Juuli

Ilagiin­nut ilaajun­naarsitsineq Jehovap aalajangersagaanut ilaavoq. Taamatut oqaaq­qis­saarineq tamanut, aamma ajor­tulior­tumut, pitsaaner­paavoq. Ilagiin­niit­tut ilaat immaqa oqas­sap­put utoq­qaaner­tat aalajangigaat kuk­kusuusoq. Eqqaamajulli inuit taamatut oqar­tut ajor­tulior­toq pil­lugu nuan­niitsumik oqaaseqarusun­neq ajor­tut. Pisimasut ilaan­naat ilisimavagut. Taamaat­tumik silatusaar­nerus­saaq upperigutsigu utoq­qaaner­tat ilaajun­naarsitsinis­samik aalajangiinerminni najoq­qutas­siat Biibilimeersut maleruar­niarlugit aamma Jehova ‘eqqar­tuus­sis­sun­niarlugu’ sapin­ngisamin­nik iliuuseqarsimasut. (Nal 2. 19:6) Asasavit ilagiin­nut ilaajun­naarsin­neqar­neranik utoq­qaaner­tat aalajangigaan­nik tapersersuiguit taas­suma Jehovamut uter­nis­saminut immaqa iluaqutigis­savaa. Elizabeth ima oqar­poq: “Ernitta inersimasup attavigiun­naar­nis­saa assut saper­nar­tip­par­put. Jehovamulli uter­nermi kingorna nas­suer­poq ilaajun­naarsin­neqar­nis­saminik aalajangiineq eqqor­tulior­nerusoq. Kingusin­nerusuk­kut oqar­poq ilin­niarfigil­luarsimal­lugu.” w21.09 28-29 § 11-12

Uil­lar­neq qanoq misigisimasin­naasoq takorlooruk. Qular­nan­ngitsumik Jehovamut tunis­suteqar­nerorusus­simas­saaq. Sapin­ngisaminilli iliuuseqar­poq, tunis­sutigisin­naasani pitsaaner­paaq Jehovamut tunis­sutigaa. Jiisusillu nalun­ngilaa taas­suma tunis­sutaa Jehovap pingaar­tingaaraa. Tassa ilin­niutis­sar­taa pingaarutilik unaavoq: Pitsaaner­paaq tunis­sutigigaangatsigu, tassa uum­matik­kut tar­nik­kullu iluun­ngarluta kif­far­toraangatta, Jehovap iluarisar­paatigut. (Mat 22:37; Kol 3:23) Guutisior­nitsinni, ilaatigut oqaluus­siumal­luta ataatsimiigiarumal­lutalu, sapin­ngisatsin­nik iliuuseqar­tugut takugaangamiuk Jehova nuan­naar­tar­poq! Uil­lar­neq pil­lugu oqalut­tuamit ilik­kak­katit qanoq atorsin­naavigit? Nalun­ngisaqar­pit kif­far­tor­nini pil­lugu Jehovamit nuan­naarutigineqar­nerminik eqqaasin­neqar­tariaqar­tumik? Assersuutigalugu nalun­ngisaqar­pit qatan­ngum­mik arnamik utoq­qarmik oqaluus­sinis­saminut nukis­saqan­ngin­nini peq­qiil­lior­niniluun­niit pis­sutigalugu atorfis­saqan­ngitsutut misigisumik? w21.04 6 § 17, 19-20

Jehovap nalun­ngilaa silarsuatoq­qap qaqugor­piaq suujun­naarsin­neqar­nis­saa pitsaaner­paas­sasoq. Utaq­qisin­naas­suseqarmat inuit mil­lionil­lit nuan­naarutigeqisamin­nik Jehovamut ikin­ngutaalersin­naap­put pal­lorfigin­nilerlutillu. Taak­kua allaat naggatis­samut piner­tusaar­nerisa ersersis­savaat Jehovap utaq­qikatajuil­luni piner­tusaarsimanera eqqor­tulior­nerusoq! Saatani aliasutsitsil­lunilu naal­liutsitsigaluar­toq Jehova pil­luar­tuar­poq. (Tim 1. 1:11) Uagut­taaq utaq­qitil­luta pil­luar­tuarsin­naavugut. Ungasin­ngitsuk­kut Jehovap atini iller­narsisis­savaa, kisimi oqar­tus­saanini upper­narsas­savaa, ajus­suseq suujun­naarsis­savaa ajor­nar­torsiutitsin­niillu aniguisil­luta. Ataatatta qilam­miusup piner­tusaar­nera tup­pal­lersaatigalugu piner­tusaar­nis­sar­put aalajangiusimatigu! w21.07 13 § 18-19

Jiisusip nalaani inup­pas­suit Jiisusimik upperin­nik­kuman­ngil­lat. Ilaat isumaqar­put Jiisusi tas­saagin­nar­toq sanasup piitsup ernera. Aamma illoqarfik inun­nit pingaaruteqarsorineqan­ngitsoq Naazaretsi Jiisusip peroriar­torfigaa. Allaat Nathanaeli, kingusin­nerusuk­kut Jiisusimut ajoqersugan­ngor­toq, Jiisusi pil­lugu tusagaqaq­qaarami ima oqar­poq: “Naazaratsimit? Qanoq-aamma!” Immaqa siulit­tuut Mika 5:1-imi allas­simasoq eqqarsaatigisimasin­naavaa – tas­sanimi Mis­siarsi Betlehemimi, Naazaretsimiun­ngitsoq, inun­ngus­sasoq siulit­tuutigineqar­poq. Pruf­fiitip Esajap siulit­tuutigaa Jiisusip akeraasa Mis­siarsip eqqarlii kik­kuunersut paasiniarusus­san­ngik­kaat. (Es 53:8) Akerlilersuisut paasis­sutis­sanik misis­suisimasuugunik paasisimas­sagaluar­paat Jiisusi Betlehemimi inun­ngorsimasoq kun­ngillu Daavip kinguaarigaa. (Luk 2:4-7) Tassa Mika 5:1-imi siulit­tuutigineqar­tutut Jiisusi Betlehemimi inun­ngor­poq. Inuilli paasis­sutis­sat tamaasa tun­ngaviginagit Jiisusi pil­lugu isum­miaar­pal­laarsimap­put, taamaat­tumillu naak­kiup­put. w21.05 2-3 § 4-6

Siun­nersuutinik akuersiner­tik pis­sutigalugu pil­luaq­qusaasut Biibilimi oqalut­tuarineqar­put. Juubi eqqarsaatigiuk. Guutimik mianerin­nit­tuugaluarluni naam­mal­luin­nar­tuun­ngilaq. Atugarliungaar­nermini eqqun­ngitsumik isigin­nit­taaseqar­nini ersersip­paa. Taamaat­tumik Elihumit Jehovamillu siun­nersor­neqar­poq. Juubi qanoq qisuariarpa? Ima oqar­poq: “Uanga oqaluuserisimavakka paasin­ngisakka … Oqaaserisimasaraluakka tamaasa uter­tip­pakka peq­qis­simineralu takutil­lugu issumi arsanilu issial­lunga.” (Job 42:3-6, 12-17) Imminit nukarliunerusumit Elihumit siun­nersor­neqar­nini Juubip maleruaramiuk maniguut­tuunini ersersip­paa. (Job 32:6, 7) Maniguuk­kutta siun­nersor­neqar­ner­put akueris­savar­put, misigigaluarut­taluun­niit siun­nersor­neqar­tariaqar­nata siun­nersuisorluun­niit uagutsin­nit nukarliunerugaluar­pat. Tamat­tami anersaap inerititaanik inerititaqar­tuar­tariaqarlutalu nutaarsias­sanik nuan­nersunik oqaluus­sinitsinni ilin­niar­titsinitsin­nilu siumukar­tuar­tariaqar­pugut. w22.02 11 § 8; 12 § 12

Ilagiinni kinaluun­niit kisimiivit­tutut misigilin­ngin­nias­sam­mat eqqis­seqatigiin­neq asaqatigiin­nerlu tamatta siuarsar­tariaqar­pagut. (Joh 13:35) Oqaatsigut iliuutsigullu allanut sun­niuteqangaar­tar­put! Ilaqut­taminni Nalunaajaasutuaasut ilagiin­nit asaneqar­tutut qanoq misigiler­tis­sin­naavagut? Nutaat ikin­ngutigilerumal­lugit iliuuseqarit. Aal­lar­niutigalugu ilagiin­nut asan­nit­tumik tikil­luaq­qusin­naavatit. (Rom 15:7) Ikin­ngutigil­lualis­saguk­killi aamma soqutigin­nin­nermik ersersitsivigisariaqar­patit. Peq­qusiileqitin­ngik­kaluarlugit paasiniarsin­naavat qanoq ajor­nar­torsiuteqar­tut. Inus­siar­nersumik aperisak­kit akis­sutaallu tusar­naaq­qis­saarlugit. Assersuutigalugu sal­lusuis­sut qanoq ilik­karsimaneraat aperisin­naavatit. Eqqaamas­savalli ilaasa annis­suinis­sar­tik ajor­nakusoor­tis­sin­naagaat. Taamaat­tumik pin­ngitsaalil­lugit oqalutsin­niar­tas­san­ngilagut. w21.06 11 § 13-14

Paarsisoq ataaseq siulersor­tigalugu ataasioqatigiil­luta Jehovamut kif­far­tor­ner­put immik­kut pisin­naatitaaf­fip­put pingaar­tip­par­put. Atuak­kami Organiseret til at gøre Jehovas vilje-mi qup­per­neq 165-imi ima allas­simavoq: “Ataasioqatigiin­ner­put tamanna nam­mineq iluaqutigigakku ataasioqatigiin­nerup illersor­nis­saa pisus­saaf­figaat.” Taamaat­tumik “Jehovap uppeqatitsin­nut isigin­nit­taasiatut isigin­nit­taaseqar­niarluta ilungersor­tariaqar­pugut”. Jehovap isaani tamatta ‘min­nin­nguuvugut’ erlin­nangaar­tut. Aamma illit Jehova ilaarlugu uppeqatitit pingaar­tip­pigit? Taakku ikior­niarlugit isumas­sor­niarlugillu iliuutsitit tamaasa Jehovap maluginiarlugillu pingaar­tip­pai. (Mat 10:42) Uppeqatigut asavagut. Taamaat­tumik ‘qatan­nguter­put naak­kiutitin­naguluun­niit orlutik­kusun­ngilar­put’. (Rom 14:13) Uppeqatigut uagutsin­nit pingaar­nerusutut isigaagut uum­mam­millu pisumik isumak­keerfigerusul­lugit. Uagullu mamiatsajanaveersaarusup­pugut. “Taamaat­tumik sapin­ngisatsin­nik eqqis­seqatigiil­lutalu ineriar­tor­teqatigiitta.” – Rom 14:19. w21.06 24 § 16-17

Peq­qis­saarluta atuaq­qis­saar­tarutta siun­nersuutillu Guutip oqaasianeersut peqatigiis­sor­taaneersullu maleruar­tarutsigit pif­fis­sap ingerlanerani Kristusitut pis­suseqar­nerujar­tulis­saagut Guutilu ilisarisimanerulerlugu. Jiisusip Kun­ngeqarfik pil­lugu tusarlius­sap inuup uum­mataanut sun­niuk­kiar­tuaar­nera naatsiias­samut assersuup­paa. Ima oqar­poq: “[Karrit] put­tus­suut­tar­put naajar­tor­tarlutillu – taman­nali qanoq pisar­toq [siaruar­terisup] naluaa. Narsaat immini inerititaqariar­tuler­tar­poq – siul­lermik kanaar­tamik, taava karrip qalipaanik naggataatigullu karrimik ineris­simasumik.” (Mak 4:27, 28) Jiisusip ersersin­niar­paa inuup Kun­ngeqarfik pil­lugu tusarlius­samik akuersiar­torusaar­nera assigigaa naasup naajar­torusaar­nera. Assersuutigalugu Biibilimik ilin­niar­titagut Jehovamut qanil­liar­tor­til­lutik inuunermin­nik allan­nguisar­nerat malugisar­par­put. (Ef 4:22-24) Eqqaamasariaqar­par­pulli Jehova naajar­tor­titsisuum­mat. w21.08 8-9 § 4-5

Pigeriik­katsin­nik naam­magin­nin­neq angusin­naan­ngisatsin­nik kis­saateqar­tuar­nermiit nuan­naar­nar­neruvoq. Taamaat­tumik uagut nuan­naar­tuarumal­luta maan­nak­kut angusin­naasagut aal­lutsigit angusin­naan­ngisagut pin­nagit. Angoriik­kat ilumut nalerisimaarutigineqarsin­naap­pat? Inup­pas­suit taama isumaqan­ngil­lat, tamat­tami nutaanik anguniagaqarusut­tar­pugut. Angoriik­kagulli nuan­naarutigiuarsin­naavagut. Qanoq? Tamanna paasiumal­lugu Jiisusip talentit pil­lugit assersuusiaa Matiusi 25:14-30-mi atuar­neqarsin­naasoq misis­soruk kif­far­tor­nitsin­nilu angusimasagut qanoq nuan­naarutigisin­naanerlugit allaal­lumi qanoq nuan­naarutiginerulersin­naanerlugit eqqarsaatigalugu. w21.08 21 § 5-6

Jehovap ‘sequmisitaasut anersaak­kullu nikal­lorsimasut’ asangaar­pai. Tamatta, utoq­qaaner­taan­naan­ngitsut, uppeqatitsin­nik asanar­tunik qiim­mas­saaqataasin­naavugut. Ilaatigut taamaaliorsin­naavugut ilumoorluta soqutigin­nin­nermik ersersitsivigisar­nerisigut. Jehovap taakku qanoq asatiginerini paasitis­sagigut kis­saatigaa. (Uss 19:17) Aamma maniguut­tuunik­kut anneruniajuitsuunik­kullu uppeqatigut ikiorsin­naavagut. Imminut malugeq­qusaarusun­ngilagut taamaalior­nermi sin­ngalersitsisin­naam­mat. Pik­korif­figulli ilisimasagullu qiim­mas­saqatigiin­nis­samut atorusup­pagut. (Pet 1. 4:10, 11) Jiisusip malin­nitsiminik pin­nit­tar­nera ilin­niarfigil­luarsin­naavar­put. Inuit inuusimasut pingaar­ner­paar­taraat. Taamaak­kaluar­toq ‘saamavoq maniguul­lunilu’. (Mat 11:28-30) Oqaatsit assersuutillu paasiuminar­tut atorlugit ilin­niar­titsisar­poq tusar­tut tamarmik kil­litsis­sutigisaan­nik. – Luk 10:21. w21.07 23 § 11-12

Utoq­qaat siul­liul­lutit saaf­figalugit oqaloqatigisak­kit. Isigiarsulersimagaluarlutillu arriil­lisimagaluarlutik suli anersaak­kut nukit­tup­put, aamma Jehovamit ‘ajun­ngitsumik tusaamaneqar­put’. (Oqal 7:1) Jehovamit sooq pingaar­tin­neqar­tut eqqaamasaruk, ataq­qin­nin­nermillu takutitsivigiuak­kit. Taamaalioruit Elisa ilaas­savat, taas­sumami Elia qiman­niar­nagu pingasoriarluni kimigiiserfigaa. (Kng 2. 2:2, 4, 6) Utoq­qaat inus­siar­nersumik aperisar­nerisigut soqutigin­nin­nermik ersersitsivigisak­kit. (Uss 1:5; 20:5; Tim 1. 5:1, 2) Ima aperisin­naavatit: “Sal­lusuis­sutip nas­saarisimaneranut suna qularun­naas­sutigaajuk? Misigisatit suut Jehovamut qanin­nerulis­sutigaagit? Jehovamut kif­far­tor­ninni nuan­naar­tuar­nis­san­nut suut iluaqutigaagit?” (Tim 1. 6:6-8) Oqalut­tuaraangatalu tusar­naaq­qis­saar­tarit. w21.09 5 § 14; 7 § 15

Sapin­ngisamik oqaluus­sil­lutalu ilin­niar­titsigaangatta Guutimik asan­nin­ner­put ersersit­tar­par­put. (Joh 1. 5:3) Assersuuteqariarta. Sooq illumiit illumut oqaluus­sisaler­pit? Jehova asagakku. Oqaluus­sisaler­nis­salli annilaangaginikuun­ngivip­piuk? Ilimanan­ngilaq. Kasut­toq­qaaleravit qular­nan­ngitsumik pis­sangasimas­saatit. Taamaalior­putilli nalun­ngin­nakku Jiisusip tamanna sulias­siis­sutigigaa. Pif­fis­sallu ingerlanerani illumiit illumut oqaluus­sineq sungiuk­kiar­torsimas­sagunar­pat. Biibilimilli atuaq­qis­saaqateqar­nis­sat qanoq igaajuk? Eqqarsaatigiin­narluguluun­niit pis­sangaler­tar­pit? Taamaap­pat Jehovamut ikioq­qugit, qin­nuigiullu Biibilimik ilin­niar­titsinis­samik neqerooruteqar­nis­san­nut sapiis­susermik tuneq­qul­lutit. Taava ilin­niar­titsinis­samut kajumis­suseqar­nerulersis­savaatit. w21.07 3 § 7

Itsaq inus­siat kik­kun­nit pigineqar­nerat takuneqarsin­naatik­kumal­lugu uutarlugit nalunaaqutser­neqar­tar­put. Tamatumun­nga assingusumik nalitsinni inuit naatsorsuutigis­savaat kik­kut tamarmik assersuutaasumik qaamik­kut assam­mik­kul­luun­niit nalunaaquteqar­nis­saat. Piumasaris­savaat eqqarsar­taatsimik­kut iliuutsimik­kullu naalak­kersuisunik tapersersuinermin­nik ersersitsis­sasut. Naalak­kersuisunik tapersersuinik­kut assersuutaasumik nalunaaqutser­neqar­nis­sar­put akueris­savar­put? Nalunaaqutser­neqarusun­ngitsut ajor­nar­torsiorlutillu navianar­torsius­sap­put. Saq­qum­mersitani ima allas­simavoq: “Nalunaaqutser­neqarsimasut kisimik pisisin­naal­lutillu tuniniaasin­naap­put.” (Saqq 13:17) Guutilli innut­taasa nalun­ngilaat Saq­qum­mersitat 14:9, 10-milu eqqaaneqar­tutut nalunaaqutser­neqarsimasut qanoq pineqas­sasut. Taamaat­tumik nalunaaqutser­neqar­natik assam­minni ima allas­sap­pul­lusooq: “Naalak­kap pigisaa.” (Es 44:5) Jehovamik ilumoorfigin­nin­ner­put maanna nakus­satsit­tariaqar­par­put. Taamaaliorutta Jehovap pigisamisut akuererusus­savaatigut! w21.09 18 § 15-16

Kif­far­tor­ner­put naam­mas­sil­luarumal­lugu allanit siun­nersor­tit­tar­neq iluaqutigisin­naavar­put. Apustilip Paulusip oqaluus­seriaatsini ilin­niar­titseriaatsinilu Timotheusimut ingerlateq­qit­tar­pai, taamatullu allanut ilior­taq­qul­lugu kajumis­saar­paa. (Kor 1. 4:17) Uagut­taaq ilagiitsinni misilit­tagaqarluar­tut ilin­niarfigisin­naavagut. Aamma Jehovamut ikioq­qusariaqar­pugut. Oqaluus­siler­nerit tamaasa Jehovamut siulersoq­qusarit, anersaavami iller­nar­toq ikior­tigitin­nagu arlaan­nar­pul­luun­niit naam­mas­sisaqarsin­naan­ngilaq. (Tuss 127:1; Luk 11:13) Qinugaangavit qanor­piaq ikior­neqarusun­nerit oqaatigisaruk. Assersuutigalugu soqutigin­nit­tut tusar­naarusut­tullu angusin­naaq­qul­lugit Jehovamut ikioq­qusin­naavutit. Aamma atuaq­qis­saar­tar­nis­sar­put pif­fis­saqarfigisas­savar­put. Biibilimi allas­simavoq ‘Guutip piumasaa akuerisaalu ajun­ngitsoq naam­mal­luin­nar­torlu qulariun­naar­nias­sagip­put’. (Rom 12:2) Atuaq­qis­saaraangatta Guuti pil­lugu ilumoor­tut upperineruler­tar­pagut, taman­nalu oqaluus­sinitsin­nut sun­niuteqar­tar­poq. w21.05 18 § 14-16

Immaqa sapin­ngisan­nik ilior­taraluar­tutit qinusaraluar­tutillu Biibilimik ilin­niar­titat ilik­kak­kaminik maleruaaneq ajor­poq, taamaat­tumillu atuaq­qis­saaqatigiin­nersi unitsit­tariaqaler­pat. Imaluun­niit Biibilimik ilin­niar­titavit arlaan­naal­luun­niit Nalunaajaasun­ngorsiman­ngilaq. Imaappa Nalunaajaasun­ngun­ngin­neranut illit pisuusutit Jehoval­luun­niit oqaluus­sinerit pil­luaq­qusiman­ngik­kaa? Eqqarsaatigeriaruk qaquguk­kut Jehovap oqaluus­siner­put iluatsil­luar­tutut naliler­taraa. Jehovap ilungersor­ner­put piner­tusaar­ner­pullu maluginiar­tar­pai. Inuit qisuariar­nerat apeq­qutaatin­nagu eqiasuil­luta asan­nil­lutalu kif­far­toraangatta Jehovap iluatsit­tutut isigisar­paatigut. Paulusi ima allap­poq: “Guutimmi naaper­tuil­luar­tuugami puior­navian­ngilai iller­nar­tunik kif­far­tuus­sinis­sigut kif­far­tuus­siuar­nis­sigullu iliuutsisi aterminullu asan­nit­tulior­nersi.” (Hebr 6:10) Jehovap suliagut asan­nin­ner­pullu eqqaamasar­pai ilin­niar­titatsin­nik Nalunaajaasun­ngor­toqan­ngik­kaluaraangal­luun­niit. Taamaat­tumik Paulusip ullormut allas­simaf­fimmi allatai aamma ilin­nut tun­ngap­put. w21.10 25 § 4-6

Jiisusi ajoqersuk­kaminut inus­siar­nersuul­lunilu asan­nit­tuuvoq. Nalun­ngilaa ajoqersuk­kani assigiin­ngitsunik pigin­naaneqarlutillu atugaqar­tut. Taamaat­tumik tamaasa assigiim­mik akisus­saaf­filin­ngilai, aamma oqaluus­sinermi assigiin­ngitsunik angusaqar­tar­put. Tamarmilli immik­kut aal­lus­sil­luar­nerat Jiisusip pingaar­tip­paa. Jiisusip tamanna ersersip­paa talentinik assersuusiamini. Assersuusiami tamatumani naalak­kap inus­siaatini tamaasa immik­kut pigin­naanerat naaper­torlugu sulias­sip­pai. Inus­siat eqiasuitsut marluk assigiim­mik iluanaaruteqan­ngil­lat. Naalak­kalli assigiim­mik nersualaar­pai ima oqarluni: “Inus­siaq ajun­ngitsoq aalajaatsorlu, pik­koreqaatit!” (Mat 25:14-23) Jiisusi uagutsin­nut inus­siar­nersuul­lunilu asan­nit­tuuvoq. Nalun­ngilaa pigin­naanigut atuk­kagullu assigiin­ngitsuusut, uagullu sapin­ngisatsin­nik iliuuseqaraangatta nuan­naarutigisar­paa. Allanik pin­nit­tar­nitsinni Jiisusi ilaar­tariaqar­par­put. w21.07 23 § 12-14

Kun­ngi Daavi nal­lit­tuiuaan­nar­tan­ngilaq. Assersuutigalugu Nabalip Daavi angutitaalu nerisas­sanik tuniuman­ngim­magit Daavip tamanna kamaatigalugu Nabali inoqutaalu toqun­niarlugit aalajanger­poq. Nabalilli nulia, Abigajili, inus­siar­nersuuvoq naam­magit­tar­tuul­lunilu. Daavi naapigiarlugu nerisas­sanik tunivaa taamaalil­lunilu Daavip toqutsinis­saralua pin­ngitsoor­til­lugu. (Sam 1. 25:9-22, 32-35) Maluginiaruk Daavi kamaq­qaqaluni aalajanger­toq Nabali angutitaalu tamarmik toqun­neqas­sasut. Kingor­nalu Natanip assersuusiorfigim­mani oqar­poq angut pisooq toqumik pil­lar­neqas­sasoq. Daavili angutaam­mat asan­nit­toq paasiuminaatsik­kunar­par­put sooq taama sukan­ner­tigisumik eqqar­tuus­siniar­nersoq. Eqqarsaatigiulli Daavi taamanik­kut qanoq misiginersoq. Ajor­tuliani ilerasuutigai. Tassa sukangaval­laar­neq eqqar­tuus­seq­qajaanerlu anersaak­kut san­ngiil­lior­nermut ersiutaap­put. w21.10 12 § 17-18; 13 § 20

Ullormut allas­simaf­fim­mit paasivar­put Jehova, iller­nar­tuunermut maligas­saal­luar­ner­paaq, ilaarsin­naagip­put. Sutigut tamatigut iller­nar­tuusin­naavugut, iller­nar­tuusariaqar­pugullu. Naam­mal­luin­nan­ngitsuuner­put pis­sutigalugu tamanna ajor­nar­pasis­sin­naavoq. Apustili Petrusi kuk­kusaraluarluni maligas­siuim­mat paasivar­put iller­nar­tuusin­naal­luta. Inup­pas­suit inuk iller­nar­toq eqqarsaatigigaangamikku inuk qungujun­ngisaan­nar­toq, upperisarsior­palaar­tumik atisaqar­toq ilumoorsaar­pasit­torlu takorloor­tar­paat. Inuilli iller­nar­tut taamaat­tuun­ngil­lat. Jehovami iller­nar­tuusoq ‘Guutitut pil­luar­tutut’ taaneqar­poq. (Tim 1. 1:11) Taas­sumun­ngalu kif­far­tor­tut aamma ‘pil­luar­tutut’ taaneqar­put. (Tuss 144:15) Jiisusip immik­kuul­laris­sumik atisaqar­tut allanillu malugineqar­niaan­narlutik eqqor­tulior­tar­tut assuarai. (Mat 6:1; Mak 12:38) Kristumiut ilumoor­tut iller­nar­tuuneq paasiniaraangamikku Biibilimi allas­simasut tun­ngavigisar­paat. Qularin­ngilar­put Guuter­put asan­nit­tuusoq maleruarsin­naan­ngisatsin­nik peq­qus­suteqar­navian­ngitsoq. w21.12 2 § 1, 3

Guutip uagutsin­nut tun­nius­sar­pas­suisa anner­paar­taasa ilagaat taas­sumun­nga guutisiorsin­naaner­put. Jehovap ‘inas­sutaanik maleruaanik­kut’ ersersit­tar­par­put taas­sumun­nga asan­nil­luta. (Joh 1. 5:3) Jiisusi Ataatani sin­nerlugu peq­qusivoq ajoqersugan­ngor­titsis­sasugut taak­kulu imermut morsutsis­sagigut. (Mat 28:19) Aamma asaqatigeeq­quaatigut. (Joh 13:35) Jehovap inuit naalat­tut nunarsuaq tamak­kerlugu ilaqutariis­sor­taminut ilaalersit­tar­pai. (Tuss 15:1, 2) Inoqatin­nik asan­nit­tuugit. Jehovap pis­susiisa pingaar­nersaat tas­saavoq asan­nin­neq. (Joh 1. 4:8) Jehovap suli ilisarisiman­ngik­kitsinni asan­nit­tuliorfigaatigut. (Joh 1. 4:9, 10) Taanna ilaar­tar­par­put inoqatitsin­nut asan­nit­tulioraangatta. (Ef 5:1) Inoqatitsin­nik Jehova pil­lugu ilin­niar­titsineq asan­nit­tulioriaatsit pingaar­ner­paar­taasa ilagaat. (Mat 9:36-38) Taamaalioraangatta inoqatigut Jehovap ilaqutariis­sor­taanut ilaaler­nis­saan­nut periarfis­sit­tar­pagut. w21.08 5-6 § 13-14

Jiisusi Jehovamik qaman­nga pisumik asan­nik­kami taanna pil­lugu uagullu pil­luta pil­liuteqar­tar­poq. (Joh 14:31) Nunarsuarmiik­kal­larami inooriaatsimigut ersersip­paa inun­nik qanoq asan­nitsigaluni. Ullut tamaasa asan­nit­tulior­tarlunilu misigin­neqataasar­poq, allaat akerlilersor­neqaraluaraangami. Asan­nit­tulior­nerisa pingaar­nersaasa ilagaat inun­nik Guutip kun­ngeqarfianik ilin­niar­titsinera. (Luk 4:43, 44) Aamma inun­nit ajor­tunit naal­liutsitaanis­sani toqutaanis­sanilu akuerigamiuk Guutimik inun­nillu asan­nin­nini upper­narsar­paa. Taamaalior­nermigut naas­saan­ngitsumik inuunis­samik tamatsin­nut ammaas­sivoq. Ataatar­put qilam­miusoq, Jehova, asagatsigu taas­sumun­nga tun­niul­luin­nar­pugut imermullu morsutsin­neqarluta. Taamaat­tumik Jiisusi ilaarlugu inun­nik ajun­ngitsumik pin­nit­tar­nitsigut Jehovamik asan­nin­ner­put ersersit­tariaqar­par­put. Apustili Johan­nesi ima allap­poq: ‘Qatan­ngutiminik takusimasaminik asan­nin­ngitsup Guuti takusiman­ngisani asasin­naan­ngilaa.’ – Joh 1. 4:20. w22.03 10 § 8-9

Jehovamut pif­fis­samik atuiner­put nuan­naarutigigaluarlugu ajor­naatsuin­naaneq ajor­poq. Ulapit­taqaagummi taamaat­tumillu anersaak­kut sam­misaqar­nis­samut pif­fis­saarut­toorsin­naasarluta. Sulif­fip­put, ilaqutariinni akisus­saaf­figut allallu pisariaqar­tut pif­fis­sar­tor­nangaarmata qinunis­samut, atuaq­qis­saar­nis­samut eqqarsaatigin­neq­qis­saar­nis­samullu pif­fis­saqan­ngitsutut misigilersoorsin­naasar­pugut. Pif­fis­satsin­nik atorluaanis­samut aamma allat akor­nutaasin­naap­put. Mianersun­ngik­kutta pif­fis­saq Jehovamut qanil­liar­tor­nis­samut atorsin­naagaluarlugu assigiin­ngitsut immini ajor­tuun­ngik­kaluar­tut akor­nutigilersin­naavagut. Assersuutigalugu eqqis­sisimaar­nis­samut pif­fis­saqar­tariaqar­tar­pugut. Sukisaarsaarutilli ineriar­tor­nar­tuugaluil­luun­niit pif­fis­sar­torfigival­laarutsigit anersaak­kut tun­ngasunut pif­fis­saarutipal­las­sin­naavugut. Eqqaamasariaqar­par­put sukisaarsaarutit pingaar­ner­paan­ngim­mata. – Uss 25:27; Tim 1. 4:8. w22.01 26 § 2-3

Jehovap Israelik­kut inoqatimin­nik asan­nin­nis­saan­nik peq­qugamigit nunaq­qatitik kisiisa asas­sagaat pin­ngilaa. Aamma allamiut nunaminni najugaqar­tut asasus­saavaat. Tamanna Mosesimik allak­kat pingajui 19:33, 34-milu erseq­qis­sumik allas­simavoq. Israelik­kut allamiut ‘nunaq­qatimis­sut’ pis­sal­lugillu asasus­saavaat. Assersuutigalugu piitsut allamiullu karrinik naasoris­saasup narsaatimini qaangiin­nagaanik nak­kaasimasaanillu katersuisin­naatitaap­put. (Mos 3. 19:9, 10) Kristumiut aamma allamiunik asan­nit­tuusariaqar­put. (Luk 10:30-37) Nunarsuaq tamak­kerlugu nunasisor­pas­suaqar­poq, ilimanar­porlu ilaat najugaqarfivit eqqaani najugaqar­tut. Pingaaruteqar­poq taak­kua ataq­qin­nit­tumik pisar­nis­saat. w21.12 12 § 16

Maanna Jehovamit siulersor­tit­tarutta siunis­sami taas­suman­nga illersor­neqarsin­naaner­put upperinerulis­savar­put. Ataatsimeersuar­nis­saq najuuf­figiumal­lugu freersin­naanerluta imaluun­niit ataatsimiin­nerit tamaasa najuuf­figiumal­lugit oqaluus­sinerusin­naajumal­lutalu pif­fis­sani allani sulisarsin­naanerluta sulisitsisor­put aperis­sagutsigu Jehova upperfigalugulu tatigisariaqar­par­put. Imaas­sin­naavorli sulisitsisutta naameeraatigut soraarsil­lutalu. Taamaat­toqas­sap­palli Jehovap qiman­ngisaan­nas­sagaatigut pisariaqar­titatsin­nillu isumas­sorumaaraatigut upperis­savar­put? (Hebr 13:5) Pif­fis­saq tamaat kif­far­tor­tor­pas­suit pisariaqar­titsil­luin­nar­nerminni Jehovamit ikior­neqarsimaner­tik oqalut­tuarisin­naavaat. Jehova ilumoorfigin­nit­tuuvoq. Jehovamit ikior­neqar­taratta siunis­saq siooragisariaqan­ngilar­put. Guutitta piumasaa sal­liutit­tuarutsigu qiman­ngisaan­nas­savaatigut. w22.01 7 § 16-17

Utoq­qaaner­tanik tatigin­nin­ner­put qaquguk­kut saper­nar­nerusin­naasarpa? Ilaajun­naarsitaasoq qanigisarigutsigu immaqa isumakuluutigis­savar­put utoq­qaaner­tat pisimasunik paasiniaal­luarsimanersut imaluun­niit Jehova allatut naliliisimas­sanersoq. Eqqor­tumik isigin­nit­taaseqar­nis­satsin­nut suut iluaqutigis­savagut? Eqqaamasariaqar­par­put ilaajun­naarsitsisar­neq Jehovap aaq­qis­suus­sarigaa. Aaq­qis­suus­sineq taanna ilagiin­nut iluaqutaavoq, immaqalu aamma ajor­tuliorsimasup iluaqutigis­savaa. Ingasat­tumik ajor­tuliorsimasoq peq­qis­simin­ngitsoq ilaajun­naarsitaan­ngik­kuni qatan­ngutinut ajor­tumik sun­neeriaan­naas­saaq. (Gal 5:9) Tamatuma saniatigut ingasat­tumik ajor­tuliorsimanini paasin­ngitsoorsin­naavaa, aamma Jehovamit iluarisaaq­qilerumal­luni eqqarsar­taatsiminik ileq­quminillu allan­nguinis­saminut kajumis­suseqar­naviarunan­ngilaq. (Oqal 8:11) Qularis­san­ngilar­put utoq­qaaner­tat ilagiit minguitsuutin­nis­saanik akisus­saaf­fitsik pimooruk­kaat. w22.02 5-6 § 13-14

Siun­nersuut Biibilimik tun­ngavilik ingerlaan­naq akuerineqan­ngip­pat siun­nersuisoq utaq­qisin­naas­suseqarlunilu inus­siar­nersuusariaqar­poq. Siun­nersuutini ingerlaan­naq maleruar­neqan­ngip­pat utoq­qaaner­taq uumitsan­naveersaar­tariaqar­poq. Kisimiil­luni qinunermini utoq­qaaner­tap siun­nersuk­kani pil­luaq­qoq­qul­lugu, siun­nersuutip tun­ngavianik paasin­nis­sin­naaq­qul­lugu aamma siun­nersuutinik maleruaasin­naaq­qul­lugu Jehovamut qin­nus­sin­naavaa. Siun­nersor­neqar­toq siun­nersuutip eqqarsaatiginis­saanut pif­fis­saqar­tariaqar­poq. Utoq­qaaner­taq utaq­qisin­naas­suseqarlunilu inus­siar­nersuup­pat siun­nersor­neqar­tup siun­nersueriaaseq eqqarsaatigival­laar­nagu siun­nersuut akueriuminar­tin­nerus­savaa. Soorunami siun­nersuutit tamatigut Guutip oqaasianik tun­ngaveqar­tariaqar­put. Siun­nersuil­luarusul­lutalu siun­nersuutigut nuan­naarutaatik­kusup­pagut. – Uss 27:9. w22.02 18 § 17; 19 § 19

Misilin­neqar­nitsinni san­ngiis­sutit­taluun­niit akior­nis­saanut nukis­saqaq­qul­luta qinugutta immaqa neriuutigisatsitut ingerlaan­naq Jehovamit akineqar­navian­ngilagut. Sooq Jehovap qin­nutitta ilaan­nai ingerlaan­naq akisar­pai? Uum­mam­mit pisumik qin­nutigut upperluar­tuunitsin­nut ersiutaasutut isigai. (Hebr 11:6) Jehovap aamma paaserusut­tar­paa qin­nutigut piumasaalu naaper­torlugit iliuuseqar­nis­sar­put aalajangiusimanerip­put. (Joh 1. 3:22) Taamaat­tumik ileq­qupalaatsin­nik san­ngis­sutitsin­nil­luun­niit akiuun­nitsinni utaq­qisin­naas­suseqarlutalu qin­nutigut naaper­torlugit iliuuseqar­tariaqar­pugut. Jiisusip ersersip­paa qin­nutitta ilaat ingerlaan­naq akineqar­navian­ngitsut, ima oqarami: “Qinujuarussi tunineqas­saasi, ujarler­tuarussi nanisis­saasi kasut­tor­tuarus­silu ammaan­neqas­sal­lusi. Kinaluun­niimmi qinusoq tunineqar­tar­poq, kinaluun­niillu ujarler­toq nanisisar­poq, kinaluun­niillu kasut­tor­toq ammaan­neqas­saaq.” – Mat 7:7, 8. w21.08 8 § 1; 10 § 9-10

Pin­ngor­titsisoqar­neranik upper­nerit nakus­sas­sarumal­lugu Biibili misis­sor­tuar­tariaqar­pat. (Jos 1:8) Siulit­tuutit Biibilillu ataqatigiil­luin­nar­nera maluginiar­tak­kit. Taamaalior­taruit upperinerulis­savat asan­nit­tumik silas­soris­sumillu pin­ngor­titsisoqar­tugut uagutsin­nullu oqariar­tuutini Biibilimi allatsis­simagaa. (Tim 2. 3:14; Pet 2. 1:21) Biibilimi siun­nersuutit qanoq iluaqutaatiginerat maluginiar­taruk. Assersuutigalugu Biibilimi qangarsuarli erseq­qis­sar­neqar­poq aningaaserituut immin­nut amerlasuunik erloqis­sutis­sior­tar­tut. (Tim 1. 6:9, 10; Uss 28:20; Mat 6:24) Taamaat­tumik aningaaserituun­ngun­ngin­nis­samik siun­nersuut iluaqutaangaar­poq. Biibilimi najoq­qutas­sianik allanik illit iluaqutigisimasan­nik eqqaasaqarsin­naavit? Siun­nersuutit Biibilimiit­tut pingaar­tik­kutsigit Pin­ngor­titsisor­put asan­nit­toq kil­leqan­ngitsumillu ilisimas­suseqar­toq tatiginerulis­savar­put. (Jaak 1:5) Tamatuma kingunerisaanik nuan­naar­nerulis­saagut. – Es 48:17, 18. w21.08 17-18 § 12-13

Illit utoq­qaliar­toruit qularin­ngisaan­naruk Jehovap suliarisimasatit eqqaamagai. Oqaluus­sineq ilungersorlutit tapersersor­pat. Ilungersunar­torsior­taraluarlutit piner­tusaar­tuar­putit, Biibilimi najoq­qutas­sat maleruar­patit, Jehovap peqatigiis­sor­taani pingaarutilin­nik suliaqar­tar­putit allanillu ilin­niar­titsisarlutit. Jehovap peqatigiis­sor­taani allan­nguuter­pas­suar­nut sapin­ngisan­nik naleq­qus­sarsimavutit. Uppeqatin­nik tapersersuisar­putit pif­fis­sarlu tamaat kif­far­tor­tunik qiim­mas­saasarlutit. Ilumoorfigin­nit­tuugavit Jehovap asangaar­paatit. Neriorsor­paatit ‘imminut ilumoor­tut imminiigin­nas­sanagit’! (Tuss 37:28) Aamma ima oqar­poq: “Kis­sumias­savassi qeersuun­ngorserlusi.” (Es 46:4) Taamaat­tumik eqqarsaqinak utoq­qalisimagavit Jehovap peqatigiis­sor­taani pingaar­tin­neqarun­naarsimasutit. Pingaar­tin­neqangaar­putimmi! w21.09 3 § 4

Jehova asseqan­ngitsumik ilisimas­suseqarami nal­lit­tuisar­poq. Biibili naaper­torlugu ‘ilisimas­suseq pavan­nga pisoq nal­lit­tuingaar­tuuvoq ajun­ngitsunillu inerititaqarluni’. (Jaak 3:17) Jehovap nalun­ngilaa nal­lit­tuinini qitor­nami iluaqutigis­sagaat. (Es 49:15) Naam­mal­luin­nan­ngitsuugaluarluta Jehovap nal­lit­tuinera neriuuteqalis­sutigisin­naavar­put. Taamaat­tumik Jehova ilisimas­suseqangaar­tuugami pis­sutis­saqaraangami isumak­keerfigin­nit­tuar­tar­poq. Aam­mali qaquguk­kut nal­lit­tuis­san­ngin­nerluni naluneq ajor­paa. Ilisimas­suseqangaar­tuugami ajor­tulior­toq isigin­ngitsuusaar­neq ajor­paa. Taavami Guutip kif­faasa ilaata inuunerlun­niar­nini aalajangiusimaan­nar­pagu? Paulusi isumas­sarsisitaal­luni ima allap­poq: ‘Qatan­ngum­mik taaneqar­toq ilagisas­san­ngilarsi.’ (Kor 1. 5:11) Taamaat­tumik peq­qis­simiuman­ngitsut ilagiin­nit ilaajun­naarsitaasar­put. Qatan­ngutigut aalajaatsut illersor­niarlugit Jehovallu najoq­qutas­siai qutsis­sut malin­niarlugit ilaajun­naarsitsinis­saq pisariaqar­tar­poq. w21.10 9-10 § 7-8

Aningaasanik Jehovap peqatigiis­sor­taanut tunis­suteqaraangatta Jehova guutisiorfigisar­par­put. Israalik­kut Jehovamut sas­saraangamik pisin­naasatik naaper­torlugit tunis­suteqar­tar­tus­saap­put. (Mos 5. 16:16) Taamaalioraangamik anersaak­kut isumas­sor­neqar­ner­tik qujamasuutigalugu ersersit­tar­paat. Uagummi Jehovamik asan­nin­ner­put anersaak­kullu isumas­sor­neqar­nitsin­nik qujamasuutigin­nin­ner­put qanoq ersersis­sin­naavar­put? Ilaatigut taamaaliorsin­naavugut pisin­naasagut naaper­torlugit ilagiin­nut nunarsuarlu tamak­kerlugu sulinermut aningaasanik tunis­suteqar­nitsigut. Apustili Paulusi ima allap­poq: “Guutip piumasarigamiuk pigin­ngisat naaper­tor­nagit pigisalli naaper­torlugit tunis­suteqar­toqar­tas­sasoq kajumil­luni tunis­suteqar­neq pingaar­tumik iluaraa.” (Kor 2. 8:4, 12) Tunis­sutigut tamaasa, annikik­kaluar­tul­luun­niit, Jehovap iluarai. – Mak 12:42-44. w22.03 24 § 13

Utoq­qaaner­tat Jehovap innut­taasa annikil­liuutaat tamarluin­naasa aaq­qis­sin­naan­ngilaat. Jehovalli innut­tani qiim­mas­sar­niarlugit isumas­sor­niarlugillu utoq­qaaner­tat sapin­ngisamin­nik iliuuseqar­nis­saat kis­saatigaa. Utoq­qaaner­tat ulapit­tut taamaalior­nis­samin­nut qanoq pif­fis­saqarsin­naap­pat? Paulusip maligas­siaata ilaar­neratigut. Paulusi uppeqatiminik qiim­mas­saanis­saminut nersualaarinis­saminullu piareersimajuaan­nar­poq. Utoq­qaaner­tat Jehovap innut­taasa asan­nit­tumik inus­siar­nersumillu pisar­nerisigut Paulusi ilaarsin­naavaat. (Tes 1. 2:7) Paulusip uppeqatini asanerar­tar­pai oqarfigisarlugillu Jehovamit asaneqar­tut. (Kor 2. 2:4; Ef 2:4, 5) Ilagiin­niit­tut ikin­ngutigai peqatigisarlugillu. Isumakuluutini naam­mal­luin­nan­ngitsuuninilu pil­lugit oqalut­tuar­tar­nermigut ersersit­tar­paa uppeqatini tatigalugit. (Kor 2. 7:5; Tim 1. 1:15) Paulusilli nam­mineq ajor­nar­torsiutini pival­laar­nagit qatan­ngutini ikiorusut­tar­pai. w22.03 28 § 9-10