Aggusti

Ilimanar­poq Romamiut sak­kutuui assam­migut isik­kamigullu imminik kikiat­tuisut Jiisusip pigai. Jiisusi naaper­tuil­luan­ngitsuliorfigineqar­nini pis­sutigalugu narrutsas­simaaler­nanilu kamalin­ngilaq. (Pet 1. 2:23) Jiisusi ilaarlugu allanik isumak­keerfigin­neriaan­naasariaqar­pugut. (Kol 3:13) Inuit ilaasa, immaqa ilaqut­tatta, upperisar­put inooriaaser­pullu paasisin­naan­ngin­namik­kit akerlilersor­paatigut. Immaqa sal­luliuutigaatigut, allat isigitil­lugit nikanarsar­paatigut, Biibililersaarutaatigut aseror­ter­paat allaal­luun­niit nakuuserfiginiarluta sioorasaarluta. Narrutsas­simaaler­natali akerlilersor­tigut ilumoor­tumik Biibilimeersumik paasin­nis­sin­naanias­sam­mata Jehova qin­nuigisin­naavar­put taakku ikioq­qul­lugit. (Mat 5:44, 45) Ilaan­nik­kut, ingam­mik ajorluin­nar­tumik pineqarsimagutta, isumak­keerfigin­nin­nis­saq saper­nar­tis­sin­naavar­put. Narrutsas­simaalerut­tali kamalerlutalu imminut ajoqusiin­nas­saagut. (Tuss 37:8) Isumak­keerfigin­nin­niarluta aalajangeraangatta ajor­tumik pineqar­ner­put pis­sutigalugu narrutsas­simaar­niar­nata aalajanger­tar­pugut. – Ef 4:31, 32. w21.04 8-9 § 3-4

Asasavit ilaat ilagiin­nit ilaajun­naarsin­neqar­nikuua? Taamaap­pat aliasungaarsimas­saatit! Takorlooruk Jehova qanoq aliasutsigisimas­sasoq ilaqut­tami ilaan­nit, tassa inngilit ilaan­nit, tunun­neqarami! (Juud 6) Aamma aliasungaar­tarsimas­saaq innut­tami asasami, Israelik­kut, arlaleriarlutik pikitsitsif­figim­manni. (Tuss 78:41) Qularis­san­ngilat Ataatar­put qilam­miusoq asan­nit­toq aamma aliasut­tar­toq asasavit ilaat imminut kif­far­torun­naaraangat. Alianangaar­tumik nalaataqar­ninni paasil­luarsin­naavaatit. Misigin­neqataal­luni tup­pal­lersarlutillu pisariaqar­titan­nik isumagis­savaatit. Qitor­nap asasap Jehova qimak­kaangagu angajoq­qaajusut amerlanersaasa eqqarsaatigisar­paat qitor­nar­tik sal­lusuis­sum­miigin­narsin­naaq­qul­lugu iliuuseqar­nerusimasin­naagaluar­nerlutik. Qatan­ngut angut ima oqar­poq: “Imminut pisuutip­punga. Sin­nat­tupiluutigisar­para.” Qatan­ngut arnaq tamatumun­nga assingusumik nalaataqar­toq ima eqqarsarsimavoq: “Anaanatununa qanoq kuk­kus­suteqarsimasunga? Misigivunga ernerma Jehovamik asan­nin­nis­saanik ilin­niar­tin­nerani kuk­kus­suteqarsimal­lunga.” w21.09 26 § 1-2, 4

Isumaqar­toqar­poq Jehovap innut­tai Biibili pil­lugu ilin­niar­titsisin­naan­ngitsut teologiimik ilin­niarfimmi ilin­niar­nikuun­ngim­mata. Suulli eqqor­tuunersut paasiniar­tariaqar­paat. Lukasi iivangkiiliu ateqaatigisani allatsin­nagu taamaalior­poq. Tamaasa aal­laq­qaataan­niit sukumiisumik misis­sor­niarlugit aalajanger­poq. Allak­kaminik atuar­tus­sanut ersersik­kusup­paa Jiisusi pil­lugu tusarsimasaat tatiginar­tuusut. (Luk 1:1-4) Juutit Berøamiit­tut Lukasitut ilior­put. Jiisusi pil­lugu nutaarsias­sat nuan­nersut tusaq­qaaramik­kit Hebræerisut Allak­kat Iller­nar­tut misis­soq­qis­saar­paat tusak­katik ilumoor­nersut paasiniarlugu. (ApS 17:11) Aamma ullumik­kut inuit misis­sueq­qis­saar­tariaqar­put. Guutip innut­taanit ilin­niar­titsis­sutigineqar­tut Biibilimi allas­simasunut sanil­liut­tariaqar­paat. Aamma nalitsinni Jehovap innut­taasa oqalut­tuarisaanerat misis­sor­tariaqar­paat. Misis­sueq­qis­saar­tarunik isum­miuteriik­kanit tusatsiak­kanillu sal­loqit­tar­neqas­san­ngil­lat. w21.05 3 § 7-8

Ilagiis­sinni illit kina inoroorsaarfigisin­naaviuk? Uppeqatitta ilaasa ulluni aalajangersimasuni eqqaamaneqar­ner­tik nuan­naarutigingaar­tar­paat. Ilaasa ilaqut­tatik Nalunaajaasuun­ngitsut nal­liut­torsior­tut ilagis­sal­lugit ilungersunarisar­paat. Allat ulloq asasamik toquf­fia nal­liuk­kaangat artorsangaar­tar­put. Qatan­ngutit taamatut unam­miniagaqar­tut ilagiumagaangatsigit isumagerusul­lugit ersersit­tar­par­put. (Flp 2:20) Jehovap kif­faa kinaluun­niit kiserliorsin­naasar­poq. Puiun­ngisaan­nar­tiguli Jehovap qanor­piaq misiginer­put nalun­ngil­luin­naraa. Amerlaner­tigut uppeqatigut aqqutigalugit ikior­tar­paatigut. (Mat 12:48-50) Uagullu anersaak­kut ilaqut­tatsin­nik ikiuinitsigut Jehovamut qujamasun­ner­put ersersis­sin­naavar­put. Qanorluun­niit misigigaluarutta kisimiin­ngisaan­nar­pugut, Jehovammi najor­tuar­paatigut! w21.06 13 § 18-20

Jiisusip oqaluus­sif­figisaasa ilaat soqutigin­nin­ngil­lat, taamaat­torli isumal­luarluni oqaluus­siuar­poq. Nalun­ngilaami inuit sal­lusuis­sut qanoq pisariaqar­titsigigaat. Aamma sapin­ngisamik inuit amerlaner­paat upper­tun­ngor­nis­saan­nut ikiorusup­pai. Nalun­ngilaalu aal­laq­qaam­mut soqutigin­nin­ngitsut ilaat kingorna ajoqersugan­ngorumaar­tut. Jiisusip ilaqutaasa ilaat eqqarsaatigik­kit. Jiisusi ukiuni pingasuni affarmilu nunarsuarmi oqaluus­sim­mat ‘qatan­ngutaasa upperfigin­ngilaat’. (Joh 7:5) Makititaaneratali kingorna kristumiun­ngor­put. (ApS 1:14) Kik­kut Jehovamik Nalunaajaasun­ngus­sanersut naluar­put. Inuit ilaat aatsaat sivisuumik atuaq­qis­saareerlutik Jehovamut kif­fan­ngor­tar­put. Allaal­lumi tusar­naarusun­ngitsut pis­suseris­saar­ner­put isumal­luar­tuuner­pullu takul­lugu pif­fis­sap ingerlanerani ‘Guuti unnersiutigilersin­naavaat’. w21.05 18 § 17-18

Jiisusip nunarsuarmiitil­luni malin­nitsini marlun­nik sulias­sip­pai. Oqarfigai Guutip kun­ngeqarfia pil­lugu tusagas­saq nuan­nersoq oqaluus­sis­sutigis­sagaat, qanorlu taamaaliorsin­naanerat takutip­paa. (Luk 8:1) Assersuutigalugu inuit qisuariar­nerat naaper­torlugu qanoq ilior­tar­nis­saan­nik oqalut­tuup­pai. (Luk 9:2-5) Aamma siulit­tuutigaa inuian­nut tamanut oqaluus­sisoqarumaar­toq. (Mat 24:14; ApS 1:8) Malin­nitsini aamma oqarfigai soqutigin­nit­tut peq­qus­sutiminik tamanik maleruaanis­saan­nik ilin­niar­tit­tas­sagaat. Jiisusi oqar­poq suliaq taanna silarsuup naggatis­saanut allaat ingerlan­neqarumaar­toq. (Mat 28:18-20) Tamatuma saniatigut ajoqersuk­kami tamarmik Jehova pil­lugu allanik ilin­niar­titsisar­nis­saan­nik kis­saateqar­nini Johan­nesimut ersersip­paa. – Saqq 22:17. w21.07 3 § 3-4

Nalitsinni inup­pas­suit nam­minis­sarsiorlutik unam­mil­leqatigiit­tar­put. Assersuutigalugu sulif­fiutilik unam­mil­ler­timinit iluatsitsil­luar­nerujumal­luni soq­qusaatsumik periaaseqarsin­naavoq. Timersor­tar­tup ajugaajumal­luni unam­mil­ler­tini piaaraluni ajoqusersin­naavaa. Ilin­niar­torlu universitetimut tusaamasaal­luar­tumut ilin­niar­tutut tigusaajumal­luni peq­quserlut­tuliorsin­naavoq. Kristumiuugatta nalun­ngilar­put iliuutsit taamaat­tut eqqun­ngitsulior­nerusut. (Gal 5:19-21) Immaqali ilagiin­niit­tut ilaat piaarinaatsoor­nik­kut arlaatigut unam­mil­liler­toorsimap­put. Taamaat­toqan­ngin­nis­saa eqqumaf­figisariaqar­par­put, ilagiin­nimi unam­mil­ler­toqaler­pat qatan­ngutigiis­suarni avis­saar­tuut­toqalersin­naavoq. Taamaat­tumik pitsaas­saaq angutit arnallu Biibilip nalaani inuusut aalajaatsut imminut pingaar­tip­pal­laan­ngitsut sam­migutsigit. w21.07 14 § 1-2

Ilumoorfigin­nil­luta asan­nik­kutta nikal­lungasut ikiorusus­savagut. Ullumik­kut qatan­ngutit asan­nit­tut ilagiin­niit­tunik nikal­lungasunik isumatsaq­qasunil­luun­niit ikiuiuar­put. Uppeqatitik asavaat sapin­ngisamin­nillu ikiorusungaarlugit. (Uss 12:25; 24:10) Tamanna apustilip Paulusip kajumis­saarutaanut uunga naaper­tuup­poq: ‘Kimigiiserfigaassi isumatsaq­qasut tup­pal­lersaq­qul­lugit, san­ngiitsut tapersersoq­qul­lugit kik­kullu tamaasa naam­magit­tarfigeq­qul­lugit.’ (Tes 1. 5:14) Uppeqatigut nikal­lungasut tusar­naar­tar­nerisigut asan­nin­nermillu ersersitsivigisar­nerisigut pitsaaner­paamik ikiorsin­naavagut. Qularis­san­ngilat Jehovap savaatiminik ikiuisar­nerit maluginiar­taraa. Ussatit 19:17-imi ima allas­simavoq: “Piitsumik ikiuisoq Naalak­kamut taarsigas­sarsisitsisuuvoq, Naalak­kallu taarsiif­figis­savaa ajun­ngitsulior­nerata taamaaqataanik.” w21.11 10 § 11-12

Siunis­samut piareersar­niarluta maanna susin­naavugut? Naam­magin­nit­tuusariaqar­pugut Jehovamillu attaveqarsin­naaner­put nuan­naarutigingaarlugu. Guuter­put ilisarisimanerujar­tor­til­lugu upperinerulis­savar­put Gogimit Magogimeersumit saas­sun­neqalerutta taas­suma illersorsin­naagaatigut. Ullormut allas­simaf­fim­mit paasivar­put sooq Daavip Jehovamit ikior­neqar­nis­sani upperisin­naagaa. Daavip Jehova tatigisar­paa, taas­suman­ngalu pakatsisin­neqan­ngisaan­nar­poq. Inuusut­tuul­luni Goliati inorujus­suaq sorsut­tar­torsuaq filisteriusoq akiuleramiuk ima oqarfigaa: “Ullumi Naalak­kap uanga assan­nut tun­niup­paatit.” (Sam 1. 17:46) Kingusin­nerusuk­kut kun­ngimit Saulimit kif­far­torfigisaminit arlaleriarluni toqun­niar­neqar­taraluar­poq. Jehovalli Daavi ‘najor­tuar­paa’. (Sam 1. 18:12) Daavip sior­natigut Jehovamit ikior­neqarsimagami ajor­nar­torsior­nermini ikior­neqar­nis­sani qularin­ngilaa. w22.01 6 § 14-15

Jehova sugaluaraangamiluun­niit utaq­qisin­naas­suseqarlunilu tuaviuus­sineq ajor­poq. Taamaalior­nermigut atini ataq­qinarsisit­tar­paa allanullu iluaqutaatil­lugu. Assersuutigisin­naavar­put Jehovap nunarsuaq inun­nut piareersaramiuk sunik tamanik ataatsik­korsuaq pin­ngor­titsin­ngin­nera. Biibilimi allas­simavoq Jehovap nunarsuup “uut­tuutis­sai” aalajangerai, “sukai tun­ngaviusut” man­ngus­suuk­kai aamma “ujarak teqeq­qus­saq” inis­sik­kaa. (Job 38:5, 6) Allaat suliaminik eqqarsaatigin­nin­nis­sani pif­fis­saqarfigaa. (Mos 1. 1:10, 12) Takorloorsin­naaviuk Jehovap pin­ngor­titai amerliar­tor­til­lugit inngilit qanoq misigisimas­sasut? Pis­sanganarsimas­saaq! Allas­simavormi ‘niper­tik illugalugu qiim­mat­tar­tut’. Suna ilik­kar­par­put? Jehova ukiuni tuusintilip­pas­suarni pin­ngor­titsivoq, taava peq­qis­saarluni pin­ngor­tis­simasani qimerlooramigit takuaa “ajun­ngingaar­tut”. – Mos 1. 1:31. w21.08 9-10 § 6-7

Jiisusip talentit pil­lugit assersuusiaani angutip ungasis­sumut aal­lar­nialerluni kif­fani talentinik niuerutis­saan­nik tunivai. Siul­leq talentinik tal­limanik tunivaa, alla marlun­nik, allalu ataatsimik – tamarmik immik­kut pigin­naanerat naaper­torlugu. Kif­fat marluk siul­liit naalagar­tik talentinik amerlanerusunik pis­sarsis­suk­kumal­lugu ilungersorlutik sulip­put, pingajuatali talenti toq­qor­paa, taman­nalu pis­sutigalugu naalagaata soraarsip­paa. Kif­fat marluk siul­liit akisus­saaf­fitik pimoorup­paat. Naalagar­tik ilungersorlutik sul­lik­kamikku talentiutitik marloriaatin­ngor­tip­paat. Tamanna naalagaata nuan­naarutigalugu kif­fani akis­sarsisip­pai akisus­saaf­fim­mik annerusumik tunil­lugit. w21.08 21 § 7; 22 § 9-10

Jehova ullus­sani kingul­lerni mak­kunani utaq­qisin­naas­suseqangaarsimavoq. Kialuun­niit suujun­naarsitaanis­saa kis­saatigin­ngilaa. (Pet 2. 3:9) Kik­kut tamaasa allamik isumataar­nis­saan­nut periarfis­sip­pai. Utaq­qisin­naas­susiali kil­leqar­poq. Periarfis­sin­neqar­nermin­nik maangaan­nar­titsisut Faraotut Mosesip nalaani inuusutut misigisaqas­sap­put. Jehova Faraomut ima oqar­poq: “Assaga isatsil­lugu illit innut­tatillu toqoraataasumik nap­par­tis­simagaluarussi qangali nunap qaavanit piiagaareersimas­sagaluar­putit. Man­nali pil­lugu atatip­pak­kit: Pis­saanera ilin­nut takutik­kumagakku ateralu nalunaarutigineqaq­qugakku nunarsuarmi tamarmi.” (Mos 2. 9:15, 16) Inuit tamarmik paasis­savaat Jehova Guutiusoq ilumoor­tutuaq. (Ez 38:23) Sajutsitsineq ullormut allas­simaf­fimmi eqqaaneqar­toq ima paasisariaqar­poq Faraotut Jehovap kisimi oqar­tus­saas­susianik akuerin­nin­ngitsut piuneerus­saal­luin­nas­sasut. w21.09 18-19 § 17-18

Asasavit ilaat ilagiin­nut ilaajun­naarsin­neqar­nikuum­mat aliasungaar­pit? Taavami ilagiin­niit­tut ilaat misigis­sutsik­kut ajor­nerulersitsisumik oqaaseqar­pat? Ilimagisin­naan­ngilar­put kik­kut tamarmik eqqor­tumik oqaaseqar­tuaan­nas­sasut. (Jaak 3:2) Tamatta naam­mal­luin­nan­ngitsuugatta tupaal­laatigis­san­ngilar­put ilaasa qanoq oqar­nis­sar­tik nalor­nis­sutigip­pas­suk piaarinatil­luun­niit aliasulis­sutigisatsin­nik oqaaseqar­pata. Apustilip Paulusip siun­nersuutaa una eqqaamajuk: “Naam­magit­taal­lior­nis­samut pis­sutis­saqaraluarus­siluun­niit kamageqatigiit­tuarlusilu ilumoorlusi isumak­keerfigeqatigiit­tuaritsi.” (Kol 3:13) Ilaqutaasut aalajaatsut tapersersor­tuak­kit. Ingam­mik maanna asaneqar­nis­sar­tik qiim­mas­sar­neqar­nis­sar­tillu pisariaqar­tip­paat. (Hebr 10:24, 25) Ilaajun­narsin­neqarsimasumik ilaqutal­lit ilaat misigisimap­put aamma nam­min­neq ilagiin­niit­tut ilaan­nit peqatigineqarusuk­kun­naarsimal­lutik. Taamatut misigititserusun­ngilagut! Ingam­mik inuusut­tut meeq­qallu sal­lusuis­sum­mik qimatsisimasumik angajoq­qaal­lit nersualaar­neqar­tar­nis­sar­tik qiim­mas­sar­neqar­tar­nis­sar­tillu pisariaqar­tip­paat. w21.09 29 § 13-14; 30 § 16

Utoq­qaap inuusut­tullu oqaloqatigiin­ner­tik tamarmik immik­kut iluaqutigis­savaat. (Rom 1:12) Jehovap innut­taminik aalajaatsunik isumagin­nit­tar­nera inuusut­tup upper­narsis­savaa. Utoq­qaq asaneqar­tutut misigis­saaq, aamma Jehovamit pil­luaq­qusaasar­nini pil­lugu oqalut­tuarsin­naanini nuan­naarutigis­savaa. Qatan­ngutigut utoq­qaat aalajaat­tuar­ner­tik pis­sutigalugu Jehovamut erlin­nar­neruleralut­tuin­nar­put. (Tes 1. 1:2, 3) Sooq taamaappa? Guutimit ilusilersor­neqar­nermik­kut pis­sutsit ajun­ngitsut ineriar­tor­tis­simagamik­kit. Qatan­ngutigut taakku asanar­tut ataq­qinerulerlugillu ilisarisimanerujar­tor­til­lugit pingaar­tin­nerulis­savagut. Utoq­qaat inuusut­tullu immin­nut pingaar­teqatigiik­kaangata ilagiit ataasius­suseqar­neruler­tar­put. w21.09 7 § 15-18

Guutitsitut nal­lit­tuingaarluta sukan­ner­pal­laar­naveersaas­saagut. (Ef 2:4) Nal­lit­tuineq misigis­susiin­naan­ngilaq, allanilli ikiuinis­samut kajumis­sis­sutaasar­poq. Ilaqutatta, ilagiit inoqatit­talu pisariaqar­titaat maluginiar­tarsin­naavagut. Taamaalior­tarutta nal­lit­tuinis­samut periarfis­sar­pas­suaqas­saagut. Tup­pal­lersar­neqar­tariaqar­tumik nalun­ngisaqar­pugut? Ikior­tarialik nerisas­saanik pisinius­sin­naavar­put allatul­luun­niit ikiorlugu? Ilagiin­nut ilaalerseq­qin­neqarsimasoq ilagisar­neratigut qiim­mas­sarsin­naavar­put? Tusagas­sat nuan­nersut allanut oqaluus­sis­sutigisarsin­naavagut? (Job 29:12, 13; Rom 10:14, 15; Jaak 1:27) Nal­lit­tuinis­samut periarfis­sar­pas­suaqar­pugut. Taman­nalu eqqumaf­figalugu iliuuseqar­tarutta Ataatar­put qilam­miusoq, Guuti nal­lit­tuingaar­toq, nuan­naar­tis­savar­put! w21.10 13 § 20-22

Tus­siaat 23-mi Daavip pingaaruteqar­ner­paasut, tassa Jehovamit paarsiseqar­nerup pil­luaq­qus­sutisias­sar­tar­pas­sui, eqqaavai. Allap­poq Jehovap ‘ingerlatit­taraani aqqutaal­luar­tut atuar­til­lugit’ aamma pif­fis­sani atugaris­saarfiusuni atugarliorfiusunilu ikior­tuaraani. Daavip nalun­ngilaa Jehovap ‘narsaataani qorsuusuni’ inuugaluarluni ajor­nar­torsior­tas­sal­luni. Akeraqarsin­naal­lunilu ilaan­nik­kut nikal­lungasarsin­naavoq, soorlu tassa “qooq­quk­kut toqup taar­titaatigut” ingerlal­luni. Jehovali paarsisigigamiuk ‘siooragisaqan­ngilaq’. Sooq Daavi ‘ajorsaateqan­ngila’? Anersaak­kut ittunik sumil­luun­niit amigaateqan­ngin­nami. Jehovamit pilersor­neqar­nini naam­magaa. Pigisani pil­lualis­sutiginagit Guutimit pil­luaq­quneqar­nini illersor­neqar­ninilu pingaar­ner­paatip­pai. Daavip oqaasiinit paasisin­naavar­put pigisanut oqimaaqatigiis­sumik isigin­nit­taaseqar­nis­saq qanoq pingaaruteqar­tigisoq. w22.01 3-4 § 5-7

Itsaq Jehovamik nalunaajaasut inun­nut tusar­naarusun­ngitsunut aamma oqaluus­sisarsimap­put. Assersuutigalugu Noa tas­saavoq iluar­nermik nalunaariar­tor­titaq, ilimanar­porlu ukior­pas­suarni oqaluus­sisarsimas­sasoq. (Pet 2. 2:5) Neriuutigisimas­savaa oqaluus­sinerminut ajun­ngitsumik qisuariar­toqas­sasoq. Jehovali oqarsiman­ngilaq tusar­naarusut­toqarumaar­toq, umiarsualioq­qugamiullu ima oqar­poq: “Umiarsuarmut ikis­saatit ernitit nuliallu ukuatillu ilagalugit.” (Mos 1. 6:18) Aamma Noap umiarsuaq qanoq angitigis­sanersoq paasigamiuk pasitsas­simas­saaq oqaluus­sinerminut tusar­naar­toqar­pal­laar­navian­ngitsoq, umiarsuarmimi allanut inis­saqan­ngilaq. (Mos 1. 6:15) Nalun­ngilar­pullu inuk ataasiin­narluun­niit Noap oqaluus­sineranut tusar­naarsiman­ngitsoq. (Mos 1. 7:7) Jehovap Noa oqaluus­sinermini iluatsis­siman­ngitsutut isigaa? Naamik! Jehovap peq­qus­sutimisut Noa ilior­tarmat iluatsit­tutut isigaa. – Mos 1. 6:22. w21.10 26 § 10-11

Takorlooruk Ruthi tamanna tusaramiuk qanoq misigisimas­sasoq. Ruthimmi sapin­ngisaminik No’omi ikior­niarsimavaa. Qiaqatigisimavaa, tup­pal­lersarsimavaa ullor­pas­suar­nilu angalaqatigisimal­lugu. Taamaak­kaluar­toq No’omi oqar­poq ‘Jehovap suerutitil­luni uter­tik­kaani’. Taamatut oqarami Ruthip saniminiit­tup ikiuisimanera qujamasuutiger­palun­ngilaa. Ruthip tamanna aliasuutigisimas­sagunaraluarlugu No’omi najor­tuar­paa. (Ruth 1:3-18) Ullumik­kut imaas­sin­naavoq qatan­nguter­put annikil­lior­toq ajual­lan­nar­tumik oqaaseqar­toq, naak ikior­niarlugu ilungersoraluar­tugut. Ajual­lajaval­laar­naveersaar­tar­pugulli. Qatan­nguter­put pisariaqar­titsisoq imminiigin­nar­neq ajor­par­put qiim­mas­sarsin­naajumal­lugulu Jehovamut ikioq­qusarluta. (Uss 17:17) Qatan­ngut pisariaqar­titsisoq immaqa aal­laq­qaam­mut ikior­neqarusus­san­ngilaq. Ilumoorfigin­nil­lutali asan­nik­kutta sapin­ngisatsin­nik ikior­niar­tuas­savar­put. – Gal 6:2. w21.11 11 § 17-19

Biibilimi ‘iller­nar­tuuneq’ eqqaaneqaraangat ileq­qus­satigut upperisarsior­nik­kullu minguitsuunermut tun­ngatin­neqar­tar­poq. ‘Iller­nar­toq’ aamma isumaqarsin­naavoq Guutimut kif­far­tor­nermut immik­koor­tin­neqarsimasoq. Allatut oqaatigalugu sutigut tamatigut minguitsuugutta, Jehova akuerisaatut guutisiorfigigutsigu taas­sumun­ngalu qanit­tumik attaveqarutta iller­nar­tuus­saagut. Jehovap iller­nar­tuul­luni uagut naam­mal­luin­nan­ngitsuusugut ikin­ngutigerusuk­kaatigut tupin­naqaaq! Jehova sutigut tamatigut minguitsuuvoq. Tamanna paasivar­put serafit – inngilit Jehovap issiavis­saarsuata eqqaani inis­sisimaf­feqar­tut – oqaasiinit. Ima oqar­put: “Iller­nar­poq, iller­nar­poq, iller­nar­poq Katersaarsuit Naalagaat.” (Es 6:3) Guutimut iller­nar­tumut qanimut attaveqarsin­naanias­sagamik inngilit iller­nar­tuusariaqar­put. w21.12 3 § 4-5

Inuusut­tut inuuner­tik qanoq pitsaaner­paamik atorsin­naanerlugu eqqarsaatigisar­paat. Ilin­niar­titsisunit ilaqut­tamin­nillu Nalunaajaasuun­ngitsunit qaf­fasis­sumik ilin­niagaqar­nis­samut kajumis­saar­neqar­tar­put. Taamatut ilin­niagaqar­nermi pif­fis­sarujus­suaq ator­neqar­tar­poq. Akerlianilli angajoq­qaamin­nit ilagiin­nilu ikin­ngutimin­nit kajumis­saar­neqar­tar­put inuuner­tik Jehovamut kif­far­tor­nis­samut atoq­qul­lugu. Inuusut­toq Jehovamik asan­nin­nini tun­ngavigalugu pitsaaner­paamik qanoq aalajangiisin­naava? Efesos­simiut 5:15-17 allas­simasut atuarlugillu eqqarsaatigeq­qis­saarunigit iluaqutigis­savaa. Versit taakku atuareerlugit imminut ima aperisin­naavoq: ‘Jehovap suna piumasaraa? Qanoq aalajangiiguma nuan­naar­tis­savara? Pif­fis­sara qanoq pitsaaner­paamik atorsin­naavara?’ Eqqaamasariaqar­par­put “ullut ajor­tuum­mata” Saatanilu nunarsuarmik aqutsiun­naangajalermat. w22.01 27 § 5

Jaaku qanga Jiisusimut ajoqersugan­ngorpa? Jiisusi makititaanermi kingorna “Jaakumut taavalu apustilinut tamanut takutip­poq”. (Kor 1. 15:7) Jaakup Jiisusimik takun­nin­nini inuunerminik allan­nguis­sutigaa. Jerusalemimi inimi qul­lermi apustilit anersaamik iller­nar­tumik tanin­neqar­nis­samin­nik utaq­qineranni Jaaku najuup­poq. (ApS 1:13, 14) Kingusin­nerusuk­kut Jaaku kristumiut siul­liit siulersuisoqatigiivinut ilaasor­tan­ngor­poq. (ApS 15:6, 13-22; Gal 2:9) Aamma ukioq 62 sioq­qul­lugu isumas­sarsisitaal­luni kristumiut tanitat allaf­figai. Tanitaagutta tanitaan­ngik­kaluarut­taluun­niit allak­kat taakku iluaqutigisin­naavagut. (Jaak 1:1) Oqalut­tuarisaanermik ilisimatooq juutiusoq Josefus naaper­torlugu palasiunerup Ananiap Nukarliup peq­qusineratigut Jaaku toqutaavoq. Jaaku nunarsuarmi toqussi tikil­lugu Jehovamut aalajaat­tuar­poq. w22.01 9 § 3, 5

Ullormut allas­simaf­fimmi ilik­kar­par­put upper­nik­kut misilin­neqaraangatta ilimagisas­san­ngik­kip­put Jehovap tamatigut ser­nis­sus­sagaatigut. Uagut Jiisusi ilaarlugu allaat toqu tikil­lugu aalajaat­tariaqar­pugut. (Mat 16:24, 25) Neriorsor­neqar­pugulli artuk­katsin­nik misilin­neqar­nis­sar­put Guutip akuerinavian­ngik­kaa. (Kor 1. 10:13) Aamma ilik­kar­par­put Jiisusip pineqar­neratut pisuus­suteqan­ngik­kaluarluta naal­liutsitaasin­naasugut. (Pet 1. 2:19, 20) Imaan­ngilaq ajor­tuliorsimagatta akerlilersor­neqar­tugut, taamatulli pineqar­tar­pugut silarsuarmut ilaan­ngin­natta ilumoor­torlu oqaluus­sis­sutigisaratsigu. (Joh 17:14; Pet 1. 4:15, 16) Jiisusip paasivaa naal­liun­nini sooq Jehovamit akuerineqar­toq. Kif­far­tor­tulli aalajaatsut allat ilaasa misilin­neqar­til­lutik apeq­qutigisar­paat taamatut nalaataqar­ner­tik sooq Jehovap akuerineraa. (Hab 1:3) Guutitta nal­lit­tuil­lunilu kamagit­tar­tuusup nalun­ngilaa taamatut aperisut upper­nikitsuun­ngitsut, imminilli tup­pal­lersar­neqar­nis­sar­tik pisariaqar­tik­kaat. – Kor 2. 1:3, 4. w21.04 11 § 9-10

Jehovap piumasaanut naaper­tuut­tumik iliuuseqarutta aamma asan­nil­lutalu ataq­qin­nil­luta guutisiorutta guutisior­ner­put akueris­savaa. Nalun­ngilar­put Jehova guutisiorfigineqar­tariaqar­toq, pitsaaner­paamillu taamaaliorusup­pugut. Jehova qin­nuigigaangatsigu guutisiorfigisar­par­put. Qin­nutigut tipigis­saatil­liis­sutinut piareersarluak­kanut Biibilimi assersuun­neqar­put. Guutip tipigis­saatil­liis­sutit taakku iluarai. Taamatut­taaq uum­mam­mit pisumik qin­nutigut oqal­loris­saar­niutaan­ngik­kaluar­tut iluarisar­pai. (Uss 15:8; Mos 5. 33:10) Asan­nin­nitsin­nik qujamasun­nitsin­nillu oqaasin­nguisar­ner­put Jehovap nuan­naarutigisar­paa. Isumakuluutigut, neriuutigisagut kis­saatigisagullu pil­lugit imminut oqalut­tuar­nis­sar­put kis­saatigaa. Jehovamut qinun­ngin­ninni oqaatiginiak­katit eqqarsaatigeq­qaarsin­naavatit. Taamaalioruit Ataatan­nut qilam­miusumut pitsaaner­paamik ‘tipigis­saatil­liis­suteqas­saatit’. w22.03 20 § 2; 21 § 7

Harmagedon­nimi uagut aalajangersin­naan­ngilar­put kik­kut Jehovamit nal­lit­tor­neqas­sanersut kik­kullu nal­lit­tor­neqas­san­ngin­nersut. (Mat 25:34, 41, 46) Jehovap eqqar­tuus­sinera tapersersorusus­savar­put, imaluun­niit aalajangiinera isumaqatiginagu kif­far­torun­naas­saagut? Jehova siunis­sami tatigil­luin­nas­sagutsigu maanna tatigineruler­nis­saa sulis­sutigisariaqar­par­put. Paratiisi takorlooruk. Upperisarsior­nerit eqqun­ngitsut peerus­simas­sap­put, aamma niuer­nik­kut politik­kik­kullu aaq­qis­suus­sinerit inun­nik naal­liutsitsil­lutillu naqisiman­nis­simasut peerutereersimas­sap­put. Nap­paatit, utoq­qalineq asasatsin­nillu toqusoor­nerit misigisarun­naas­savagut. Saatani anersaapiluillu ukiuni 1.000-ni sun­niisin­naas­san­ngil­lat, pikitsitsinerisalu kinguneri malun­narun­naas­sap­put. (Saqq 20:2, 3) Jehovap eqqor­tumik ilior­tuaan­nar­neranik tatigin­nis­simaner­put taamanik­kus­samut qujamasuutigingaas­savar­put! w22.02 6-7 § 16-17

Jiisusi eqqis­seqateqar­nis­samik siuarsaasar­poq allallu eqqis­seqatigiin­nermik siuarsaaqataanis­saan­nut kajumis­saar­tarlugit. Inuup guutisior­nermini Jehovamit iluarisaarusut­tup qatan­ngutimi eqqis­seqatigeq­qaar­nis­saa Jiisusip ilin­niar­titsis­sutigaa. (Mat 5:23, 24) Aamma apustilit arlar­tik kina anner­paanersoq assor­tuus­sutigileraangas­suk eqqis­seqatigiin­nis­saan­nut ikior­tar­pai. (Luk 9:46-48; 22:24-27) Eqqis­seqateqar­nis­samik siuarsaaneq isumaqatigiin­ngin­ner­nik pinaveersaarinerin­naan­ngilaq. Allat eqqis­seqatigiumal­lugit iliuuseqaq­qaar­tariaqar­pugut qatan­ngutigullu isumaqatigiin­ngitsut eqqis­seqatigiin­nis­saan­nik kajumis­saarlugit. (Flp 4:2, 3; Jaak 3:17, 18) Apeq­qutit uku eqqarsaatigik­kit: ‘Allat eqqis­seqatigiumal­lugit iliuuseqariaan­naavunga? Uppeqatin­nit misigis­sutsik­kut annersin­neqaruma kamaat­tuas­savara? Misigigama taanna ajor­nar­torsium­mut pisuusoq eqqis­seqatigiumal­lunga iliuuseqar­nis­saa utaq­qis­savara, imaluun­niit uanga iliuuseqaq­qaas­saanga?’ w22.03 10 § 10-11

Itsarsuarli Biibilimi siulit­tuutigineqar­poq Guutip innut­tai Jiisusimit siulersor­neqarlutik Jehova kif­far­torfigiumal­lugu ‘kajumil­lutik sas­sarumaar­tut’. (Tuss 110:3) Taman­nalu ullutsinni eqquup­poq. Jehovap Nalunaajaasuisa ukiut tamaasa nalunaaqut­tap-akun­neri mil­lionilik­kuutaat oqaluus­sinermut ator­tar­paat, kajumis­sutsimin­nillu taamaalior­tar­put akis­sarsiaqaratik. Aamma uppeqatitik timik­kut, misigis­sutsik­kut anersaak­kullu ikiorumal­lugit pif­fis­saqarfigisar­paat. Utoq­qaaner­tat ilagiin­nilu kif­far­tor­tut nalunaaqut­tap-akun­ner­pas­sui atorlugit ataatsimiin­nerit piareersar­tar­paat uppeqatitillu qiim­mas­sar­niarlugit pulaar­tarlugit. Sooruna Jehovamik Nalunaajaasut taamaalior­tar­tut? Jehova inoqatitillu asagamik­kit. (Mat 22:37-39) Jiisusip allat pisariaqar­titaat nam­mineq pisariaqar­titaminit pingaar­nerutit­tar­pai. Maligas­siuineralu uagut sapin­ngisatsin­nik malin­niar­tar­par­put. (Rom 15:1-3) Taamaalior­ner­put nuan­nersumik kinguneqas­saaq. w22.02 20 § 1-2

Israelimi inuit amerlanerit naasoris­saasuup­put, sulisullu ullormut akis­sarsisin­neqar­tar­put. Akis­sarsisin­neqan­ngik­kunik ilaqut­tatik ullormut inuus­sutis­saqar­tin­nis­saan­nut akis­saqar­naviarunan­ngil­lat. Tamanna pis­sutigalugu Jehova oqar­poq piitsup akis­sarsinis­sani pisariaqar­til­luin­naraa. (Mos 5. 24:14, 15; Mat 20:8) Nalitsinni sulisut amerlanerit qaam­mam­mut ataasiarlutik marloriarlutil­luun­niit, ullormuun­ngitsoq, akis­sarsisin­neqar­tar­put. Taamaak­kaluar­toq Mosesimik allak­kat pingajui 19:13-imi najoq­qutas­siaq suli atuup­poq. Sulisitsisut ilaasa sulisutik annikip­pal­laamik akis­sarsisit­tar­paat. Nalun­ngilaat sulisitatik akis­sarsiaat annikip­pal­laaraluar­tut allatut ajor­narmat suliin­nar­tariaqar­tut. Sulisitsisut taamaat­tut sulisitatik “akis­sarsisin­nis­saat aqagumut” utaq­qisit­tar­paat. Kristumiup sulisitsisup sulisitami naaper­tuil­luar­tumik pineqar­nis­saat qulak­keer­tariaqar­paa. w21.12 10 § 9-10

Jiisusi nap­pak­kamut anniar­titaaf­fim­mut nivin­ngar­neqar­nis­sami tungaanut naal­liungaarsimagami imerusungaarsimas­saaq. Imis­sagunilu ikior­neqar­tariaqar­poq. Jiisusip pisariaqar­titami oqaatiginis­saat tunuarsimaarutigineq ajor­paa, uagut­taaq pisariaqar­titagut oqaatigisas­savagut. Immaqa inuunitta ilarujus­suani ikior­tis­sarsior­neq ileq­qorin­ngilar­put. Ikior­neqar­tariaqalerut­tali ikior­tis­sarsior­nis­saq tunuarsimaarutigis­san­ngilar­put. Assersuutigalugu utoq­qaligutta peq­qiil­liulerut­taluun­niit pisiniar­nialerutta nakorsiar­nialerut­taluun­niit ikin­ngutitsin­nut biiliuteq­qusariaqarsin­naas­saagut. Nikal­lungagutta utoq­qaaner­tamut ikin­ngum­mul­luun­niit anersaak­kut inersimal­luar­tumut tusar­naaq­qul­lutalu ‘qiim­mas­saq­qusin­naavugut’. (Uss 12:25) Eqqaamajuk uppeqatitta asagaatigut aamma “annikil­lior­nermi” ikiorusut­taraatigut. (Uss 17:17) Ikior­neqar­tariaqar­ner­pulli eqqarsaatigullu uppeqatitsin­nut oqaatigin­ngik­kutsigit susin­naanerlutik paasinavian­ngilaat. w21.04 11-12 § 11-12

Pis­sutsit allan­ngoraangata imaan­naan­ngitsorsior­tarsin­naavugut. Pif­fis­saq tamaat immik­kut ittumik ukior­pas­suarni kif­far­torsimasut ilaat allami kif­far­toq­quneqarsimap­put. Allat utoq­qaliar­tor­ner­tik pis­sutigalugu immik­kut pisin­naatitaaf­fitsik nuan­narisar­tik taamaatit­tariaqarsimavaat. Pis­sutsit taamatut allan­ngoraangata aliasun­neq nalingin­naasar­poq. Pis­sutsit allan­ngoraangata Jehovap isigin­nit­taasiatut isigin­nit­taaseqar­neq iluaqutigisar­par­put. Jehova naam­mas­sisar­pas­suaqar­poq, suleqatigisin­naaneralu ataq­qinaatigaar­put. (Kor 1. 3:9) Jehovap uagutsin­nik asan­nin­nera allan­ngun­ngisaan­nas­saaq. Taamaat­tumik Jehovap peqatigiis­sor­taani ilin­nut sun­niuteqar­tumik allan­nguisoqar­pat sooq taamaat­toqar­nersoq eqqarsaatigival­laar­naveersaaruk. Allan­nguuteqan­ngin­nerani pis­sutsit nuan­nersor­tai eqqarsaatigival­laar­nagit maan­nak­kut nuan­nersut maluginiarsin­naaq­qul­lugit Jehova qin­nuigiuk. (Oqal 7:10) Isumal­luar­tuugit. Isumal­luar­tuugut­tami pis­sutsit allan­ngoraluar­tut nuan­naarluta aalajaat­tuarsin­naavugut. w22.03 17 § 11-12

Jehova kik­kun­nut ilumoorfigin­nil­luni asan­nit­tulior­tarpa? Inuit ilaan­naat, tassa imminut qanit­tumik attaveqar­tut, ilumoorfigin­nil­luni asavai. Guuter­put ikin­ngutiminut ilumoorfigin­nit­tuuvoq. Taak­kulu nuan­ningaar­tumik siuner­taqarfigai, qiman­ngisaan­nas­savaalu. Jehova inun­nut tamanut asan­nit­tulior­tar­poq. Jiisusi Nikodemusimut ima oqar­poq: “Guutimmi inuit asangaaramigit Ernituani tun­niup­paa kinaluun­niit taas­sumun­nga upper­toq suujun­naarsin­neqar­nani naas­saan­ngitsumik inooq­qul­lugu.” – Joh 3:1, 16; Mat 5:44, 45. w21.11 3 § 3; 3-4 § 6-7

Silarsuatoq­qami inuuneq ilungersunaqaaq, siunis­samilu suli ilungersunar­nerulis­sagunar­poq. (Mat 24:21) Ajor­tor­pas­suit atuuk­kun­naavin­nis­saat puior­neqar­nis­saallu qilanaaringaarsin­naavar­put! (Es 65:16, 17) Taamaat­tumik piner­tusaar­tuarsin­naanis­saq ilin­niar­tariaqar­par­put. Tamatuma pingaaruteqar­nera Jiisusip ersersip­paa ima oqarami: “Piner­tusaarussi inuunersi annaatis­savarsi.” (Luk 21:19) Allat uagutsitulli ajor­nar­torsioraluarlutik piner­tusaar­tut ilin­niarfigisin­naavagut. Jehova Guuti piner­tusaar­nermut tun­ngatil­lugu maligas­saal­luar­ner­paavoq. Tamanna aal­laq­qaam­mut paasiuminaatsis­sin­naavar­put. Unali eqqarsaatigiuk: Nunarsuar­put Saatanimit pis­saaneqarfigineqarmat ajor­nar­torsiutit imaagin­navip­put. Jehova maanna aaq­qiinis­saminut pis­saaneqar­poq, ullorli aalajangik­kani piner­tusaarluni utaq­qivaa. – Rom 9:22. w21.07 8 § 2-4