Decembari

Ilaan­nik­kut Biibilimi ilin­niar­titsis­sutigineqar­tut paasiuminaatsit­tar­pagut. Ilaatigul­luun­niit qin­nutigut neriuutigisatsitut akineqar­neq ajor­put. Tamak­ku pis­sutigalugit qulaler­toorsin­naavugut. Iliuuseqapal­lan­ngik­kut­ta up­per­nik­kut san­ngiil­lis­saagut, Jehovamul­lu at­taveqar­ner­put akor­nuser­neqas­saaq. (Jaak 1:7, 8) Al­laal­lumi neriuutaarus­sin­naavugut. Apustilip Paulusip neriuuter­put kitsamut as­sersuup­paa. (Hebr 6:19) Umiarsuaq anorersuarmi tis­sukaleq­qunagu kisar­neqar­tar­poq. Kisarli umiarsuarmut pitun­neqan­ngitsoq iluaqutaan­ngilaq. Aam­ma kitsap kalun­neri man­nger­tor­nilersin­naap­put kit­torariaan­nan­ngorlutik. Taamatut­taaq qular­neq up­per­nitsin­nut san­ngiil­lis­sutaasar­poq. Inuup up­per­nik­kut san­ngiitsup ajor­nar­torsior­nermini Jehovap neriorsuutaasa eq­quun­nis­saat qulariler­tar­paa. Ilimanar­poq inuup taamaat­tup nuan­naar­neq misiginavian­ngik­kaa. w21.02 30 § 14-15

Aaperaap erinitsajuil­luni Jehova utaq­qisariaqarsimavaa. Ilaqut­tanilu Ur qimak­kamik­ku 70-it sin­nerlugit ukioqan­nguatsiar­poq. (1 Mos 11:31 – 12:4) Ukiut 100-t mis­saan­ni tuper­ni najugaqar­poq Kana’anil­lu nunaa angalaarfigalugu. 175-inik ukioqarluni toquvoq. (1 Mos 25:7) Kinguaas­sanili pil­lugit Jehovap neriorsuutigisaata eq­quun­nera takun­ngilaa, aam­ma il­loqarfiup, tas­sa Guutip naalagaaf­fiata, pilersin­neqar­nera misigin­ngilaa. Taamaak­kaluar­toq Aaperaat “utoq­qarsuan­ngorluni eq­qis­sil­luni toquvoq”. (1 Mos 25:8, Testamentitoqaq) Unam­miniagas­sar­pas­suaqaraluarluni up­per­tuar­poq Jehovalu kajumil­luni utaq­qiuarlugu. Sooq piner­tusaarsin­naasimava? Aaperaat inuunini tamaat Jehovamit il­lersor­neqarlunilu ikin­ngutitut pineqar­tarami. (1 Mos 15:1; Es 41:8; Jaak 2:22) Aaperaat as­sigalugu il­loqarfik aalajaatsunik toq­qavilik utaq­qivar­put. (Hebr 11:10) Pilersin­neqar­nis­saali utaq­qin­ngilar­put. Guutip naalagaaf­fia 1914-imi pilersin­neqar­poq qilam­milu tamak­kiisumik naalak­kersuilerluni. (Saqq 12:7-10) Nunarsuarmili tamak­kiisumik naalak­kersuiler­nis­saa utaq­qivar­put. w20.08 4-5 § 11-12

Al­lat tusar­naarluarsin­naajumal­lugit maniguul­lutalu erinitsajuit­tariaqar­pugut. Taman­na min­ner­paamik pingasutigut iluaqutaas­saaq. Siul­ler­tut, inuit pil­lugit ajor­tunik isum­mius­seriipal­lat­tas­san­ngilagut. Aap­paat­tut, qatan­ngutit­ta misigis­susai pis­sutiginiagaalu paasisin­naas­savavut misigin­neqatigisin­naanerulerlugulu. Pingajuat­tul­lu, qatan­nguter­put oqalutsik­kutsigu im­minut paasil­luar­nerulersin­naas­saaq. Ilaan­nik­kut misigis­sutsivut aatsaat oqaasin­ngor­tik­kaangatsigit paasil­lualer­tar­pavut. Qatan­ngutit­ta tunuliaqutar­tik, kulturer­tik inut­tul­lu qanoq it­tuuner­tik pis­sutigalugit misigis­sutsimin­nik an­nis­suinis­sar­tik saper­nar­tis­sin­naavaat. Imaas­sin­naavoq qatan­nguter­put aal­laq­qaam­mut misigis­sutsiminik an­nis­suerusun­ngitsoq. Jehoval­li erinitsajuin­nera ilaarutsigu tatigilis­savaatigut am­marfigerusulerlutalu. Misigis­sutsiminik an­nis­suigaangat tusar­naarluar­tas­savar­put. w20.04 15-16 § 6-7

Aalisak­kat nerisas­saqarluarfiusumi uumaan­narfigisin­naasamin­niit­tar­put. Aalisariar­nis­samul­li pif­fis­sap qanoq ilinera apeq­qutaava? Tamatumun­nga tun­ngatil­lugu qeqer­tami Maneras­suarmiit­tumi Nalunaajaasup ajoqersuiar­tor­titamik aalisariaqatiserin­nit­tup oqaasii maluginiak­kit. Ajoqersuiar­tor­titamit ima oqarfigineqar­poq: “Aqagu ul­laak­kut qulingiluanut naapik­kumaar­pugut!” Qatan­ngutit­tali ima akivaa: “Paasisimagunan­ngilat aalisak­kat pif­fis­saqaler­nis­sar­put utaq­qinavian­ngik­kaat.” Tamatumun­nga as­singusumik Jiisusip ajoqersugai siul­liit inun­nik “aalisarumal­lutik” pif­fis­saq­qis­sumi inuit katersuuf­figisaan­nukar­tarsimap­put. As­sersuutigalugu naalaf­fim­mi synagoginilu, ‘il­lumiit il­lumut’ (NW) aam­ma niueriar­tor­tarfim­mi oqaluus­sisarsimap­put. (ApS 5:42; 17:17; 18:4) Uagut­taaq inuit oqaluus­sif­figisar­tak­kat­ta ileq­qui ilisimasariaqar­pavut. Sapin­ngisamik amerlaner­paat naapik­kumal­lugit sumi qaquguk­kul­lu oqaluus­sisar­nitsin­nik naleq­qus­saasin­naasariaqar­pugut. – 1 Kor 9:19-23. w20.09 4 § 8-9

Jiisusimut, ilagiin­nut niaquusumut, ikin­ngutaal­luar­nerusin­naavugut taas­suma uagutsin­nik isumagin­nit­tus­satut toq­qagaasa suleqatiginerisigut. (Ef 4:16) As­sersuutigalugu maan­na naalagaaf­filersaarfiit tamaasa sapin­ngisamik atorluar­niar­tar­pavut. Taamaat­tumik ilagiit ilaat kat­tutsitaasimap­put. Taamaalior­nik­kut Jehovap peqatigiis­sor­tai aningaasanik tunis­sutigineqar­tunik sipaangaatsiarsin­naasimap­put. Taman­nali aam­ma oqaluus­sisar­tunut sun­niuteqar­poq, taak­kumi pis­sutsinut nutaanut sungius­siniar­tariaqarsimap­put. Oqaluus­sisar­tut aalajaatsut taak­ku ukior­pas­suar­ni ilagiin­ni aalajangersimasuni kif­far­torsimap­put qatan­ngutitil­lu ilageeqatigisimasatik ikin­ngutigil­lualersimal­lugit. Ilagiin­nul­li al­lanut nooq­quneqarsimap­put. Jiisusip ajoqersuk­kami ilumoorfigin­nit­tut taak­kua tapersersuinerat nuan­naarutigingaarsimas­savaa! w20.04 24 § 14

Avan­narliup kun­ngia Kujal­liul­lu kun­ngia nunarsuarmi pis­saaneqar­niut­tuar­put. As­sersuutigalugu sorsun­nersuup aap­paata kingor­na Sovjetunionip iligisaasalu Europap ilarujus­sua pis­saaneqarfigiler­paat. Avan­narliup kun­ngiata iliuusii pis­sutigalugit Kujal­liup kun­ngiata nunat al­lat sak­kutooqar­nik­kut isumaqatigiis­suteqarfigai. Taman­nalu NATO-mik taaneqar­poq. Avan­narliup kun­ngia aam­ma Kujal­liup kun­ngia aningaasar­pas­suit atorlugit sak­kutooqar­nik­kut pis­saaneqar­niut­tuar­put. Aam­ma Afrikami, Asiami Latinamerikamilu akeq­qamik iligisaan­nik saas­sus­sisarlutik akersuup­put. Ukiuni kingul­liunerusuni Ruslandi iligisaalu nunani amerlasuuni sun­niuteqangaaler­put. Aam­ma Kujal­liup kun­ngia inter­netik­kut saas­sup­paat. Kun­ngit taak­ku akerar­tik im­minik, qarasaasiak­kut program­mit atorlugit, aningaasaqar­nik­kut politik­kik­kul­lu ajoqusiiniar­nerarlugu pisuutitseqat­taat­tar­put. Danielimi siulit­tuutigineqar­tutut Avan­narliup kun­ngiata Guutip in­nut­tai saas­sut­tuar­pai. – Dan 11:41. w20.05 13 § 5-6

“Ar­nap puigor­tar­ner­paa qitor­nani milutsitani?” Jehova pruf­fiitip Esajap nalaani taama aperivoq. In­nut­tani ima oqarfigai: “Taak­kuami [milutsitsisut] puigus­sagaluar­pataluun­niit uanga il­lit puigus­san­ngilak­kit.” (Es 49:15) Jehova anaanaasumut as­sersuut­tan­ngik­kaluarluni matumani taamaalior­poq. Anaanaasup meeraatalu at­tavigeqatigiin­nerat as­sersuutigalugu Jehovap kif­faminut asan­ningaar­nini ersersip­paa. Anaanaasut amerlanerit qatan­ngutip Jasminimik atil­lip oqaasii ilisarisin­naavaat: “Milutsitsineq inuuneq naal­lugu atasus­samik meeq­qamut im­mik­kut it­tumik at­taveqalersitsisar­poq.” Jehovap kif­fami ilaat ataasiin­naal­luun­niit oqaluus­sisarun­naarlunilu ilagiit peqatigisarun­naar­pagit malugisar­paa. Qatan­nguter­pas­suavut asasavut unit­tooq­qasut ilagiin­nut utersimap­put, taman­nalu nuan­naarutigingaar­par­put! Uter­nis­saat Jehovap kis­saatigaa, uagul­lu aam­ma taman­na kis­saatigaar­put. w20.06 18 § 1-3

Tunis­sutit ilaat takus­saan­ngitsuup­put. Taak­kunun­nga ilaap­put erlin­nar­tuutit naleqar­ner­paat. Jiisusip qaq­qami oqaluutsimini qilam­mi erlin­nar­tuutit aningaasanit pigisanil­lu naleqar­nerungaar­tut eq­qar­tor­pai. Taava ilumoor­toq una oqaatigaa: “[Uum­mativit] erlin­nar­tuutitit najor­tuar­tar­pai.” (Matt 6:19-21) Naleqar­titavut suul­luun­niit pis­sarsiariniarsarisar­pavut. ‘Qilam­mi erlin­nar­tuutinik katersisin­naavugut’ Guutimit iluarisaaler­nik­kut. Erlin­nar­tuutit Jiisusip eq­qar­tugai aseror­neqarsin­naan­ngil­lat til­lin­neqarsin­naanatil­lu. Apustilip Paulusip ‘takus­saan­ngitsut isigeq­qul­lugit’ kajumis­saar­paatigut. (2 Kor 4:17, 18) Takus­saan­ngitsunut ilaap­put nunarsuarmi nutaami Guutip pilersitas­saani pil­luaq­qus­sutisias­savut. Tunis­sutinik taak­kunin­nga qujamasuutigin­nin­ner­put ersersit­tar­par­put? w20.05 26 § 1-2

Israelik­kut Mosesip ilin­niar­titsis­sutaa ‘narsani qorsuusuni sialut­tut’ up­per­nik­kut nakus­satsis­sutigalugulu qiim­maal­laatigaat. Uagut ilin­niar­titsinit­ta taamatut sun­niuteqar­nis­saa qanoq qulak­keersin­naavar­put? Oqaluus­sinitsin­ni Guutip aq­qa, Jehova, Biibilimi takutis­sin­naavar­put. Biibililersaarutivut Jehovamik ataq­qinarsisitsisut, ilaatigut filmiutivut torral­lataasut nit­tar­tak­katsin­nilu al­laaserisat nuan­nersut, takutis­sin­naavavut. Sulif­fim­mi, atuarfim­mi imaluun­niit angalatil­luta Guutit­ta asasat­ta eq­qar­tor­nis­saanut periarfis­sarsiorsin­naavugut. Jehovap inun­nut nunarsuarmul­lu siuner­taa pil­lugu oqaloqatigisin­naavavut. Taamaalil­lutik im­maqa aatsaavis­suaq paasilis­savaat Jehovap qanoq asatigigaatigut. Ataatar­put asan­nit­toq pil­lugu ilumoor­tunik siaruar­terigaangat­ta Jehovap aq­qanik il­ler­narsisitseqataasar­pugut. Inuit paasilis­savaat taan­na pil­lugu sal­luliuuter­pas­suar­nik ilin­niar­titaasimal­lutik. Ilin­niar­titsis­sutit Biibilimeersut nuan­nersut inun­nut neqeroorutigaavut. – Es 65:13, 14. w20.06 10 § 8-9

Jehovamut uterusut­tunik ikiuisin­naas­sagut­ta suut pis­suserisariaqar­pavut? Jiisusip er­nermik tam­maraluar­tumik as­sersuusiaa qanoq ilin­niarfigisin­naanerip­put malugiuk. (Luk 15:17-24) Er­neq silat­tuaqigami angerlar­niarluni aalajanger­poq. Angutaata er­nini ar­pal­luni naapigiar­paa, eqitaariarlugulu asagini paasitip­paa. Er­neq ilerasungaarluni er­nermik taaneqar­nis­saminut ajuk­kup­poq. Angun­ni misigin­neqataasoq misigis­sutsiminik aniatitsivigaa. Taava ataataasoq er­nini ilaqutaasutut asaneqar­tutut tikil­luaq­qusaasoq ersersin­niarlugu iliuuseqar­poq, tas­sa nal­liut­torsior­titsivoq er­ninilu peq­qis­simisoq kusanar­tunik atisas­sil­lugu. Jehova as­sersuusiami ataataasutut ip­poq. Qatan­ngutit unit­tooq­qasut asavai uter­nis­saal­lu kis­saatigalugu. Jehova ilaarutsigu uter­nis­saan­nut ikiorsin­naavavut. Taamaalius­sagut­ta nikal­lujuitsuul­lutalu misigin­neqataal­lutalu asan­nit­tuusariaqar­pugut. w20.06 25-26 § 8-9

Jiisusi oqar­poq inuit ilaasa sal­lusuis­sut ‘nuan­naarlutik’ ilas­sereeraluarlugu misilin­neqaramik uniin­nar­tut. (Matt 13:3-6, 20, 21) Paasisimagunan­ngilaat Jiisusimut ajoqersugaasut aam­ma ajor­nar­torsiorumaar­tut. (Matt 16:24) Im­maqa isumaqarsimap­put kristumiuuneq tas­saasoq Guutimit pil­luaq­quneqaan­naavil­luni ajor­nar­torsior­nanilu inuuneq. Silarsuarmili ajor­tumi inuugat­ta ajor­nar­torsiuteqar­tar­pugut, aam­ma nuan­naarun­naas­sutigisatsin­nik pis­sutsit al­lan­ngorsin­naap­put. (Tuss 6:7; Oqal 9:11) Qatan­ngutit­ta amerlanersaasa up­perisamik sal­lusuis­sutaanera up­peril­luin­narlugu ersersit­tar­paat. Qanoq? Up­per­nik­kut aalajaatsuunermik­kut naak up­peqat ajual­latsitsigaluar­toq Biibilimul­luun­niit naaper­tuutin­ngitsumik pis­susilersoraluar­toq. (Tuss 119:165) Misilin­neqaraangamik up­per­nikil­linatik up­per­neruliin­nar­tar­put. (Jaak 1:2-4) Taama up­perluar­tigisariaqar­pugut. w20.07 8 § 1; 9 § 4-5

Biibilip atuan­ngin­nerani atuak­katit ilin­niarfigil­luarumal­lugit Jehovamut ikioq­qugit. As­sersuutigalugu ajor­nar­torsiutit pil­lugu iluaqutis­sarsioruit najoq­qutas­sianik atorsin­naasan­nik nas­saarsin­naaq­qul­lutit Jehova qin­nuigiuk. (Fil 4:6, 7) Jehovap tupin­naan­nar­tumik pigin­naas­suseqar­til­luta pin­ngor­tip­paatigut – tas­sa takorluuisin­naas­suseqar­tip­paatigut. Oqalut­tuaq Biibilimeersoq atuar­til­lugu takorlooruk il­lit pineqarlutit susoqar­nersorlu. Oqalut­tuami inut­taasup pingaar­nerup takusai misigis­susiilu takorluuk­kit. Taamaalioruit atuak­katit pis­sarsif­figinerus­savatit Taava eq­qarsaatigin­neq­qis­saarit. Atuak­katit eq­qarsaatigeq­qis­saaraangak­kit ilik­kak­katit inuunin­ni qanoq maleruarsin­naanerlugit aam­ma eq­qarsaatigisariaqar­pat. Taamaalioruit atuak­katit paasil­luar­nerul­lugil­lu ilisimariik­kan­nut atas­suser­nerusin­naas­savatit. Biibilimi atuak­katit eq­qarsaatigeq­qis­saar­tan­ngik­kuk­kit as­sigiin­nas­savaa ik­kus­sor­tak­kat ik­kus­sor­nagit katiter­nagit isigin­naagin­naritit. Eq­qarsaatigin­neq­qis­saar­nerup as­sigaa ik­kus­sor­tak­kat as­sitaa tamaat takujumal­lugu taak­kunin­nga ik­kus­suineq. w21.03 15 § 3-5

Paulusi pereersut eq­qarsaatigival­laarunigit ima isumaliorsin­naagaluar­poq: ‘Kristumiutut aal­lus­sil­luar­tuusiman­ngik­kaluaruma par­naarus­saasimas­san­ngik­kaluar­punga.’ Nunap im­mik­koor­tuani Asiameersut im­minik tunus­sisimasut kamaatigisimasin­naagaluar­pai ikin­ngutinilu al­lat tatigiun­naarlugit. Taamaaliun­ngilarli. Toqutaanis­sani nalun­ngik­kaluarlugu puiun­ngilaa pingaar­neq – tas­sa Jehovap aq­qata il­ler­narsisin­nis­saa. Aam­ma eq­qarsaatigiuar­paa al­lanik qanoq kajumis­saarisin­naanerluni. Jehova tatigalugu qinukulasar­poq. Im­minik tunus­sisut eq­qarsaatigival­laar­nagit ikin­ngutini aalajaatsut asan­nil­lutik im­minik ikiuisut pil­lugit qujamasun­nini ersersit­tar­paa. Aam­ma Guutip oqaasianik atuaq­qis­saar­tuar­poq. (2 Tim 3:16, 17; 4:13) Pingaar­ner­paamik Jehovamit Jiisusimil­lu asaneqar­nini qularutigin­ngil­luin­nar­paa. w21.03 18 § 17-18

Kr.in.king. 100-kkut ingerlaneran­ni kristumiuunerar­tut amerliar­tuin­nar­tut ilagiin­nut kristumiunut ilumoor­tunut ilan­ngut­taler­put. Taak­kulu ajoqersuinerluutinik ajoqersuisaler­put sal­lusuis­sutil­lu Guutip oqaasianeersut iser­torlugit. Taamanimiil­lu 1870-ip tungaanut nunarsuarmi peqatigiis­sunik Guuti in­nut­taqan­ngilaq. Kristumiuunerar­tut naasupilut­tut siam­mar­put kristumiul­lu ilumoor­tut malun­narun­naarsil­lugit. (Matt 13:36-43) Sooq tamatuma ilisimanis­saa pingaaruteqar­pa? Tamatuman­nga ersermat pif­fis­sami ukiup 100-miit 1870-imut Avan­narliup kun­ngia aam­ma Kujal­liup kun­ngia pil­lugit siulit­tuut Danielimik al­lak­kani kapitali 11-mi al­las­simasoq eq­quus­sin­naan­ngitsoq. Guutip in­nut­taanik peqatigiit­tunik saas­sutas­saqan­ngilaq. Avan­narliul­li kun­ngia aam­ma Kujal­liup kun­ngia 1870-ip kingunin­nguani tak­kuteq­qip­put. w20.05 3 § 5

Joelip siulit­tuutigaa Israelimi pil­ler­tar­pas­suit perlus­sior­titsiumaar­tut suul­lu tamaasa neris­sagaat. (Joel 1:4) Ukior­pas­suar­ni isumaqar­pugut siulit­tuut taman­na Jehovap in­nut­taanut, pil­ler­tar­pas­suar­tut unitsitas­saanatik oqaluus­sisunut, as­sersuutaasoq. Isumaqarsimavugul­lu oqaluus­sineq ‘nunamut’, tas­sa inun­nut up­perisarsior­nik­kut siut­tunit sun­ner­neqar­tunut, nuan­niitsumik sun­niuteqar­toq. Siulit­tuul­li tamaat eq­qarsaatigigutsigu al­latut paasisariaqar­toq paasis­savar­put. Malugiuk pil­ler­tat perlutsitsineran­nut tun­ngatil­lugit Jehova ima neriorsuisoq: ‘Ilis­sin­nit peersis­savak­ka.’ (Joel 2:20) Pil­ler­tat Jehovap Nalunaajaasuinut Jiisusip oqaluus­seq­qusineranik ajoqersugan­ngor­titsior­toq­qusineranil­lu naalat­tunut as­sersuutaap­pata, taava sooq Jehova neriorsuiva taak­ku peersik­kumaarlugit? (Ez 33:7-9; Matt 28:19, 20) Erseq­qip­poq Jehovap kif­fani aalajaatsut peersin­nagit in­nut­taminut akeq­qersimaar­tut peersis­sagai. w20.04 3 § 3-5

Qin­nutigut Jehovap ingerlaan­naq akin­ngip­pagit sus­saagut? Nikal­lujuil­luta qinujuas­saagut – Jehovam­mi uumitsaan­navian­ngilaatigut. Misilin­neqar­nitsin­ni piner­tusaarsin­naaq­qul­luta ikiorusungaar­paatigut. (Tuss 25:12, 13) Nalun­ngilaa qanor­piaq aq­qusaagaqar­nersugut, misigin­neqatigisar­paatigul­lu. Taman­na nuan­naar­nermut pis­sutaavoq! Jehoval­li ilisimas­susermik qanoq tunisar­paatigut? Biibili aq­qutigalugu. (Uss 2:6) Ilisimas­suseqalis­sagut­ta Biibili Biibililersaarutil­lu atuaq­qis­saar­tariaqar­pagut. Taman­nali naam­man­ngilaq. Ilik­kak­kagut aam­ma inuunitsin­nut sun­niuteqar­tit­tariaqar­pagut. Jaaku ima al­lap­poq: “Oqaaseq tusaagin­nar­nagu maleruarsiuk.” (Jaak 1:22) Biibilimi siun­nersuutit maleruaraangatsigit eq­qis­sisitsiniar­tun­ngor­tar­pugut, ingasaas­sinian­ngitsun­ngor­tar­pugut nal­lit­tuisun­ngor­tarlutalu. (Jaak 3:17) Taamatut pis­suseqarut­ta misilin­neqar­nitsin­ni nuan­naarluta piner­tusaarsin­naas­saagut. w21.02 29 § 10-11

Biibilimik atuaq­qis­saar­tar­toq ilagiin­nit ikior­neqaraangami Nalunaajaasun­ngor­nis­saa ilimanar­nerusar­poq. Oqaluus­sisar­tut tamarmik ikiuun­nerisigut atuaq­qis­saar­tar­toq ilagiin­nut akuul­lualersin­naavoq. Pioneri ima oqar­poq: “Oqar­toqar­tar­poq meeraq perorluas­sap­pat nunaq­qataasut tamarmik ikiuut­tariaqar­tut. Taamatut­taaq ajoqersugan­ngor­toqas­sap­pat ilagiin­niit­tut tamarmik ikiuut­tariaqar­put.” Soorlu meeraq peroriar­tor­nermini ilaqut­taminit, ikin­ngutiminit ilin­niar­titsisuminil­lu ikior­neqar­tariaqar­tar­toq, taamatut­taaq oqaluus­sisar­tut siun­nersuinermik­kut, kajumis­saarisar­nermik­kut maligas­siuil­luar­nermik­kul­lu Biibilimik atuaq­qis­saar­tar­toq Nalunaajaasun­ngor­nis­saanut ikiorsin­naavaat. (Uss 15:22) Sooq oqaluus­sisar­tup atuaq­qis­saaqatimi al­lanit ikior­neqar­nera nuan­naarutigisariaqar­paa? Atuaq­qis­saaqatigineqar­tar­toq anersaak­kut siumukar­nis­saanut amerlasuut ikiorsin­naavaat. w21.03 8 § 1-3

Kristumiut tamarmik, inuusut­tut utoq­qaal­lu, marloqiusamik inooriaaseqar­naveersaar­tariaqar­put. Apustilip Johan­nesip erseq­qis­sar­paa sal­lusuis­sum­mi inuujutigaluta kinguaas­siuutitigut inuunerlus­sin­naan­ngitsugut. (1 Joh 1:6) Guutimit maan­na siunis­samilu iluarisaas­sagut­ta eq­qaamasariaqar­par­put Jehovap suut tamaasa takusin­naagai. Tas­sa ajor­tuliat suul­luun­niit iser­tor­neqarsin­naan­ngil­lat. (Hebr 4:13) Silarsuup ajor­tulior­nermut isigin­nit­taasia itigar­tit­tariaqar­par­put. Johan­nesip nalaani inuit tunus­sisut oqar­tar­put kinaluun­niit piaaraluni ajor­tulior­tarsin­naasoq sulilu Guutimut ikin­ngutaal­luni. Ul­lumik­kut­taaq taamatut isigin­nit­taasil­lit akor­nan­ni inuuvugut. Amerlasuut up­per­tuunerar­put Jehoval­li ajor­tulior­nermut, ingam­mik atoqatigiin­nermut tun­ngatil­lugu, isigin­nit­taasianut isumaqataanatik. Oqar­tar­put inuup atoqatigiin­nermut tun­ngatil­lugu pileris­sutsini eq­qor­tuusorisanilu maliin­narsin­naagai, naak Jehovamit as­suarineqaraluar­tut. w20.07 22 § 7-8

Anersaak­kut qatan­ngutitit ar­nat pisariaqaraangat il­lersor­tar­pigit? As­sersuuteqariar­ta. Qatan­ngut Nalunaajaasuun­ngitsumik uilik ataatsimiin­ner­nut inor­tuikulasoq ataatsimiin­nerlu naaniariar­toq anisar­toq oqaluus­sisar­tut ilaasa malugaat. Aam­ma malugaat qaqutiguin­naq meeq­qani ataatsimiigiaqatigisarai. Tamak­kulu pil­lugit isor­nar­torsiuiler­put isumaqaramik taas­suma qitor­nani ataatsimiigiaqatigisar­nis­saan­nik uini akuerseq­qul­lugu piumaf­figisariaqaraluaraa. Qatan­ngul­li ar­naq taan­na sapin­ngisaminik iliuuseqar­poq. Pif­fis­sani tamaat piumasamisut atorsin­naan­ngilaa, aam­ma meeq­qaminut oqar­tus­saas­susia kil­leqar­poq. Qatan­ngut ar­naq pineqar­toq nersualaar­taruk­ku suliaalu ajun­ngitsut al­lanut oqalut­tuarisaruk­kit oqal­lisigineqar­nera nikal­lor­nar­toq unitsis­savat. Utoq­qaaner­tat nalun­ngilaat qatan­ngutit ar­nat ajun­ngitsumik pineqar­nis­saat Jehovap kis­saatigigaa. (Jaak 1:27) Taamaat­tumik Jiisusi ilaarlugu ingasaas­siniar­tuunatik inus­siar­nersuuneq paasin­nit­tuunerlu najoq­qutas­sanit pingaar­tin­neruaat. (Matt 15:22-28) Utoq­qaaner­tat ikiueriaan­naasarmata qatan­ngutit ar­nat asaneqar­tutut misigisar­put. w20.09 24-25 § 17-19

Pruf­fiiti Danieli maniguul­luni Jehovamut tamatigut siulersoq­qusar­poq. As­sersuutigalugu, Nebukadnesarip sin­nat­tuata nas­suiar­nis­saanut Jehovamit ator­neqarami Danieli im­minut ataq­qinaatis­sin­nani Jehovamut ataq­qinaat tamaat tun­niup­paa. (Dan 2:26-28) Taman­na qanoq ilin­niarfigisin­naavar­put? Oqalugiaatitsin­nik nersualaar­neqaraangat­ta oqaluus­sinermilu nuan­nersunik misigisaqaraangat­ta ataq­qinaat tamaat Jehovamut tun­niut­tariaqar­par­put. Maniguul­luta nas­suerutigisariaqar­par­put Jehovap ikiuineratiguin­naq taamatut angusaqarsin­naasugut. (Fil 4:13) Taamaaliorut­ta Jiisusip maligas­siuil­luar­nera ilaas­savar­put. Naam­mal­luin­nar­tuugaluarluni Jehova tatigiuar­paa. (Joh 5:19, 30) Ataatani qilam­miusoq oqar­tus­saas­susianik arsaar­niarsarin­ngisaan­nar­paa. Biibilimi al­las­simavoq Jiisusip ‘arsaarinis­saq, tas­sa Guutip naliginis­saa, eq­qarsaatigin­ngil­luin­naraa’. (Fil 2:6, NW) Ataatami oqar­tus­saas­suseqar­nerunera nalunagulu ataq­qivaa. w20.08 11 § 12-13

Inuunivim­mut ar­paliuteqataasut ilaat al­lanut paasiuminaas­sin­naasumik akiugaqar­put. Unam­miniagaqar­nerit pis­sutigalugu Jehovamut kif­far­tor­nin­ni kis­saatigisat­tut iliuuseqar­tigisin­naan­ngik­kuit misigalutil­lu paasineqar­nak Mefiboshetip maligas­siaa qiim­maal­laatigisin­naavat. (2 Sam 4:4) Taan­nat­taaq nap­paateqar­poq kun­ngimil­lu Daavimit eq­qun­ngitsumik isum­merfigineqarluni. Narrutsan­ngilaq, inuunerminili pisimasut ajun­ngitsut nuan­naarutigai. Daavimit asan­nit­tuliorfigineqar­tarsimanini qujamasuutigaa. (2 Sam 9:6-10) Taamaat­tumik Daavip eq­qun­ngitsumik isum­merfigim­mani Mefibosheti kamaler­nanilu narrutsan­ngilaq. Daavip kuk­kus­sutaanut Jehova pisuutin­ngilaa. Jehovap kun­ngin­ngor­titaa qanoq tapersersus­sanerlugu Mefiboshetip eq­qarsaatigineruaa. (2 Sam 16:1-4; 19:25-31) Mefiboshetip maligas­saal­luar­nera uagut iluaqutis­satsitut Jehovap oqaatsimini al­latsis­simavaa. – Rom 15:4. w20.04 26 § 3; 30 § 18-19

Ilagiin­niit­tut ilaat im­maqa ajoqersuiar­tor­titaap­put, specialpioneriup­put pioneriul­lutil­luun­niit. Pif­fis­saq tamaat oqaluus­sisar­tuul­lutil­lu ajoqersugan­ngor­titsior­tor­tuup­put. Oqaluus­sisar­tut taak­ku amerlaner­tigut pigisakitsuup­put, taamaat­toq al­latigut Jehovamit pil­luaq­quneqangaar­tar­put. (Mark 10:29, 30) Qatan­ngutit taak­ku asangaar­pavut ilagiin­niin­neral­lu qujamasuutigingaarlugu! Qatan­ngutit angutit akisus­saaf­fil­lit pif­fis­sarlu tamaat kif­far­tor­tut kisimik ilagiin­ni pingaar­tin­neqar­pat? Naamerluin­naq! Nutaarsias­samik nuan­nersumik oqaluus­sisar­tut tamarmik Guutimit ilagiin­niit­tunil­lu pingaar­tin­neqar­put. (Rom 10:15; 1 Kor 3:6-8) Ilagiim­mi pingaar­ner­tut anguniagaraat Naalak­katsin­nut Jiisusimut Kristusimut ajoqersugan­ngor­titsinis­saq. (Matt 28:19, 20; 1 Tim 2:4) Ilagiin­niit­tut tamarmik, oqaluus­sisar­tut kuisimasut kuisiman­ngitsul­lu, suliaq taman­na inuunermin­ni pingaar­ner­paatik­kusup­paat. – Matt 24:14. w20.08 21 § 7-8

Ul­lormut al­las­simaf­fim­mi eq­qaaneqar­tutut unam­miniar­nar­tunik nalaataqar­til­luta Jiisusip nakus­satsit­tas­savaatigut. Aap, oqaasii nakus­satsin­nar­put. Sooq? Ilaan­nik­kut nikal­lungasarat­ta. Soorlu asasamik toqusoorsimanitsin­ni ul­lualuin­naan­ngitsuni im­maqali ukior­pas­suar­ni aliasut­tar­pugut. Al­lat utoq­qaliner­tik pis­sutigalugu atugarlior­tar­put. Al­lal­lu isumatsarujus­suar­neq pis­sutigalugu ar­torsar­tar­put. Nalun­ngin­natsiguli Jiisusip “ul­lut tamaasa”, al­laat nikal­lunganer­paaf­fitsin­ni, najoraatigut piner­tusaarsin­naasar­pugut. (Matt 11:28-30) Guutip oqaasiani neriorsor­neqar­pugut Jehovap in­ngilini aq­qutigalugit ikior­tarumaaraatigut. (Hebr 1:7, 14) As­sersuutigalugu “inuiaqatigiin­nut naggueqatigiin­nul­lu, im­mik­kut oqaasilin­nut inuian­nul­lu tamanut” Naalagaaf­fik pil­lugu nutaarsias­samik nuan­nersumik oqaluus­sinitsin­ni in­ngilinit ikior­neqar­tar­pugut. – Saqq 14:6; Matt 24:13, 14. w20.11 13-14 § 6-7

Atuaq­qis­saaqatigisar­tak­kat­ta paasisariaqar­paa ilik­kak­kani Biibilimeersuusut. (1 Th 2:13) Qanoq paasitis­sin­naavar­put? Ilik­kak­kaminik eq­qar­tueq­qul­lugu kajumis­saar­taruk. Biibilimi al­las­simasunik kisivit nas­suiaagin­nar­nak atuaq­qis­saaqatigisar­tak­kat nas­suiaaq­qusaruk. Biibili inuunermini qanoq atorsin­naagaa erseq­qis­sar­taruk. Al­las­simaf­fiit atuak­kani pil­lugit qanoq eq­qarsar­neranik misigineranil­lu nas­suiaatik­kumal­lugu apeq­quteqar­tarit. (Luk 10:25-28) As­sersuutigalugu ima aperisin­naavat: “Jehovap pis­susii sorliit al­las­simaf­fim­mi maluginiar­pigit?” “Biibilimit ilik­kak­katit qanoq iluaqutigisin­naavigit?” “Paasisatit qanoq misigilis­sutigaagit?” Atuaq­qis­saaqatigisar­tak­kat­ta qanoq ilisimasaqar­tiginera pingaar­ner­paajunani ilik­kak­kaminik qanoq nuan­narin­nitsiginera pigilius­sitigineralu pingaar­ner­paavoq. Nas­suiaanin­ni Biibili ator­taruk. Ilin­niar­titsil­laq­qin­nerulis­saguit maniguut­tariaqar­putit. w20.10 15-16 § 5-6

Qularin­ngis­sin­naavar­put oqaluus­siner­put pif­fis­saq eq­qorlugu naam­mas­siumaar­toq. Noap nalaani pisimasut eq­qarsaatigik­kit. Jehovap pif­fis­saal­luar­ner­paami iliuuseqar­tuaan­nar­tuunini takutip­paa. Ulersuar­titsinis­sani ukiut 120-t mis­saat sioq­qul­lugu aalajangiup­paa. Ukior­pas­suit tamatuma kingor­na Jehovap Noa umiarsualioq­quaa. Ulersuaq nal­liutserlugu Noa ukiuni 40-ni 50-iniluun­niit ilungersorluni suliuar­poq. Inuit tusaajuman­ngik­kaluar­tut Jehovap ikeq­qusinis­saata tungaanut Noa mianersoq­qusil­luni oqaluus­siuar­poq. Pif­fis­sarlu eq­qorlugu Jehovap “umiarsuup matua matuaa”. (1 Mos 6:3; 7:1, 2, 16) Oqaluus­siner­put Jehovap qanit­tuk­kut unitsis­savaa. Taava Saatanip silarsuaa suujun­naarsis­savaa nunarsuarmilu naaper­tuil­luar­nermik tamak­kiisumik atuutilersitsil­luni. Taman­na pitin­nagu qanor­toq Noa al­lal­lu ilaarlugit as­savut sarliaan­nan­ngik­kitigit. Aam­ma al­lamut saasar­tin­ngik­kisa, erinitsajuitsuugisa Jehovamul­lu up­perluar­tuujuarisa neriorsuutaalu tatigalugit. w20.09 13 § 18-19

Erseq­qis­sumik oqar­tus­saas­susiliisiman­ngitsuup­pat Jehovap ilaqutariis­sor­taasa aaq­qis­suus­saanerlun­ner­tik nuan­niil­liuutigis­sagaluar­paat. As­sersuutigalugu ilisimaneqas­san­ngik­kaluar­poq kina aalajangiisuusas­sanersoq kinalu aalajangik­kanik piviusun­ngor­titsisas­sanersoq. Guutip oqar­tus­saas­susiliinera taama iluaqutaatigip­pat sooq ar­nar­pas­suit naqisimaneqar­tutut misigisar­pat? Anguter­pas­suit Jehovap ilaqutariin­nut najoq­qutas­siaanik maleruaan­ngin­nerat tamatumun­nga pis­sutaavoq. Im­maqa najuk­kamin­ni ileq­qorineqar­tunut maleruutiin­nar­tar­put, imaluun­niit nam­minis­sarsiorlutik nuliatik ajor­tumik pisar­paat. As­sersuutigalugu uiusut ilaat pingaaruteqar­nerusutut misigiumal­lutik “angutivit­tul­luun­niit” isigineqarusul­lutik nuliamin­nut naalagaaniar­tar­put. Eq­qarsarsin­naap­put nuliatik pin­ngitsaalil­lugit asan­nitsis­sin­naan­ngin­namik­kit aquk­kumal­lugit qunusiarisariaqarlugit. Angutit taamaat­tut Jehovap iluarin­ngilai, Jehovam­mi piumasaraa ar­nat ataq­qineqarlutil­lu pingaar­tin­neqas­sasut. – Ef 5:25, 28. w21.02 3 § 6-7

Kristumiut ajor­nar­torsiutimin­nik isumakuluuteqar­tut Jehovamut qinuneq toq­qis­sial­laatigisin­naavaat. Qin­nutivit akis­sutaat­tut ‘eq­qis­sineq Guutimit pisoq inuit siuneqas­susian­nit tamanit an­nerungaar­toq’ misigisin­naavat. (Fil 4:6, 7) Isumakuluk­kaangavit Jehovap anersaani il­ler­nar­toq atorlugu eq­qis­sisit­tas­savaatit. (Gal 5:22) Jehovamut qinugaangavit misigis­sutsitit tamaasa oqalut­tuarisak­kit. Suna ajor­nar­torsiutaanersoq qanorlu misiginerlutit nas­suiaagit. Aaq­qiis­sutis­saqarsin­naap­pat taman­na paasiumal­lugu ilisimas­suseqaq­qul­lutit iliuuseqar­nis­samul­lu nukis­saqaq­qul­lutit qinusarit. Ajor­nar­torsiut iliuuseqarfigisin­naan­ngik­kuk­ku isumakulup­pal­laaleq­qunak Jehovamut ikioq­qugit. Qanor­piaq ikior­neqarusun­nersutit qin­nutin­ni ilan­nguk­kaangak­ku Jehovap qanoq akisaraatit paasil­luar­nerulis­savat. Qin­nutit ingerlaan­naq akineqan­ngip­pat qinujuarit. Sunar­piaq perusun­nerlugu oqaatigis­sagit Jehovap kis­saatigiin­nar­nagu qinunin­ni qasusuis­sasutit kis­saatigaa. – Luk 11:8-10. w21.01 3 § 6-7

Ul­lumik­kut ilagiin­nut ilaap­put aap­pal­lit ilaqutariiusul­lu. Aam­ma qatan­ngutit angutit ar­nal­lu aap­paqan­ngitsor­pas­suit ilagiin­niip­put. Aap­paqan­ngitsut taak­ku qanoq isigin­nit­taaseqarfigis­savavut? Jiisusip isigin­nit­taasiatut isigin­nit­taaseqas­saagut. Taan­na nunamiin­nermini aap­paqan­ngilaq. Im­minut sulias­siis­sutigineqar­toq pif­fis­sani tamaat atorlugu aal­lup­paa. Aap­par­taar­nis­saq aap­par­taan­ngin­nis­sarluun­niit piumasarin­ngilaa. Oqar­porli kristumiut ilaat aap­par­taar­niar­natik aalajangerumaar­tut. (Matt 19:12) Jiisusip aap­paqan­ngitsut ataq­qivai. Isumaqan­ngilaq aap­paqan­ngitsut inuunermin­ni amigaateqarlutil­lu aap­palin­nit nalikin­nerusut. Jiisusitut apustili Paulusi kif­far­tor­nermi nalaani aap­paqan­ngilaq. Paulusip kristumiut aap­par­taar­tut eq­qun­ngitsulior­neran­ngilai. Nalun­ngilaa inuup taman­na nam­mineq aalajangigas­sarigaa. w20.08 28 § 7-8

Apustili Johan­nesi inuuneq­qor­tul­lunilu misigisar­pas­suaqar­poq. Up­per­nik­kut san­ngiil­lis­sutigisin­naasaminik ajor­nar­torsiuteqar­tarsimavoq. Jiisusil­li peq­qus­sutigisai, ilaatigut up­peqatinik asan­neq­qusinera, sapin­ngisamik maleruar­niar­tar­pai. Taamaat­tumik Jehovamit Jiisusimil­lu asaneqar­nini aam­ma an­nikil­liuuteqar­nermini nakus­satsin­neqarumaar­nini Johan­nesip qularutigin­ngilaa. (Joh 14:15-17; 15:10) Saatanip inuil­luun­niit naalak­kersuif­figisaasa Johan­nesi asan­nit­tuliun­ngitsoor­tis­sin­naan­ngilaat. Johan­nesitul­li Saatanip, silarsuup matuma guutiata uumis­suisup, pis­saaneqarfigisaani inuuvugut. (1 Joh 3:1, 10) Up­peqatitsin­nik asan­nik­kun­naarsin­niaraluar­paatigut, periarfis­sin­ngik­kutsiguli iluatsis­san­ngilaq. Qanor­toq up­peqatitsin­nik asan­nin­nis­sar­put, aam­ma tamatumin­nga oqaatsik­kut iliuutsik­kul­lu ersersitsisar­nis­sar­put, aalajangiusimaan­nar­tigu. Taamaaliorut­ta Jehovap ilaqutariis­sor­taanut ilaas­saagut, inuunerlu pil­luar­nangaas­saaq. – 1 Joh 4:7. w21.01 13 § 18-19

Silarsuarmi matumani Saatanimit aqun­neqar­tumi inuuneq imaan­naan­ngitsuuvoq, al­laal­lu ilaan­nik­kut ar­torsin­neqar­tar­pugut. (2 Tim 3:1) An­nilaangasariaqan­ngilagul­li. Jehovam­mi ajor­nar­torsiutigut nalun­ngilai. Neriorsuivoq ikior­neqar­tariaqaraangat­ta ikiorlutalu nakus­satsik­kumal­luta. (Es 41:10, 13) Up­peril­luin­nar­par­put Jehovap ikiorumaaraatigut Biibililu qanorluun­niit ajor­nar­torsioraluarut­ta piner­tusaar­nis­samut nakus­satsis­sutigisin­naal­lugu. Isigin­naagas­siaatitsin­ni tusar­naagas­siaatitsin­nilu aam­ma al­laaserisani ataqatigiin­ni “Up­persusiat maliguk”-mi oqalut­tuat Biibilimeersut takorlooruminarsar­neqar­put. Taak­kunin­nga isigin­naalin­ngin­nin­ni, tusar­naalin­ngin­nin­ni atualin­ngin­nin­niluun­niit Jehova qin­nuigiuk iluaqutigisin­naasan­nik nas­saar­nis­san­nik ikioq­qul­lutit. Takorlooruk il­lit pineqar­tutit. Jehovap kif­fai aalajaatsut susimanerat ajor­nar­torsior­nermin­nilu Jehovamit ikior­neqar­nerat eq­qarsaatigeq­qis­saaruk. Taava ilik­kak­katit maleruak­kit. Jehovamit ikior­neqareer­nerit pil­lugu qutsavigiuk. Al­lanil­lu qiim­mas­saanis­samut ikiuinis­samul­lu periarfis­sarsior­tar­nik­kut il­lit ikior­neqar­nin­nik qujamasuutigin­nin­nerit ersersit­taruk. w21.03 19 § 22-23

Aap­pariiugus­si meerar­taarusut­tut apeq­qutit uku eq­qarsaatigisigit: ‘Maniguut­tuuvugut anersaak­kul­lu it­tunik pingaar­titsisuul­luta? Jehovap meeq­qamik inoorlaamik erlin­nar­tumik isumagin­nit­tus­satut toq­qarusus­savaatigut?’ (Tuss 127:4) Meeraqaruit uku eq­qarsaatigik­kit: ‘Meerara sulil­luar­nerup pingaaruteqar­neranik ilin­niar­tip­para?’ (Oqal 3:12, 13) ‘Meeq­qak­ka timik­kut ileq­qus­satigul­lu navianar­tunut sapin­ngisan­nik il­lersor­pak­ka?’ (Uss 22:3) Meeq­qatit ajor­nar­torsiutaasin­naasunut tamarluin­nar­nut il­lersorsin­naan­ngilatit. Taamaalior­toqarsin­naan­ngilarmi. Ajor­nar­torsiutaasin­naasunul­li piareersimasin­naaq­qul­lugit Guutip oqaasiani siun­nersuutis­sarsior­tar­nis­samut asan­nit­tumik ilin­niar­tit­tuarsin­naavatit. (Uss 2:1-6) As­sersuutigalugu ilaqutaasut ilaat Jehovamut pal­lorfigin­nik­kun­naar­pat Guutip oqaasia atorlugu Jehovamik ilumoorfigin­nit­tuar­nerup pingaaruteqar­neranik meeq­qat ilin­niar­tis­sin­naavat. (Tuss 31:24) Asasamil­luun­niit toqusoorus­si aliasun­nerup naam­magalugu ator­neqarsin­naanera qanorlu eq­qis­sisoqarsin­naasoq Guutip oqaasia atorlugu takutiguk. – 2 Kor 1:3, 4; 2 Tim 3:16. w20.10 27 § 7