:48, NW) Taamaalioraangat­ta Jiisusi ilaar­tar­par­put. Taan­na ima oqar­poq: “Uanga nerisas­sara tas­saavoq aal­lar­titsisima piumasaa malil­lugu ilior­nis­saq sulias­sarititaatalu naam­mas­sinis­saa.” (Joh 4:34; 17:4) Uagut­taaq taman­na kis­saatigingaar­par­put. Uagutsin­nut sulias­siis­sutigineqar­toq naam­mas­serusup­par­put. (Joh 20:21) Al­lat, aam­ma unit­tooq­qasut, oqaluus­seqatigerusup­pavut tamat­talu nikal­lujuin­nis­sar­put kis­saatigalugu. (Matt 24:13) Jiisusip sulias­siis­sutaata naam­mas­sinis­saa oqitsuin­naan­ngilaq. Suliarineranili kisimiin­ngilagut. Jiisusip najorumaarluta neriorsor­paatigut. ‘Guutip suleqataatut’ Kristusilu ikior­tigalugu ajoqersugan­ngor­titsior­tor­tar­pugut. (1 Kor 3:9; 2 Kor 2:17) Taamaat­tumik naam­mas­sinis­saa sapin­ngilar­put. Sulias­siis­sutip tamatuma suliarinera al­lal­lu taamaaliorsin­naaq­qul­lugit ikiuineq nuan­naarutigalugulu im­mik­kut pisin­naatitaaf­figaar­put! – Fil 4:13. w20.11 7 § 19-20

Angajoq­qaat aalajangigaat qitor­naan­nut sivisuumik sun­niuteqarajup­put. Aalajangiinerlup­pata qitor­naasut ajor­nar­torsiulersin­naap­put. Silatusaar­tumil­li aalajangiip­pata qitor­naasut nalerisimaarlutil­lu pil­luar­nis­saat ilimanar­ner­paavoq. Soorunami qitor­naasut aam­ma nam­min­neq silatusaar­tumik aalajangiisariaqar­put. Aalajanger­neq silatusaar­ner­paaq tas­saavoq Jehovamut, Ataatatsin­nut asan­nit­tumut qilam­miusumut, kif­far­tor­niarluni aalajanger­neq. (Tuss 73:28) Josefip Marial­lu meeq­qatik Jehovamik kif­far­tuleq­qul­lugit ikiorusup­paat, aalajangiisar­neran­nil­lu erser­poq Jehovamut kif­far­tor­neq inuunermin­ni pingaar­ner­paatik­kaat. (Luk 2:40, 41, 52) Jehovap piumasaatut iliorsin­naajumal­luni Jiisusi aam­ma silatusaar­tumik aalajangiisar­poq. (Matt 4:1-10) Inersimasun­ngorami sapiitsuul­lunilu ilumoorfigin­nit­tuul­lunilu inus­siar­nersuuvoq. Er­neq taamaat­toq angajoq­qaat Jehovamik mianerin­nit­tut kik­kul­luun­niit tul­luusimaarutigalugulu nuan­naarutigis­savaat. w20.10 26 § 1-2

Qatan­ngutit­ta misigisimasaat uku takorluuk­kit: Ar­nap utoq­qaap inuunermini aq­qusaarsimasani nuan­nersut eq­qarsaatigai. Naak maan­na unam­miniagas­saqar­nerugaluarluni Jehovamut kif­far­tor­nermini suli tamaviaar­poq. (1 Kor 15:58) Ilaqut­tami ikin­ngutimilu paratiisimi najuleq­qin­nis­saat ul­lut tamaasa qilanaarisar­paa. Ar­naq al­la up­peqatiminit narrujuum­misin­neqarsimavoq, narrutsas­simajuan­ngilarli. (Kol 3:13) Angutip ajor­tuliarisimasani puiorsiman­ngilai, Jehovamul­li aalajaat­tuar­nis­sani maan­na ilungersuutigaa. (Tuss 51:12) Kristumiut taak­ku tamarmik inuunermin­ni nalaas­simasatik puiorsiman­ngik­kaluarlugit eq­qarsaatigiuan­ngilaat. Paarlat­tuanik ‘isitik siumuin­naq sam­mitil­lugit’ siunis­saq eq­qarsaatigiuar­paat. Sooq taman­na pingaaruteqar­pa? Kinaluun­niit tunum­mut qiviaqat­taar­toq narlumuin­naq ingerlasin­naan­ngilaq. Tamatumun­nga as­singusumik, inuunitsin­ni nalaas­simasavut eq­qarsaatigiuarutsigit Jehovamut kif­far­tor­nitsin­ni siumukarsin­naan­ngilagut. – Luk 9:62. w20.11 24 § 1-3

Daavi Goliatimit san­ngiitsutut isigineqar­poq. Nam­minermi Daavimit angineruvoq, sak­kugis­saar­neruvoq sorsun­nermilu misilit­tagaqar­nerul­luni. Daavil­li Jehovamit pis­satsin­neqar­nis­sani tatigigamiuk Goliati ajugaaf­figaa. (1 Sam 17:41-45, 50) Daavi aam­ma al­lamik san­ngiis­sutigilersin­naasaminik unam­miniar­nar­titaqar­poq. Jehovap Israelimi kun­ngitut qinersimasaa, Sauli, ilumoorfigin­nil­luni kif­far­torfigaa. Aal­laq­qaam­mut kun­ngimit Saulimit ataq­qineqarsimavoq. Kingusin­nerusuk­kul­li kun­ngip taas­suma makitaler­nini pis­sutigalugu Daavi sin­ngagiler­paa. Daavi ajor­tumik pisaler­paa, al­laal­lu toqun­niar­talerlugu. (1 Sam 18:6-9, 29; 19:9-11) Kun­ngimit Saulimit ajor­tumik pineqar­taraluarluni Daavi Jehovap kun­ngiutitaanut ataq­qin­nin­nermik ersersitsiuar­poq. (1 Sam 24:7) Jehova tatigivaa qularinagu piner­tusaar­nis­saminut pisariaqar­tumik pis­satsin­neqarumaarluni. – Tuss 18:1, 2. w20.07 17 § 11-13

Avan­narliup kun­ngia aam­ma Kujal­liup kun­ngia pil­lugit siulit­tuutip ilarujus­sua eq­quutereer­poq, taamaat­tumik qularin­ngilar­put sin­nera aam­ma eq­quuk­kumaar­toq. Siulit­tuut Danieli kapitali 11-miit­toq paasiumal­lugu eq­qaamasariaqar­par­put naalak­kersuisut Guutip in­nut­taanut sun­niuteqar­tuin­naat eq­qar­tor­neqarmata. Guutip in­nut­tai silarsuarmi tamarmi inun­nut sanil­liul­lugit ikit­tuin­naap­put. Taavami sooq naalak­kersuisut taak­ku Guutip in­nut­taanik saas­sus­sisar­pat? Saatanip taas­sumalu silarsuaata tamarmi Jehovamut Jiisusimul­lu kif­far­tor­tut nungutin­nis­saat pingaar­ner­tut anguniagarigamik­ku. (1 Mos 3:15; Saqq 11:7; 12:17) Aam­ma siulit­tuut Danielimi al­las­simasoq Guutip oqaasiani siulit­tuutinut al­lanut naaper­tuut­tariaqar­poq. Danielim­mi siulit­tuutaa aatsaat Biibilip sin­neranut naleq­qiuk­kutsigu eq­qor­tumik paasisin­naavar­put. w20.05 2 § 1-2

Inup­pas­suit toqup kingor­na qanoq pisoqar­tar­nera pil­lugu as­sigiin­ngitsunik up­perisaqar­put. Taman­nali pil­lugu Biibilimi qanoq ajoqersuuteqar­pa? Toqusup timaa asiusar­poq. Qilam­mil­li nunarsuarmil­lu Pin­ngor­titsisup inuk toqusimasoq makitis­sin­naavaa pisariaqar­toq naaper­torlugu timilerlugu. (1 Mos 1:1; 2:7) Apustilip Paulusip as­sersuusiorluni ersersip­paa Guutip makititani al­lamik timilersin­naagaa. ‘Naatsiias­saq’ is­sumut ik­kun­neqaraangami naajar­tuler­tar­poq. Naajar­tor­toq ik­kus­samit al­laanerul­luin­nar­tar­poq. Paulusip as­sersuusiaq taman­na atorlugu ersersip­paa Pin­ngor­titsiser­put ‘piumasani malil­lugu timiliisin­naasoq’. Paulusi aam­ma al­lap­poq ‘timeqar­toq qilam­miit­tunik timeqar­torlu nunamiit­tunik’. Taman­na qanoq isumaqar­pa? Nunarsuarmiit­tuusugut uiniusumik timeqar­pugut, qilam­miit­tul­li soorlu in­ngilit anersaajusumik timeqar­put. – 1 Kor 15:36-41. w20.12 10 § 7-9

Tamat­ta eq­qis­sisimanar­tumik inoorusup­pugut. Kinaluun­niim­mi isumakuluuteqarusun­ngilaq. Ilaan­nik­kul­li isumakuluuteqangaar­tar­pugut im­maqalu ul­lormut al­las­simaf­fim­mi eq­qaaneqar­tutut kun­ngitut Daavitut aperisarluta. Isumakuluutigisat­ta ilaat iliuuseqarfigival­laarsin­naan­ngilagut. As­sersuutigalugu nerisas­sat, atisat ineqar­niar­nerlu ukiut tamaasa akitsoriar­tor­nerat sun­niuteqarfigisin­naan­ngilar­put; aam­ma suleqatit­ta atuaqatit­taluun­niit qanoq akulikitsigisumik un­neq­qaserlutsin­nias­saneraatigut kinguaas­siuutitigul­luuniit inuunerlutsin­nias­saneraatigut aqus­sin­naan­ngilar­put. Aam­ma najugaqarfitsin­ni pinerlut­tulior­naveersaar­titsisin­naan­ngilagut. Tamak­ku ajor­nar­torsiutigisar­pagut inuit Biibilimut naaper­tuutin­ngitsumik eq­qarsar­taasil­lit akor­nan­ni inuugat­ta. Saatanip, silarsuup matuma guutiata, nalun­ngilaa ‘silarsuarmi matumani isumakuluutit’ pis­sutigalugit inuit ilaat Jehovamut kif­far­torusus­san­ngitsut. (Matt 13:22; 1 Joh 5:19) Taamaat­tumik silarsuarmi isumakulun­nar­tor­pas­suaqarmat tupaal­laatigin­ngilar­put! w21.01 2 § 1, 3

Apustilip Johan­nesip up­peqatitsin­nik uumigin­neq­qunata oqaaq­qis­saar­paatigut. Oqaaq­qis­saarut taan­na maleruan­ngitsoorutsigu Saatanimit sun­ner­neqariaan­naas­saagut. (1 Joh 2:11) Kristumiut siul­liit ilaat Saatanimit sun­ner­neqar­tip­put. Saatanip sapin­ngisaminik Guutip in­nut­tai uumis­suilersin­niarlugil­lu avis­saar­tuutsin­niar­pai. Johan­nesip al­lak­kamini eq­qaavai angutit Saatanitut anguniagaqar­tut ilagiin­nut ilan­ngus­simasut. As­sersuutigalugu Diotrefesi ilagiin­ni avis­saar­tuutsitsisimavoq. (3 Joh 9, 10) Siulersuisoqatigiin­nit aal­lar­titat ataq­qin­ngilai. Al­laat nam­mineq iluarin­ngisaminut inoroorsaar­tut ilagiin­nit peersin­niar­tar­pai. Makitas­susia! Ul­lumik­kut­taaq Saatani ilungersorluni Guutip in­nut­taanik avis­saar­tuutsitsiniar­tar­poq. Qanor­toq uumis­suineq avis­saar­tuus­sutigin­ngisaan­nar­tigu! w21.01 12 § 14

Sorsun­nersuarmi siul­lermi Tysklandimi Tuluil­lu Nunaan­ni naalak­kersuisut Guutip kif­faanik sak­kutuujujuman­ngitsunik malersuip­put. USA-milu naalak­kersuisut Guutip in­nut­taasa oqaluus­sineran­ni siut­tuusut par­naarus­saatip­paat. Taamatut malersuineq siulit­tuutip Saq­qum­mersitat 11:7-10 al­las­simasup eq­quun­neraa. Taava 1930-kkun­ni ingam­mil­lu sorsun­nersuup aap­paata nalaani Avan­narliup kun­ngiata Guutip in­nut­tai naak­kit­taatsumik saas­sup­pai. Hitlerip taas­sumin­ngalu malin­nit­tut Guutip in­nut­taasa suliaat iner­teq­qutaatiler­paat. Akerlilersuisut Jehovap in­nut­tai hundredelik­kuutaat toqup­paat tuusintilik­kuutaal­lu tigusanut katersuutsitsivin­nut pisil­lugit. Avan­narliup kun­ngiata oqaluus­sineq iner­teq­qutaatip­paa, taamaalior­nermigul­lu ‘il­ler­nar­tuut nalingin­naatip­paa ul­lul­lu tamaasa pil­liutaasar­tut atorun­naarsil­lugit’. (Dan 11:30b, 31a) Al­laal­lu siut­tuat, Hitler, oqar­poq Guutip in­nut­tai Tysklandimi nungutin­niarlugit. w20.05 6 § 12-13

Qatan­ngutigiit­tut asaqatigiik­kut­ta an­neruniut­tas­san­ngilagut. Jonatani ilaarsin­naavar­put, taas­sumami Daavi sin­ngagilin­ngilaa kun­ngius­sutsimil­lu arsaar­niarsarinagu. (1 Sam 20:42) Taamatut­taaq qatan­ngutivit pigin­naasaat pil­lugit sin­ngaleqinak, ‘makitajuitsuunik­kul­li al­lat ilin­nit an­nerutik­kit’. (Fil 2:3) Tamat­tami ilagiin­nut iluaqutaasunik iliuuseqarsin­naavugut. Maniguut­tuarut­ta qatan­ngutit­ta pis­susii nuan­nersut maluginiarsin­naalis­savagut up­per­neral­lu ilin­niarfigalugu. (1 Kor 12:21-25) Qatan­ngutigiit­tut asaqatigiik­kaangat­ta Guutip in­nut­taani ataasioqatigiin­neq nakus­satsit­tar­par­put. Takutit­tar­par­put Jiisusimut ajoqersugaal­luta, eq­qor­tuliorusut­tul­lu taman­na kajumis­sis­sutigalugu Jehova kif­far­torfigerusuler­tar­paat. Pingaar­ner­tul­lu, Jehova, “Ataataq nal­lit­tuisoq Guutilu tup­pal­lersaajuar­toq”, ataq­qinarsisit­tar­par­put. – 2 Kor 1:3. w21.01 24 § 14; 25 § 16

Nalitsin­ni Jehovamut in­nut­taagat­ta am­mut isigineqar­tar­pugut, aam­ma sianiitsutut san­ngiitsutul­lu il­laruaatigineqar­tar­pugut. Sooq taamaap­pa? Silarsuarmi inuit isumaqatigin­ngin­natsigit. Sapin­ngisamik maniguun­niar­tar­pugut naalat­tarlutalu. Makitasuul­li pikitsitsiumatuul­lu silarsuarmi nuan­naar­torineqar­tar­put. Aam­ma uagut politik­kimut akuliun­naveersaar­tar­pugut sak­kutuun­ngorumanatalu. Silarsuarmut naleq­qus­sar­neq ajorat­ta inup­pas­suar­nit nikagineqar­tar­pugut. (Rom 12:2) Silarsuarmi san­ngiitsutut isigineqar­taraluar­tugut Jehovap tupin­nangaar­tumik naam­mas­sisaqar­niarluni ator­paatigut. Aatsaavis­suaq nunarsuarmi taama oqaluus­sisoqar­tigaaq. Nalitsin­ni kif­fai atuagas­sianik nutser­neqar­ner­paanik siam­marsimaner­paanil­lu saq­qum­mersitsisar­put, Biibililu atorlugu inup­pas­suit pitsaanerusumik inooriaaseqaler­nis­saan­nut ikior­tar­paat. Ataq­qinaat tamaat Jehovap pigaa taamatut tupin­nar­tunik naam­mas­sisaqar­tarami. w20.07 15 § 5-6

Jiisusi Jehovap oqar­tus­saas­susianik ataq­qin­nip­poq, imaan­ngilarli sianiil­lunilu pigin­naasakitsuusoq. Silas­soris­suugami paasiuminar­tumik erseq­qis­sumil­lu ilin­niar­titsisin­naavoq. (Joh 7:45, 46) Jiisusip pigin­naasaqarluar­nera Jehovap nalun­ngin­namiuk sunik tamanik pin­ngor­titseqataatip­paa. (Uss 8:30; Hebr 1:2-4) Aam­ma Jehovap Jiisusi makitereeramiuk “qilam­mi nunamilu oqar­tus­saaneq” tamaat tun­niup­paa. (Matt 28:18, NW) Jiisusi pigin­naasaqarluaraluaqaluni suli Jehovamit siulersor­neqarusup­poq. Sooq? Ataatani asagamiuk. Uiusut taman­na ilin­niarfigisin­naavaat. Jehovap ar­nat angutinit nikanar­nerusutut isigin­ngilai. Taamaat­tumik angutit ar­nal­lu Jiisusimik naalak­kersueqataasus­satut toq­qar­pai. (Gal 3:26-29) Jehovap er­nini akisus­saaf­fileramiuk taas­sumin­nga tatigin­nin­nini ersersip­paa. Taamatut­taaq uiusup silatuup nuliani akisus­saaf­filersin­naavaa. w21.02 11 § 13-14

Biibili tarrarsuutitut ip­poq. Atuaraangatsigu paasisar­par­put suut al­lan­ngor­tit­tariaqar­nerlutigit qanorlu taamaaliorsin­naal­luta. (Jaak 1:23-25) As­sersuutigalugu atuaq­qis­saar­nitsin­ni im­maqa kamajasuuner­put eq­qumaf­figiler­par­put. Jehova ikior­tigalugu saamasuunis­sar­put kamaler­tan­ngin­nis­sar­pul­lu ilin­niarsin­naavagut. Taava eq­qis­sisimaan­narluta aalajangiisin­naalis­saagut. (Jaak 3:13) Biibilimik ilisimasaqarluar­nerup pingaaruteqas­susia! Suut iliuuserisas­saan­ngin­nersut paasiumal­lugu kuk­koq­qaar­tariaqan­ngilagut. Al­lat iluatsil­luarsimanerat ilin­niarfigalugil­lu kuk­kus­sutaat ilin­niutigigutsigit pitsaanerus­saaq. Taamaat­tumik Jaakup kajumis­saar­paatigut Biibilimi al­laatigineqar­tut – soorlu Aaperaat, Rahabi, Jobi Elialu – ilin­niarfigeq­qul­lugit. (Jaak 2:21-26; 5:10, 11, 17, 18) Jehovap kif­fai aalajaatsut taak­ku misilin­neqar­nermin­ni nuan­naar­tuarsin­naasimap­put. Maligas­siaan­nit erser­poq uagut­taaq Jehova ikior­tigalugu piner­tusaarsin­naasugut. w21.02 30 § 12-13

Atuaq­qis­saar­tar­tup Biibilimik ilisimasaqarlualer­nis­saa atuaq­qis­saaqatigin­nit­tar­tup pingaar­ner­tut akisus­saaf­figaa. Atuaq­qis­saar­nermut ilaserineqaruit tapersersuisus­satut im­minut isigisariaqar­putit. (Oqal 4:9, 10) Atuaq­qis­saar­nermi qanoq tapersersuil­luarsin­naavit? Piareersarit. Atuaq­qis­saaqatigin­nit­tar­toq aperiuk atuaq­qis­saaqatigisar­tak­kani oqalut­tuarilaarsin­naaneraa. Taan­na qanoq ilisimasaqarfigaajuk? Suna atuaq­qis­saar­tus­saavisiuk? Atuaq­qis­saalerus­si suna paasitik­kusup­piuk? Atuaq­qis­saar­nitsin­ni arlaan­nik eq­qumaf­figisas­saqar­punga? Atuaq­qis­saar­tar­toq siumukar­nis­saanut qanoq kajumis­saarsin­naavara? Soorunalimi atuaq­qis­saaqatigin­nit­tar­tup atuaq­qis­saaqatimi iser­tuus­sai ingerlateq­qin­navian­ngilai, oqalut­tuarisaali piareersar­nis­san­nut iluaqutigisin­naavatit. Ajoqersuiar­tor­titaq Joyimik atilik ima oqar­poq: “Paasis­sutis­sat taamaat­tut ilaserisama iluaqutigalugit atuaq­qis­saaqatigisara soqutigin­nin­nermik takutitsivigisin­naaler­tar­paa atuaq­qis­saar­nitsin­nilu qanoq tapersersuil­luarsin­naanini paasisarlugu.” w21.03 9 § 5-6

Guutip najoq­qutas­siaanik naaper­tuil­luar­tunik maleruaaner­put uumis­sor­neqaatigisin­naavar­put. Najoq­qutas­siat taak­ku silarsuarmi ileq­qorineqar­tunit al­laanerul­luin­nar­put. As­sersuutigalugu Sodomami Gomorramilu inuit Guutip suujun­naarsitaasa kinguaas­siuutitigut inuunerlus­simaneran­nut as­singusumik inooriaaseqar­neq ul­lumik­kut inup­pas­suit akuersaar­paat. (Jud 7) Najoq­qutas­siat Biibilimeersut maleruar­taratsigit inup­pas­suit il­laruaatigisar­paatigut akuersaar­tuun­ngin­nerar­tarlutalu. (1 Petr 4:3, 4) Uumis­sor­neqar­til­luta narrunarsar­neqar­til­lutalu piner­tusaar­nis­samut suna iluaqutigisin­naavar­put? Jehovamit ikior­neqarumaar­ner­put up­peril­luin­nar­tariaqar­par­put. Eq­qor­tin­naveeq­qutitut il­luni up­per­nit­ta “Ajor­tup qarsui ikumasut” qamis­sin­naavai. (Ef 6:16) Aam­mali asan­nis­suseqar­tariaqar­pugut. Sooq? Asan­nin­neq ‘puf­fas­sar­tarin­ngim­mat’. Asan­nin­nerup an­niaataasin­naasut tamaasa naam­magalugit ator­tar­pai. (1 Kor 13:4-7, 13) Jehovamik, up­peqatitsin­nik uumis­sor­titsin­nil­lu asan­nin­neq iluaqutigalugu piner­tusaarsin­naavugut. w21.03 20-21 § 3-4

Ilaan­nik­kut up­peqatitsin­nik asan­nin­ner­put ersersit­tar­par­put iliuuseqan­ngin­nik­kut. As­sersuutigalugu oqaaseqaraangata ajual­lajaval­laar­neq ajor­pugut. Jiisusip nunarsuarmiin­nerata naggataatungaani pisoq sam­meriar­tigu. Jiisusip ajoqersuk­kani oqarfigai taak­kua naas­saan­ngitsumik inuus­sagunik Jiisusip timaa nerisariaqaraat aavalu imerlugu. (Joh 6:53-57) Oqaatsit taak­ku tupas­sutigalugit ajoqersugaasa ilar­pas­suisa qimap­paat. Ikin­ngutaasali ilumoor­tut qiman­ngilaat. Jiisusip oqaasii paasin­ngilaat, tupaal­laatigisimas­savaal­lu. Jiisusip ikin­ngutai aalajaatsut taan­na kuk­kusumik oqarsorin­ngin­namik­ku ajual­lan­ngil­lat. Tatigiuar­paal­li nalun­ngin­namik­ku ilumoor­tumik oqalut­tuaan­nar­toq. (Joh 6:60, 66-69) Ikin­ngutit­ta oqaasii pis­sutigalugit ajual­lajaval­laan­ngin­nis­sat­ta pingaaruteqas­susia! Nas­suiaanis­saan­nul­li periarfis­sit­tar­pagut. – Uss 18:13. w21.01 11 § 13