Novembari

Ilisimasavut kil­leqarmata isum­mersin­naavugut Jona tatiginan­ngitsuusoq, al­laal­lu ilumoorfigin­nin­ngitsuusoq. Taan­na Jehovap toq­qaan­nar­tumik piumaf­figaa Ninevemut eq­qar­tuus­sum­mik nalunaarutigin­nik­kiar­toq­qul­lugu. Jehovali naalan­nagu Jona “Naalak­kamit qimaaniarluni” umiarsuarmut al­larluin­narmut ingerlasumut ikivoq. (Jon 1:1-3) Il­lit Jona periarfis­seq­qis­simas­sagaluar­piuk? Im­maqa naamik. Jehoval­li periarfis­seq­qip­paa. (Jon 3:1, 2) Sooq? Jonap inut­tut qanoq it­tuunera qin­nutaanit erser­poq. (Jon 2:2, 3, 10) Jona qular­nan­ngitsumik arlaleriarluni Jehovamut qinusarsimas­saaq. Aap, Jona suliaminit qimarratigin­nip­poq. Qin­nutaasali ilaan­ni erser­poq Jona aam­ma angutaasoq maniguut­toq, qujamasut­toq Jehovamil­lu naalan­nis­saminik aalajangiusiman­nit­toq. Tupin­nan­ngilaq Jonap kuk­kus­sutai Jehovap isiginiar­nerun­ngik­kai. Qin­nutaa akivaa pruf­fiititul­lu kif­far­tuin­nar­nis­saa akueralugu. Utoq­qaaner­tat siun­nersuin­ngin­nermin­ni paasis­sutis­sanik ilisiman­nil­luar­nis­saat pingaaruteqangaarami, ilaa? w20.04 15 § 4-6

Kristumiut siul­liit ajoqersuutit up­peraat Guutil­lu oqaasianik paasin­nis­sin­naaq­qul­lutik anersaap il­ler­nar­tup ikiorumaaraatik qularinagu. Misis­sueq­qis­saar­nermik­kut up­perisar­tik Al­lak­kanit tun­ngaveqar­nera qulak­keer­paat. (ApS 17:11, 12; Hebr 5:14) Misigis­sutsit kisiisa up­per­nermin­nut tun­ngavigin­ngilaat, aam­ma up­peqatinik peqateqar­tar­nerup nuan­naar­nar­tua pis­sutigiin­narlugu Jehova kif­far­torfigin­ngilaat. ‘Guutimik ilisimasaqar­neq’ eq­qorluar­toq up­per­nermin­nut tun­ngavigaat. (Kol 1:9, 10) Sal­lusuis­sutit Guutip oqaasianeersut al­lan­ngor­neq ajor­put. (Tuss 119:160) As­sersuutigalugu up­peqat ajual­latsitsip­pat, ingasat­tumik ajor­tulior­pat imaluun­niit ajor­nar­torsiorut­ta sal­lusuis­sutit al­lan­ngor­navian­ngil­lat. Taamaat­tumik Biibilimi ajoqersuutigineqar­tut ilisimal­luar­tariaqarlugil­lu sal­lusuis­sutaaneri up­peril­luin­nar­tariaqar­pavut. Up­perisar­put sal­lusuis­sutinik Biibilimeersunik tun­ngaveqarluar­pat misilin­neqar­nermi aalajaas­sin­naas­saagut, soorlu anorersuarmi umiatsiaq kitsamit orrajaal­lisin­neqar­tar­toq. w20.07 9 § 6-7

Tanitanut iliuuseqar­nivut Jiisusip im­minerminut iliuuseqar­ner­tut isigisar­pai. (Matt 25:34-40) Tapersersueriaatsit­ta pingaar­ner­paar­taraat Jiisusip peq­qusineratut sapin­ngisatsin­nik oqaluus­sinermi ilin­niar­titsinermilu peqataaneq. (Matt 28:19, 20) Kristusip qatan­ngutai nunarsuaq tamak­kerlugu oqaluus­sinermik maan­na ingerlan­neqar­tumik naam­mas­sin­nis­sin­naap­put aatsaat ‘savanit al­lanit’ ikior­neqarunik. (Joh 10:16) Il­lit savanut al­lanut ilaaguit oqaluus­seqataasar­nik­kut tanitanut Jiisusimul­lu asan­nin­nerit ersersis­sin­naavat. Aam­ma Jehovamut Jiisusimul­lu ikin­ngutaalersin­naavugut ‘Mam­monimik’, tas­sa aningaasanik, tunis­suteqarluta suliamik taak­kua siulersugaan­nik tapersersuinik­kut. (Luk 16:9) As­sersuutigalugu nunarsuaq tamak­kerlugu suliniar­nermut, ilaatigut ajunaar­nersuaqar­til­lugu ikiuiniar­nermut, tunis­suteqarsin­naavugut. Aam­ma ilagiit­ta aningaasar­tuutaan­nut tapiis­suteqarsin­naavugut ikior­tarialin­nil­lu nalun­ngisaqarut­ta ikiuil­luta. – Uss 19:17. w20.04 24 § 12-13

Qanoq Avan­narliup kun­ngiata ‘siuaasami guutigisaat soqutigin­ngilai’? Sovjetunionip, up­perisarsior­ner­nik nungusaaniar­tup, up­perisarsioqatigiitoq­qat pis­saaneerutitin­niarsarivai. Taman­na anguniarlugu Sovjetunionimi naalak­kersuisut 1918-imi aalajangiinerat pis­sutigalugu guuteqan­ngin­neraaneq atuarfin­ni ilin­niar­titsis­sutigineqaler­poq. Avan­narliup kun­ngiata qanoq ‘pal­lit­taalisat guutiat ataq­qivaa’? Sovjetunioni pis­saaneqar­nerulerumal­luni aningaasar­pas­suit atorlugit sak­kutooqar­nik­kut inerisaavoq atombombinil­lu tuusintilip­pas­suar­nik sanal­luni. Avan­narliup kun­ngia Kujal­liul­lu kun­ngia marluul­lutik im­mik­kut inun­nik mil­liardilik­kuutaanik toqutsisin­naasunik sak­kus­siaateqaler­put. Avan­narliup kun­ngiata Kujal­liup kun­ngia pingaarutilik­kut suleqatigaa, tas­sa peqatigiil­lutik ‘maajun­nar­toq aseruisoq’ pilersip­paat. – Dan 11:31. w20.05 6-7 § 16-17

Unit­tooq­qasunik kik­kut ujaaseqataasin­naap­pat? Tamat­ta – utoq­qaaner­tat, pionerit, ilaqutaasut ilagiin­nilu oqaluus­sisar­tut al­lat. Unit­tooq­qasumik ikin­nguteqar­pit ilaqutaqar­pil­luun­niit? Il­lumiit il­lumut al­latul­luun­niit oqaluus­sinin­ni unit­tooq­qasumik naapitsisimavit? Unit­tooq­qasumut naapitan­nut nas­suiaagit pulaar­neqarusup­pat taas­suma adres­sia telefoniatalu normua pil­lugit utoq­qaaner­tat ilisimatis­sin­naagitit. Utoq­qaaner­taasoq Thomasimik atilik ima oqar­poq: “Siul­ler­tut, unit­tooq­qasut sumi najugaqar­neran­nik paasisaqarumal­lunga qatan­ngutit apersor­tar­pak­ka tamatumin­nga ilisiman­nin­nersut. Oqaluus­sisar­tul­luun­niit aperisar­pak­ka ataatsimiigiar­tarun­naarsimasunik eq­qaamasaqar­nersut. Taava qatan­ngutit unit­tooq­qasut pulaaraangak­kit qitor­naat ilaqutaal­lu al­lat apersuutigisar­pak­ka. Unit­tooq­qasut ilaat meeq­qatik ataatsimiigiaqatigisarsimavaat, meeq­qal­lu taak­ku im­maqa aam­ma oqaluus­sisar­tuusimagaluar­put. Aam­ma taak­ku Jehovamut uter­nis­saan­nut ikior­neqarsin­naap­put.” w20.06 24 § 1; 25 § 6-7

Uumas­susilin­ni tamani inuit kisimik pisimasut eq­qaamanerisigut qanoq inuus­sanerlutik ilin­niarsin­naap­put. Taamaat­tumik najoq­qutas­siat pitsaanerusut ilin­niarlugil­lu eq­qarsar­taaser­put inooriaaser­pul­lu al­lan­ngor­tis­sin­naavavut. (1 Kor 6:9-11; Kol 3:9, 10) Aam­ma nalun­ngeqatigin­nis­sutit­ta sungiusar­neratigut ajor­toq ajun­ngitsorlu im­mik­koor­tis­sin­naalis­savavut. (Hebr 5:14) Asan­nin­neq, misigin­neqataaneq nal­lit­tuinerlu ineriar­tor­tis­sin­naavavut Jehoval­lu naaper­tuil­luar­neranik ilaarsinis­sar­put ilin­niarlugu. Eq­qaaman­nis­sin­naanermik tunis­sut qujamasuutigalugu ersersis­sin­naavar­put ilaatigut Jehovap uagutsin­nik ikiuisimanerata tup­pal­lersaasimaneratalu eq­qaamaniar­tar­nerisigut. Taman­na siunis­sami ikiuiumaar­neranik tatigin­nin­nerulis­sutigis­savar­put. (Tuss 77:13; 78:4, 7) Aam­ma inuit al­lat uagutsin­nut iliuuserisimasaan­nik eq­qaaman­nil­lutalu qujamasun­nitsigut taamaaliorsin­naavugut. Ilisimatuut paasisimavaat inuit qujamasut­tut nuan­naar­tuunis­saat ilimanar­nerusar­toq. w20.05 23 § 12-13

Mosesi takorruuisin­neqarluni Jehovap naalan­nas­susia takugamiuk qanoq misigisimas­sanersoq takorlooruk. Taman­na Jiisusip nunarsuarmiin­nera sioq­qul­lugu inuit misigisimasaan­nit tamanit tupin­nar­ner­paajusimagunar­poq! Oqaatsit uku im­maqa in­ngilimit oqaatigineqar­tut Mosesip tusaavai: “[Jehova, Jehova] tas­sa Guuti nal­lit­tuisoq saam­maasorlu, kamajaatsoq ilumoor­nermik sal­lusuis­sum­mil­lu peqangaar­toq. Ilumoor­nermik atatitsisoq kinguaariis­soqatigiin­ni tuusintini ataatsini, pisuus­suser­nik unioq­qutitsiner­nil­lu ajor­tulianil­lu isumak­kiisoq.” (2 Mos 33:17-23; 34:5-7) Guutip aq­qa, Jehova, atoraangamiuk, soorlu ul­lormut al­las­simaf­fim­miit­tutut, misigisani taan­na Mosesip eq­qaasarsimas­savaa. Guutip aq­qa eq­qarsaatigigaangatsigu Jehovap kinaas­susilit­tut qanoq it­tuunera aam­ma eq­qarsaatigisas­savar­put. Pis­susii eq­qarsaatigisas­savavut, soorlu pis­saanera, ilisimas­susia, naaper­tuil­luar­nera asan­nin­neralu. Taamaaliorut­ta Jehova ataq­qinerulis­savar­put. – Tuss 77:12-16. w20.06 8-9 § 3-4

Jiisusi oqar­poq ajoqersugaasa asaqatigiin­ner­tik ilisar­naatigis­sagaat. (Joh 13:34, 35) Up­perluar­tuus­sagut­tali iliuuseqar­tariaqar­pugut. Up­per­nit­ta ilagiin­ni asaqatigiin­ner­put kisiat tun­ngavigis­san­ngilaa. Sooq? Asan­nin­neq kisiat tun­ngavigip­pagu Jehovamut kif­far­torun­naarsin­naavugut, as­sersuutigalugu ima pisoqar­pat: Up­peqat – im­maqa utoq­qaaner­taasoq pioneriusorluun­niit – ingasat­tumik ajor­tulior­pat. Qatan­ngum­mit arlaatigut ajual­latsin­neqarut­ta. Im­maqaluun­niit up­peqatit­ta ilaat tunus­sisun­ngorluni oqar­pat up­perisar­put sal­lusuis­sutaan­ngitsoq. Tas­sa Guutimik up­perin­nin­nerit Jehovamut at­taveqar­nermik tun­ngaveqarani al­lat iliuusiinik tun­ngaveqar­pat up­per­nikil­leriaan­naas­saatit. Up­per­nerit misigis­sutsinik tun­ngaveqaan­nar­nani aam­ma paasis­sutis­sanik eq­qor­tunik nas­suiaatis­saqar­tunil­lu tun­ngaveqar­tariaqar­poq. Up­per­narsisariaqar­pat Jehova pil­lugu ilumoor­toq ilumut Biibilimeersuusoq. – Rom 12:2. w20.07 8 § 2-3

Misigisar­pas­suar­nit erser­poq unit­tooq­qasunik Jehovamut uterusut­tunik ujaasinitsin­ni in­ngilinit ikior­neqar­tar­tugut. (Saqq 14:6) As­sersuutigalugu Silvio, Ecuadorimeersoq, ilagiin­nut uter­nis­saminut ikior­neqaq­qul­luni qaman­nga pisumik qinuvoq. Suli qinutil­lugu utoq­qaaner­tat marluk matuk­kut sianer­put. Ul­lormi tamatumani pulaar­nermin­ni ikior­taler­paat. Anersaak­kut san­ngiitsut Jehovamut utersin­naaq­qul­lugit ikiorutsigit nuan­naarutigingaas­savar­put. Salvadorip, pioneriusup unit­tooq­qasunik ikiuiniarluni im­mik­kut iliuuseqar­tar­tup, oqaasii malugik­kit: “Ilaan­nik­kut nuan­naar­nerup pianik qul­lilisar­punga. Jehovap kif­fanik asasanik Saatanip silarsuaanit an­naas­sinerani taas­sumun­nga suleqataasin­naanera nuan­naarutigeqaara.” Unit­tooq­qasuuguit qularutigis­san­ngilat Jehovap suli asagaatit. Jehovap il­lit uter­nis­sat qilanaaraa, tikil­luaq­qungaas­savaatil­lu. w20.06 29 § 16-18

Jehovap, Ajoqersuisorsuat­ta, ilin­niar­tik­kumal­luta oqalut­tuat Biibilimi al­latsis­simavai. (Es 30:21) Maligas­siuil­luar­tut maligas­siuinerlut­tul­lu pil­lugit oqalut­tuanik eq­qarsaatigin­neq­qis­saar­neq Guutip iluarisaanik pis­suseqaler­nis­samut iluaqutigisin­naavar­put. (Tuss 37:37; 1 Kor 10:11) Kun­ngi Sauli eq­qarsaatigiuk. Inuusut­tuutil­luni oqar­tus­saas­sutsimi kil­leqar­nera nalun­ngilaa al­laal­lu akisus­saaf­feqar­neruler­nis­sani nangaas­sutigalugu. (1 Sam 9:21; 10:20-22) Kun­ngin­ngoreeramili makitasuun­ngor­poq. Taamaal­luni pruf­fiiti Samueli utaq­qitil­lugu erinitsak­kami pisin­naatitaanani ikik­kagas­samik pil­liuteqar­poq. Tamatuma kingunerisaanik Sauli Jehovamit akuerisaajun­naar­poq naggataatigul­lu kun­ngiujun­naarsitaal­luni. (1 Sam 13:8-14) Kun­ngip Saulip maligas­siuinerlun­nera ilin­niarfigalugu oqar­tus­saas­suser­put qaangerlugu iliuuseqar­naveersaarut­ta silatusaas­saagut. w20.08 10 § 10-11

Ilumoor­poq Kristusi aq­qutigalugu Jehovap ‘inuit tunis­sutaasut’ ilagiin­nut tun­niuk­kai. (Ef 4:8, NW) ‘Inuit tunis­sutaasut’ taak­kua ilaat tas­saap­put Siulersuisoqatigiin­ni ilaasor­tat, Siulersuisoqatigiin­nut ikior­tit, Im­mik­koor­tor­taqarfiup Ataatsimiititaliaanut ilaasor­tat, ilagiin­nik nak­kutil­liisut, Biibilimik ilin­niarfin­ni ilin­niar­titsisut, utoq­qaaner­tat ilagiin­nilu kif­far­tor­tut. Qatan­ngutit angutit taak­ku anersaamit il­ler­nar­tumit toq­qagaasut Jehovap savaatai isumas­sorlugil­lu ilagiit nakus­satsit­tar­paat. (1 Petr 5:2, 3) Qatan­ngutit angutit anersaamit il­ler­nar­tumit toq­qagaasut as­sigiin­ngitsunik akisus­saaf­feqar­put. Soorlu as­saat isik­kal­lu timimut tamarmut iluaqutaasut taamatut­taaq qatan­ngutit angutit anersaamit il­ler­nar­tumit toq­qar­neqar­tut suliaat ilagiin­niit­tunut tamanut iluaqutaap­put. Qatan­ngutitik nakus­satsit­tar­paat, imaan­ngitsoq nersor­neqarusuk­kamik. (1 Th 2:6-8) Angutit anersaak­kut pigin­naaneqarluar­tut nam­minis­sarsiun­ngitsut taak­ku pil­lugit Jehova qutsavigaar­put! w20.08 21 § 5-6

Inuit ‘paarinerlugaal­lutil­lu naak­kinar­nerat Guutil­lu kun­ngeqarfia, tas­sa naalagaaf­fia, pil­lugu sal­lusuis­sum­mik ilin­niar­tin­neqar­nis­samik pisariaqar­titsinerat oqaluus­serusun­nitsin­nut pis­sutaasut ilagaat. (Matt 9:36) Jehovap kis­saatigaa inuit tamarmik an­naan­neqas­sasut sal­lusuis­sum­mil­lu eq­qorluar­tumik ilisiman­nilis­sasut. (1 Tim 2:4) Oqaluus­sinit­ta inun­nut an­nas­sutaasin­naanera eq­qarsaatigigutsigu oqaluus­serusun­nerulis­saagut. (Rom 10:13-15; 1 Tim 4:16) Aam­ma oqaluus­sinitsin­ni tul­luar­tunik ator­toqar­tus­saavugut qanorlu ator­nis­saat ilisimasariaqarlugu. Jiisusip ajoqersuk­kani oqaluus­siar­toq­qugamigit sunik nas­sataqar­nis­saan­nik, sumi oqaluus­sinis­saan­nik qanorlu oqar­nis­saan­nik ilitsersor­pai. (Matt 10:5-7; Luk 10:1-11) Nalitsin­ni ilin­niar­titsinermi ator­tak­katsin­nik sun­niuteqarluar­tunik Jehovap peqatigiis­sor­taanit tunineqarsimavugut. Taak­ku qanoq ator­nis­saan­nik ilin­niar­tin­neqar­tarat­ta oqaluus­sil­laq­qin­nerulerlutalu oqaluus­sinermi im­minut tatigineruler­tar­pugut. – 2 Tim 2:15. w20.09 4 § 6-7, 10

Takorlooriaruk apustilip Johan­nesip sal­lusuis­sum­mik ilin­niar­tis­simasami Jehovamut aalajaal­lutik kif­far­tor­tuar­nerat tusaramiuk qanoq misigisimas­sasoq. Taak­ku unam­miniar­nar­tor­pas­suar­nik nalaataqar­tar­put, Johan­nesil­lu kristumiut aalajaatsut taak­kua, anersaak­kut qitor­namisut isigisani, up­per­nerat nakus­satsik­kumal­lugu ilungersorluni ikior­tarsimavai. Uagut­taaq qitor­navut imaluun­niit sal­lusuis­sum­mik ilin­niar­tis­simasavut Jehovamut tun­niul­luin­naraangata kif­far­tor­tuaraangatalu nuan­naar­taqaagut. (3 Joh 3) Ukiumi 98-imi Kr.in.king. Jehovap anersaavanit sun­ner­neqarluni Johan­nesip al­lak­kat pingasut al­lap­pai. Kristumiut aalajaatsut Jiisusimut up­per­tuar­nis­samut sal­lusuis­sum­milu inuujuar­nis­samut kajumis­sisin­neqar­nis­saat siuner­taralugu al­lak­kat taak­ku al­lan­neqar­put. Johan­nesip ajoqersuinerlut­tut ilagiin­nut sun­niuteqapilun­nerat er­numas­sutigaa. (1 Joh 2:18, 19, 26) Tunus­sisut Guuti ilisarisimaneraraluarlugu peq­qus­sutai malin­ngilaat. w20.07 20 § 1-3

Tusarlius­sar­put up­perigatsigu sapin­ngisamik inun­nut amerlaner­paanut ingerlateq­qik­kusup­par­put. Biibilimi neriorsuutit up­peraavut. (Tuss 119:42; Es 40:8) Siulit­tuutit Biibilimiit­tut nalitsin­ni eq­quun­nerat misigaar­put. Aam­ma najoq­qutas­siat Biibilimeersut inuit inuuneran­nut ajun­ngitsumik al­lan­nguisitsisimanerat takusimavar­put. Tamak­ku pis­sutigalugit inuit tamarmik Guutip kun­ngeqarfia pil­lugu nutaarsias­sanik nuan­nersunik tusarler­neqar­tariaqar­nerat qularin­ngin­neruler­par­put. Aam­ma Jehova tusarlius­satsin­nik pilersitsisoq kun­ngeqarfim­minilu kun­ngin­ngor­titaa, Jiisusi, up­perfigaavut. Qanorluun­niit atugaqaraluarut­ta Jehova tas­saajuas­saaq “qimar­nguf­fip­put nakuus­suter­pul­lu”. (Tuss 46:2-4) Aam­ma qularin­ngilar­put Jiisusip pis­saaneq oqar­tus­saas­suserlu Jehovamit pisani atorlugit oqaluus­siner­put qilam­miit siulersoraa. (Matt 28:18-20) Up­per­nik­kut qularin­ngin­neruler­tar­par­put Jehovap iliuutsivut pil­luaq­qus­sagai. w20.09 12 § 15-17

Qatan­ngutit ar­nat ajor­nar­torsioraangamik ikior­neqar­tariaqar­tarsin­naap­put. (Es 1:17) As­sersuutigalugu uil­lar­nerup avis­simasul­luun­niit uigigaluami suliarisarsimasaanut tun­ngatil­lugu ikior­neqar­nis­sani pisariaqar­tis­sin­naavaa. Qatan­ngut ar­naq utoq­qaq nakorsamik oqaloqateqar­nermini ikior­neqar­tariaqarsin­naavoq. Qatan­ngul­luun­niit ar­naq pioneriusoq Jehovap peqatigiis­sor­taani al­lanik suliaqar­tar­toq pioneritut al­latul­li oqaluus­sitigin­ngin­nini pil­lugu avoq­qaarineqar­toq il­lersor­neqar­tariaqarsin­naavoq. Jiisusip maligas­siuinera eq­qarsaatigiuk. Anersaak­kut qatan­ngutini ar­nat paatsoor­neqaraangata il­lersupal­lat­tar­pai. As­sersuutigalugu Maria Mar­thamit uparuar­neqarmat il­lersor­paa. (Luk 10:38-42) Marialu aalajangiinerlun­nerar­neqarmat Jiisusip aap­pas­saanik taan­na il­lersor­paa. (Mark 14:3-9) Mariap eq­qarsar­taasia paasil­luaramiuk Jiisusip nersualaar­paa. Al­laat siulit­tuutigaa “silarsuarmi tamarmi sumiluun­niit iivangkiiliu oqaluus­sis­sutigineqaraangat” Mariap iliuusia oqalut­tuarineqar­tas­sasoq. w20.09 24 § 15-16

Savanik paarsisuul­luar­tup nalun­ngilaa savanik tam­mar­toqarsin­naasoq. Taamaat­tumik sava savaatinit qimagup­pat paarsisup taan­na pil­lar­navian­ngilaa. Guutip kif­fami ilaan­nik tam­maraluar­tunik ikiuinermigut maligas­saal­luar­nera eq­qarsaatigiuk. Pruf­fiitip Jonap im­minut sulias­siis­sutigineqar­toq suliariumanagu qimaavoq. Taamaak­kaluar­toq Jehovap Jona ajat­tun­ngilaa. Savanik paarsisuul­luar­tutut Jehovap Jona an­naal­lugulu sulias­siis­sutiminik naam­mas­sin­nis­sin­naaq­qul­lugu ikior­paa. (Jon 2:8; 3:1, 2) Kingusin­nerusuk­kut Guutip “olivenequt” atorlugu inuit tamarmik im­mik­kut naleqar­neran­nik Jona paasitip­paa. (Jon 4:10, 11) Qanoq ilin­niarfigaar­put? Utoq­qaaner­tat unit­toorsimasoq ajat­tus­san­ngik­kaat. Qimagun­neranul­li pis­sutaasoq paasinias­savaat Jehovamul­lu uter­pat asan­nit­tuliorfigiuas­savaat. w20.06 20-21 § 10-12

1991-imi Sovjetunionip ajalusoor­nerata kingor­na Guutip in­nut­tai nunami tamatumani najugal­lit ‘an­nikitsuin­naagaluar­tumik ikior­neqar­put’ – tas­sa kil­lilersugaajun­naar­put. Kil­lilersor­neqar­natik oqaluus­sisin­naaler­put sivitsun­ngitsorlu nunani Sovjetunionimut ilaasimasuni oqaluus­sisar­tut 200.000-nit amerlaneruler­put. Ukiualuit qaangiut­tut Ruslandi iligisaalu tas­saaler­put Avan­narliup kun­ngia. Naalak­kersuisut tas­saalis­sagunik Avan­narliup kun­ngia imaluun­niit Kujal­liup kun­ngia uku pingasut iliuuserisariaqar­paat: (1) Guutip in­nut­taanik malersuineq, (2) Jehovamut in­nut­taanul­lu akeraal­luni iliuutsik­kut ersersitsineq, aam­ma (3) kun­ngip aap­paanut akerliuneq. Ruslandip iligisaasalu Guutip in­nut­tai toq­qaan­nar­tumik sun­niuteqarfigaat, tas­sa oqaluus­sineq iner­teq­qutigaat qatan­ngutil­lu angutit ar­nal­lu tuusintilik­kuutaat malersorlugit. Taamaalior­nermik­kut ersersip­paat Jehova in­nut­taalu uumigalugit. Aam­ma Kujal­liup kun­ngia, tas­sa Tuluit Nunaata USA-l­lu naalagaaf­fis­suat, unam­mil­ler­paat. w20.05 12-13 § 3-4

Ajoqersugan­ngor­titsior­tor­neq ilin­niar­titsinermut at­tuumas­suteqarmat ilin­niar­titsil­laq­qis­soorusup­pugut. Nunarsuaq tamak­kerlugu inuit mil­lionil­lit Biibilimik atuaq­qis­saaqatigisar­pavut. Guutip oqaasianik ilin­niar­titsiner­put nuan­naringaaratsigu kisit­ta oqaluin­nalersoorsin­naavugut. Napasuliaq Alapernaarsuiffik-mik atuaq­qis­saaqatigiin­nermik, ilagiit Biibilimik atuaq­qis­saaqatigiin­neran­nik imaluun­niit Biibilimik atuaq­qis­saaqateqar­nermik aqutsisoq oqalup­pal­laar­naveersaar­tariaqar­poq. Ilin­niar­titsinitsin­ni Biibili atorluas­sagutsigu im­minut naalak­kersin­naasariaqar­pugut. Al­las­simaf­fik sam­misarluun­niit aalajangersimasoq pil­lugu ilisimasavut tamaasa ataatsik­kut nas­suiar­naveersaar­tariaqar­pavut. (Joh 16:12) Eq­qaamajuk Nalunaajaasun­ngor­nin­niit maan­namut qanoq ilisimasaqar­nerutigisutit. Nalunaajaasun­ngoq­qaaravit Biibilimi ilin­niar­titsis­sutigineqar­tut pingaar­nerit taamaal­laat paasisimagunar­patit. (Hebr 6:1) Aatsaat ukior­pas­suit ingerlareermata ul­lumik­kutut ilisimasaqaler­putit. Taman­na eq­qaamasaruk­ku atuaq­qis­saaqatigisar­tak­kat erinitsajuif­figis­savat. w20.10 14-15 § 2-4

Jehovap Jiisusimut angajoq­qaajul­luarumaar­tut toq­qar­pai. (Matt 1:18-23; Luk 1:26-38) Mariap qaman­nga pisumik oqaasiinit Biibilimi al­las­simasunit erser­poq Jehovamut taas­sumalu oqaasiinut asan­ningaar­tuusoq. (Luk 1:46-55) Josefip Jehovap siulersuineranut naalan­nermigut ersersip­paa Guutimik mianerin­nit­tuul­lunilu taas­suman­nga iluarineqarusul­luni. (Matt 1:24) Malugiuk Jehovap Jiisusimut angajoq­qaas­satut toq­qagai pisuujun­ngitsuusut. Josefip Marial­lu piitsuunerat erser­poq Jiisusip inun­ngor­nerata kingor­na pil­liutaan­nit. (Luk 2:24) Inooriaasiat pilimanian­ngitsuusimas­saaq, ingam­mik ikin­ner­paamik arfineq-marlun­nik meeraqalermata. (Matt 13:55, 56) Jiisusi navianar­tut ilaan­nut Jehovamit il­lersor­neqaraluarluni ajor­nar­torsiuteqar­tar­poq. (Matt 2:13-15) As­sersuutigalugu Jiisusip ilaqut­tami ilaat Mis­siarsiunerminik aal­laq­qaam­mut up­perin­nin­ngitsut naam­magit­tarfigisariaqar­pai. (Mark 3:21; Joh 7:5) Aam­ma ilimanar­poq Jiisusi inuusut­tuutil­luni Josefi toqusimas­sasoq, Jiisusil­lu taman­na an­niaatigisimas­savaa. w20.10 26-27 § 4-6

Kisimiivit­tutut, im­maqa ajor­nar­torsior­til­lutit ikior­tis­saqan­ngitsutut, misiginikuuit? Inup­pas­suit taama misigisar­put, aam­ma Jehovap kif­fai aalajaatsut. (1 Kng 19:14) Il­lit taama misigiguit Jehovap neriorsuutaa una eq­qaamajuk: “Iperas­san­ngilak­kit im­miniigin­nas­sanal­lu.” Taamaat­tumik isumal­luarluta ima oqarsin­naas­saagut: “[Jehova] ikior­tigaara, siooras­san­ngilanga.” (Hebr 13:5, 6) Apustili Paulusi up­peqatiminut Judæamiit­tunut ukiup 61-ip mis­saani taama al­lap­poq. Oqaasii taak­ku Tus­siaat 118-imi al­las­simasunut eq­qaanar­put. (Tuss 118:5-7) Tus­siaasior­toq Jehovamit ikior­neqar­poq, taamatut­taaq Paulusi Jehovamit ikior­neqar­poq. As­sersuutigalugu hebræerinut al­lan­nis­sani ukiut marluk sioq­qul­lugit Paulusi umiar­tor­til­luni anorersuarsiorujus­suar­poq. (ApS 27:4, 15, 20) Angalanis­sani sioq­qul­lugu angalanerminilu Paulusi as­sigiin­ngitsutigut Jehovamit ikior­neqar­poq. w20.11 12 § 1-2

Sior­natigut atugarisimasatsin­nik eq­qarsaatigin­nit­tuar­neq sooq silatusaar­nerun­ngila? Nuan­niitsor­tai puiorlugit nuan­nersor­tai kisiisa eq­qaamalersoorsin­naagatsigit. Itsaq Israelik­kut as­sersuutigisin­naavavut. Egyptenimiit aniguereerlutik qanoq atugarliorsimatiginer­tik puiorlugu nerisas­sat mamar­tut eq­qaamaneruaat. Qanoq oqar­nersut maluginiaruk: “Takorloor­naqaat Egyptenimiik­kal­larat­ta aalisagar­tugarisar­tak­kavut akeqan­ngitsumik pis­sarsiarisar­tak­kavut. Takorloor­naqaat agurkit, melonit, porrit uanitsul­lu.” (4 Mos 11:5) Ilumul­li “akeqan­ngitsumik” tamak­kunin­nga nerisarsimap­pat? Naamik, akisunaar­paat! Taamanimi naal­liul­lutik Egyptenimi inus­siaap­put. (2 Mos 1:13, 14; 3:6-9) Atugarliuutigisimasatik puiupal­lal­lugit Egyptenimi inuuner­tik maqaasiler­paat. Sooruna? Jehovap ajun­ngitsuliai pingaar­tin­ngin­namik­kit. Taman­nalu Jehovap nuan­narin­ngil­luin­nar­paa. – 4 Mos 11:10. w20.11 25 § 5-6

Inuuneq sivikitsuin­naavoq ‘eq­qis­sinaatsorsior­narlunilu’, taman­nalu pil­lugu nikal­lungasarsin­naavugut. (Job 14:1) Aam­ma itsaq Jehovap kif­fai arlal­lit taamatut misigisarsimap­put. Al­laal­lumi ilaat toquin­narusus­simap­put. (1 Kng 19:2-4; Job 3:1-3, 11; 7:15, 16) Jehoval­li tatigin­nitsini taak­ku tup­pal­lersarlugil­lu nakus­satsit­tuarsimavai. Misigisaat ilin­niarfigalugil­lu tup­pal­lersaatiginias­sagatsigit Biibilimi ilan­ngun­neqarsimap­put. (Rom 15:4) Jaakup er­nera Josefi eq­qarsaatigiuk. Ataataminit iluarisaavoq, Egyptenimili kun­ngik­kormiumut Guutimil­lu nalusumut inus­siaatin­ngorami inuunera al­lan­ngorujus­suar­poq. (1 Mos 37:3, 4, 21-28; 39:1) Taava Potifarip nulia sal­lul­luni oqar­poq Josefip pin­ngitsaalil­luni atoqatiginiarsarisimagaani. Un­nerluutit misis­soq­qaar­nagit Potifarip Josefi par­naarus­saatip­paa isigaalu kalun­ner­nik pitul­lugit. (1 Mos 39:14-20; Tuss 105:17, 18) Qular­nan­ngitsumik Josefip tamak­ku nikal­lungas­sutigingaar­tarsimas­savai. w20.12 16-17 § 1-4

Jiisusi oqar­poq taman­na pingaar­ner­paat ilaat­tut qin­nutigisas­sagip­put. Oqaatsil­li taak­ku qanoq paasisariaqar­pat? Il­ler­narsisitsineq isumaqar­poq minguiaaneq. Inuil­li ilaat ima eq­qarsar­tar­put: ‘Jehovap aq­qa minguitsooriin­ngila?’ Taman­na akis­sutis­sarsiumal­lugu eq­qarsaatigisariaqar­par­put ateq qanoq eq­qarsalersitsisar­toq. Ateq oqaasiin­narmit al­lan­neqarsin­naasumit naleqar­nerungaar­poq, tusaamaneqar­nermum­mi at­tuumas­suteqar­poq. As­sersuutigalugu inuit ateq aalajangersimasoq tusaraangamik­ku pineqar­tup qanoq it­tuunera takorluuler­tar­paat. Biibilimi qanoq al­las­simasoqar­toq maluginiaruk: “Tusaamasaal­luar­neq pisuus­suter­pas­suar­nit pingaar­neruvoq.” (Uss 22:1; Oqal 7:1) Tas­sa atip qanoq al­lan­neqar­nera qanorluun­niit oqaatigineqar­nera pingaar­ner­paajun­ngilaq. Atil­li tusaamaneqar­nera pingaar­ner­paajuvoq. Inuit Jehova pil­lugu sal­lulioraangamik tusaamanerlugaalersin­niar­tar­paat. Taamaalior­nermik­kut aq­qa narrunarsar­niar­tar­paat. w20.06 3 § 5-7

Ilaan­nik­kut ajor­nar­torsiutit isumakuluutigingaaratsigit taak­ku kisiiviisa eq­qarsaatigisarsin­naavagut. As­sersuutigalugu isumakuluutigisin­naavagut pisariaqar­titagut akis­saqar­tin­nerlugit, soraarsitaas­sanerluta imaluun­niit nap­parsimalis­sagaluarut­ta sulisin­naajun­naas­sanerluta. Aam­ma us­ser­nar­torsior­nermi Guutip inatsisaanik unioq­qutitsisuus­sanerluta isumakuluutigisin­naavar­put. Qanit­tuk­kut Saatanip inuit sun­ner­tak­kani Guutip in­nut­taanik saas­sus­sitis­savai, taamaat­tumik saas­sus­sinermut tamatumun­nga qanoq qisuarias­sanerluta isumakuluutigisin­naavar­put. Im­maqa ima eq­qarsar­pugut: ‘Tamak­kunin­nga isumakuluuteqar­nera kuk­kunerua?’ Nalun­ngilar­put Jiisusip ajoqersuk­kani ima oqarfigigai: “Inuunersi isumakuluutigeqinasiuk.” (Matt 6:25) Taman­na isumaqar­pa sumil­luun­niit isumakuluuteqas­san­ngitsugut? Naamerluin­naq! Itsaq Jehovap kif­fai aalajaatsut ilaat aam­ma isumakuluuteqar­tar­put, taamaat­torli Jehovamit ajorineqar­neq ajor­put. (1 Kng 19:4) Jiisusip oqimaaqatigiis­saarisumik ilin­niar­tip­paatigut. Kis­saatigin­ngilaa inuunermi pisariaqar­titagut tun­ngaviusut isumakuluutigival­laarlugit Jehovamut kif­far­tor­ner­put pingaar­ner­paatik­kun­naas­sagip­put. w21.01 3 § 4-5

Uiusoq ilaqut­taminik qanoq pin­nit­tar­nini tun­ngavigalugu Jehovamit Jiisusimil­lu akisus­saatitaas­saaq. (1 Petr 3:7) Jehova oqar­tus­saas­suseqar­ner­paajugami malit­tarisas­siorsin­naatitaavoq, qitor­naminil­lu malit­tarisas­sanik maleruaan­ngitsunik oqaaq­qis­saarisin­naatitaavoq. (Es 33:22) Aam­ma Jiisusi ilagiin­nut niaquugami taamaaliorsin­naatitaavoq. (Gal 6:2; Kol 1:18-20) Jehova Jiisusilu ilaarlugit ilaqutariin­ni kristumiuusuni niaquusoq ilaqut­taminut malit­tarisas­siorsin­naatitaavoq. (Rom 7:2; Ef 6:4) Kil­lilim­mil­li oqar­tus­saas­suseqar­poq. As­sersuutigalugu malit­tarisas­sioraangami Biibilimi najoq­qutas­siat tun­ngavigisar­tus­saavai. (Uss 3:5, 6) Tamatuma saniatigut ilaqutarin­ngisaminut malit­tarisas­siorsin­naatitaan­ngilaq. (Rom 14:4) Aam­ma qitor­nani inersimasut im­min­ni najugaqarun­naar­tut oqar­tus­saas­suseqarfigiun­naar­tar­pai. – Matt 19:5. w21.02 3 § 3-5

Ilaqutariin­ni it­tuusup ilaqut­tami timik­kut pisariaqar­titaan­nik pilersoraangamigit taak­kunun­nga asan­nin­nini ersersit­tar­paa. Eq­qaamasariaqar­paali anersaak­kut pisariaqar­titaan­nik isumagin­nin­neq pingaaruteqar­nerusoq. (Tuss 1:1-3) Jiisusip nap­pak­kami an­niar­titaaf­fim­mi toqungajalerluni qulak­keerusup­paa Mariap isumagineqar­nis­saa. Jiisusip an­niangaaraluarluni Maria apustilimut Johan­nesimut isumageq­quaa. (Joh 19:26, 27) Ilaqutariin­ni it­tuusoq pingaarutilin­nik akisus­saaf­fip­pas­suaqarsin­naavoq. Sulif­fim­mini eqiasuitsuusariaqar­poq Jehova ataq­qinarsisin­niarlugu. (Ef 6:5, 6; Tit 2:9, 10) Aam­ma ilagiin­ni akisus­saaf­feqarsin­naavoq soorlu paarsisutut oqaluus­sinermilu siut­tuusutut. Nuliaminik qitor­naminil­lu Biibilimik atuaq­qis­saaqatigin­nit­tar­nis­saa pingaaruteqar­poq. Ilaqutaasut timik­kut misigis­sutsik­kut anersaak­kul­lu isumas­sor­neqar­ner­tik qujamasuutigingaas­savaat. – Ef 5:28, 29; 6:4. w21.01 12 § 15, 13 § 17

Nuliaasoq pigin­naasaqarluar­toq Biibilimi as­sersuusiarineqar­poq. Taan­na il­lumi sulias­sanik isumagin­nit­tar­poq, narsaatinik pisil­lunilu tuniniaasar­poq niueqateqar­tarlunilu. (Uss 31:15, 16, 18) Inus­siaataan­ngilaq isum­maminik an­nis­seq­qusaan­ngitsoq. Uiatali tatigaa isumaalu tusar­niar­tarlugu. (Uss 31:11, 26) Nuliaasoq uiminit taamatut ataq­qineqar­toq kajumil­luni taas­suman­nga siulersor­tik­kusus­saaq. Jiisusip maluginiar­nar­tor­pas­suar­nik suliaqar­nikuugaluarluni Jehovamit siulersor­tin­neq nikanarsaatitut isigin­ngilaa. (1 Kor 15:28; Fil 2:5, 6) Taamatut­taaq ar­nap Jiisusip maligas­siaanik maleruaasup uiminit siulersor­tin­nis­sani nikanarsaatitut isiginavian­ngilaa. Uiminik asan­nin­nini pis­sutigiin­nar­nagu pingaar­ner­tul­li Jehovamik asan­nin­nini ataq­qin­nin­ninilu pis­sutigalugit uini tapersersus­savaa. Nuliaasul­li kristumiup uimi Biibilimut naaper­tuutin­ngitsumik iliuuseqaq­qup­pani naalan­navian­ngilaa. w21.02 11 § 14-15; 12 § 19

Itsaq Jehovap kif­faasa malersor­neqar­nermin­ni piner­tusaar­nis­samut Guutimik asan­nin­ner­tik iluaqutigisar­paat. As­sersuutigalugu apustilit juutit eq­qar­tuus­sisoqatigiivisa pingaar­nersaan­nit oqaluus­siun­naaq­quneqaramik Guuti asagamik­ku ‘inun­nit naalan­neruaat’. (ApS 5:29; 1 Joh 5:3) Ul­lumik­kut­taaq qatan­ngutigut naalak­kersuisunit malersor­neqaraluarlutik Guutimik asan­nin­ner­tik iluaqutigalugu piner­tusaarsin­naap­put. Silarsuup uumis­suinera nikal­lus­sutiginagu nuan­naalis­sutigisar­par­put. (ApS 5:41; Rom 5:4, 5) Ilaqut­tat­ta ilaata akerlilersor­patigut im­maqa taman­na ar­tor­nar­ner­paatis­savar­put. Biibilimik atuaq­qis­saaqatigineqar­talerat­ta im­maqa ilaqut­tat­ta ilaat isumaqar­put nakutitaasugut. Im­maqa al­lat isumaqar­put paatsiveerul­luin­nar­tugut. (Naleq­qiuguk Markusi 3:21). Al­laal­luun­niit im­maqa peq­qar­niitsuliorfigis­savaatigut. Taamatut pineqas­sagut­ta tupaal­laatigis­san­ngilar­put, Jiisusimi ima oqar­poq: ‘Angutip inoqutini akerarilis­savai.’ – Matt 10:36. w21.03 21 § 6-7

Atuaq­qis­saar­nis­samut ilaserineqarsimaguit atuaq­qis­saaqateqar­toq atuaq­qis­saaqatinilu oqaloqatigiik­kaangata tusar­naarluar­tarit. Taamaalioruit pif­fis­san­ngor­pat tapersersuisin­naas­saatit. Soorunami naliliisin­naas­suseqar­tariaqar­putit. As­sersuutigalugu oqalup­pal­laarusun­navian­ngilatit, atuaq­qis­saaqateqar­toq nas­suiaasoq akor­nusersor­navian­ngilat sam­misarluun­niit al­lamut saatsin­navian­ngilat. Naatsun­nguamil­li oqaaseqar­nik­kut, as­sersuuteqar­nik­kut apeq­quteqar­nik­kul­lu eq­qar­tor­neqar­tumik erseq­qis­saaqataasin­naavutit. Ilaan­nik­kut misigisarsin­naavutit ilas­sutis­saqar­pal­laar­nak. Atuaq­qis­saar­tar­torli nersualaaruk­ku soqutigin­nin­nermil­lu ersersitsivigalugu anersaak­kut siuariar­tor­nis­saanut ikiungaas­savat. Naleq­qup­pat atuaq­qis­saar­tar­toq oqalut­tuus­sin­naavat qanoq sal­lusuis­sut ilin­niarsimanerlugu, qanoq unam­miniar­nar­toq anigorsimanerlugu imaluun­niit Jehovap qanoq ikiorsimaneraatit. (Tuss 78:4, 7) Imaas­sin­naavoq atuaq­qis­saar­tar­tup taman­nar­piaq pisariaqar­tik­kaa. Im­maqa up­per­nik­kut nakus­satsis­sutigis­savaa Nalunaajaasun­ngor­nis­samul­luun­niit kajumis­sis­sutiginerulerlugu. w21.03 10 § 9-10

Kia oqaluus­sinermi angusaqarluar­tit­tar­paatigut? Taman­na Paulusip Korinthimi ilagiin­nut al­lak­kamini ima akivaa: “Uanga ik­kus­suivunga, Apol­losi imer­terivoq; naajar­tor­titsisorli tas­sa Guuti. Taamaat­tumik ik­kus­suisoq imer­terisorluun­niit pingaaruteqan­ngil­lat kisian­nili Guuti naajar­tor­titsisoq.” (1 Kor 3:6, 7) Paulusi ilaarlugu uagut oqaluus­sinitsin­ni angusaqarluaraangat­ta ataq­qinaat tamaat Jehovamut pigitit­tas­savar­put. Guutimik, Kristusimik in­ngilinil­lu suleqateqar­ner­put qujamasuutigalugu qanoq ersersis­sin­naavar­put? (2 Kor 6:1) Aal­lus­sil­luarluta sapin­ngisamik inun­nut tamanut nutaarsias­sap nuan­nersup oqaluus­sis­sutigisar­neratigut. Sal­lusuis­sutip naatsiias­sar­taanik ik­kus­suiin­nar­nata aam­ma imer­terisariaqar­pugut. Biibilimik atuaq­qis­saaqatigiin­nis­saq siuner­taralugu soqutigin­nit­toq pulaaq­qik­kusut­tar­par­put. Atuaq­qis­saaqatigisar­put Jehovamit ikior­neqarluni eq­qarsar­taatsiminik misigis­sutsiminil­lu al­lan­nguisoq takul­lugu nuan­naarutigisaqaar­put. w20.05 30 § 14, 16-18