Oktobari

Ilin­niar­titsis­sutigisagut upperisagullu Guutip oqaasianik tun­ngaveqar­put. Inup­pas­suilli pal­lorfigin­neriaaser­put pik­kunaagisaramikku aamma tusarusutaat ilin­niar­titsis­sutigineq ajoratsigit itigar­tit­tar­paatigut. Upper­ner­put qanoq annaanaveersaarsin­naavar­put? Apustilip Paulusip kristumiut Romamiit­tut ima allaf­figai: “Upper­neq tusak­kanit aal­laaveqar­poq. Kristusilu pil­lugu oqaluus­sisoqaraangat tusarlius­saq tusar­neqar­tar­poq.” (Rom 10:17) Tassa Biibilimik atuaq­qis­saar­nik­kut upper­nik­kut nakus­satsit­tar­pugut, ileq­qulersuutimmi Biibilimik tun­ngaveqan­ngitsut qanorluun­niit iluarinar­pasitsigigaluar­tut nakus­satsis­sutaaneq ajor­put. Eqqorluar­tumik ilisimasaqar­neq tun­ngavigalugu upperluar­tuusariaqar­pugut, ‘uppersuseqan­ngitsormi Guutimit iluarisaasin­naan­ngilaq’. (Hebr 11:1, 6) Taamaat­tumik upperilik­katta ilumoor­tuunera upper­narsiumal­lugu nalunaaqum­mik qilam­meersumik pisariaqar­titsin­ngilagut. Ilin­niar­titsis­sutigineqar­tut upper­nik­kut nakus­satsin­nar­tut Biibilimeersut misis­soq­qis­saar­neri qularun­naar­nis­samut naam­map­put. w21.05 4-5 § 11-12

Apustili Paulusi unam­miniagas­sar­pas­suaqarami Jehovamit nakus­satsin­neqar­tariaqar­poq, ingam­mik akeq­qaminit unatar­neqaraangami, par­naarus­saagaangami toqun­niar­neqaraangamiluun­niit. (Kor 2. 11:23-25) Aamma ilaan­nik­kut nikal­lungasar­poq. (Rom 7:18, 19, 24) Tamatuma saniatigut nap­paateqarsimavoq, peq­qis­siteq­qul­lunilu Jehova kimigiiserfigisarsimagaluar­paa. (Kor 2. 12:7, 8) Paulusi unam­miniagaqar­taraluaqaluni Jehovamit nakus­satsin­neqar­nermigut oqaluus­sinermini angusaqarluar­poq. Assersuuteqariarta. Romami illumini par­naarus­saaq­qatil­luni juutit siut­tuinut, immaqalu naalak­kersuisuni atorfilin­nut, oqaluus­sisar­poq. (ApS 28:17; Flp 4:21, 22) Aamma sak­kutuut kaasarip paarsisui oqaluus­sif­figisar­pai. (ApS 28:30, 31; Flp 1:13) Aamma tamatuma nalaani Paulusip isumas­sarsisitaal­luni uppeqatini allaf­figai, allak­kallu taakku nalitsinni suli iluaqutigisar­pagut. w21.05 21 § 4-5

Judami kun­ngi Uzzija makitasuun­ngorami allanit siun­nersor­neqarumananilu iliuuserisas­sarin­ngisaminik iliuuseqar­poq. Uzzijali ajun­ngitsuliar­pas­suaqaraluar­poq. Sorsun­nermi, sanaar­tor­nermi nunaateqar­nermilu iluatsil­luar­poq. “Guutip iluanaar­tit­tar­paa.” (Nal 2. 26:3-7, 10) “Pis­sarsuan­ngor­ninili makitasuun­nguutigaa aseruutigisaminik.” Jehovap peq­qus­sutigisimavaa palasit kisimik naalaf­fim­mut tipigis­saatil­liiar­torsin­naasut. Kun­ngili Uzzija anneruniarluni naalaf­fim­mukar­poq tipigis­saatil­liiniarluni. Jehovap taanna iluarinagu pupis­sun­ngor­tip­paa inuunermi sin­nerani nap­paatigisas­saanik. (Nal 2. 26:16-21) Uagut Uzzijatut ajor­tuliorlutalu makitasuun­ngorsin­naavugut? Aap, imminut pingaar­tip­pal­laalerutta taamaat­toqarsin­naavoq. Eqqaamatigu qanorluun­niit pigin­naaneqaraluarutta qanorluun­niillu immik­kut pisin­naatitaaf­feqaraluarutta tamakku tamarmik Jehovamin­ngaan­neersuusut. (Kor 1. 4:7) Makitasuujugutta Jehovap atorusus­san­ngilaatigut. w21.06 16 § 7-8

Jiisusip nalun­ngilaa ajoqersuk­kani nuan­nersuin­nar­nik misigisaqar­tuaan­nar­navian­ngitsut. Ajoqersuk­kammi oqaluus­sif­figisaat kristumiun­ngorsimasut qas­siunersut pil­lugu allas­simasoqan­ngilaq. Tassa ajoqersuk­kat paasisariaqar­paat nuan­naar­neq inuit tusar­naarusun­neran­nik tun­ngaveqaan­nan­ngitsoq pingaar­ner­tulli Jehovamit nuan­narineqar­nermin­nik tun­ngaveqar­toq. Oqaluus­sinitsinni piner­tusaarutta naas­saan­ngitsumik inuusin­naalis­saagut. Nutaarsias­sanik nuan­nersunik sapin­ngisatsin­nik oqaluus­sil­lutalu ilin­niar­titsigaangatta anersaaq malil­lugu ‘siaruar­terisar­pugut’ – tassa Guutip anersaava iller­nar­toq inuunitsinni sun­niuteqar­tit­tar­par­put. ‘Qasun­ngik­kut­ta’, tassa uniin­nan­ngik­kutta, Jehovap neriorsuineratut naas­saan­ngitsumik inuusin­naalis­saagut, Nalunaajaasun­ngor­tumik ilin­niar­titaqarsiman­ngik­kaluarut­taluun­niit. – Gal 6:7-9. w21.10 26 § 8-9

Ilaanni Jiisusi ajoqersuk­kanilu oqaluus­sereerlutik qasungaaramik qasuersaarfis­sarsiuler­put. Jiisusilli inup­pas­suit takugamigit nal­ligingaaler­pai ‘amerlasuunillu ilin­niar­tilerlugit’. Misigin­neqatigalugit nalun­ngilaa naal­liungaar­tut neriuutis­sin­neqar­tariaqar­tullu, ikiorusup­paalu. Aamma nalitsinni inuit, naak immaqa ilaan­nik­kut amigaateqar­pasit­tan­ngik­kaluarlutik, ikior­neqar­tariaqar­put. Savatut paarsisoqan­ngitsutut tam­marsimasutullu ipput. Apustili Paulusi allap­poq inuit taakku Guuteqaratillu neriuutis­saqan­ngitsut. (Ef 2:12) Tamakku tamaasa eqqarsaatigigutsigit asan­nin­ner­put misigin­neqataaner­pullu kajumis­sis­sutigalugit ikiorusus­savagut. Biibilimillu ilin­niar­tik­kutsigit pitsaaner­paamik ikius­savagut, taamaat­tumik neqeroor­tas­saagut. w21.07 5 § 8

Inuk nam­minis­sarsior­tuusoq makitasuul­lunilu imminuin­naq eqqarsaatigisar­poq. Inuup sin­ngatuup allap pigisaa pigerusul­lugu arsaarusut­tar­paa. Tassa sin­nganeq uumigin­nin­neruvoq. Nam­minis­sarsior­neq sin­nganerlu tim­misar­tup orsuata mingutsin­neqar­neranut assersuun­neqarsin­naap­put. Tim­misar­toq qangat­tareeraluarluni orsuata mingutsin­neqarsimanera pis­sutigalugu tim­misar­toq nak­karsin­naavoq. Taamatut­taaq inuk Jehovamut kif­far­tor­nermini nam­minis­sarsior­neq sin­nganerlu pis­sutiginiagarigunigit naggataatigut ‘ajunaas­saaq’. (Uss 16:18) Tassa Jehovamut kif­far­torun­naarlunilu imminut ajoqusis­saaq allallu ajoquserlugit. Nam­minis­sarsior­naveersaarsin­naas­saagut Paulusip siun­nersuutaa una malit­tarutsigu: “Isumaqataan­ngin­niaan­narlusi nam­minis­sarsiorlusiluun­niit iliuuseqar­tar­nasi maniguul­lusi allat immis­sin­nit pingaar­nerusutut isigisas­savasi.” – Flp 2:3. w21.07 15-16 § 6-8

Inuit ilaat isumaqar­put apeq­qutitik tamarluin­naasa upperisarsior­nerup ilumoor­tup akisin­naasariaqarai, allaat apeq­qutit Biibilimi akineqan­ngik­kaluar­tut. Taman­nali piviusorsior­nerua? Apustili Paulusi qanoq allat­toq maluginiaruk. Uppeqatini kajumis­saar­pai sunut tamanut tun­ngatil­lugu eqqor­toq paasinias­sagaat, aam­mali nas­suer­poq paasisin­naan­ngisani amerlaqisut. (Tes 1. 5:21) Ima allap­poq: ‘Ilaan­nakuusumik paasisimasaqas­suseqar­pugut.’ Imalu nangip­poq: “Tarrarsuut saviminiusoq atorlugu takusagut ersarlup­put.” (Kor 1. 13:9, 12) Paulusip paasisin­naasai kil­leqar­put, uagutsin­nut aamma taamaap­poq. Jehovali pil­lugu ilumoor­tut tun­ngaviusut paasivai. Ilisimasanilu kil­leqaraluar­tut upperisami ilumoor­tuuneranut qularun­naas­sutigai! Upperisatta ilumoor­tuuneranik upperin­nil­luin­nalerumal­luta ilaatigut Jiisusip guutisior­nermut ilumoor­tumut najoq­qutas­siaa Jehovap Nalunaajaasuisa guutisioriaasian­nut sanil­lius­sin­naavar­put. w21.10 18-19 § 2-4

Utoq­qalisimaguit pif­fis­saq tamaat kif­far­tor­tuun­ngik­kaluarlutit allat sor­pas­suar­tigut ikiorsin­naavatit. Qanoq taamaaliorsin­naavit? Naleq­qus­sar­tar­nik­kut, anguniagaqar­tar­nik­kut iliuuserisin­naasan­nillu eqqarsaatigin­nit­tar­nik­kut iliuuserisin­naan­ngisatit pin­nagit. Kun­ngip Daavip Jehova naalaf­filiuuk­kusungaaraluar­paa. Jehovalli paasitip­paa sulias­saq taanna Daavip ernerata, Salomop, suliaris­sagaa. Jehovallu aalajangiinera akueralugu Daavi sapin­ngisaminik tapersersuil­lunilu ikiuup­poq. (Nal 1. 17:4; 22:5) Eqqarsan­ngilaq Salomo ‘inuusut­tuul­lunilu misilit­tagakitsuum­mat’ nam­mineq naalaf­filioruni pitsaanerus­sasoq. (Nal 1. 29:1) Nalun­ngilaa Jehovap pil­luaq­qusineratiguin­naq naalaf­filior­neq iluatsis­sin­naasoq. Aamma uagut utoq­qar­tagut allamik sulias­sin­neqaraluarlutik Daavitulli anneruniajuik­kamik Jehova ilungersorlutik kif­far­tuut­tuar­paat. Nalun­ngilaammi suliarisarsimasamin­nik suliaqar­tut inuusut­tuugaluar­pataluun­niit Jehovap pil­luaq­qujumaarai. w21.09 9 § 4; 10 § 5, 8

Anersaak­kut anguniagaqar­tarutta siumukas­saagut, inuuner­pullu siuner­taqas­saaq. Pingaaruteqar­porli uagut pisin­naasagut atuk­kagullu naaper­torlugit, allat anguniagaat eqqarsaatiginagit, anguniagaqar­nis­sar­put. Taamaaliun­ngik­kut­tami imminut nikal­lor­til­lutalu pakatsisis­saagut. (Luk 14:28) Jehova kif­far­torfigigakku taas­suma ilaqutariis­suanut ilaavutit, Jehovallu immik­kuul­laris­sutut isigalutillu pingaar­tip­paatit. Jehovap imminut kajungilersip­paatit imaan­ngitsoq inoqatin­nit pik­korin­nerugavit, maniguut­tuugavilli allan­nguerusus­suseqarlutillu taas­suman­nga ilin­niar­tin­neqarusuk­kavit. Jehova nuan­naar­tar­poq sapin­ngisan­nik kif­far­torfigigaangakku. Piner­tusaar­tar­nin­nit aalajaatsuunin­nillu erser­poq uum­matit pitsaasuul­lunilu ajun­ngitsuusoq. (Luk 8:15) Taamaat­tumik Jehovamut kif­far­tor­ninni illit sapin­ngisan­nik iliuuseqar­tarit. Taava allanut sanil­liun­nak nam­mineq siumukar­nerit nuan­naarutigil­luarsin­naas­savat. – Gal 6:4. w21.07 24 § 15; 25 § 20

Eqqun­ngitsulior­toqaraangat ilaan­nik­kut aaq­qin­neqar­nis­saa erinitsajuil­luta utaq­qisin­naasariaqar­par­put. Assersuutigalugu utoq­qaaner­tat ilagiinni ingasat­tumik ajor­tulior­toqarsimasoq paasigunikku Jehovamit ikior­neqarumal­lutik ‘ilisimas­suseq pavan­nga pisoq’ qin­nutigis­savaat. (Jaak 3:17) Ajor­nan­ngip­pat ajor­tuliorsimasoq ajor­tulior­tarun­naar­nis­saanut ikius­savaat. (Jaak 5:19, 20) Aamma ilagiin­niit­tut illersorumal­lugit ajor­tuliorfigineqar­tullu tup­pal­lersarumal­lugit sapin­ngisamik iliuuseqarusup­put. (Kor 2. 1:3, 4) Utoq­qaaner­tallu ingasat­tumik ajor­tulior­toqarsimanera paasigunikku pisimasumut tun­ngasut tamaasa paaseq­qaar­tariaqar­paat. Taava qinoreeraangamik Biibilimik tun­ngavilim­mik “ingasaas­saan­ngitsumik” oqaaq­qisaarisar­put. (Jer 30:11) Utoq­qaaner­tat aalajangiipal­lan­neq ajor­put. Pineqar­toq eqqor­tumik iliuuseqarfigineqaraangat ilagiin­niit­tut tamarmik iluaqutigisar­paat. w21.08 11 § 12-13

Israelimi kaan­nersuaqalermat No’omi uini erninilu marluk ilagalugit Moabimut nuup­poq. Tas­saniitil­lutik uia toquvoq. Ernerilu marluk nuliar­taareerlutik ajoraluar­tumik aamma toqup­put. (Ruth 1:3-5) No’omi taamatut alianar­tumik misigisaqarami isumatsaq­qarujus­sualer­poq. Artorsangaarami isumaqaler­poq Jehovamit tunun­neqarsimal­luni. Maluginiaruk Guuti pil­lugu qanoq oqar­toq: ‘Jehovap assaanik eqqor­neqar­punga.’ ‘Ajugaqan­ngitsup narrutsatsis­simavaanga.’ Aamma ima oqar­poq: ‘Jehova pisuutil­lunga upper­narsaavoq, Ajugaqan­ngitsup ajunaar­tik­kaanga.’ (Ruth 1:13, 20, 21) Jehovap nalun­ngilaa ‘naqisiman­nin­nerup ilisimasoq silaqan­ngitsutut iliulersis­sin­naagaa’. (Oqal 7:7, NW) Ruthi kajumis­sisip­paa No’omimut ilumoorfigin­nil­luni asan­nit­tulior­nis­saanut. Ruthip kajumil­luni saamal­lunilu sakini misigis­sutsik­kut anersaak­kullu nakus­satseq­qin­nis­saanut ikior­paa. w21.11 9 § 9; 10 § 10, 13

Jehova maanna tamaviaarluta kif­far­tuuk­katsigu imaappa allanik anguniagaqas­san­ngitsugut? Naamerluin­naq! Oqaluus­sil­laq­qin­neruler­nis­saq, ilin­niar­titsil­laq­qin­neruler­nis­saq qatan­ngutitsin­nillu ikiuil­laq­qin­neruler­nis­saq sulis­sutigiuar­tariaqar­par­put. Maan­nak­kor­piaq angusin­naan­ngisagut eqqarsaatigival­laar­nagit allanik ikiuinis­sar­put aal­lun­nerugutsigu angusaqarluar­nerus­saagut. (Uss 11:2; ApS 20:35) Suut anguniagarisin­naavigit? Tamanna paasiumal­lugu Jehovamut ikioq­qugit. (Uss 16:3) Ikior­ti-pioneriusar­nis­sat pionerin­ngor­nis­sal­luun­niit imaluun­niit Betelimi kif­far­tuler­nis­sat sanaar­toqataasaler­nis­sal­luun­niit anguniagarisin­naaviuk? Imaluun­niit allatut oqaasil­lit oqaluus­sif­figiumal­lugit taak­kua oqaasii ilin­niarsin­naavigit? w21.08 23 § 14-15

Oqaaseq hebræerisooq “ilumoorfigin­nil­luni asan­nin­neq”-mik isumaqar­toq Biibilimik nutsik­kat ilaanni ilaatigut ima nutser­neqar­tar­poq: ‘Ilumoorsuseq’, ‘unneq­qaris­suseq’ aamma ‘ajun­ngis­suseq’. Ilumoorfigin­nil­luni asan­nin­neq Jehovap pingaar­tingaar­paa. (Hos 6:6) Pruf­fiiti Mika aqqutigalugu ilumoorfigin­nil­luni asan­nin­neq nuan­nareq­qul­lugu kajumis­saar­paatigut. (Mika 6:8) Taamaaliorsin­naajumal­lutali ilumoorfigin­nil­luni asan­nin­neq qanoq paasisariaqar­nersoq paaseq­qaar­tariaqar­par­put. Ilumoorfigin­nil­luni asan­nin­neq suua? Oqaatsit “ilumoorfigin­nil­luni asan­nin­neq”-mik nutser­neqarsin­naasut Biibili – Nunarsuup nutaanngornissaanik nutsikkami 230-t mis­siliorlugit ator­neqar­put. Ilumoorfigin­nil­luni asan­nit­tuusup asasani asajuas­sal­lugulu ilumoorfigiuas­savaa. Jehova ilumoorfigin­nil­luni asan­nit­tulior­nermut tun­ngatil­lugu maligas­saal­luar­ner­paavoq. Tupin­nan­ngilaq kun­ngi Daavi kil­litsil­luni ima allam­mat: “Naalagaq, ajun­ngis­sutsivit qilaat anguaat … Ila ajun­ngis­sutsivit erlin­nas­susia, Guuti!” (Tuss 36:6, 8) Daavitulli Guutip ajun­ngis­susia, tassa ilumoorfigin­nil­luni asan­nin­nera, pingaar­tingaar­par­put? w21.11 2 § 1-2; 3 § 4

Jehovap ilaqutariis­sor­taanut ilaap­put Jiisusi, ‘pin­ngor­titat tamarmik siul­lersaat’, inngiler­pas­suillu. (Kol 1:15; Tuss 103:20) Jiisusip nunarsuarmiin­nermini ersersip­paa inuit aalajaatsut Jehova ataatamis­sut taasin­naagaat. Jiisusip Jehova ajoqersuk­kaminut eqqar­toramiuk ima taavaa: ‘Ataataga aamma ilissi Ataatarsi.’ (Joh 20:17) Aamma Jehovamut tun­niul­luin­narlutalu imermut morsutsin­neqaratta, tassa kuisik­katta, qatan­ngutit angutit arnallu asan­nit­tut ilaqutariler­pagut. (Mak 10:29, 30) Jehova ataataavoq asan­nit­toq. Jiisusip kis­saatigaa Jehovamut isigin­nit­taatsini ilaas­sagip­put – tassa Jehova angajoq­qaatut asan­nit­tutut oqaloqatik­kuminar­tutullu isigis­sagip­put, inus­siar­niitsutut naalagarsior­titsisutullu isiginagu. Qin­nut najoq­qutas­saasoq ima aal­lar­tip­paa: “Ataatar­put.” Jiisusip Jehova ima taaq­qusimasin­naagaluar­paa: ‘Ajugaqan­ngitsoq’, ‘Pin­ngor­titsisoq’ imaluun­niit “kun­ngiujuar­toq” – taaguutimmi taakku tamarmik naleq­qul­lutillu Biibilimeersuup­put. (Mos 1. 49:25; Es 40:28; Tim 1. 1:17) Taak­kuli ator­nagit Jiisusip Jehova ‘Ataatatut’ taaq­quaa. w21.09 20 § 1, 3

Kun­ngi Manasse Jehovap pruf­fiitianit mianersoq­quneqarami Akabitulli tusaajuman­ngilaq. Qanoq kinguneqarpa? Jehovap “Assyriap kun­ngiata sak­kutuuisa naalagaaner­taat [Judamut] saas­sus­sisip­pai. Taak­kua Manasse nis­sil­lugu tigusaraat, kalun­ner­nik qilersorlugu Babylonimullu aal­larul­lugu.” Manas­sep iliuuserisimasani Babylonimi par­naarus­saaq­qanermini eqqarsaatigil­luaq­qis­saalerunar­pai. ‘Siuaasami Guutian­nut assut maniguutiler­poq.’ Aam­mali Jehova ‘qin­nuigiuar­paa saam­maateq­qul­luni’. (Nal 2. 33:10-12) Manas­sep qin­nutai Jehovap akivai. Qin­nutaanit paasivaa Manasse allan­ngorsimasoq. Taamaat­tumik Manasse isumak­keerfigeq­qum­mat qin­nutaa tusar­paa kun­ngin­ngor­teq­qil­lugulu. Manas­sellu ilumoorluni peq­qis­siminini sapin­ngisaminik ersersin­niarsaraa. w21.10 4 § 10-11

Akvila Priskil­lalu sungiusimasatik qimal­lugit allamik angerlarsimaf­feqaler­put tupilior­tar­ner­tillu aal­lar­teq­qit­tariaqarlugu. Korinthimi ilagiinni ikiuutaal­lualer­put apustililu Paulusi suleqatigalugu qatan­ngutinik qiim­mas­saap­put. Kingorna oqaluus­sisar­tunik pisariaqar­titsif­fiunerusunut nuut­tar­put. (ApS 18:18-21; Rom 16:3-5) Nalerisimaar­nar­tumik siuner­taqarluar­tumillu inuuneqarsimas­sap­put. Nalitsinni aap­pariit Priskilla Akvilalu ilaarlugit Jehovamut kif­far­tor­ner­tik inuunerminni pingaar­ner­paatis­sin­naavaat. Anguniak­katik immin­nut ilin­nialer­nerminni oqaloqatigiis­sutigisarunik­kit silatusaas­sap­put. Aap­pariit anersaak­kut ittunik anguniagaqaraangamik taak­kulu ilungersorlutik anguniaraangamik­kit Jehovap ikiuinera maluginiar­nerusin­naas­savaat. – Oqal 4:9, 12. w21.11 17 § 11-12

Erser­poq angajoq­qaatta ataq­qinis­saan­nik Jehovap peq­qus­sutaata naalan­nis­saa pingaaruteqar­toq. Eqqaamajuk Mosesimik allak­kat pingajui 19:3-mi anaanamik ataatamillu ataq­qin­nin­nermik peq­qus­sut sioq­qul­lugu ima allas­simasoqar­toq: “Iller­nar­tuus­saasi uanga Naalagaq Guutersi iller­nar­tuugama.” (Mos 3. 19:2) Angajoq­qaatta ataq­qinis­saan­nik peq­qus­sut eqqarsaatigalugu imminut ima aperisin­naavugut: “Angajoq­qaakka ataq­qivakka?” Misigiguit sior­natigut iliuuseqar­nerusin­naasimagaluarlutit maanna allan­nguinis­sat aalajangius­sin­naavat. Sior­natigut pisimasut allan­ngor­tis­sin­naan­ngilatit, maan­nali angajoq­qaatit pif­fis­saqarfiginerujumal­lugit ikior­nerujumal­lugillu iliuuseqarsin­naavutit. Assersuutigalugu peqatiginerujumal­lugit isumaqatigisin­naavatit. Immaqaluun­niit timik­kut, anersaak­kut misigis­sutsik­kul­luun­niit pisariaqar­titaasigut ikior­nerusin­naavatit. Taamaalioruit Mosesimik allak­kat pingajui 19:3-mi allas­simasut maleruas­savatit. w21.12 4-5 § 10-12

Kun­ngi Daavi ingasat­tumik ajor­tulior­poq. Daavip Batseba allasiorfigaa, allaal­lumi uia toqutaatip­paa. (Sam 2. 11:2-4, 14, 15, 24) Tamatuma kingunerisaanik imminut aliasuutis­siin­nar­nani aamma ilaqut­tani, soorlu nuliani allat, aliasutsip­pai. (Sam 2. 12:10, 11) Aamma Jehovamit peq­quneqarani Israelimi sak­kutuut kisin­neqar­tik­kamigit Jehova tatigin­ngitsoor­paa. Tamanna qanoq kinguneqarpa? Israelik­kut 70.000-t nap­paam­mik toq­quteqar­put. (Sam 2. 24:1-4, 10-15) Isumaqas­sagaluar­pit Daavi Jehovamit isumak­keerfigineqarsin­naas­san­ngitsoq? Jehova taamatut isumaqan­ngilaq. Daavip aalajaas­simanera peq­qis­simineralu isiginiar­nerugamigit ingasat­tumik ajor­tuliorsimagaluar­toq isumak­keerfigaa. Jehovap nalun­ngilaa Daavip asangaaraani aamma eqqor­tumik ilior­nis­sani kis­saatigigaa. Ilaa qujamasun­nangaarami Guutitta pis­sutsigut ajun­ngitsut isiginiar­nerusarai? – Kng 1. 9:4; Nal 1. 29:10, 17. w21.12 19 § 11-13

Jiisusi timik­kut innarluutilin­nut inus­siar­nisaar­tar­poq. Johan­nesimut ima oqariar­tor­titsinera eqqarsaatigiuk: “Tap­piitsut maanna isigisaqarsin­naaler­put, tusiat­tut pitsoris­sip­put, pupis­sut minguitsun­ngor­tin­neqar­put, tusilar­tut tusaasaqarsin­naaler­put, toqusut makititaap­put.” Jiisusip tupin­nar­tuliai takoreerlugit inuit tamarmik Guuti unnersiutigiler­paat. (Luk 7:20-22) Kristumiut Jiisusi ilaarlugu timik­kut innarluutil­lit misigin­neqatigerusut­tar­paat. Taamaat­tumik inun­nut taamaat­tunut inus­siar­nersuul­lutalu utaq­qisin­naas­suseqar­tar­pugut. Jehovamit tupin­nar­tuliorsin­naatitaan­ngik­kaluarluta kik­kut tamarmik paratiisimi peq­qis­sil­luin­nar­nis­saat pil­lugu nutaarsias­sanik nuan­nersunik timik­kut anersaak­kullu tap­piitsut oqaluus­sif­figinis­saat immik­kut pisin­naatitaaf­figaar­put. (Luk 4:18) Inup­pas­suit nutaarsias­sat nuan­nersut pis­sutigalugit Guuti unnersiutigisalersimavaat. w21.12 9 § 5

Jaaku Biibili tun­ngavigalugu ilin­niar­titsivoq. Biibili atorlugu atuar­tut paasitip­pai Jehovap ilumoorfigin­nitsini, soorlu Jobi, akis­sarsisit­tuar­tarai. Jaaku oqaatsit nas­suiaatillu paasiuminar­tut atorlugit taamatut ilin­niar­titsivoq. Taamaalior­tarami imminut pin­nani Jehova ataq­qinarsisip­paa. Ilin­niutis­sar­taa: Oqaatsit paasiuminar­tut ator­tak­kit, Guutillu oqaasia tun­ngavigisaruk. Qanoq ilisimasaqar­tiginer­put malugeq­qusaarutiginagu Jehovap qanoq ilisimasaqar­tiginera inun­nillu asan­ningaar­nera malugitin­niar­tus­saavar­put. (Rom 11:33) Taamaaliorsin­naavugut ilin­niar­titsis­sutigisatta Biibilimik tun­ngaveqar­tit­tuar­nerisigut. Assersuutigalugu uagut qanoq iliorusus­sanerluta oqalut­tuarinagu inuit Biibilimi oqalut­tuarineqar­tut maligas­siaan­nik Jehovallu eqqarsar­taasianik misigis­susiinillu Biibilimik ilin­niar­titagut nam­min­neq eqqarsaatigin­neq­qis­saar­tar­nis­saan­nik ikius­savagut. Taava Jehovamit iluarisaarusun­ner­tik pis­sutigalugu, uagut pis­sutiginata, iliuuseqas­sap­put. w22.01 11 § 9-10

Guutip inoqatitsin­nik qanoq pin­nit­tar­nis­sar­put pil­lugu ilin­niar­tik­kamisigut allanik ajoqusiin­ngin­nis­sar­put oqaatigiin­nan­ngilaa. Kristumiup Jehovamit iluarisaarusut­tup inoqatini imminut asanermisut asas­savaa. Peq­qus­sutip tamatuma pingaaruteqar­nera Jiisusip qanoq ersersik­kaa eqqarsaatigiuk. Ilaanni farisiiarip Jiisusi ima aperaa: “Moorsisip inatsisaani inas­sut sorleq pingaar­ner­paava?” Jiisusi akivoq inas­sutit annersaat siul­lersaallu tas­saasoq Jehova uum­mat tamak­kerlugu, tar­neq tamak­kerlugu isumarlu tamak­kerlugu asas­sagip­put. Taava Jiisusi Mosesimik allak­kat pingajui 19:18 issuarlugu ima oqar­poq: “Tul­lia tas­sunga assinguvoq: ‘Inoqatit imminut asanit­tut asas­savat.’” (Mat 22:35-40) Assigiin­ngitsor­pas­suar­tigut inoqater­put asasin­naavar­put. Inoqatitsin­nik asan­nin­ner­put ilaatigut ersersis­sin­naavar­put Mosesimik allak­kat pingajui 19:18-imi allas­simasut maleruar­nerisigut. Ima allas­simavoq: “Inuiaqatin­nut akinialerituus­san­ngilatit put­tarsisaqar­nal­luun­niit.” w21.12 10-11 § 11-13

Jiisusip assani isaal­lugu apustili Petrusi annaap­paa. Eqqaamasariaqar­par­put Petrusi Jiisusimik tunaarin­nit­tuar­til­luni immap mal­leqisup qaavatigut pisus­sin­naasoq. Anorersuarli maluginialeramiuk annilaangaler­poq qulalerlunilu. Kiviar­tuler­porlu. (Mat 14:24-31) Petrusip misigisaa qanoq ilin­niarfigisin­naavar­put? Jiisusi tikik­kusul­lugu immap qaavatigut pisuler­poq. Jiisusili isiginagu anorersuaq maluginiar­neruleramiuk ilimagin­ngisaminik annilaangaler­poq kiviar­tulerlunilu. Uagut immap qaavatigut pisus­sin­naan­ngik­kaluarluta ajor­nar­torsiuleraangatta uppersuseqar­tariaqar­pugut. Jehova neriorsuutaalu tatigiun­naarutsigit kiviar­torlutalusooq anersaak­kut san­ngiil­lis­saagut. Ajor­nar­torsiutigut anorersuar­tut ikkaluar­pataluun­niit Jehovap uagutsin­nik ikiuisin­naanera tatigiuar­tariaqar­par­put. w21.12 17-18 § 6-7

Qinuneq, atuaq­qis­saar­neq eqqarsaatigin­neq­qis­saar­nerlu guutisior­nitsin­nut ilaap­put. Qinunitsigut Ataatar­put qilam­miusoq uagutsin­nillu asan­ningaar­toq attaveqarfigisar­par­put. Biibilimik atuaq­qis­saaraangatta Guutimit, tamanit ilisimas­suseqar­ner­paasumit, ilin­niar­tin­neqar­tar­pugut. (Uss 2:1-5) Eqqarsaatigin­neq­qis­saaraangatta Jehovap pis­susii nuan­nersut taas­sumalu uagutsin­nut pin­ngor­titaminullu tamanut siuner­taa eqqarsaatitsin­niitit­tar­pagut. Pif­fis­saq pitsaanerusumik ator­neqarsin­naan­ngilaq, ilaa? Pif­fis­sarli Jehovamut atugar­put qanoq pis­sarsif­figil­luar­ner­paasin­naavar­put? Ajor­nan­ngip­pat nipaatsumiigit. Jiisusi maligas­saal­luar­poq. Nunarsuarmi kif­far­tor­nini aal­lar­tin­ngitsiarlugu ulluni 40-ni inoqajuitsumiip­poq. (Luk 4:1, 2) Nipaatsumiin­nini atorluarlugu Jiisusi akor­nusersor­neqarani Jehovamut qinuvoq taas­sumalu piumasaanik eqqarsaatigin­neq­qis­saarluni. Qular­nan­ngitsumillu tamanna misilin­neqangajaler­nerminut piareersaatigil­luarsimas­savaa. w22.01 27-28 § 7-8

Immaqa utoq­qaaner­tap qatan­ngutil­luun­niit anersaak­kut inersimal­luar­tup allap sulis­sutigisariaqak­katsin­nik paasitip­paatigut. Asan­nin­nini kajumis­sis­sutigalugu Biibili tun­ngavigalugu uagutsin­nik siun­nersuisoqar­pat siun­nersuutaanik maleruaas­saagut. Toq­qaan­nar­tumilli siun­nersor­neqar­ner­put akueriuminaatsis­sin­naavar­put. Allaat ajual­las­sin­naavugut. Sooq? Naam­mal­luin­nan­ngitsuuner­put nas­suerutigeriaan­naagaluarlugu kuk­kus­suter­put aalajangersimasoq pil­lugu siun­nersuut akueriuminaatsis­sin­naavar­put. (Oqal 7:9) Immaqa imminut illersor­pugut. Siun­nersuisup pis­sutiginiagai apeq­qusersin­naavagut siun­nersueriaasialuun­niit ajual­laatigalugu. Immaqaluun­niit allaat siun­nersuisoq isor­nar­torsiorusus­sin­naavar­put ima eqqarsarluta: ‘Siun­nersor­tus­saan­ngik­kaluar­paanga, nam­minermi kuk­kusar­poq!’ Immaqalu allaat siun­nersuut iluarin­ngin­natsigu maleruar­nagu tusarusutatsin­nik allamit siun­nersor­neqarumas­saagut. w22.02 8-9 § 2-4

Jehovap eqqor­tumik ilior­tuaan­nar­neranik tatigin­nin­nis­saq nunarsuar­taas­sami saper­narsin­naava? Israalik­kut Egyptenimit aniguisitaaq­qam­mer­neranni pisimasut eqqarsaatigik­kit. Ilaasa Egyptenimi nerisar­tagarisimasatik maqaasil­lugit Jehovamit man­nanik pilersor­neqar­ner­tik naam­magit­taal­liutigiler­paat. (Mos 4. 11:4-6; 21:5) Annikil­lior­nar­tus­sarsuup kingorna uagut­taaq taama misigilersoorsin­naavugut? Naluar­put nunarsuaq torersarlugu paratiisin­ngor­tik­kiar­tuaar­nis­saa qanoq pisariutigis­sasoq. Ilimanar­poq suliarujus­suus­sasoq aal­laq­qaam­mullu inuuniar­neq oqitsuin­naanavian­ngitsoq. Nunarsuar­taas­sami Jehovap qanoq isumas­suinera naam­magit­taal­liuutigis­savar­put? Jehovap isumaginiarluta pilersuinera maanna qujamasuutigisarutsigu taamanik­kus­samut qanoq ittumil­luun­niit isumas­sor­neqar­ner­put qujamasuutigis­savar­put. w22.02 7 § 18-19

“Angut Judak­kuusoq ataaseq” siulit­tuummi Zakaria 8:23-mi eqqaaneqar­tumi tanitanut kingulerut­tunut assersuutaavoq. (Rom 2:28, 29) ‘Inuiaat assigiin­ngitsut tamarmik angutitaat qulit’ savanut allanut assersuutaap­put. Inuiaat taak­kua tanitat ‘atisaasa nuuagut tigus­savaat’, tassa aalajaal­lutik minguitsumik pal­lorfigeqatigis­savaat. Jehovap tanitat savallu allat qanimut suleqatigiilersik­kamigit siulit­tuut Ezekieli 37:15-19, 24, 25-milu allas­simasoq eqquutitip­paa. Siulit­tuummi qisumer­ngit marluk eqqar­tor­neqar­put. Qilam­miin­nis­samik neriugisaqar­tut ‘Judap qisuminer­taatut’ ipput, Israelimimi kun­ngisut iver­tin­neqar­tarsimasut Judak­kun­neersuusar­put. Nunarsuarmi inuunis­samik neriugisal­lit ‘Josefip qisuminer­taatut’ ipput. Siulit­tuutigineqar­poq eqimat­tat taakku marluk Jehovap ataasiulersil­lugit ‘qisuminin­ngor­tis­sagai ataaseq’. Tassa ataasioqatigiil­lutik Jiisusi Kristusi kun­ngigalugu kif­far­toqatigiis­sap­put. – Joh 10:16. w22.01 22 § 9-10

Inuit malugeq­qusaarlutik piitsunut tunis­suteqar­tar­tut Jiisusip eqqaavai. Iliuusaat ajun­ngitsuugaluar­toq Jehovap inuit taakku iluarin­ngilai. (Mat 6:2-4) Nam­minis­sarsiorata eqqor­tulior­tarutta ajun­ngitsuus­saagut. Imminut ima aperisin­naavutit: ‘Ajun­ngitsulior­nis­sara eqqarsaatigiin­nar­nagu timitaliisar­punga? Suna pis­sutiginiagarisar­para?’ Jehova Guutiuvoq anersaani atorlugu iliuuseqar­tar­toq. (Mos 1. 1:2) Tassa nam­mineq iliuuseqaraangatta anersaava sun­niuteqar­til­lugulu iluaqutigisar­par­put. Assersuutigalugu Jaaku ima allap­poq: “Iliuuseqar­nani upper­neq toqungavoq.” (Jaak 2:26) Taamatut­taaq Guutip anersaavata inerititai tamaasa pil­lugit oqar­toqarsin­naavoq. Iliuuseqar­nitsigut anersaap inerititaanik ersersitsigaangatta upper­narsar­tar­par­put Guutip anersaava sun­niuteqar­tit­tarlugu. w22.03 11 § 14-16

Anersaak­kut ittunik arlalin­nik sam­misaqar­tarlutalu allat pil­lugit ajun­ngitsunik iliuuseqar­tar­pugut. Apustililli Petrusip kristumiut pingaarutilim­mik sulias­saqar­nerar­pai. Sutigut tamatigut iller­nar­tooq­qusinermi siunin­nguagut Petrusip ima kajumis­saar­paatigut: “Isum­masi tamaviaar­nis­samut piareersarsigit.” (Pet 1. 1:13) Sumut piareersimas­saagut? Petrusi oqar­poq Kristusip qatan­ngutai tanitat ‘Guutip pis­susii nuan­ningaar­tut pil­lugit nunani tamani oqaluus­sis­sasut’. (Pet 1. 2:9) Kristumiut tamarmik tamatumin­nga pingaarutilim­mik sulias­sin­neqar­ner­tik ataq­qinaatigaat, taman­nami iliuuserisar­tak­katsin­nit allanit tamanit inuit allat iluaqutiginer­paavaat. Guutip innut­taasut iller­nar­tutut aal­lus­sil­luarluta oqaluus­sisin­naaner­put ilin­niar­titsisin­naaner­pullu immik­kut pisin­naatitaaf­figaar­put! (Mak 13:10) Eqiasuil­luta suliniuteqaraangatta Guutitsin­nik inoqatitsin­nillu asan­nin­ner­put ersersit­tar­par­put. Sutigullu tamatigut iller­nar­toorusun­ner­put takutit­tar­par­put. w21.12 13 § 18

Apustilip Paulusip uppeqatini isumal­luarfigai. Nalun­ngilaa inuk kuk­kusaraluarluni inut­tut ajor­tuusariaqan­ngitsoq. Uppeqatini asavai pis­susiilu nuan­nersut pingaar­tit­tarlugit. Taak­kua eqqor­tulior­nis­sar­tik saper­nar­tik­kaangas­suk eqqarsaan­nar­tar­poq ajun­ngitsumik pis­sutiginiagaqarlutillu ikior­neqar­nis­samin­nik pisariaqar­titsisut. Paulusip qatan­ngutit arnat marluk ilagiinni Filip­pimiit­tut qanoq ikiorai eqqarsaatigeriaruk. (Flp 4:1-3) Euudia aamma Syntyki isumaqatigiin­ngis­suteqaramik ikin­ngutigiik­kun­naarunar­put. Paulusip peq­qar­niif­figinagillu isor­nar­torsiun­ngilai, pis­susiili nuan­nersut pingaar­tip­pai. Jehovamut kif­far­tor­nerminni ukior­pas­suarni aalajaatsuusimap­put. Paulusillu nalun­ngilaa Jehovamit asaneqar­tut. Taamatut ajun­ngitsumik isigin­nit­taaseqarfigigamigit eqqis­seqatigeeq­qul­lugit kajumis­saar­pai. Allat pis­susii nuan­nersut pingaar­tit­taramigit nuan­naar­tuarlunilu ilagiin­niit­tut ikin­ngutigil­luar­pai. w22.03 30 § 16-18

Eqqis­sineq Jehovameersoq uum­matik­kut eqqarsaatik­kullu eqqis­sis­sutigisar­par­put. Qatan­ngutip arnap Luzimik atil­lip tamanna misigaa. Ima oqar­poq: “Kiserlior­taqaanga. Ilaan­nik­kut misigis­sutsit taamaat­tut eqqarsalersit­tar­paan­nga Jehovamit asaneqan­ngitsunga. Taamali eqqarsaleraangama ingerlaan­naq Jehovamut oqalut­tuarisar­para. Qinugaangama misigis­sutsikka aqus­sin­naaler­tar­pakka.” Taas­suma misigisaanit erser­poq qinuneq eqqis­sisitsisar­toq. (Flp 4:6, 7) Nalun­ngilar­put asasatsin­nik toquk­kut annaasaqar­nitsinni Jehovamit Jiisusimillu ikior­neqas­sal­luta. Aamma Jehova Guuti Jiisusilu Kristusi ilaarlugit misigin­neqataal­luta oqaluus­sisar­nis­satsin­nut ilin­niar­titsisar­nis­satsin­nullu kajumis­saar­neqar­pugut. Tup­pal­ler­naqaarlu nalun­ngin­natsigu Jehova erneralu san­ngiis­sutsitsin­nik paasin­nit­tar­tut piner­tusaarsin­naaq­qul­lutalu ikiorusuk­kaatigut. Jehovap neriorsuutigisamisut ‘qul­linik tamanik isitsin­nit allar­terinis­saa’ qilanaaraar­put! – Saqq 21:4. w22.01 16 § 7; 19 § 19-20

Jiisusip aqqutinut assigiin­ngitsunut marlun­nut isaaf­fiit eqqaavai. Aqqutip aap­paa silit­tuuvoq aap­paalu amitsuul­luni. (Mat 7:14) Allamik aqquteqan­ngilaq. Sorlik­kuus­sanerluta nam­mineq aalajangigas­saraar­put. Tamanna aalajangigas­satsin­nit tamanit pingaar­ner­paajuvoq, aqqummi ataasiin­naq inuunermut naas­saan­ngitsumut aqqutaavoq. Aqqut silit­toq ingerlavigiuminar­tuum­mat inup­pas­suit tas­suunaar­tar­put, ajoraluar­tumillu aqqut taanna qimak­kusun­nagu maleruutiin­nar­tar­put. Paasin­ngilaat Saatani Diaavulu aqqutik­kut tas­suunaar­titsiniaasuusoq aqqullu taanna toqumik kinguneqar­toq. (Kor 1. 6:9, 10; Joh 1. 5:19) Aqqutip aap­paa amitsuuvoq, Jiisusilu oqar­poq taas­sumin­nga nanisisut ikit­tuin­naasut. Sooq? Maluginiaruk tamanna eqqaareerlugu Jiisusip pruf­fiitioq­qusersut pil­lugit malin­nitsini mianersoq­qugai. – Mat 7:15. w21.12 22-23 § 3-5