Apriili

Jiisusip kajumil­luni inuunini uagut pil­luta pil­liutigigamiuk asan­ningaar­nini ersersip­paa. (Joh 15:13) Jehovap Jiisusillu uagutsin­nut asan­nit­tuliungaar­nerat pil­lugu uter­titsivigisin­naan­ngik­kaluarlugit qujamasun­ner­put inooriaatsitsigut ullut tamaasa ersersis­sin­naavar­put. (Kol 3:15) Tanitat uter­titsis­sut siunis­samut nuan­neqisumik neriuuteqalis­sutigisar­tik pingaar­tingaar­paat. (Mat 20:28) Kristusip pil­liutaanik upperin­nin­nerat pis­sutigalugu Jehovap naaper­tuil­luar­tuutip­pai qitor­navis­siar­taaralugillu. (Rom 5:1; 8:15-17, 23) Aam­mat­taaq savat allat uter­titsis­sut qujamasuutigaat. Kristusip pil­liutaa upperigamikku Guutimit minguitsuutin­neqar­put annikil­lior­nar­torsuarmilu aniguinis­samik neriuuteqarlutik. (Saqq 7:13-15) Tanitat savallu allat uter­titsis­sum­mik qujamasuutigin­nin­ner­tik ukiut tamaasa eqqaaniaaqataanermik­kut ersersit­tar­paat. w22.01 23 § 14-15

Jiisusip Guutimik mitaatigin­nit­tutut – tassa Guutimit taas­sumalu aqqanik ataq­qin­nin­ngitsutut – eqqun­ngitsumik unnerluun­neqarluni toqutaasus­saanini isumakuluutigingaar­paa. (Mat 26:64-66) Tamanna artorsaatigingaaramiuk neriuk­kaluar­poq taamatut kan­ngunarsagaanis­sani Ataatami akueris­san­ngik­kaa. (Mat 26:38, 39, 42) Jiisusi nap­pak­kamut nivin­ngar­neqar­tariaqar­poq juutit perloq­qusaaneran­niit aniguisik­kumal­lugit. (Gal 3:10) Juutit perloq­qusaap­put Guutip inatsisaanik maleruaaniarlutik neriorsuisimagaluarlutik maleruaan­ngin­namik. Tamatuma saniatigut ajorti Adamimiit kingor­nus­simagamikku toqusus­saagaluar­put. (Rom 5:12) Guutip inatsisaani allas­simavoq inuk ajor­tulior­toq toqumik pil­lar­neqas­sasoq toqoreer­pallu timaa nap­pak­kamut nivin­ngar­neqarsin­naasoq. Aamma allas­simavoq inuk ‘qisum­mut nivin­ngagaasoq Guutimit perloq­qusaasoq’. (Mos 5. 21:22, 23; 27:26) Tassa Jiisusi nap­pak­kamut nivin­ngar­neqarami juutit perloq­qus­sutis­saraluat imminerminut tutsip­paa tamatuman­nga aniguisin­naalersil­lugit, Jiisusimillu ajat­tuisimagaluarlutik pil­liutaa iluaqutigisin­naaler­paat. w21.04 16 § 5-6

Jiisusip nunarsuarmi ulloq kingul­leq inuuf­figisaa takorlooriaruk. Romamiut sak­kutuuinit peq­qar­niitsumik unatar­neqar­poq. Naak inngiler­pas­suar­nut ikior­tis­sarsiorsin­naagaluarluni taamaaliun­ngilaq. (Mat 26:52-54; Joh 18:3; 19:1) Iperar­tor­neqarami tunua aagin­nan­ngorluni ammar­titer­poq. Taamaak­kaluar­torli paak­karut oqimaatsoq nam­mak­kiutsin­neqar­poq. Jiisusip paak­karut taanna toqutaaf­fis­saminukaal­lugu ilungersoqaluni unialer­paa. Sivitsun­ngitsorli Romamiut sak­kutuuisa angut isigin­naar­tut ilaat pin­ngitsaalil­lugu Jiisusip nam­mataanik nam­matsiler­paat. (Mat 27:32) Toqutaaf­fis­saanut apuuk­kamik Jiisusip isigai assaalu paak­karum­mut kikiat­tuler­paat. Nap­pak­kamiitil­luni Jiisusip kikiat­tor­neqarfim­migut ikii alliar­tuin­nar­put. Eqqaani anaanaa ikin­ngutaalu aliasungaar­put, juutilli siut­tuisa Jiisusi mitaatigaat. (Luk 23:32-38; Joh 19:25) Jiisusi akun­ner­pas­suit naal­liup­poq. Uum­mataa puaalu ilungersor­nerujar­tor­til­lugit anersaar­tor­nera ajor­narsigalut­tuin­nar­poq. Jiisusip aalajaas­simanini nalun­ngilaa, toqun­ngitsiarlunilu naggam­mik qinuvoq. Taava niaq­quni sikitip­paa aner­ningerlunilu. (Mak 15:37; Luk 23:46; Joh 10:18; 19:30) Jiisusi sivisuumik anniar­tin­neqareerluni kan­ngunarsaataasumik toqutaavoq. w21.04 16 § 4

Jiisusip isumaqatigiis­sut nutaaq aamma Kun­ngeqarfim­mik isumaqatigiis­sut apustilinut aalajaatsunut aqqanilin­nut eqqar­tor­pai. (Luk 22:20, 28-30) Isumaqatigiis­sutit marluk taakku pis­sutigalugit apustilit allallu amerlan­ngitsut qilammi kun­ngin­ngor­nis­saat palasin­ngor­nis­saallu ajor­narun­naarsin­neqar­poq. (Saqq 5:10; 14:1) Tanitat kingulerut­tut kisimik isumaqatigiis­sutinut marlun­nut taak­kunun­nga ilaagamik eqqaaniaanermi iffiaq-qaqor­tumik viin­nimillu ilangiisar­put. Jehovap tupin­nangaar­tumik neriuutis­sis­simavai. Taakku 144.000-nik amerlas­suseqar­tut toqujuitsuul­lutik aserujuitsuul­lutillu Jiisusi Kristusi makititaasimasoq qilammi naalak­kersueqatigis­savaat. Aamma Jehovap Guutip saavani kif­far­tus­sap­put. Ila tupin­nangaarami! (Kor 1. 15:51-53; Joh 1. 3:2) Tanitat nalun­ngilaat toqunis­sar­tik tikil­lugu aalajaat­tariaqarlutik. – Tim 2. 4:7, 8. w22.01 21 § 4-5

Pinerlut­tut marluk Jiisusip saniani nap­pak­kani anniar­titaaf­finni kikiat­tugaap­put. (Luk 23:40, 41) Aap­paata Jiisusi ima oqarfigaa: “Jiisusi, Kun­ngeqarfin­nut piguit eqqaaginga.” (Luk 23:42) Jiisusip Ataatani nal­lit­tuisuusoq nalun­ngin­namiuk pinerlut­toq toqulersoq neriuutis­sip­paa. (Tuss 103:8; Hebr 1:3) Ajor­tuliagut ilumoorluta peq­qis­simis­sutigigutsigit Jiisusillu pil­liutaa tun­ngavigalugu isumak­keerfigineqar­nis­sar­put upperil­luin­narutsigu Jehovap nal­lit­torlutalu isumak­keerfigerusungaas­savaatigut. (Joh 1. 1:7) Ilaasa immaqa Jehovamit isumak­keerfigineqarsin­naanis­sar­tik upperiuminaatsip­paat. Illit ilaan­nik­kut taamatut misigisaruit una eqqarsaatigiuk: Jiisusip toqun­ngitsiarluni pinerlut­tutut eqqar­tuun­neqareersoq upper­tun­ngorlaaq nal­lit­tor­paa. Pal­lorfigin­nit­tut aalajaatsut annerusumik Jehovamit nal­lit­tor­neqas­san­ngin­ner­pat? – Tuss 51:3; Joh 1. 2:1, 2. w21.04 9 § 5-6

Jiisusi toqussi tikil­lugu aalajaat­tuarami arlalin­nik naam­mas­sisaqar­poq. Siul­ler­tut, upper­narsar­paa Saatani sal­lutuujusoq. Ersersip­paami inuk naam­mal­luin­nar­toq Saatanimit qanorluun­niit akerlilersor­neqaraluaruni aalajaal­luin­narsin­naasoq. Aap­paat­tut, Jiisusip inuunini uter­titsis­sutitut pil­liutigaa. Taamaaliormat inuit naam­mal­luin­nan­ngitsut Guutip isaani naaper­tuil­luar­tutut naatsorsuun­neqalerlutillu naas­saan­ngitsumik inuusin­naaler­put. Pingajuat­tut, Jehovap kisimi oqar­tus­saanerata eqqor­tuunera upper­narsarlugulu aqqa ataq­qinarsisip­paa. Aalajaat­tuarusun­ner­put ullut tamaasa ersersit­tuar­tigu! Taava toqus­sagaluarutta makititaanermi ima oqarsin­naas­saagut: “Jehova, sapin­ngisan­nik aalajaat­tuarsimavunga, Saatanip sal­lutuujunera upper­narsar­para, aamma illit atit iller­narsisil­lugulu kisivit oqar­tus­saaner­pit eqqor­tuunera upper­narsar­para.” w21.04 12 § 13-14

Jiisusi eqqun­ngitsumik unnerluus­saal­lunilu eqqar­tuus­saavoq. Aamma illaruaatigineqar­poq, peq­qar­niitsumik pineqar­poq nap­pak­kamullu anniar­titaaf­fim­mut assam­migut isik­kamigullu kikiat­tor­neqarluni. Anersaar­toraangami oqaluk­kaangamilu anniangaar­tar­poq. Pingaaruteqar­tunilli oqaasis­saqarami oqalut­tariaqar­poq. Jiisusip oqaasii kingul­liit ilin­niarfigingaar­pagut. Eqqaasin­neqar­pugut inoqatitsin­nik isumak­keerfigin­nit­tariaqar­tugut Jehovamillu isumak­keerfigineqar­nis­sar­put upperisariaqarip­put. Anersaak­kut ilaqut­tagut ikiuerusum­mata qujamasuutigeqaagut, ikior­neqar­tariaqar­ner­pulli nam­mineq oqaatigisariaqar­par­put. Nalun­ngilar­put qanorluun­niit nalaataqaraluarutta piner­tusaarsin­naaq­qul­luta Jehovap ikiorumaaraatigut. Paasivar­pullu aalajaan­nitta ullut tamaasa ersersin­nis­saa pingaaruteqar­toq toqus­sagaluarut­talu Jehovamit makitin­neqar­nis­sar­put upperil­luin­nar­tariaqarip­put. w21.04 8 § 1; 13 § 17

Jiisusip tumai atuarutsigit naas­saan­ngitsumik inuusin­naas­saagut. Jiisusi angum­mit inuusut­tumit pisuumit aperineqarami qanoq naas­saan­ngitsumik inuuneqaler­toqarsin­naasoq ima akivoq: “Uan­nik malin­nit­tun­ngorit.” (Mat 19:16-21) Juutit kristusiunerminik upperin­nin­ngitsut ilaan­nut Jiisusi ima oqar­poq: “Savaatima … malit­tar­paan­nga. Inuunermik naas­saan­ngitsumik tunis­savakka.” (Joh 10:24-29) Jiisusi ilaaraangatsigu ilin­niar­titsis­sutigisaalu maleruaraangatsigit upperalugu ersersit­tar­par­put. Taamaaliorutta naas­saan­ngitsumik inuusin­naas­saagut. (Mat 7:14) Aatsaat Jiisusi ilisarisimagutsigu taas­suma tumai atuarsin­naas­savagut. (Joh 17:3) Jiisusi pil­lugu ilin­niar­tuarsin­naavugut – tassa pis­susii, eqqarsar­taasia najoq­qutas­siaalu pil­lugit paasisaqar­nerusariaqar­pugut. Sal­lusuis­sum­miin­nitta qanoq sivisutiginera apeq­qutaatin­nagu tamatta Jehovamik Jiisusimillu ilisarisiman­nin­neruler­tariaqar­pugut. w21.04 4 § 9-10

Apustilip Paulusip suli kristumiun­ngorani iliuuserisarsimasani artorsaatigisarsimas­savai. Allaal­lumi ajor­tulior­tar­tuni imminut ajor­ner­paanerar­poq, taman­nalu tupin­nan­ngilaq. (Tim 1. 1:15) Taamanik­kummi Paulusip kristumiut illoqarfin­niit illoqarfin­nut malersor­tar­pai, ilai par­naarus­saatit­tarlugit allallu toqutaatit­tarlugit. (ApS 26:10, 11) Qanoq misigisimas­sasoraajuk kristumioqatini inuusut­tun­nguaq taamaalior­nini pis­sutigalugu angajoq­qaaverus­simasoq naapis­simasuuguniuk? Ajorsimas­saqaaq. Paulusilli ajor­tuliani peq­qis­simis­sutigigaluarlugit nalun­ngilaa pereersut allan­ngor­tis­sin­naanagit. Kristusip uter­titsis­sutaata nalinga upperil­luin­narlugu ima allap­poq: ‘Guutip ajun­ngisaangaarfigim­manga apustiliuvunga.’ (Kor 1. 15:3, 10) Qanoq ilin­niarfigisin­naavar­put? Qulareqinagu Jiisusip illit pil­lutit toqunermigut Jehovamut qanit­tumik attaveqarsin­naalersik­kaatit. (ApS 3:19, 20) Jehovap maan­namiit iliuuserisagut pingaar­ner­paatip­pai, qanga kuk­kus­sutigisimasagut pin­nagit. – Es 1:18. w21.04 23 § 11

Jiisusip nalaani juuter­pas­suit Mis­siarsip toqunis­saa ilimagin­ngilaat, Allak­kanili Iller­nar­tuni ima siulit­tuuteqar­poq: ‘Inuunini toqumut tun­niuk­kamiuk inatsisinik unioq­qutitsisunut ilalius­saatip­poq. Kisianni amerlasuut ajor­tuliaat ersup­pai ajor­tulior­tullu sin­nerlugit pineqarluni.’ (Es 53:12) Taamaat­tumik juutit Jiisusip nalaani inuusut naak­kiun­nis­samin­nut pis­sutis­saqan­ngik­kaluar­put. Ullumik­kut ilumoor­tut paasiniar­tar­nerisigut upper­nik­kut naak­kiun­naveersaarsin­naavugut. Jiisusi qaq­qami oqaluutsiminik tusar­naar­tut mianersoq­qul­lugit oqar­poq tamanik ajor­tunik sal­luliuutigineqas­sasut. (Mat 5:11) Sal­luliuutit tamakku Saatanimeersuup­put. Akerlilersuisut taas­suman­nga sun­ner­neqarlutik ilumoor­tumik asan­nit­tut nikas­sarlugit sal­luliuutit siam­mar­ter­paat. (Saqq 12:9, 10) Akerlilersor­titta sal­luliuutaat itigar­tit­tariaqar­pagut. Sal­luliuutit tamakku qunulis­sutiginagillu upper­nik­kut san­ngiil­lis­sutigin­ngisaan­nar­tigit. w21.05 11 § 14; 12 § 16

Biibilimik ilin­niar­titat Jehovamik tatigin­niler­nis­saanik ikioruk. Jiisusi ajoqersuk­kaminut oqar­poq taakku Jehovamit asaneqaramik ikior­neqarumaar­tut. (Mat 10:19, 20, 29, 30) Aamma illit ilin­niar­titat Jehovamit ikior­neqar­tarumaar­neranik eqqaasit­taruk. Anguniagas­sai pil­lugit qinoqatigisar­neratigut Jehovamik tatigin­nilersis­sin­naavat. Franciszek Polenimi najugalik ima oqar­poq: “Biibilimik ilin­niar­titsisuma qin­nutimini anguniak­kakka eqqaakulasar­pai. Paasigakku ilin­niar­titsisuma qin­nutai Jehovap akisarai uangat­taaq ingerlaan­naq qinusaler­punga. Ataatsimiin­nerni ataatsimeersuar­ner­nilu peqataajumal­lunga sulif­fit­taan­niit freer­nis­samut aperisariaqaraangama misigisar­punga Jehovap ikior­taraanga.” Jehovap Biibilimik ilin­niar­titagut soqutigingaar­pai. Kif­fami ilungersorlutik inun­nik ilin­niar­titsinerat maluginiar­tar­paa, ilaatigullu tamanna pil­lugu asangaar­pai. (Es 52:7) Illit maan­nak­kor­piaq Biibilimik ilin­niar­titaqan­ngik­kaluarlutit oqaluus­sisar­tut allat Biibilimik ilin­niar­titsineranni ikiuun­nik­kut ajoqersugan­ngor­titsior­toqataasin­naavutit. w21.06 7 § 17-18

Biibilimik ullut tamaasa atuar­tar­nitsigut takutis­savar­put Biibili pingaar­til­lutigu. Taamaalior­nis­satsin­nut pif­fis­samik immik­koor­titsisariaqar­pugut. Biibilimik misis­sueq­qis­saar­tar­neq ileq­qulius­simagutsigu upperluar­tuujuarsin­naavugut. Silarsuarmi matumani ‘silatuut ilin­niarsimasul­lu’ assiginagit uagut upper­ner­put Biibilimik tun­ngaveqar­tip­par­put. (Mat 11:25, 26) Biibilimik misis­sueq­qis­saar­tar­nitsinni paasivar­put sooq silarsuarmi pis­sutsit ajorsigalut­tuin­nar­tut Jehovallu tamanna qanoq iliuuseqarfigiumaaraa. Taamaat­tumik upper­ner­put nakus­sas­sar­tuar­tigu inuillu sapin­ngisamik amerlaner­paat Pin­ngor­titsisitsin­nik upperin­niler­nis­saan­nik ikiorlugit. (Tim 1. 2:3, 4) Qilanaariuar­tigulu nunarsuarmiit­tut tamarmik Jehovamik unnersiutigin­nil­lutik ima oqar­taler­nis­saat: “Jehova Guuter­put pis­saasoq, suut tamaasa pin­ngor­tik­kak­kit … ataq­qineqar­tariaqar­putit.” – Saqq 4:11. w21.08 18-19 § 18-20

Utoq­qaaner­tat paarsisuugamik pisariaqaraangat siun­nersuinis­saq akisus­saaf­figaat. Atoriaan­naasunik, kajumis­sinar­tunik ‘nuan­naarutaasunil­lu’ siun­nersuiniar­tas­sap­put. (Uss 27:9, Testamentitoqaq) Utoq­qaaner­tat uppeqatitik asavaat. Ilaan­nik­kut navianar­torsioq­qajaasumut siun­nersuinermik­kut asan­nin­ner­tik ersersit­tar­paat. (Gal 6:1) Oqaloqatigin­ngin­neranili utoq­qaaner­tap apustilip Paulusip allaatigisimasai eqqarsaatigisariaqar­pai. “Asan­nin­neq naam­magit­tar­tuuvoq inus­siar­nersuul­lunilu. … Suut tamaasa naam­magalugit ator­tar­pai, upperisar­pai neriuutigisar­pai piner­tusaar­tuarlunilu.” (Kor 1. 13:4, 7) Utoq­qaaner­tap allas­simaf­fiit taakku eqqarsaatigeq­qis­saarunigit asan­nin­neq tun­ngavigalugu siun­nersuinis­sani qulak­kiis­savaa. Siun­nersor­neqar­tup utoq­qaaner­tamit asaneqar­nini misigiguniuk siun­nersuut akueriuminar­tin­nerus­savaa. w22.02 14 § 3; 15 § 5

Jehovap inngilit inuillu naam­mal­luin­nar­tutut pin­ngor­tip­pai. Inngilili, kingorna Saatanimik (“Akerlilersuisoq”) ilisimaneqalersoq, Jehovamut pikitsitsivoq. Adami Evalu pikitsitseqataaler­put. Aamma inngilit allat inup­pas­suillu taamaalior­put. (Juud 6) Jehovap asasaminit kil­luutigineqar­nini aliasuutigisimas­saqaa. Taamaak­kaluar­toq piner­tusaar­poq pikitsitsisullu peersitaanis­saasa tungaanut piner­tusaar­tuas­sal­luni. Taamanik­kus­samut ajor­tut pis­sutigalugit ilumoorfigin­nitsinilu piner­tusaar­tariaqarun­naas­sagamik nuan­naas­sap­put! Saatanip Jobi Jehovamullu kif­faasut aalajaatsut tamaasa nam­minis­sarsiorlutik Jehovamut kif­far­tor­nerar­pai. (Job 1:8-11; 2:3-5) Maan­namullu suli taamatut unnerluus­siuar­poq. (Saqq 12:10) Asan­nin­ner­put tun­ngavigalugu Jehovamut ilumoorfigin­nit­tuarutta misilin­neqar­nitsin­nilu piner­tusaar­tuarutta Saatanip sal­lutuujuneranik upper­narsaaqataas­saagut. w21.07 9 § 7-8

Inooriaasitsin­nik allan­nguinis­samut pimoorus­sinis­samut tun­ngatil­lugu apustilip Paulusip ilin­niar­tin­niarluta oqaaseq kimit­tooq ator­paa. Allap­poq kinaas­susitoqar­put ‘qisum­mut naal­liutsitsiviliamut kikiat­tuutis­sagip­put’. (Rom 6:6) Kis­saatigaar­put Kristusip maligas­siaata malin­nis­saa. Pis­susit iliuutsillu Jehovap uumigisai ileq­qoriun­naar­tariaqar­pagut. Aatsaat taamaaliorutta nalun­ngeqatigin­nis­suter­put minguitsuusin­naavoq, aamma naas­saan­ngitsumik inuunis­saq neriuutigalugulu nuan­naarutigisin­naavar­put. (Joh 17:3; Pet 1. 3:21) Jehovap najoq­qutas­siani uagut nuan­naar­tin­niaan­narluta naleq­qus­sar­navian­ngilai. Uagununa kinaas­suser­put taas­suma najoq­qutas­siaanut naaper­tuut­tun­ngorlugu allan­nguisus­saasugut. (Es 1:17, 18; 55:9) Imermut morsutsin­neqareeraluarlutit kis­saatipiluit akior­tuar­tus­saavatit. Jehovap ikiuinis­saa qin­nutigisaruk aamma ilin­nut tatiginak anersaaq iller­nar­toq tatigiuk. (Gal 5:22; Flp 4:6) Kinaas­susitoqatta peer­nis­saa ateq­qin­ngin­nis­saalu ilungersuutigalugu sulis­sutigiuar­tariaqar­par­put. w22.03 6 § 15-17

Jehovap neriorsor­paatigut kun­ngeqarfia sal­liutik­kutsigu naaper­tuil­luar­tumillu inooriaaseqarutta nerisas­satsin­nik, atisas­satsin­nik inis­satsin­nillu isumagiumaarluta. (Mat 6:33) Tamanna nalun­ngin­natsigu eqqarsar­naveersaar­tar­pugut silarsuarmi matumani pigisatigut neqeroorutigineqar­tut toq­qis­sisimatitsil­lutillu pil­lualivitsitsisin­naasut. Nalun­ngilar­put Jehovap piumasaatut ilior­nik­kuin­naq eqqis­sineq piviusoq misigisin­naagip­put. (Flp 4:6, 7) Sor­pas­suar­nik pisinis­samut akis­saqaraluarut­taluun­niit eqqarsaatigisariaqar­par­put pisiarerusutatta ator­nis­saan­nut ilumut pif­fis­saqar­nerluta nukis­saqar­nerlutalu. Pigisagut pingaar­tip­pal­laalersin­naavagut? Eqqaamajuk Guutip ilaqutariis­sor­taani sulias­sin­neqar­tugut. Taamaat­tumik allamut saasar­tin­naveersaar­tariaqar­pugut. Angut pigisaminik pingaar­titsival­laarami Jehovamut kif­far­torusun­ngitsoq – taamaalil­luni Jehovamit qitor­navis­siar­taarineqarsin­naanerminik annaasaqar­toq – assigerusun­ngilar­put! – Mak 10:17-22. w21.08 6 § 17

Biibilimik misis­suininni paasilis­savat Jehovap pis­susii Biibilimi allaatigineqar­tut pin­ngor­titarsuarmillu qimerluuininni paasisimasatit immin­nut naaper­tuut­tut. Jehova ilisarisimanerujar­tor­til­lugu piunera qulariun­naariar­tus­savat. (Mos 2. 34:6, 7; Tuss 145:8, 9) Aamma asanerulerlugulu ikin­ngutigil­luar­nerulis­savat. Upper­nerit pil­lugu oqaluus­sisarit. Oqaluus­sif­figisavimmi Guuteqar­nera apeq­quser­pagu qanorlu akis­sal­lugu nalugukku? Taava Biibililersaarutigut iluaqutigalugit allas­simaf­fin­nik tun­ngavilersuutigisin­naasan­nik ujarlerit. Aamma Nalunaajaasoqatin­nut ikioq­qusin­naavutit. Taamaalioreeruit oqaluus­sif­figisat uterfigalugu nas­suiaak­kiar­toruk. Taas­suma tusar­naarumap­patit tusar­naaruman­ngip­patil­luun­niit illit misis­suisimanerit upper­nerulis­sutigis­savat. w21.08 18 § 14-15

Jehovamit iluarisaajumal­luta nuan­naarutigisagut tamaasa taamaatit­tariaqan­ngilagut. (Oqal 5:18, 19) Nuan­narisat­tali ilaat unitsik­kusun­ngiin­narlugu Guutimut kif­far­tor­nermi iliuuseqar­nerunaveersaarutta assigis­savar­put angut Jiisusip assersuusiamini eqqaasaa, taas­sumami ilorrisimaarusuin­narluni Guutimik mianerin­nin­ngin­nini kuk­kus­sutigaa. (Luk 12:16-21) Ajor­nar­torsioraangatta ikioq­qul­luta qinusar­pugut qanorlu iliuuseqarfigisin­naanerlugu pilersaarusior­tarluta. (Uss 3:21) Jehovap amerlasuutigut pil­luaq­qusar­paatigut. Pil­luaq­qus­sutinik qujamasuutigin­nin­ner­put ersersis­sin­naavar­put Jehovap ataq­qinaatis­saanik sapin­ngisatsin­nik iliuuseqar­tar­nik­kut. (Hebr 13:15) Ilaatigut taamaaliorsin­naavugut kif­far­tor­nermi iliuuseqar­nerunik­kut, taman­nalu pil­luaq­quneqaatiginerus­savar­put. Ullut tamaasa ‘usser­tigu takul­lugulu Jehova ajun­ngitsuusoq’. (Tuss 34:9) Taava Jiisusitut ima oqarsin­naas­saagut: “Aal­lar­titsisima piumasaatut ilior­nis­sara sulias­siis­sutaanillu naam­mas­sin­nin­nis­sara nerisas­saraakka.” – Joh 4:34. w21.08 30-31 § 16-19

Saatanip makitasuun­ngor­tin­niarsaraatigut. Nalun­ngilaa makitasuun­ngorutta immisut ilis­sasugut naas­saan­ngitsumillu inuunis­samik neriuut annaas­sagip­put. Taamaat­tumik apustili Paulusi mianersoq­qusil­luni allap­poq inuk ‘pingaakujun­nermik makitalis­san­ngitsoq Diaavulutut eqqar­tuun­neqaq­qunagu’. (Tim 1. 3:6, 7) Arlar­put kinaluun­niit Jehovamut kif­far­tor­tun­ngorlaajugaluaruni ukior­pas­suar­niluun­niit kif­far­torsimagaluaruni makitasuun­ngorsin­naavoq. Inuit makitasuut nam­minis­sarsior­tuup­put. Saatanip nam­mineq piumasatsin­nik Jehovap piumasaanit pingaar­titsinerulersin­niarsaraatigut, ingam­mik ajor­nar­torsioraangatta. Assersuutigalugu sal­luliuutigineqar­nikuuit? Naaper­tuil­luan­ngitsuliorfigineqar­nikuuil­luun­niit? Jehova uppeqatitil­luun­niit pisuutik­kuk­kit Saatani nuan­naar­tis­savat. Diaavulup eqqarsar­tin­niarsaraatit ajor­nar­torsiutitit aatsaat aaq­qin­neqarsin­naasut Jehovap oqaatsimini siulersuineratut ilior­nak illit iluarinerusat­tut ilioruit. – Oqal 7:16, 20. w21.06 15 § 4-5

Pruf­fiiti Haggaji Jehovamit pingaarutilim­mik sulias­sin­neqar­poq. Babylonimut aal­larus­saaq­qasut Kr.in.si. 537-mi Jerusalemimut uter­tut Haggaji ilagigunar­paat. Pal­lorfigin­nit­tut aalajaatsut taak­kua Jerusalemimut apuuteq­qam­merlutik Jehovap illuata, tassa naalaf­fiata, tun­ngavia sanaler­paat. (Ezra 3:8, 10) Akerlilersor­neqaramilli sivitsun­ngitsoq nikal­lorlutik sanaar­tor­ner­tik unitsip­paat. (Ezra 4:4; Hagg 1:1, 2) Taamaat­tumik Jehovap Kr.in.si. 520-mi Haggaji peq­quaa taakku aal­lus­sil­luaq­qilersin­naaq­qul­lugit ikius­sagai naalaf­filiamin­nillu naam­mas­sin­nin­nis­saan­nik kajumis­saarlugit. (Ezra 6:14, 15) Juutit Jehovamut upperluar­neruler­nias­sam­mata Haggaji tusarliinis­samik sulias­sin­neqar­poq. Oqaatsit “Katersaarsuit Naalagaat”, tassa sak­kutoor­pas­suar­nut naalagaq Jehova, tup­pal­ler­narsimas­sap­put. Jehova inngiler­pas­suar­nut sak­kutuunut naalagaam­mat juutit ingerlal­luas­sagunik taanna tatigisariaqar­paat. w21.09 15 § 4-5

Ullumik­kut Jehovap Nalunaajaasui nunarsuaq tamak­kerlugu asaqatigiil­lutillu ataasioqatigiip­put. Upperisarsioqatigiit allat assiginagit nunanit kulturinillu assigiin­ngitsuneersuugaluarluta ilaqutariit­tut ippugut. Ataatsimiin­nitsinni ataatsimeersuar­nitsin­nilu asaqatigiin­ner­put misigisar­par­put. Taman­nalu pis­sutigalugu upperineruler­par­put Jehovap guutisioriaaser­put iluarigaa. (Joh 13:34) Biibilimi kajumis­saar­neqar­pugut asaqatigiin­ner­put attat­tuin­nas­sagip­put. (Pet 1. 4:8) Ilaatigut taamaaliorsin­naavugut isumak­keerfigeqatigiit­tar­nik­kut uppeqatit­talu naam­mal­luin­nan­ngitsuunerisa isiginiar­pal­laar­tan­ngin­nerisigut. Ilagiin­niit­tunut tamanut, allaat uagutsin­nik ajual­latsitsisimasunut, tuk­kor­tuuniar­tarlutalu inoroorsaar­niar­tar­pugut. (Kol 3:12-14) Taamatut asaqatigiik­kaangatta upper­narsar­tar­par­put tas­saasugut kristumiut ilumoor­tut. w21.10 22 § 13-14

Ilaajun­naarsitsineq ajor­tulior­tup allamik isumataar­nis­saminut iluaqutigisin­naavaa? Aap. Qatan­nguter­pas­suit uteraangamik oqar­tar­put ilaajun­naarsitaaner­tik qanoq ajor­tigisumik ajor­tuliorsimanermin­nik paasin­nin­nis­samin­nut, peq­qis­siminis­samin­nut Jehovamullu uteq­qin­nis­samin­nut iluaqutigisimal­lugu. (Hebr 12:5, 6) Assersuuteqariarta. Savanik paarsisup paasivaa savaatimi ilaat nap­parsimasoq. Nalun­ngilaa savat allat tunil­lan­neqas­san­ngip­pata sava nap­parsimasoq immik­koor­tit­tariaqarlugu. Savat ataatsimoorusut­tar­tuup­put, avis­saar­tin­neqaraangamillu eqqis­sisimajun­naar­tar­put. Savanik paarsisup sava nap­parsimasoq immik­koor­tik­kamiuk naak­kit­taatsuliorpa? Soorunami naamik. Nalun­ngilaa savap nap­parsimasup savaqatini tunil­las­sin­naagai. Savamik nap­parsimasumik immik­koor­titsinermigut savat allat nap­parsimaler­nis­saat pin­ngitsoor­tip­paa. w21.10 10 § 9-10

Qujamasuutigingaar­par­put nunarsuaq tamak­kerlugu ilaqutariin­nut asaqatigiit­tunut ilaaner­put. Kis­saatigaar­pullu sapin­ngisamik amerlaner­paat guutisioqatigilerumaaraatigut. Taamaat­tumik Jehovap innut­taanut Ataatatsin­nullu qilam­miusumut tusaamanerlugaatitsisumik iliuuseqar­naveersaar­tariaqar­pugut. Nutaarsias­samut nuan­nersumut kajungilersitsisin­naasumik pis­suseqarusut­tar­pugut. Ataatar­put qilam­miusoq naalat­taratsigu ilaan­nik­kut illaruaatigineqar­tar­pugut malersor­neqar­tarlutaluun­niit. Upperisatsin­nik allanut oqalut­tuar­nitsinni sapiis­suseerut­tutut misigigutta qanoq ilius­saagut? Jehovamit Jiisusimillu ikior­neqar­nis­sar­put ilimagisin­naavar­put. Jiisusip ajoqersuk­kani oqarfigai qanoq oqas­sanerlutik isumakuluutigis­san­ngik­kaat. Ima oqar­poq: ‘Oqaasis­sas­sin­nik ingerlaan­naq paasitin­neqar­tas­saasi. Ilis­simi kisissi oqalun­ngilasi, Ataatas­sili anersaava aqqutigalusi oqalus­saaq.’ – Mat 10:19, 20. w21.09 24 § 17-18

Mosesip illersor­neqar­neq qimarravim­mut assersuup­paa. (Tuss 90:1, Testamentitoqaq) Aamma toqun­ngitsiarluni tup­pal­ler­nar­tumik ima allap­poq: “Itsarsuarli Guutiusoq illit ineqarfigaat, talii nunami maani ittuin­nar­put.” (Mos 5. 33:27, Testamentitoqaq) Tassa Mosesip pivaa ‘Jehovap talii ittuin­nar­tut’ uagutsin­nik najum­min­nit­tuusut. Tamatuman­nga Jehova pil­lugu suna ilik­kar­par­put? Jehova qimarravigisaratsigu toq­qis­sisimavugut. Ilaan­nik­kulli nikal­lungagaangatta nuan­naaleq­qin­nis­saq ajor­nakusoor­tit­tar­par­put. Taamaak­kaangatta Jehovap qanoq ikior­tar­paatigut? (Tuss 136:23) Taliminik najum­mil­luta qaqeq­qin­nis­satsin­nut ikior­tar­paatigut. (Tuss 28:9; 94:18) Jehovamit ikior­neqar­nis­sar­put qularin­ngin­natsigu puiun­ngilar­put marlutsigut pil­luaq­qusaal­luta. Siul­ler­tut, sumiik­kaluarut­taluun­niit qimarravis­saqar­pugut toq­qis­sisimanar­tumik. Aap­paat­tullu, Ataatatta asan­nit­tup qilam­miusup asangaar­paatigut. w21.11 6 § 15-16

Jiisusip nalun­ngilaa ajoqersuk­kami naaper­tuil­luan­ngitsuliorfigineqar­nitik upper­nik­kut misilin­neqaatigis­sagaat. Piner­tusaarsin­naanias­sam­mata Jiisusip oqalut­tuaraa uil­lar­neq eqqar­tuus­sisumut naaper­tuil­luan­ngitsumut ikioq­qusaqat­taar­toq. Oqalut­tuaq tamanna Luk­karsimi allas­simavoq. Uil­lar­nerup qularin­ngilaa kimigiiseruni ikior­neqarumaarluni. Naggataatigul­lumi ikior­neqar­poq. Ilin­niutis­sar­taa suua? Eqqar­tuus­sisoq taanna assiginagu Jehova naaper­tuil­luar­tuuvoq. Taamaat­tumik Jiisusi ima oqar­poq: “Taavami Guutip toq­qak­kani ulloq unnuarlu imminut suaar­tar­tuar­tut … eqqor­tumik pineqar­nis­saat qulak­keerusus­san­ngin­ner­paa?” (Luk 18:1-8) Imalu nangip­poq: “Inuulli Ernerata tikiuk­kuni nunarsuarmi upper­neq taamaat­toq nas­saaris­saner­paa?” Naaper­tuil­luan­ngitsuliorfigineqar­nermi naam­magit­tar­nik­kut uniin­nan­ngin­nik­kullu ersersit­tariaqar­par­put uil­lar­ner­tut uppersuseqarluarluta. Upperluar­tuugutta qularutigis­san­ngilar­put Jehovap ikiorumaaraatigut. Aamma qinunerup sun­niuteqangaar­tar­nera upperisariaqar­par­put. w21.11 23 § 12; 24 § 14

Ilissi inuusut­tuususi, Jehovap najoq­qutas­siai sukan­ner­pal­laarsoraasigit? Saatanip taamatut isumaqalersik­kusup­paasi. Kis­saatigaa aqqutik­kut silit­tuk­kut nuan­nisar­pasil­lutik ingerlasut maluginias­sagisi. Isumaqalersik­kusup­paasi atuaqatisi inuillu inter­netik­kut takusasi nuan­nisar­nerujus­suusut aamma Jehovap najoq­qutas­siai nuan­naalivitsitsinatik kil­lilersuutaagin­nar­tut. Unali eqqaamajuk: Aqqutik­kut silit­tuk­koor­neq qanoq kinguneqas­sasoq Saatanip iser­tuuk­kusup­paa. (Mat 7:13, 14) Jehovalli paasitip­paatit aqqutik­kut amitsuk­kut ingerlajuaruit inuunerit qanoq nuan­ner­tigis­sasoq. – Tuss 37:29; Es 35:5, 6; 65:21-23. w21.12 23 § 6-7

Nalun­ngilar­put isumak­keerfigin­nin­neq eqqor­tulior­nerusoq. Immaqali taamaalior­nis­sar­put ajor­nakusoor­tis­sin­naavar­put. Apustili Petrusi ilaan­nik­kut taama misigisarunar­poq. (Mat 18:21, 22) Suut iluaqutigisin­naavagut? Siul­ler­tut, Jehova ilin­nik qanoq isumak­keerfigin­nit­tar­tigisoq eqqarsaatigeq­qis­saaruk. (Mat 18:32, 33) Taas­sumin­nga isumak­keerfigineqar­nis­sar­put pisas­sarin­ngik­kaluarip­put kajumil­luni isumak­keerfigisar­paatigut. (Tuss 103:8-10) Aam­mami uagut peq­quneqar­pugut ‘asaqatigiit­tariaqarluta’. Isumak­keerfigin­nis­sanerluta isumak­keerfigin­nis­san­ngin­nerlutaluun­niit nam­mineq aalajangigas­sarin­ngilar­put. Qatan­ngutitta isumak­keerfiginis­saat pisus­saaf­figaar­put. (Joh 1. 4:11) Aap­paat­tut, isumak­keerfigin­nik­kaangatta qanoq kinguneqar­tar­toq eqqarsaatigeq­qis­saaruk. Uagutsin­nik eqqun­ngitsuliorfigin­nit­toq nuan­naar­tit­tar­par­put, ilagiit ataasius­suseqar­tit­tar­pagut, Jehovamut ikin­ngutaaner­put illersor­tar­par­put imminullu oqilial­latsil­luta. (Kor 2. 2:7; Kol 3:14) Kiisalu isumak­keerfigin­neq­qusisoq, Jehova, qin­nuigiuk. Ilagiinni eqqis­seqatigiin­ner­put Saatanimit akor­nuser­neqar­teqinagu. (Ef 4:26, 27) Ilagiinni eqqis­seqateqar­tuarumal­luta Jehovamit ikior­neqar­tariaqar­pugut. w21.06 22 § 11; 23 § 14

Daavi inuunini annaak­kumal­lugu qimaavoq. Saulip Israelimi kun­ngiusup pis­saanil­lip toqun­niar­paa. Daavip nerisas­saaleqilerami illoqarfim­mut Nobimukarluni iffiat tal­limaan­naat qin­nutigai. (Sam 1. 21:2, 4) Kingusin­nerusuk­kut angutitanilu qaarusum­mut qimaap­put. (Sam 1. 22:1) Sooq Daavi taamatut atugaqalersimava? Daavi inun­nit nuan­narineqarmat sorsun­nermilu ajugaasarmat Saulip sin­ngagingaar­paa. Saulip aamma nalun­ngilaa Guutimut naalan­ngin­nami kun­ngiunini Jehovap tapersersorun­naarlugu Daavi kun­ngis­satut toq­qarsimagaa. (Sam 1. 23:16, 17) Saulili Israelimi kun­ngiugami sak­kutoor­pas­suaqarlunilu tapersersor­ter­pas­suaqar­poq, taamaat­tumik Daavi inuunini annaak­kumal­lugu qimaasariaqar­poq. Daavi pil­lugu Guutip piumasaa Saulip unitsis­sin­naasorivaa? (Es 55:11) Tamanna Biibilimi allas­siman­ngilaq, nalun­ngilar­pulli Sauli imminut navianar­torsior­tit­toq. Guutimut akerlilersuisut ajorsar­tuaan­nar­put! w22.01 2 § 1-2

Jiisusi oqaluus­sinermi aal­lus­sil­luar­poq. Jiisusip periarfis­sani tamaasa ilin­niar­titsinis­saminut ator­taramigit inun­nik asan­nin­nini takutip­paa. (Luk 19:47, 48) Taamaalior­nis­saminut suna kajumis­sis­sutigaa? Misigin­neqatigin­nin­nini. Ilaanni tusar­naarusut­tut amerlangaarmata Jiisusi ajoqersugaalu nerinerluun­niit ajuler­put. (Mak 3:20) Jiisusi aamma unnuak­kut oqaloqatigineqarumagami kajumil­luni oqaluus­sivoq. Jiisusimik tusar­naar­tut amerlanerit ajoqersugan­ngun­ngil­lat. Jiisusili taak­kunun­nga peq­qis­saarluni oqaluus­sivoq. Uagut­taaq kik­kut tamaasa nutaarsias­sanik nuan­nersunik tusar­naar­nis­saan­nut periarfis­sik­kusup­pagut. (ApS 10:42) Taamaaliorumal­luta immaqa oqaluus­seriaaser­put allan­ngor­tit­tariaqarsin­naavar­put. Pif­fis­sami iluarisatsinni oqaluus­siin­narata inuit naapin­nis­saat ilimanar­nerugaangat oqaluus­sisarsin­naajumal­luta naleq­qus­sar­tariaqar­pugut. Taamaalior­tarutta Jehovap iluaris­savaatigut. w22.01 17 § 13-14

Oqar­tus­saas­susil­lit inup­pas­suar­nit tatigiuminaatsin­neqar­tar­put. Pisuummi nuimasullu naalak­kersuisunit inatsisitigullu immik­kut illersugaak­kajup­put piitsullu ikiorumaneqar­piar­neq ajorlutik. Aamma upperisarsior­nik­kut siut­tut ilaat ajor­tulior­tar­put. Tamakku tamaasa pis­sutigalugit inuit ilaasa Guuti tatigiun­naarsimavaat. Taamaat­tumik Biibilimik ilin­niar­titar­put Jehovamik aamma peqatigiis­sor­taanik nunarsuarmiit­tunik tatigin­nin­nis­saanik ilin­niar­tit­tariaqar­par­put. Soorunami Biibilimik ilin­niar­titagut kisimiun­ngitsoq Jehovamik peqatigiis­sor­taanillu tatigin­nit­tus­saap­put. Aamma ukior­pas­suarni Nalunaajaasuusimagaluarut­taluun­niit Jehovap eqqor­tumik ilior­tuaan­nar­nera upperiuar­tariaqar­par­put. Ilaan­nik­kulli Jehovamik tatigin­nin­nis­saq saper­nar­nerusin­naasar­poq. w22.02 2 § 1-2