Novembari

Jehovap ikiuisar­nera arlalip­pas­suar­tigut misigisar­par­put. Akerlilersuisumit sorraaf­figineqar­ninni eqqis­sisimaan­nar­nis­san­nut ikiorsin­naavaatit. Aamma pulaak­kamut soqutigin­nit­tumut allas­simaf­fim­mik naleq­qut­tumik eqqaasaqar­nis­san­nik ikiorsin­naavaatit. Oqaluus­sif­figisar­tak­kan­nilu soqutigin­nit­toqarfiun­ngitsumi piner­tusaar­nis­san­nut ikior­tar­paatit. (Jer 20:7-9) Jehovap oqaluus­sinis­samut ilin­niar­tik­kamisigut ajun­ngitsuliorfigaatigut. Ulluin­narni ataatsimiit­tar­nitsinni oqaloqatigiin­nis­samut siun­nersuutit piareersarluak­kat takusar­pagut oqaluus­sinermilu ator­nis­saan­nut kajumis­saar­neqar­tarluta. Immaqa aal­laq­qaam­mut ator­nis­saan­nut tunuarsimaar­pugut, atuleratsigilli immaqa paasivar­put oqaluus­sif­figisar­tak­katsin­niit­tunut naleq­qut­tuusut. Aamma ataatsimiin­nerni ataatsimeersuar­ner­nilu kajumis­saar­neqar­tar­pugut oqaluus­seriaatsit misilis­siman­ngisagut misileq­qul­lugit. Taamaalior­nis­sar­put annilaangas­sutigisin­naavar­put, misilik­kutsigilli Jehovamit pil­luaq­quneqas­saagut. w21.08 27 § 5-6

Korintimiunut allak­kamini apustili Paulusi sak­kor­tuumik oqaaq­qis­saarivoq. Allaf­figereerlugit Tit­tusi taak­kunun­nga aal­lar­tip­paa. Paasigamiullu siun­nersuutini maleruarsimagaat nuan­naangaar­poq. (Kor 2. 7:6, 7) Utoq­qaaner­tat uppeqatimik peqatigisar­nerisigut Paulusi ilaarsin­naavaat. Ilaatigut taamaaliorsin­naap­put uppeqatitik qiim­maal­lan­nar­tumik oqaloqatigiumal­lugit ataatsimiin­nermut aggiaar­nik­kut. Amerlaner­tigut minutsialuit atorlugit qatan­ngutit pisariaqar­titsisut qiim­mas­sar­neqarsin­naasar­put. (Rom 1:12) Aamma utoq­qaaner­tap uppeqatini qiim­mas­sar­niarlugit Guutip oqaasianik atuisar­nermigut Guutimillu asaneqar­neran­nik eqqaasit­tar­nerisigut Paulusi ilaarsin­naavaa. Nersualaar­nis­saan­nik periarfis­sarsior­tar­poq. Utoq­qaaner­taq siun­nersuisariaqaraangami Guutip oqaasianut naaper­tuut­tumik taamaalior­tar­poq. Siun­nersuk­kami siun­nersuutini maleruas­sagaa kis­saatigigamiuk toq­qaan­nar­tumik inus­siar­nersumilli siun­nersuisar­poq. – Gal 6:1. w22.03 28-29 § 11-12

Jehovap nalitsinni innut­tani aalajaal­lutik kif­far­tor­tuar­nias­sam­mata pis­saanermik asseqan­ngitsumik tunisar­pai. Ilaatigut qinunik­kut nakus­satsit­tar­pugut. Biibilimi kajumis­saar­neqar­pugut Guutimut qaquguk­kul­luun­niit qinusas­sasugut. (Ef 6:18) Qin­nutigut akil­lugit Jehovap nakus­satsis­savaatigut. Ilaan­nik­kut ajor­nar­torsiutit ima anner­tutigisin­naasar­put allaat suut qin­nutigis­sanerlugit nalunarsisarluni. Qanorluun­niilli misigis­sutsigut eqqarsaatigullu nas­suiaruminaatsitsigigaluarutsigit Jehovap imminut qinusaq­quaatigut. (Rom 8:26, 27) Aamma Biibili aqqutigalugu nakus­satsit­tar­paatigut. Paulusip nakus­satsin­neqarumal­luni tup­pal­lersar­neqarumal­lunilu Allak­kat atuar­tar­pai. Uagut­taaq taamaalior­tariaqar­pugut. (Rom 15:4) Atuak­katsin­nik eqqarsaatigin­neq­qis­saar­tarutta Jehovap ikiorluta paasitis­savaatigut atuak­kagut inuunitsinni qanoq iluaqutigisin­naagigut. – Hebr 4:12. w21.05 22 § 8-10

Ilin­niar­titsinis­samik peq­qus­sut pimoorup­par­put, aamma ajor­nar­torsiutit pis­sutigalugit kis­saatigisatsitut iliuuseqar­tigisin­naan­ngik­kaangatta. Oqaluus­sisar­tut ilaat utoq­qalisimap­put peq­qiil­liulersimal­lutil­luun­niit. Illit taama atugaqar­pit? Taamaap­pat eqqaamajuk paasinarsisoq ator­toris­saarutit elektroniskiusut atorlugit Biibilimik ilin­niar­titsil­luarsin­naal­luta. Tassa angerlarsimaf­fitsin­niit eqqis­sil­luta Biibilimik ilin­niar­titsisarsin­naavugut. Tamanna aamma allamik iluaqutis­sar­taqar­poq. Inuit ilaasa Biibili misis­sorusut­tar­paat, immaqali ullup ingerlanerani misis­suinis­sar­tik pif­fis­saqarfigineq ajor­paat. Immaqa ullaak­kut unnuk­kul­luun­niit taamaal­laat pif­fis­saqar­tar­put. Pif­fis­sani taak­kunani illit ilin­niar­titsisarsin­naavit? Jiisusi Nikodemusimut taamaalior­poq. – Joh 3:1, 2. w21.07 5 § 10-11

Jiisusip ajoqersugai iisin­ngin­niar­neq ajoramik Johan­nesip Kuisisup ajoqersugaanit tupaal­laatigineqar­put. Jiisusip nas­suiar­paa suli inuutil­luni taakku iisin­ngin­niar­nis­samin­nut pis­sutis­saqan­ngitsut. (Mat 9:14-17) Taamaak­kaluar­toq farisiiarit akerlilersuisullu allat ileq­qulersuutitik ileq­qutoq­qatillu Jiisusip maleruan­ngim­magit assuaraat. Nap­paatil­lit sabbatimi ajorun­naarsim­magit Jiisusi kamaap­paat. (Mak 3:1-6; Joh 9:16) Sabbati pil­lugu inatsisit pingaar­tin­neraraluarlugit naalaf­fimmi niuer­toqar­tar­nera ajorin­ngilaat. Naalaf­fimmi niuer­tar­ner­tik pil­lugu Jiisusimit assuarineqaramik kamap­put. (Mat 21:12, 13, 15) Synagogimi Nazaretimiit­tumi Jiisusip oqaluus­sif­figisani nam­minis­sarsior­nerarlugit upper­nikin­nerarlugillu oqamisaarluni Israelik­kut oqalut­tuarisaaneranni pisimasunut nuan­niitsunut naleq­qium­matik kamap­put. (Luk 4:16, 25-30) Tassa inup­pas­suit naak­kiut­tar­put Jiisusi ilimagin­ngisamin­nik iliuuseqar­tarmat. – Mat 11:16-19. w21.05 5-6 § 13-14

Jehovap kif­fani kuk­kusimasut pil­lugit oqalut­tuar­nermigut ilin­niar­tip­paatigut makitaneq piumatunerlu qanoq navianar­tigisut. Piumatuneq eqqarsaatigigaangatsigu Saatani Diaavulu eqqaasar­par­put. Saatani Jehovap inngiliatut immik­kut nuan­nersunik pisin­naatitaaf­fip­pas­suaqarsimas­saaq. Tamak­kuli naam­maginagit pal­lorfigineqarusup­poq, uffa Jehova kisiat pal­lorfigisas­sarigip­put. Saatanip kis­saatigigamiuk uagut immisut ilis­sasugut pigisatsin­nik naam­magin­nik­kun­naarsin­niarsaraatigut. Siul­ler­paamik taamaalior­poq Eva oqaluuk­kamiuk. Jehovap asan­nil­luni Eva uialu naam­mat­torsuar­nik nerisas­saqar­tip­pai. “Naatsiiviup orpii tamaasa” – ataaseq minil­lugu – nerif­figisin­naavaat. (Mos 1. 2:16) Saatanilli Eva nakutil­lugu eqqarsalersip­paa orpik nerif­figeq­qusaan­ngitsoq nerif­figisariaqaraa. Evap Jehovamit pisani qujamasuutigin­ngin­namigit naam­magiun­naar­pai. Qanorlu kinguneqar­toq nalun­ngilar­put. Evap ajor­tulior­nini toq­qutigaa. – Mos 1. 3:6, 19. w21.06 14 § 2-3; 17 § 9

Adami Evalu qitor­niorlutillu nunarsuaq angerlarsimaf­fitsik isumagil­luar­tus­saagaluar­paat. Jehovap piumasaa naalas­simasuugunikku qitor­natillu Jehovap ilaqutariis­sor­taanut naas­saan­ngitsumik ilaasin­naasimas­sagaluar­put. Adami Evalu Jehovap ilaqutariis­sor­taani pingaar­tin­neqar­put. Jehovap inun­nik pin­ngor­titsisimanera pil­lugu Tus­siaat 8:6-imi Daavi ima allap­poq: “Imman­nguaan­naq Guutimit [in­ngilinit, NW] nikanar­nin­ngor­tip­pat, naalan­naam­mik ataq­qinaam­millu niaqoruser­pat.” Inuit inngilitulli pis­saaneqar­tiginatillu silas­soritsiginatillu pigin­naaneqar­tigin­ngil­lat. (Tuss 103:20) Taamaak­kaluar­toq inuit anersaanit pis­saaneqangaar­tunit “imman­nguaan­naq” appasin­nerup­put. Ajoraluar­tumik Adami Evalu naalan­ngin­nerat pis­sutigalugu Jehovap ilaqutariis­sor­taanut ilaajun­naarmata kinguaavinut kingunerlungaar­poq. Jehovalli siuner­taa allan­ngun­ngilaq. Inuit naalat­tut naas­saan­ngitsumik qitor­narerusup­pai. w21.08 2-3 § 2-4

Nalitsinni Jehovamut kif­far­tor­tor­pas­suit akerlilersor­neqar­tar­put. Assersuutigalugu ilaat nunani guutisior­nitsin­nik kil­lilersuif­fiusuni najugaqar­put. Ilaallu tigusarineqariarlutik “naalak­kersuisunut kun­nginul­lu” sas­sar­tin­neqar­tar­put, taman­nalu oqaluus­sinermik kinguneqar­tar­poq. (Mat 10:17, 18) Uppeqatigut allat allatut akerlilersor­neqar­tar­put. Immaqa nunami guutisior­nitsin­nik kil­lilersuif­fiun­ngitsumi najugaqaraluarlutik ilaqut­tamin­nit Guutimut kif­far­torun­naarsitsiniaasar­tunit akerlilersor­neqar­tar­put. (Mat 10:32-36) Amerlaner­tigut akerlilersuisut paasigaangamikku ilungersor­nitik asuliin­naasut akerlilersuiun­naar­tar­put. Allaat nakuuserlutik akerlilersuisarsimasut Nalunaajaasun­ngorsimap­put aal­lus­sil­luar­tut. Akerlilersor­neqaruit uniin­naqinak! Sapiitsuugit. Jehovamit anersaavanillu iller­nar­tumit ikior­neqaravit siooragisas­saqan­ngilatit! w22.03 16 § 8

Biibilimi Jehovap uumigisai allaatigineqar­put, tas­saap­pullu “isit makitar­palut­tut, oqaq sal­lutooq, assaat pin­ngitsup aavanik kuisisut.” (Uss 6:16, 17) Aamma ‘peq­qusersior­tut maajugai’. (Tuss 5:7) Jehovap pis­sutsit iliuutsillu taamaat­tut uumigingaaramigit Nooap nalaani nunarsuarmi inun­nik ajor­tunik nakuuser­tunik ulik­kaangaarmat taakku nungutip­pai. (Mos 1. 6:13) Aamma Jehova pruf­fiiti Malaki aqqutigalugu oqar­poq aap­parminik pisuus­suteqan­ngitsumik ilumuun­ngitsuliorfigin­nil­lunilu avit­toq uumigalugu. Guutip taak­kua guutisior­nerat akuerin­ngilaa iliuusiilu naaper­torlugit akisus­saatik­kumaarlugit. (Mal 2:13-16; Hebr 13:4) Jehovap kis­saatigaa ‘ajus­suseq maajugis­sagip­put’. (Rom 12:9) Oqaatsip ‘maajugin­nin­nerup’ isumaa misigis­sutsik­kut sak­kor­tuumik qisuariar­neruvoq; tamanna uumigin­nil­luin­nar­nermik maajugin­nil­luin­nar­nermillu isumaqar­poq. Taamaat­tumik Jehovap ajor­tutut isigisaanik iliuuseqar­neq eqqarsaatigiin­narluguluun­niit maajugisariaqar­par­put. w22.03 4-5 § 11-12

Qanit­tuk­kut Ataatatta qilam­miusup kun­ngeqarfini aqqutigalugu pil­luaq­qus­savaatigut. Jehovamik utaq­qiuar­tut maan­nak­kut siunis­samilu paratiisis­sami pil­luaq­quneqangaas­sap­put. Guutip innut­tai paratiisimiilerunik nalitsin­nitulli ajor­nar­torsiuteqar­natillu isumakuluuteqas­san­ngil­lat. Naaper­tuil­luan­ngitsulior­toqarun­naarlunilu anniar­toqarun­naas­saaq. (Saqq 21:4) Pisariaqar­titatsin­nik amigaateqas­san­ngin­natta isumakulut­tariaqan­ngilagut. (Tuss 72:16; Es 54:13) Pil­luar­narunas­susia! Jehovap ileq­qupalaaqarun­naar­nis­satsin­nut nuan­narisaminillu pis­suseqaler­nis­satsin­nut ikiorluta paratiisimi inuunis­satsin­nut piareersar­paatigut. Nikal­lorlutit tun­niutiin­naqinak. Inuuneq pitsaaner­paaq misigiliivip­par­put! Nuan­nersumik siunis­saqaratta Jehovap iliuuseqar­nis­saanut kajumil­luta utaq­qisin­naas­suseqarta! w21.08 13 § 17-19

Kristumiut taamatut Paulusimit allaf­figiteq­qam­merlutik angerlarsimaf­fitsik, sulif­fitsik ilaqut­tatillu upperisaqatigin­ngisatik qimal­lugit ‘qaq­qanut qimaasariaqarsimap­put’. (Mat 24:16) Avitseqatigiit­tar­nis­saq pif­fis­sami tamatumani pisariaqar­tis­simas­savaat. Tamanna sioq­qul­lugu taamaalior­tar­neq ileq­qulius­simagunikku qimar­nguf­fim­minni pigisakin­nerugaluarlutik naam­magin­nin­nerus­sap­put. Uppeqatitta pisariaqar­titsiner­tik oqaatigiuaan­nar­neq ajor­paat. Taamaat­tumik ikior­tis­sarsiorfigiuminar­tuugit. Ilagiinni uppeqatitsin­nik ikiuuk­kumatuunik tamatta nalun­ngisaqarunar­pugut. Eqiagineqar­tutut misigitin­ngisaan­nar­paatigut, nalun­ngilar­pullu ikior­tariaqaleraangatta piareersimajuar­tuusut. Uagut taakku assigerusup­pagut! w22.02 23-24 § 13-15

Ilagiinni amerlasuuni ukiuni kingul­lerni allan­nguisoqar­poq. Oqaluus­sisar­tut ilagiinni sorler­nut nuus­saneran­nik utoq­qaaner­tat Guutimit toq­qaan­nar­tumik oqarfigineqar­tar­pat? Naamik, taman­nalu pis­sutigalugu utoq­qaaner­tat aalajangigaan­nut isumaqataanis­saq saper­narsin­naasar­poq. Uagut ilagiin­nut allanut nuus­sin­naanersugut aperineqarsimagutta ikin­ngutitta ilaqut­tat­talu qiman­nis­saat unam­miniar­nar­tis­sin­naavar­put. Utoq­qaaner­talli Jehovap tatigisai uagut­taaq tatigisariaqar­pagut. Sooq utoq­qaaner­tat aalajangiigaangata isumaqataan­ngik­kaluarut­taluun­niit naalat­tas­savagut? Taamaalior­nik­kut Guutip innut­taasa ataasioqatigiin­nerat illersus­sagatsigu. Tamatta utoq­qaaner­tat aalajangigaan­nik maniguul­luta tapersersuigutta ilagiit ingerlal­luas­sap­put. (Hebr 13:17) Aamma Jehovap uagutsin­nik paarsisutut akisus­saaf­filersimasai naalak­kutsigit ersersis­savar­put Jehova tatigalutigu. – ApS 20:28. w22.02 4-5 § 9-10

Angutaaguit Nalunaajaasoq oqalugiar­nermut ilin­niar­titsinermullu pik­korin­neruler­nis­sat sulis­sutigisin­naavat. Sooq? Atuf­farin­neruler­nis­sat, oqalugial­laq­qin­neruler­nis­sat ilin­niar­titsil­laq­qin­neruler­nis­sallu sulis­sutigiguk­kit tusar­naar­tutit ikiorluarsin­naanerus­savatit. (Tim 1. 4:15) Misis­sueq­qis­saar­tarit aamma oqalugiar­tar­neq pil­lugu siun­nersuutit qup­persak­kami Atuffassinermut ajoqersuinermullu pikkorinnerulerit-imiit­tut malin­niar­tak­kit. Siun­nersuutit ataasiak­kaarlugit misis­sor­tak­kit, sungiusar­tarit oqalugiaraangavillu malin­niar­tarlugit. Siun­nersor­tit utoq­qaaner­tal­luun­niit allat “oqalun­nik­kut ilin­niar­titsinik­kullu tamaviaar­tut” ikior­tiserik­kit. (Tim 1. 5:17) Qup­persak­kami siun­nersuutit maliin­nar­nagit aamma tusar­naar­tivit upper­nik­kut nakus­satsin­nis­saat ilik­kak­kamin­nillu malin­neq­qul­lugit kajumis­saar­nis­saat eqqarsaatigisaruk. Taamaalior­taruit illit tusar­naar­titillu nuan­naar­nerulis­saasi. w21.08 24 § 17

Allat uagutsin­nit pingaar­nerusutut isigigutsigit uagutsin­nit arlaatigut pik­korin­nerusut unam­mil­ler­nagit qutsatiin­nas­savagut – ingam­mik pigin­naanitik Jehovamut kif­far­tor­nerminni taas­sumun­nga ataq­qinaataatip­patigit. Taamaaliorutta tamatta ilagiinni eqqis­seqatigiil­lutalu ataasius­suseqatigiis­saagut. Anneruniajuis­suseq ineriar­tor­tik­kutsigu, tassa pisin­naasatta kil­leqar­nerat nas­suerutigigutsigu, sin­ngaq­qajaaneq akiorsin­naas­savar­put. Anneruniajuik­kutta allanit pik­korin­neruniarsarinata uagutsin­nit pik­korin­nerusut ilin­niarfigerusus­savagut. Assersuutigalugu qatan­ngut angut ilagiinni oqalugial­laq­qis­suusoq oqalugiaatis­sani qanoq piareersar­tar­nerai aperisin­naavar­put. Qatan­ngut arnaq iggaris­suup­pat iganermut tun­ngasunik taas­suman­nga siun­nersor­tik­kumasin­naavugut. w21.07 16 § 8-9

Mosesimik allak­kat sisamaanni atuar­neqarsin­naavoq Israalik­kuusoq sabbatimi qisus­sanik katersisoq Jehovap toqutas­san­ngor­tik­kaa. Samuelimillu allak­kat aap­paanni atuar­neqarsin­naavoq kun­ngi Daavi allasiormat toqutsim­mallu Jehovap isumak­keerfigigaa. (Mos 4. 15:32, 35; Sam 2. 12:9, 13) Taava immaqa ima eqqarsar­pugut: ‘Sooruna angutip Israalik­kuusup ajor­tuliaa Daavip ajor­tuliaatulli ingasap­pasitsigin­ngik­kaluar­toq Jehovap taanna toqutas­san­ngor­tik­kaa Daavilu isumak­keerfigalugu?’ Susoqarsimanera Biibilimi tamak­kiisumik oqalut­tuarineqar­tuaan­nan­ngilaq. Assersuutigalugu nalun­ngilar­put Daavip ajor­tuliani ilumoorluni peq­qis­simis­sutigigai. (Tuss 51:4-6) Sabbatimili qisus­sanik katersisoq inut­tut qanoq ittuua? Iliuutsini peq­qis­simis­sutigai? Sior­natigut Jehovap inatsisaanik unioq­qutitsisarsimava? Mianersoq­quneqarsimagaluarpa? Naluar­put, tamak­kumi Biibilimi oqalut­tuarineqan­ngil­lat. Guutili pil­lugu ilisimariik­kagut tun­ngavigalugit oqarsin­naavugut Jehova qanoq ‘ilior­nermini tamani ilumoor­tuusoq’. – Tuss 145:17. w22.02 3 § 3-4

Inuup anneruniajuitsup pisin­naasani qaangerlugit iliuuseqar­nis­sani naatsorsuutigineq ajoramiuk nuan­naar­tuarsin­naavoq naam­mas­sisaqarluarsin­naal­lunilu. Inuk anneruniajuitsoq qum­mukajaak­kut biiler­tumut assersuun­neqarsin­naavoq. Biiler­tup qum­mukajaak­kut unit­tuus­san­ngik­kuni geari sak­kukin­nerusumut nikisit­tariaqas­savaa. Kigaan­nerusumik ingerlaleraluarluni siumukar­tuas­saaq. Tamatumun­nga assingusumik inuup maniguut­tuusup naluneq ajor­paa Jehovamut kif­far­tor­nermini unit­tuus­san­ngik­kuni qaquguk­kut “kigaan­nerusumik” ingerlasariaqas­sanerluni. (Flp 4:5). Barzil­laji eqqarsaatigiuk. Taanna 80-inik ukioqar­toq kun­ngip Daavip illus­saarsuarminut kif­far­toriar­toq­quaa. Barzil­lajip iliuuserisin­naasami kil­leqar­nerat nalun­ngilaa. Taamaat­tumik anneruniajuil­luni siun­nersuutigaa angut inuusun­nerusoq Kimhamimik atilik paarlal­luni kif­far­tus­sasoq. (Sam 2. 19:36-38) Nalitsinni angutit utoq­qaat Barzil­laji assigalugu anneruniajuik­kamik angutit inuusun­nerusut akisus­saaf­filer­neqaraangata nuan­naar­tar­put. w21.09 10 § 6-7

Jehovap Ataatatut asan­nit­tutut isiginis­saa saper­nar­tit­tar­piuk? Inuit ilaat taamatut misigisar­put. Peroriar­tor­nitsinni angajoq­qaagut asan­nit­tuusiman­ngip­pata ataataasup asan­nit­tuusin­naanera takorlooruminaatsis­sin­naavar­put. Tup­pal­ler­naqaaq nalunagu Jehova misigis­sutsitsin­nik paasin­nil­luin­nar­tuusoq! Qanil­lerusup­paatigut. Taamaat­tumik oqaatsimini ima kajumis­saar­paatigut: “Guuti qanil­lisiuk, taava ilis­sin­nut qanil­lis­saaq.” (Jaak 4:8) Jehovap asavaatigut tamanillu Ataataal­luar­ner­paal­luni. Jiisusip Jehovamut qanil­linis­satsin­nut ikiorsin­naavaatigut. Jiisusip Jehova ilisarisimal­luin­naramiuk pis­susiinillu ilaarsil­luin­nar­tarami ima oqarsimavoq: “Uan­nik takun­nis­simasup aamma Ataataq takusimavaa.” (Joh 14:9) Jiisusip qatan­ngutigiinni angajul­lersatul­lusooq Ataatar­put qanoq ataq­qil­lugulu naalas­sin­naagip­put, qanoq iluarin­ngisaanik ilior­naveersaarsin­naasugut qanorlu taas­suman­nga iluarisaasin­naasugut ilin­niar­tip­paatigut. Ingam­milli Jehovap asan­nit­tuunera inus­siar­nersuuneralu Jiisusip inuuneranit erser­poq. w21.09 21 § 4-5

Guuti ilumoor­tutuaq ataasioqatigiil­luta pal­lorfigaar­put. Jehovap ilagiit minguitsuutin­niarlugit utoq­qaaner­tat pingaarutilim­mik akisus­saaf­filersimavai. Jehovap piumasaraa qatan­ngut ingasat­tumik ajor­tuliorsimap­pat utoq­qaaner­tat aalajangis­sagaat ajor­tuliorsimasoq ilaajun­naarsitaas­sanersoq. Ilaatigut paasiniar­tus­saavaat ajor­tuliorsimasoq ilumoorluni peq­qis­siminersoq. Imaas­sin­naavoq peq­qis­siminerar­toq, ajor­tulianili uumigaa? Taamatut ajor­tulioq­qin­ngin­nis­sani aalajangiusimavaa? Ikin­ngutipalaaqar­nini ilaatigut pis­sutigalugu ajor­tuliorsimaguni taakku peqatigisarun­naariaan­naavai? Utoq­qaaner­tat Jehovamut qinunik­kut siulersoq­qusar­put, pis­sutsit Biibilimilu allas­simasut nalilersor­tar­paat ajor­tuliorsimasullu qanoq misiginera paasiniar­tarlugu. Taamaalil­lutik aalajangersin­naaler­tar­put ajor­tuliorsimasoq ilaajun­naarsitaas­sanersoq. – Kor 1. 5:11-13. w22.02 5 § 11-12

Qanorluun­niit sivisutigisumik Nalunaajaasuusimagaluarutta tamatta Jehovap iluarisaanik kinaas­suseqarusup­pugut. Taama ittumik kinaas­suseqas­sagutta eqqarsaatigut aqus­sin­naasariaqar­pagut. Sooq? Eqqarsaatigut kinaas­susitsin­nut sun­niisarmata. Assersuutigalugu pileris­susipiluit eqqarsaatigiin­naavik­kutsigit ajor­tunik oqaaseqarlutalu iliuuseqas­saagut. (Ef 4:17-19) Paarlat­tuanilli ajun­ngitsut eqqarsaatigisarutsigit Jehovap iluarisaatut oqalul­lutalu pis­susilersor­nis­sar­put ajor­nan­ngin­nerus­saaq. (Gal 5:16) Eqqarsaatit ajor­tut piivis­sin­naan­ngilagut. Aalajangersin­naavugulli eqqarsaatit taakku timitaler­niar­nagit. Imermut morsutsin­neqan­ngik­kal­laratta Jehovap uumigisaatut oqalut­tar­neq iliuuseqar­tar­nerlu taamaatit­tariaqarsimavagut. Taak­kulu kinaas­susitoq­qap iperar­nis­saanut iliuuserisatta pingaar­nersaraat. Jehovali nuan­naar­tin­nerus­sagutsigu aamma kinaas­suseq nutaaq atis­savar­put. w22.03 8 § 1-2

Ingasat­tumik ajor­tuliorsimasoq ilumoorluni peq­qis­siminersoq utoq­qaaner­tat nalileruminaatsis­sin­naavaat. Sooq? Inuup eqqarsaatai takusin­naan­ngin­namik­kit peq­qis­siminermut takus­sutis­sat eqqumaf­figisar­paat. Ajor­tuliorsimasup eqqarsar­taatsiminik, misigis­sutsiminik pis­susilersor­nerminillu ilumoorluni allan­nguineranik takus­sutis­saqaq­qaar­tariaqar­put. Ingasat­tumik ajor­tuliorsimasoq ilumoorluni peq­qis­siminerminik sivisuumik upper­narsaaniar­tariaqarsin­naavoq. Ilaajun­naarsitaasimasoq ilumoorluni peq­qis­siminerminik ersersitsiumal­luni ataatsimiin­nerni najuut­tar­neq ileq­quliut­tariaqar­paa utoq­qaaner­tallu siun­nersuinerat­tut Biibilimik misis­suil­lunilu qinukulasariaqarluni. Aamma ajor­tulioq­qin­nis­samut usser­nar­tuusin­naasut sapin­ngisaminik ingalas­simasariaqar­pai. Jehovamut attaveqarlualeq­qin­nis­sani ilungersuutigiguniuk qularis­san­ngilaa Jehovamit isumak­keerfigineqarumaarluni ilagiin­nullu ilaaleq­qin­nis­samut utoq­qaaner­tanit ikior­neqarumaarluni. w21.10 5-6 § 16-18

Jiisusip Jehovamik asan­ningaar­nini kajumis­sis­sutigalugu qilam­miin­nermini nunarsuarmiin­nerminilu taanna kisiat guutisiorfigaa. (Luk 4:8) Aamma ajoqersuk­kani taamaalior­nis­saan­nik ilin­niar­tip­pai. Jiisusip ajoqersugaasalu ilumoor­tut guutisior­nerminni assilis­sat ator­neq ajor­paat. Guuti anersaajugami assilialiarineqarsin­naan­ngilaq. (Es 46:5) Taavami iluar­tuutitanik taaneqar­tar­tunik assilialior­neq taak­kunun­ngalu qinusar­neq? Inas­sutini Qulini inas­sutip aap­paanni Jehova ullormut allas­simaf­fimmi allas­simasutut oqar­poq. Guutimit iluarisaarusut­tut oqaatsit taakku paasil­lugillu maleruarusut­tar­paat. Oqalut­tuarisaanik­kut ilisimatuut oqar­put kristumiut siul­liit Guuti kisiat guutisiorfigigaat. Jehovap Nalunaajaasuisa kristumiut siul­liit guutisioriaasiat ilaar­paat. w21.10 19-20 § 5-6

Jiisusip kristumiut siul­liit Judæami najugaqar­tut sis­sueq­quai Jerusalemi sak­kutuunit unguneqas­sasoq. (Luk 21:20-24) Unguneqar­pat qaq­qanut qimaasariaqar­put. Qimaagamik inuuner­tik annaap­paat, pigisatigulli ajunaarutigaat. Ukiualuit matuma siorna Napasuliaq Alapernaarsuiffik-mi ima allas­simasoqar­poq: “Nunaatitik angerlarsimaf­fitillu qimap­paat pigisamin­nik nas­saratik. Jehovap illersuinera tapersersuineralu tatigil­luin­narlugu taas­sumin­nga pal­lorfigin­nin­neq pingaaruteqar­pasik­kaluar­tunit allanit tamanit sal­liutip­paat.” Aamma ima allas­simavoq: “Imaas­sin­naavoq nunap piinik isigin­nit­taatsitsin­nik misilin­neqar­tugut; tamakku Guutip tamanik annaas­sinis­saanik pingaar­nerutip­pagut? Aap, qimaaner­put artor­nar­tunik ujariatsiner­nillu nas­sataqarsin­naavoq. Qanorluun­niit pisoqarsin­naaneranut piareersimasariaqar­pugut.” w22.01 4 § 7-8

Israelik­kut Egyptenimit anigueq­qam­mersut Jehova atini pis­susinilu taal­lugit Mosesimut imminut ilisaritip­poq ima oqarluni: “Naalagaq, Naalagaq tassa Guuti nal­lit­tuisoq saam­maasorlu, kamajaatsoq ilumoor­nermik [ilumoorfigin­nil­luni asan­nin­nermik, NW] sal­lusuis­sum­millu peqangaar­toq. Ilumoor­nermik [ilumoorfigin­nil­luni asan­nin­nermik, NW] atatitsisoq kinguaariis­soqatigiinni tuusintini ataatsini pisuus­suser­nik unioq­qutitsiner­nillu, ajor­tulianillu isumak­kiisoq.” (Mos 2. 34:6, 7) Taamatut nuan­ningaar­tunik oqaaseqar­nermigut Jehovap ilumoorfigin­nil­luni asan­nin­nerminut tun­ngatil­lugu immik­kuul­laris­soq Mosesimut saq­qum­miup­paa. Suna? Jehova imminut ilisaritik­kami oqaan­nan­ngilaq ilumoorfigin­nil­luni asan­nit­tuul­luni, oqar­porli ‘ilumoor­nermik peqangaarluni’, tassa ilumoorfigin­nil­luni asan­ningaar­tuul­luni. Biibilimi arlaleriarluni taamatut allas­simasoqar­poq. (Mos 4. 14:18; Neh 9:17; Tuss 86:15; 103:8; Joel 2:13; Jon 4:2) Taamatut allas­simasoqaraangat inuit pineqaratik Jehova tamatigut pineqar­tar­poq. Maluginiar­nar­poq Jehovap ilumoorfigin­nil­luni asan­nin­nini taamatut erseq­qis­sarmagu! w21.11 3 § 3-4

Aap­pariit apustili Petrusi nulialu ilin­niarfigisin­naavaat. Jiisusimik naapitseq­qaar­nerminiit ukiup affaata mis­saa qaangiut­toq Petrusi pingaarutilim­mik aalajangigas­saqaler­poq. Petrusip aalisar­neq inuus­sutis­sarsiutigaa. Taamaat­tumik Jiisusip pif­fis­saq tamaat kif­far­toqatiserim­mani aalajangiitin­nani nuliani eqqarsaatigisariaqar­paa. (Luk 5:1-11) Petrusi aalajanger­poq Jiisusi oqaluus­seqatiginiarlugu. Tamanna nuliata tapersersorsimas­savaa. Biibilimimi ersersin­neqar­poq Petrusip nuliani Jiisusip makititaanerata kingorna ilaan­nik­kut angalaqatigisaraa. (Kor 1. 9:5) Nuliami tapersersuil­luar­nera pis­sutigalugu Petrusi aap­pariin­nut kristumiunut Guutimit isumas­sarsisin­neqarluni nakimanani siun­nersuisin­naasimavoq. (Pet 1. 3:1-7) Petrusip nuliatalu upperil­luin­nar­paat Guutip kun­ngeqarfia sal­liuk­kunikku Jehovap isumas­sorumaaraatik. – Mat 6:31-34. w21.11 18 § 14

Apustilip Paulusip uppeqatini asavai. Isumas­sorumal­lugit suleruloor­tar­poq. (ApS 20:31) Taamaat­tumik uppeqataasa asangaar­paat. Ilaanni utoq­qaaner­tat Efesos­simiit­tut Paulusi takoq­qis­sanagu paasigamikku “tamarmik qiangaaler­put”. (ApS 20:37) Paulusi ilaarlugu ilagiinni utoq­qaaner­tat suleruloor­tut uppeqatitik asangaar­paat sapin­ngisamin­nillu ikior­tarlugit. (Flp 2:16, 17) Ilaan­nik­kulli utoq­qaaner­tat ajor­nakusoor­titaqar­tar­put. Taamaat­toqar­til­lugu suna iluaqutigisin­naavaat? Utoq­qaaner­tat Paulusip maligas­siaa iluaqutigisin­naavaat. Paulusi inuin­naagami naam­mal­luin­nan­ngitsuuvoq ilaan­nik­kullu eqqor­tumik ilior­nis­sani saper­nar­tit­tarlugu. (Rom 7:18-20) Assigiin­ngitsunillu ajor­nar­torsiuteqar­taraluarluni nikal­lorluni uniin­nan­ngilaq. Utoq­qaaner­tat Paulusi ilaarunikku ajor­nar­torsiutitik aaq­qis­sin­naal­lugillu Jehovamut kif­far­tor­nermi nuan­naar­tuarsin­naap­put. w22.03 26 § 1-2

Mosesimik allak­kat pingajui 19:3-mi Israelik­kut sabbatinik nal­lius­sisaq­quneqar­put. Kristumiutut Mosesip inatsisaanik maleruaas­sus­saatitaan­ngin­natta sabbatimik nal­lius­sineq ajor­pugut. Israelik­kulli sabbatimik nal­lius­sisarsimanerat taamaalior­tar­ner­tillu qanoq iluaqutigisarsimaneraat ilin­niarfigingaarsin­naavar­put. Israelik­kut ulluin­narni suliamin­nit sabbatimi qasuersaar­tas­sap­put anersaak­kullu ittunik sam­misaqar­tarlutik. Taamaat­tumik Jiisusi sabbatimi synagogimukar­tarsimavoq Guutillu oqaasianit atuf­fas­sisarluni. (Mos 2. 31:12-15; Luk 4:16-18) ‘Sabbatit nal­lius­sinis­saan­nik’ peq­qus­sut Mosesimik allak­kat pingajui 19:3-mi allas­simasoq kajumis­sis­sutigalugu ulluin­narni anersaak­kut ittunik sam­misaqar­tar­nis­satsin­nut pif­fis­saqarusut­tar­pugut. Misigivit taamaalior­nis­san­nut iliuuseqar­nerusin­naal­lutit? Anersaak­kut ittunik sam­misaqar­tar­nis­san­nut pif­fis­saqar­taruit Jehova qanimut ikin­ngutigilis­savat – taman­nalu iller­nar­tuus­sagaanni pisariaqarluin­nar­poq. w21.12 5 § 13

Jiisusi nunarsuarmiik­kami inuit tamalaat peqatigisar­pai. Inuit nuimasut pisuullu nereqatigisar­pai, aam­mali inuit piitsut nikagineqar­tullu pif­fis­saqarfigil­luar­tar­pai. Aamma “ajor­tulior­tar­tutut” isigineqar­tunik misigin­neqatigin­nit­tar­poq. Jiisusi taamatut pis­suseqarmat inuit makitasuut ilaat naak­kiup­put. Ajoqersuk­kanut ima aperip­put: “Sooruna akileraar­titsisar­tut ajor­tulior­tar­tullu nereqatigalugillu imeqatigaasigit?” Jiisusip ullormut allas­simaf­fimmi allas­simasutut akivai. (Luk 5:29-31) Mis­siarsip tikiun­nis­saa sioq­quterujus­suarlugu pruf­fiiti Esaja allap­poq silarsuarmit akuerisaas­san­ngitsoq. Ima siulit­tuivoq: “Nikanar­titaq, inuit narrugisaat, … maajugalugu alar­titiin­nagaq, asigin­nagaq, suutin­ngisar­put.” (Es 53:3) Mis­siarsi ‘inun­nit’ nikagisaasus­saam­mat juutit Jiisusip akueriumaneqan­ngin­nis­saa naatsorsuutigisus­saagaluar­paat. w21.05 8-9 § 3-4

Kristumiut siul­liit ilaat siun­nersuutinik maleruaanialuusaar­tar­put. (Jaak 1:22) Allat kinaas­susersiorlutik pisuut inun­nit allanit ajun­ngin­nerusumik pisar­paat. (Jaak 2:1-3) Allallu oqqamin­nik aqutsisin­naan­ngil­lat. (Jaak 3:8-10) Kristumiut taakku ingasat­tumik ajor­nar­torsioraluar­tut Jaakup isumal­luarfigai. Inus­siar­nerluni toq­qaan­nar­tumillu siun­nersuivoq, anersaak­kullu ikior­neqar­tariaqar­tut utoq­qaaner­tanut saaf­figin­neq­qul­lugit kajumis­saar­pai. (Jaak 5:13, 14) Ilin­niutis­sar­taa: Piviusorsior­tuul­lutit allat isumal­luarfigisak­kit. Biibilimik ilin­niar­titatta ilaasa ilik­kak­kamik maleruar­nis­saat saper­nar­tis­sin­naavaat. (Jaak 4:1-4) Ileq­qupalaamin­nik unitsitsiniar­ner­tik Kristusitullu pis­suseqaler­niar­ner­tik sivisunaarsin­naavaat. Sapiil­luta ilin­niar­titagut qanoq allan­nguisariaqar­tut oqarfigisariaqar­tar­pagut. Aamma isumal­luar­tuul­luta upperisariaqar­par­put Jehovap maniguut­tut kajungilersis­sagai inuunermin­nillu allan­nguisin­naanis­saan­nik ikius­sagai. – Jaak 4:10. w22.01 11 § 11-12

Kristumiut tamarmik Jehovatulli nal­lit­tuisuujuarusup­put. Sooq? Allanut nal­lit­tuiuman­ngitsup qin­nutai Jehovap tusar­navian­ngim­magit. Qin­nutitta Jehovamit tusar­neqar­nis­saat kis­saatigigatsigu naak­kit­taatsoorusun­ngilagut. Kristumioqatitta naal­liul­luni ‘nil­lianera’ tusaan­ngitsuusaar­navian­ngilar­put. Siun­nersuut Biibilimeersoq una eqqaamavar­put: ‘Nal­lit­tuineq ajor­toq nal­lit­tor­neqar­nani eqqar­tuun­neqas­saaq.’ (Jaak 2:13) Nal­lit­tor­neqar­nis­sar­put qanoq pisariaqar­titsigalugu eqqaamagutsigu nal­lit­tuisuunis­sar­put ilimanar­nerus­saaq. Ingam­mik ilaajun­naarsitaasimasoq ilagiin­nut uter­toq nal­lit­tuinermik ersersitsivigerusup­par­put. Biibilimi oqalut­tuarineqar­tut nal­lit­tuinermik sukan­ner­pal­laan­ngin­nermillu ilin­niarfigisin­naavagut. w21.10 12 § 16-17

Jiisusi nunarsuarmi kif­far­tor­nermini naam­mas­singajalerluni toqus­silu aqagut­toq qinujumal­luni eqqarsaatigin­neq­qis­saarumal­lunilu nipaatsumiif­fis­sarsior­poq. Taamaat­tumik naatsiivim­mut Getsemanemukar­poq. Tas­sani Jiisusip apustilit qinuneq pil­lugu pingaarutilim­mik ilin­niar­tip­pai. Kingusis­suk­kut, immaqa unnuaqeq­qata kingorna, Jiisusi ilin­niar­titanilu naatsiivim­mut Getsemanemut apuup­put. Taava avin­ngarul­luni qinujar­tun­ngin­nermini eqqumaan­naq­quai. (Mat 26:37-39) Jiisusili qinutil­lugu siniler­put, Jiisusillu tamanna takul­lugu kajumis­saaq­qip­pai eqqumaq­qul­lugit qinujuaq­qul­lugillu. (Mat 26:40, 41) Nalun­ngilaa misigis­sutsik­kut naner­tisimal­lutillu qasusut, misigin­neqataangaarlunilu oqar­poq uinik qajan­nar­tuusoq. Sulilu marloriarluni Jiisusi qinujar­tor­poq, uter­nerminilu takusar­paa ilin­niar­titani qinunatik sinit­tut. – Mat 26:42-45. w22.01 28 § 10-11