Decembari

Jiisusip malin­nitsiminut attaveqar­nini savanik paarsisup savaataasalu immin­nut attaveqarluar­neran­nut assersuup­paa. (Joh 10:14) Taman­nalu assersuusiatsialaavoq. Savammi paarsisor­tik tusaasar­paat naalal­lugulu. Angutip tamanna maluginiarlugu ima oqalut­tuar­poq: “Savat filmiliariniarlugit aggersaraluaratsigit nipigut ilisarin­ngin­namik­kit ornin­ngilaatigut. Taavali nukap­piaran­nguup savanik paarsisup tak­kul­luni aggersar­pai, savallu ingerlaan­naq ornip­paat.” Angutip taas­suma misigisaata Jiisusip malin­nitsiminut tun­ngatil­lugu oqaasiinik ukunin­nga eqqaasip­paatigut: ‘Nipiga tusaas­savaat.’ Jiisusili qilam­miip­poq. Taavami ‘nipaa’ qanoq tusaasin­naavar­put? Taamaalior­tar­pugut ilin­niar­titsis­sutai misis­sorlugillu maleruaraangatsigit. – Mat 7:24, 25. w21.12 16 § 1-2

Apustili Paulusi kristumiunik sak­kor­tuumik malersuisuusimavoq. Kuk­kusimaninili paasigamiuk isigin­nit­taatsiminik inut­tullu pis­susiminik allan­nguerusus­suseqar­poq. (Tim 1. 1:12-16) Jehovamit ikior­neqarami tas­saaler­poq utoq­qaaner­taq asan­nit­toq, misigin­neqataasoq maniguut­torlu. Kuk­kusar­nini eqqarsaatigival­laar­nagu Jehovap isumak­keerfigin­nit­tar­nera upperaa. (Rom 7:21-25) Naam­mal­luin­nan­ngitsuunini eqqumaf­figigamiuk Jehovap nuan­narisaanik pis­suseqar­niar­tar­poq, kif­far­tor­ninilu naam­mas­siumal­lugu maniguul­luni Jehovamit ikior­neqar­nis­sani upperaa. (Kor 1. 9:27; Flp 4:13) Utoq­qaaner­tat naam­mal­luin­nar­tuun­ngil­lat. Jehovalli piumasaraa utoq­qaaner­tat kuk­kusar­nitik nas­suerutigalugit Jiisusitut pis­suseqar­nis­sar­tik sulis­sutigis­sagaat. (Ef 4:23, 24) Utoq­qaaner­tap Biibilimik atuaq­qis­saar­tar­nik­kut sutigut allan­nguisariaqar­nerluni mis­sis­sor­tariaqar­paa pisariaqar­tunillu allan­nguil­luni. Taava pil­luar­nis­saminut utoq­qaaner­taal­luar­nis­saminullu Jehovamit ikior­neqas­saaq. – Jaak 1:25. w22.03 29-30 § 13-15

Uppeqatitsin­nik isor­nar­torsiuisimal­luta paasigutsigu qanoq ilius­saagut? Qatan­ngutitsin­nik asan­nin­nis­saq pil­lugu peq­qus­sut eqqaamasariaqar­par­put. (Jaak 2:8) Aamma isor­nar­torsiuisarun­naar­nis­samut ikioq­qul­luta Jehova qinunik­kut kimigiiserfigisariaqar­par­put. Qin­nutitsin­nullu naaper­tuut­tumik iliorluta isor­nar­torsiorsimasar­put oqaluus­seqatiserisin­naavar­put neriar­toq­qul­luguluun­niit. Qatan­nguter­put ilisarisimanerujar­tor­til­lugu ajun­ngitsor­taasa isiginiar­nerisigut Jehova Jiisusilu ilaar­niarsin­naavagut. Taamaalior­tarutta takutis­savar­put savanik paarsisuul­luar­tup isor­nar­torsiuisarun­naaq­qul­luta peq­qus­sutaa naalak­kumagip­put. Savanik paarsisup nipaa savat tusaasar­paat. Taamatut­taaq Jiisusip nipaa malin­nit­taasa tusaasar­paat. ‘Savar­pan­nguanut’ ‘savanul­luun­niit allanut’ ilaagaluarutta savanik paarsisuul­luar­toq naalat­tuar­tigu. – Luk 12:32; Joh 10:11, 14, 16. w21.12 19 § 11; 20-21 § 17-18

Rehabeam­mip ataataata Saalumuup innut­tani oqimaatsunik nam­magas­sis­simavai. Rehabeam­milu Israalimi kun­ngin­ngorami innut­taasunit oqilisaateq­qusunit ornin­neqar­poq. Silatusaarluni qanoq akis­sanerluni angutinut utoq­qaanerusunut siun­nersoq­quvoq. Angutit utoq­qaanerusut kun­ngi oqarfigaat innut­taasut piumasaat­tut ilioruni tapersersor­tis­saqar­tuaan­nas­sasoq. (Kng 1. 12:3-7) Rehabeam­milli siun­nersuut tamanna iluarin­ngin­namiuk angutit peroriar­toqatigisimasani siunersior­pai. Siun­nersuip­put innut­taasut oqimaan­nerusunik nam­magas­sis­sagai. (Kng 1. 12:9-11) Sorleq malis­sanerlugu qinunik­kut Jehova aperisin­naagaluar­paa. Taamaalior­nanili angutit inuusun­nerusut siun­nersuutaat maleruar­paa. Tamanna Rehabeam­mimut Israalik­kun­nullu kingunerlorujus­suar­poq. Uagut­taaq tamatigut tusarusutatsin­nik siun­nersor­neqar­tar­navian­ngilagut. Guutilli oqaasianik tun­ngaveqar­pat maleruar­tariaqar­par­put. w22.02 9 § 6

Inuup maniguul­lunilu anneruniajuitsup inuusut­tut misilit­tagakitsuunerat pin­nagu nukis­saqar­nerat isiginiar­nerusar­paa. Unam­mil­ler­timisut isiginagit kif­far­toqatimisut isigisar­pai. Utoq­qaat sior­natigutulli nukis­saqar­tigiun­naarsimasut inuusut­tut nukis­saqarluarlutik ilagiinni sulias­sanik aal­lus­serusun­nerat qujamasutigisar­paat. Biibilimi oqalut­tuarineqar­poq No’omip imminit inuusun­nerusumit ikior­neqar­nis­sani qujamasul­luni akuerigaa. Ukus­sani uil­lar­neq, Ruth, ilaqutaanut uteq­qul­lugu kajumis­saar­paa. Ruthilli No’omi qimak­kumanagu Betlehemimut uter­toq ilagiumal­lugu kimigiiserfigaa. Ruthip ikiuerusun­nera No’omip nuan­naarluni akueraa. (Ruth 1:7, 8, 18) Taman­nalumi arnat taak­kua tamarmik iluaqutigeqaat. (Ruth 4:13-16) Utoq­qaat maniguut­tut No’omip maligas­siaa malik­kusus­savaat. w21.09 11 § 9-11

Ataatatta qilam­miusup pigin­naasatta assigiin­ngitsuunerat nalun­ngilaa. Immaqa guutisior­nermi ilisarisimasan­nit iliuuseqar­nerusin­naavutit. Imaluun­niit utoq­qaliar­tor­nerit, peq­qiil­lior­nerit ilaqutariin­niluun­niit akisus­saaf­feqar­nerit pis­sutigalugu inut­tulli allatut iliuuseqar­tigisin­naan­ngilatit. Nikal­loqinak. (Gal 6:4) Jehovap illit iliuuserisimasatit puiun­ngisaan­nas­savai. Sapin­ngisan­nik eqqor­tumillu pis­sutiginiagaqarlutit iliuuseqaraangavit nuan­naar­tar­poq. Allaat iliuusererusutaraluatit Jehovap nalun­ngilai. Taas­sumun­nga kif­far­tor­ninni iliuuserisin­naasatit nuan­naarutigalugillu nalerisimaarutigis­sagitit kis­saatigaa. Maanna isum­mak­kut eqqis­sisimavugut nalun­ngin­natsigu ajor­nar­torsior­nitsinni Jehovamit ikior­neqar­tarluta. (Es 41:9, 10) Ataatatsin­nik asan­nit­tumik ‘unnersiutigineqar­tariaqarlunilu ataq­qineqar­tariaqar­tumik’ guutisior­nitsinni pil­luar­nis­samut pis­sutis­saqarluar­pugut. – Saqq 4:11. w22.03 24 § 16; 25 § 18

Jiisusi ilaarusup­par­put, ilaaq­qis­saarsin­naan­ngik­kutsiguli nikal­lus­san­ngilagut. (Jaak 3:2) Sanasutut ilin­niar­toq ilin­niar­titsisuminit pigin­naanikin­nerusar­poq. Kuk­kusar­ninili ilin­niutigisarlugulu ilin­niar­titsisuni sapin­ngisaminik ilaar­niarsarisaruniuk pik­koris­sigalut­tuin­nas­saaq. Taamatut­taaq Biibilimi atuaq­qis­saar­nitsinni ilik­kak­kagut sapin­ngisamik maleruar­niar­tarlugillu kuk­kus­sutigut ilin­niutigisarutsigit Jiisusi ilaarsin­naanerulis­savar­put. (Tuss 119:59) Ullutsinni inup­pas­suit nam­minis­sarsior­tuup­put. Uagulli Jehovamut kif­faagatta allaanerorusup­pugut. Jiisusip imminut pil­liutigeriaan­naanera kil­litsis­sutigalugu taanna sapin­ngisatsin­nik ilaarusup­par­put. (Pet 1. 2:21) Jiisusitut imminut pil­liutigeriaan­naagutta Jehovamit iluarisaas­saagut. w22.02 24 § 16; 25 § 18

Jehovap nalitsinni ilaatigut Biibili aqqutigalugu ilitsersor­tar­paatigut. Jehovap ilin­niar­titsis­sutai eqqarsaatigeq­qis­saar­tarutsigit ilitsersuus­sutai maleruarsin­naas­savagut oqaluus­siner­pullu naam­mas­sisin­naas­sal­lugu. (Tim 1. 4:15, 16) Jehova aamma ilitsersuisar­poq “inus­siaq aalajaal­lunilu silatooq” aqqutigalugu. (Mat 24:45) Ilaan­nik­kut eqqumiigisatsin­nik inus­siamit ilitsersor­neqarsin­naasar­pugut. Assersuutigalugu pin­ngor­titami ajunaar­nersuaqar­nis­samut piareersaq­qusin­naavaatigut najugaqarfitsinni ajunaar­nersuaqar­nis­saa ilimanan­ngik­kaluar­toq. Ilitsersuutit eqqumiigigutsigit sus­saagut? Biibilimi oqalut­tuarineqar­tut eqqarsaatigisin­naavagut. Guutip innut­tai ilaan­nik­kut silatusaar­neror­pasin­ngitsunik annas­sutigisamin­nilli ilitsersor­neqar­tarsimap­put. – Eqq 7:7; 8:10. w22.03 18 § 15-16

Jiisusi tatigin­nil­luin­narluni ullormut allas­simaf­fimmi allas­simasutut oqar­poq. Nalun­ngilaa siunis­sani Jehovamit aalajanger­neqas­sasoq, qularin­ngilaalu Ataataminit eqqaamaneqas­sal­luni. Jiisusip oqaasii qanoq ilin­niarfigisin­naavagut? Navianar­torsioraluaruil­luun­niit Jehovamut aalajaat­tuarit. Taamaaliorsin­naajumal­lutit “uum­matik­kut iluun­ngarlutit” Jehova tatigisariaqar­pat. (Uss 3:5) Joshua, Nalunaajaasoq 15-inik ukiulik perulun­nar­tumik nap­paatilik, eqqarsaatigiuk. Katsorsaariaatsit Guutip inatsisaan­nut naaper­tuutin­ngitsut itigar­tip­pai. Toqun­ngitsiar­nermini anaanaminut ima oqar­poq: “Anaana, Jehovap isumagis­savaanga. … Qular­nanga ima oqarfigis­savak­kit: Nalun­ngilara Jehovap makitik­kumaaraanga. Uum­mam­miukka nalun­ngilai, asangaar­paralu.” Tamatta uku eqqarsaatigisariaqar­pagut: ‘Upper­nik­kut misilin­neqarlunga inuunera navianar­torsiuler­pat Jehovamut aalajaat­tuas­saanga? Toqus­sagumalu eqqaamajumaaraanga upperaara?’ w21.04 12-13 § 15-16

Jehovap innut­taasa oqaluus­sineq nakus­satsis­sutigisar­paat. Oqaluus­sigaangatta nukis­saneq­qit­tutut misigisar­pugut, aamma inuit tusar­naaruman­ngik­kaluaraangataluun­niit. Oqaluus­sisar­tut ilaat pis­sutsit atuk­katik pis­sutigalugit misigisar­put oqaluus­sinerminni iliuuseqar­pal­laarsin­naanatik. Taamatut misigisaruit eqqaamas­savat sapin­ngisan­nik iliuuseqar­tar­nerit Jehovap nuan­naarutigingaar­taraa. Ilaqar­pugut angerlarsimaf­fim­min­niit aneriaan­naan­ngitsunik. Illit taamatut atugaqar­pit? Taamaap­pat eqqaamajuk oqaluus­seqataarusun­nerit Jehovap ilisimagaa. Angerlarsimaf­fimmi ikior­tinut peq­qis­saasunullu oqaluus­sinis­san­nik immik­kut periarfis­sip­paatit. Immaqali sior­natigutulli iliuuseqar­tigisin­naan­ngin­nerit nikal­lungas­sutigaat. Taamaap­pat Jehovap ikiuisar­nera eqqarsaatigiuk, taava qanorluun­niit misilin­neqaraluaruit nuan­naarlutit piner­tusaarsin­naas­saatit. Sal­lusuis­sutip naatsiias­sar­tai siaruar­tik­kagut sorliit sorlanil­lutilu naajar­tus­sanersut naluar­put. – Oqal 11:6. w21.05 24-25 § 14-17

Kun­ngi Daavi Jehovamit pil­luaq­quneqangaar­poq, ilaatigut pisuun­ngor­tin­neqar­poq, nuimasuun­ngor­tin­neqar­poq akerar­pas­suaminullu ajugaatin­neqar­tarluni. Guutip tunis­sutai qujamasuutigalugit ima allap­poq: ‘Amerlaval­laaramik taagor­neqarsin­naan­ngil­lat.’ (Tuss 40:6) Jehovalli tunis­sutai Daavip naam­magiun­naar­pai. Arlalin­nik nuliaqaraluarluni allap nulia uum­matimigut pileritsaap­paa. Arnaq taanna tas­saavoq Batseba Uriap Hit­tik­kuusup nulia. Daavip nam­minis­sarsiorluni Batseba atoqatigaa. Ajor­tulior­nini ajoreer­tigisoq naar­tulersitsisimanini iser­tor­niarlugu aamma Uria toqutaatip­paa! (Sam 2. 11:2-15) Daavi qanoruna eqqarsarsimasoq? Isumaqarsimava Jehovap takusin­naan­ngik­kaani? Daavi ukior­pas­suarni aalajaal­luni kif­far­torsimagaluarluni piumatuun­ngorami naal­liuuter­pas­suaqaler­poq. Qujanar­tumilli kuk­kus­sutini nas­suerutigalugillu peq­qis­simis­sutigai. Jehovamillu iluarisaaq­qilerami qujamasus­simas­saqaaq! – Sam 2. 12:7-13. w21.06 17 § 10

Misigisar­pit Biibilimik ilin­niar­titsisalis­saguit ilisimasaqar­nerusariaqarlutillu pik­korin­nerusariaqarlutit? Taamaap­pat uku pingasut eqqarsaatigik­kit: Siul­ler­tut, Jehovap tatigalutit allanik ilin­niar­titsisin­naatip­paatit. Aap­paat­tut, Jiisusip qilammi nunamilu pis­saanermik tamarmiusumik pigisaqar­tup tatigigamisit ilin­niar­titsisaq­quaatit. (Mat 28:18) Pingajuat­tullu, kisimiin­ngilatit. Jiisusi oqaluus­sigaangami Ataataminit ilik­karsimasani tun­ngavigisar­pai. (Joh 8:28; 12:49) Illit­taaq taamaalior­tarit. Aamma oqaluus­sisar­toqatigiis­sinni nak­kutil­liisumut imaluun­niit pionerimut oqaluus­sisar­tumul­luun­niit misilit­tagaqarluar­tumut ikioq­qusin­naavutit. Assersuutigalugu taak­kua arlaat atuaq­qis­saaqateqaler­pat malin­naaf­figisin­naaviuk? Taamaalior­nerit ilin­niar­titsil­laq­qin­neruler­nis­san­nut iluaqutigis­savat. w21.07 6 § 12

Jehovap tatigil­luin­nar­nis­saa aatsaat taama pingaaruteqar­tigaaq. Imaas­sin­naavormi annikil­lior­nar­tus­sarsuarmi paasiuminaatsitatsin­nik maleruaruminaatsitatsin­nillu ilitsersor­neqar­tugut. Soorunami Jehovap toq­qaan­nar­tumik oqaluf­figinavian­ngilaatigut, siulersuisus­satulli toq­qak­kani aqqutigalugit ilitsersus­sagunar­paatigut. Taamanik­kus­samut qatan­ngutit siulersuisut ilumut eqqor­tumik aalajangiisimanersut qularinis­saanut pif­fis­saanavian­ngilaq. Jehova taas­sumalu peqatigiis­sor­tai tatigis­savagut? Jehovap toq­qak­kani aqqutigalugit siulersuinera maanna naalat­tarutsigu annikil­lior­nar­tus­sarsuarmi naalan­nis­sat ilimanar­nerus­saaq. w22.02 6 § 15

Gideoni sak­kutuuilu 300-t Jehovamit ikior­neqarlutik ajugaarujus­suar­put, taman­nalu makitasuun­nguutigisin­naagaluar­paat. Efraimik­kut Gideoni ornip­paat nersualaar­niar­nagu appisaluuk­kiar­torluguli sorsun­nis­samut ilaserin­ngim­matik. (Eqq 8:1) Gideonip taak­kua Jehovamit ajugaatin­neqarsimanerat eqqaavaa. Oqaasiilu Efraimik­kut eqqis­sis­sutigalugillu ‘kamak­kun­naas­sutigaat’. (Eqq 8:3) Gideonip imminut pin­nani Guutip innut­taasa eqqis­seqatigiin­nis­saat pingaar­ner­paatip­paa. Efraimik­kut eqqarsar­taasianit paasivar­put imminut pingaar­tip­pal­laar­nata Jehovap ataq­qineqar­nis­saa pingaar­nerutis­sagip­put. Ilaqutariinni ittuugutta utoq­qaaner­taagut­taluun­niit Gideoni ilin­niarfigisin­naavar­put. Arlaata iliuuser­put ajual­laatigisimap­pagu paasiniar­tariaqar­par­put sooq taamatut misiginersoq. Aamma iliuuserisimasai nuan­nersut pil­lugit nersualaarsin­naavar­put. Taamaalius­sagutta maniguut­tuusariaqar­pugut. Eqqis­seqatigiin­nerli anneruniar­nermit pingaaruteqar­nerungaar­poq. w21.07 16-17 § 10-12

Jehovap imminut assilil­luni pin­ngor­tik­kamisigut ataq­qinarsisip­paatigut. Guuti assilil­lugu pin­ngor­titaagatta pis­susii nuan­nersor­pas­suit, soorlu asan­nin­neq, misigin­neqataaneq, ilumoorfigin­nin­neq naaper­tuil­luas­suserlu, pis­suserilersin­naavagut. (Tuss 86:15; 145:17) Tamak­kunin­nga pis­suseqar­nitsigut Jehova ataq­qinarsisit­tar­par­put taas­sumun­ngalu qujamasun­ner­put ersersit­tarlugu. (Pet 1. 1:14-16) Ataatatta qilam­miusup iluarisaanik pis­suseqaraangatta nalerisimaarlutalu pil­luar­tar­pugut Jehovallu ilaqutariis­sor­taanut ilaanis­samut periarfis­saqaler­tarluta. Jehovap immik­kuul­laris­sumik angerlarsimaf­filiuup­paatigut. Inun­nik pin­ngor­titsin­ngin­nermini Jehovap nunarsuaq inuit najugaqarfis­saat­tut pin­ngor­tip­paa. (Job 38:4-6; Jer 10:12) Jehova isumas­suisuul­lunilu tuk­kor­tuugami nuan­naarutigisin­naasar­pas­suatsin­nik pilersitsivoq. (Tuss 104:14, 15, 24) Pin­ngor­titani eqqarsaatigigaangamigit paasisar­paa ‘ajun­ngitsuusut’. – Mos 1. 1:10, 12, 31. w21.08 3 § 5-6

Tamatta oqaluus­sinis­samik ajoqersugan­ngor­titsior­tor­nis­samillu sulias­sin­neqar­nikuuvugut. (Mat 28:19, 20; Rom 10:14) Suliami pingaarutilimmi tamatumani pik­korin­nerulerumal­lutit qup­persagaq Ajoqersuineq misis­soruk, ilik­kak­katillu malil­lugit aalajangersimasumik anguniagaqarit. Puigoqinaguli anguniagarisin­naasavit pingaar­nersaasa ilaat tas­saam­mat kristumiutut pis­suserineqar­tus­sanik ajun­ngitsunik sulis­sutigin­nit­tuar­nis­saq. (Kol 3:12; Pet 2. 1:5-8) Jehovamut kif­far­tor­nerunis­saq qular­nan­ngitsumik tamatta kis­saatigaar­put. Silarsuas­samilumi nutaami tamak­kiisumik kif­far­torfigisin­naalis­savar­put. Tamanna nal­liutserlugu maan­nak­kut iliuuserisin­naasagut iliuuserisarutsigit nuan­naar­nerulerlutalu pakatserujus­suar­tar­navian­ngilagut. Pingaar­nerusumilli Jehova, ‘Guuter­put pil­luar­toq’, ataq­qinaatis­sil­lugulu unnersiutigis­savar­put. (Tim 1. 1:11) Taamaat­tumik iliuuserisin­naasagut nuan­naarutigisigit! w21.08 24-25 § 18-20

Ilaqutariinni Jehovamik Nalunaajaasuusuni peroriar­torsimaguit meeraal­lutilli Jehova pil­lugu ilik­kagaqarsimas­saatit. Paasitin­neqarsimas­saatit Pin­ngor­titsisuusoq, nuan­nersunik pis­suseqar­toq nunarsuullu paratiisin­ngor­tin­neqar­nis­saanik siuner­taqar­toq. (Mos 1. 1:1; ApS 17:24-27) Inup­pas­suilli Guuteqar­nera pin­ngor­titsisoqar­neralu upperin­ngilaat. Upperaat inuuneq nalaatsor­nerin­nak­kut piulersimasoq suullu tamarmik pin­ngoriar­tuaarsimasut. Inuit taak­kua ilaat ilin­niagar­tuujup­put, oqar­tar­pullu Biibili ilisimatusar­nermut naaper­tuutin­ngitsoq. Aamma isumaqar­put pin­ngor­titsisoqar­neranik upperin­nit­tut ilisimasakitsuusut, sianiitsuusut upper­tik­kuminar­tuusullu. Qanorluun­niit sivisutigisumik Jehovamut kif­far­torsimagaluarutta upper­ner­put tamatta nakus­sas­sar­tuar­tariaqar­par­put. Taamaaliorutta “isumaliutersuutinit tam­mar­titsiniutinil­lu” Biibilimik akerlilersuisut ilin­niar­titsis­sutigisaan­nit uukapaatin­neqas­san­ngilagut. – Kol 2:8. w21.08 14 § 1-3

Aabelip, Nooap, Aaperaap Juubillu Jehovamik ataq­qin­nin­ner­tik asan­nin­ner­tillu ersersit­tar­paat. Jehovap naalan­neratigut, upperineratigut pil­liuteqarfigisar­neratigullu sapin­ngisamin­nik Jehova ataq­qin­nit­tuliorfigaat guutisior­nerallu akuerineqarluni. Kingusin­nerusuk­kut Jehovap Israalik­kun­nut inatsisit Moorsisi aqqutigalugu tun­niup­pai. Inatsisini taak­kunani akuerisaasumik Jehova qanoq guutisiorfigineqar­nis­saa pil­lugu ilitsersuuteqar­poq. Jiisusip toqunerata makititaaneratalu kingorna Moorsisip inatsisai Jehovap atuuk­kun­naarsip­pai. (Rom 10:4) Kristumiut inatsisit nutaat, tassa “Kristusip inatsisai”, malerualer­tus­saavaat. (Gal 6:2) Ilitsersuuter­pas­suit maleruar­tariaqar­nagit Jiisusip ilaar­neratigut ilin­niar­titsis­sutigisaanillu maleruaanik­kut ‘inatsisit’ taakku naalas­savaat. Ullumik­kut­taaq kristumiut Jehovamit iluarisaajumal­lutik ‘nakus­satsik­kumal­lutil­lu’ Kristusi sapin­ngisamin­nik ilaar­niar­tar­paat. – Mat 11:29. w22.03 20-21 § 4-5

Jehovap qitor­nani tusar­naar­tar­pai. Ernermi Jiisusip nunarsuarmiin­nerani qin­nuter­pas­sui tusar­naar­tar­pai. Pingaarutilin­nik aalajangigas­saqar­til­luni, soorlu apustilinik aqqaneq-marlun­nik toq­qaaniar­nermini, qinugaangat Jehova tusar­naar­tar­poq. (Luk 6:12, 13) Aamma Jiisusi annikil­liorluni qinum­mat Jehovap tusar­naar­paa. Kil­luutigineqan­ngitsiar­nermini misilin­neqar­nis­sani artor­nar­toq pil­lugu qaman­nga pisumik Ataataminut qinuvoq. Jiisusip qin­nutaa tusar­naagin­nar­nagu nakus­satsin­niarlugu Jehovap inngili taas­sumun­nga aal­lar­tip­paa. (Luk 22:41-44) Nalitsinni Jehovap kif­far­torfigin­nitsimi qin­nutaat tusar­naar­tar­pai, aamma pif­fis­saq eqqorlugu pitsaaner­paamillu akisar­pai. (Tuss 116:1, 2) Qatan­ngutip arnap Indiamiup tamanna misigaa. Misigis­sutsik­kut artorsarsimavoq taman­nalu pil­lugu qaman­nga pisumik Jehovamut qinusimal­luni. Ima allap­poq: “2019-imi JW Broadcasting^® maajimoor­tumi isumakuluuteqaraangatta annilaangagaangat­talu qanoq ilior­tarsin­naasugut sam­mineqar­poq. Tamanna pisariaqar­til­luin­narakku qin­nutin­nut akis­sutaasorivara.” w21.09 21-22 § 6-7

Takorloorsin­naaviuk kristumiut siul­liit taak­kua pigisatik tamaasa qimal­lugit allamut nuul­lutik inuuniar­nerat qanoq imaan­naan­ngitsigisimas­sasoq? Inuugin­nar­nis­samut pisariaqar­titatik Jehovamit isumagineqas­sasut upperil­luin­nar­tariaqar­paat. Jerusalemip Romamiunit unguneqar­nera ukiunik tal­limanik sioq­qul­lugu apustili Paulusi hebræerinut ima pingaaruteqangaar­tumik siun­nersuivoq: “Aningaaserituutut inuus­san­ngilasi, pigisasili naam­magisigit. Guutimi oqar­poq: ‘Qiman­ngisaan­narlutillu imminiin­ngisaan­nas­savak­kit.’ Taamaat­tumik isumal­luarluta oqarsin­naavugut: ‘Jehova ikior­tigigakku annilaangas­san­ngilanga. Inuup qanoq iliorfigisin­naagaminga?’” (Hebr 13:5, 6) Romamiut saas­sus­sinerat sioq­qul­lugu Paulusip siun­nersuutaanik maleruaasut angerlarsimaf­figilik­kaminni pilimanian­ngitsumik inooriaaseqar­neq sungiutipal­lan­nerus­sagunar­paat. Pisariaqar­titamin­nik Jehovamit isumagineqarumaar­ner­tik upperil­luin­nar­paat. w22.01 4 § 7, 9

Inuk nal­lit­tuiumatooq inus­siar­nersutut, kis­salaar­tutut, misigin­neqataasar­tutut tuk­kor­tutullu eqqarsaatigisar­par­put. Tamatumun­nga atatil­lugu immaqa eqqaavat Jiisusip Samariamiu nal­lit­tuisoq pil­lugu oqalut­tuaa. Oqalut­tuami tas­sani angutip allamiup angut juutiusoq til­lin­nianit piiaaf­figineqarsimasoq persut­tar­neqarsimasorlu nal­ligitsaak­kamiuk isumas­sor­paa. (Luk 10:29-37) Guutip pis­susia nuan­nersoq, nal­lit­tuineq, assersuusiami tamatumani ersersin­niar­neqar­poq. Pis­suseq taanna Guutip asan­nin­neranut ersiutaavoq, Guutimmi asagamisigut ullut tamaasa assigiin­ngitsor­pas­suar­tigut nal­lit­tor­tar­paatigut. Nal­lit­tuineq aamma allatut ersersin­neqarsin­naavoq. Inuk nal­lit­tuiumatooq pis­sutis­saqaraangami pil­laaneq ajor­poq. Tamatumun­nga assingusumik Jehovap nal­lit­tungaar­tar­paatigut. Tus­siaasior­toq ima allap­poq: “Iliorfigin­ngilaatigut ajor­tuliatta nalis­saan­nik, akiler­natalu pinerlun­nitta taamaaqataanik.” (Tuss 103:10) Jehovali allatigut sukan­nersumik perorsaatis­siisar­poq. w21.10 8 § 1-2

Jehovap kif­fani, tassa qanit­tumik attaveqarfigisani, kisiisa ilumoorfigin­nil­luni asavai. Kun­ngip Daavip pruf­fiitillu Danielip allataan­nit tamanna erser­poq. Daavi ima allap­poq: “Atat­tuin­nar­tiguk ilumoorsutsit ilin­nik ilisarisiman­nit­tunut.” ‘Jehovap ilumoorsusia atavoq naas­saan­ngil­luin­nar­tumik mianerin­nit­taanut.’ Danielilu ima oqar­poq: ‘Jehova, Guutiuvutit ilumoorsutsin­nik aalajangius­sisutit ilin­nik asan­nit­tunut peq­qus­sutin­nillu maleruaasunut!’ (Tuss 36:11; 103:17; Dan 9:4) Oqaatsit isumas­sarsiarititaasut taakku naaper­torlugit Jehovap kif­fani ilumoorfigin­nil­luni asavai, imminik ilisarisiman­nim­mata, mianerin­nim­mata, asan­nim­mata peq­qus­sutiminillu maleruaam­mata. Jehovap imminik guutisiorfigin­nit­tut ilumoor­tut kisiisa ilumoorfigin­nil­luni asavai. Jehovamut suli kif­far­tulin­ngitsugut Guutip inun­nut tamanut asan­nin­nera misigisarsimavar­put. (Tuss 104:14) Kif­far­torfigileratsiguli ilumoorfigin­nil­luni asaler­paatigut. w21.11 4 § 8-9

Ullumik­kut upperisarsior­nik­kut siut­tut nuan­narineqar­tut inup­pas­suar­nit malin­neqar­put. Nuan­narineqangaaramik guutipilus­siorfigineqar­pul­lusooq. Taak­kua oqaluf­fii ornigar­neqar­tar­put, atuak­kiaat pisiarineqarluar­tar­put tapersersugaallu aningaasar­pas­suar­nik tunis­suteqarfigineqar­tarlutik. Oqaasii suul­luun­niit upperineqar­tar­put. Allaat Jiisusimit nuan­narineqar­neror­pasip­put! Jehovamilli guutisiorfigin­nit­tut ilumoor­tut palaseqan­ngil­lat. Peqatigiis­sor­tatsinni siut­tut ataq­qisaraluarlugit Jiisusip ilin­niar­titsis­sutaa una maleruar­par­put: “Tamassi qatan­ngutigiip­pusi.” (Mat 23:8-10) Inuit – upperisarsior­nik­kut siut­tuugaluar­pataluun­niit naalak­kersuisuugaluar­pataluun­niit – pal­lorfigineq ajor­pagut. Taak­kua arlaan­naataluun­niit siuner­taat tapersersor­neq ajor­pagut. Politik­kimut silarsuarmullu akuliun­naveersaar­tar­pugut. Tamak­kunun­nga tun­ngatil­lugu kristumiuunerar­tunit allaanerujus­suuvugut. – Joh 18:36. w21.10 20 § 6-7

Kristumiup iller­nar­toorusut­tup Guutimut attaveqar­nerminit kinaluun­niit sunaluun­niillu pingaar­nerutin­naveersaar­tariaqar­paa. Jehovallu Nalunaajaasuisut taaneqar­taratta taas­suma atianut iller­nar­tumut mingutsitsisin­naasunik iliuuseqar­naveersaar­tar­pugut. (Mos 3. 19:12; Es 57:15) Israelik­kut Jehovamik Guuteqar­ner­tik ersersit­tar­paat taas­suma inatsisai naalak­kaangamik­kit. Mosesimik allak­kat pingajui 18:4-mi ima allas­simavoq: “Malit­tarisas­siakka maleruas­savasi, inatsisik­kalu unioq­qutin­naveersaas­savasi malil­lugillu inuus­saasi. Uanga tas­saavunga Naalagaq Guutersi.” Kapitali 19-imi Israelik­kun­nut inatsisit taak­kua ilaat allas­simap­put. Assersuutigalugu versini 5-8, 21, 22-milu uumasunik pil­liuteqar­nermut inatsiseqar­poq. Israelik­kut taamatut pil­liuteqar­nerminni Jehovamut ‘iller­nar­titaq nalingin­naatin­naveersaar­tariaqar­paat’. Versinik taak­kunin­nga atuaaner­put Jehovamik nuan­naar­titsinis­satsin­nut aamma Hebræerit 13:15-imi kajumis­saarutigineqar­tutut qujaniutaasunik pil­liuteqar­nis­satsin­nut kajumis­sis­sutigis­savar­put. w21.12 5 § 14-15

Aap­pariit inuusut­tut uppeqatitik Jehovamik tatigin­nit­tut ilin­niarfigisin­naavaat. Aap­pariit ilaat ukior­pas­suarni pif­fis­saq tamaat kif­far­torsimap­put. Qanoq anguniagaqas­sanerlusi eqqarsaatigigus­siuk taak­kunun­nga siun­nersor­tis­sarsiorsin­naavusi. Taamaalil­lusi Jehovamik tatigin­nin­nersi takutis­savarsi. (Uss 22:17, 19) Eqqaamajuk aap­pariin­neq Jehovamit tunis­sutaasoq. (Mat 19:5, 6) Kis­saatigaalu tunis­sut taanna nuan­naarutigis­sagissi. Ilissi aap­pariit inuusut­tut, inuunersi qanoq ator­niar­nerlugu eqqarsaatigisiuk. Jehovap tunis­sutaanik qujamasuutigin­nin­nersi sapin­ngisas­sin­nik takutit­tar­pisiuk? Jehova qinunik­kut oqaloqatigisarsiuk. Najoq­qutas­siaanik iluaqutigisin­naasas­sin­nik Biibilimi ujarler­taritsi, Jehovallu siun­nersuutai maleruar­tarsigit. Aap­pariin­nis­sinni Jehovamut kif­far­tor­nersi pingaar­ner­paatik­kus­siuk pil­luarlusi inuus­saasi! w21.11 18 § 16, 18

Jaaku imminut pingaar­tip­pal­laan­ngilaq. Isumaqan­ngilaq ilaqut­tani immik­kul­luun­niit pisin­naatitaaf­fini pis­sutigalugit uppeqatiminit pingaar­nerul­luni. Uppeqatini qatan­ngutimisut asanar­tutut taavai. (Jaak 1:16, 19; 2:5) Isumaqar­tin­nian­ngilai nam­mineq naam­mal­luin­nar­tuul­luni. Ilin­niutis­sar­taa: Eqqaamajuk tamatta ajor­tiliusugut. Isumaqas­san­ngilagut ilin­niar­titatsin­nit pik­korin­nerul­luta. Sooq? Ilin­niar­titar­put isumaqalersik­kutsigu naam­mal­luin­nar­tuusugut isumaqalersin­naavoq Guutip piumasaqaataanik maleruaasin­naan­ngisaan­nas­sal­luni. Unneq­qaril­lutali najoq­qutas­sianik Biibilimeersunik maleruaanis­sar­put saper­nar­tit­tarsimal­lugu Jehovamillu ikior­neqar­tarluta oqalut­tuarigutsigit ilin­niar­titatta paasisin­naas­savaa Jehovamut kif­far­tor­tun­ngorsin­naas­sal­luni. w22.01 11-12 § 13-14

Jiisusitut eqqarsar­taaseqar­nerujar­tor­til­luta taas­sumatut pis­suseqar­nerujar­tulis­saagut. (Hebr 1:3) Immaqa eqqarsar­putit Jiisusi naam­mal­luin­nar­tuum­mat illit ilaarsin­naanaviar­nagu. Taama misigiguit uku eqqarsaatigik­kit. Siul­ler­tut, Jehova Jiisusilu ilaarlugit pis­suseqarsin­naan­ngorlutit pin­ngor­titaavutit. Tassa taakku ilaar­niarlugit aalajangeruit amerlaner­tigut iluatsis­sin­naavutit. (Mos 1. 1:26) Aap­paat­tut, Guutip anersaava nukiuvoq allanit tamanit sun­niisin­naaner­paaq. Taanna iluaqutigalugu illit nam­mineerlutit naam­mas­sisin­naan­ngisatit naam­mas­sisin­naas­savatit. Pingajuat­tut, Jehovap piumaf­figin­ngilaatit anersaap inerititaanik kuk­kun­ngivil­lutit ersersitsisas­sasutit. Ataatatta asan­nit­tup inuit nunarsuarmi inuunis­samin­nik neriugisal­lit ukiunik 1.000-nik naam­mal­luin­nar­tun­ngor­nis­saan­nik periarfis­sis­savai. (Saqq 20:1-3) Jehovap piumasariin­nar­paa uagut tamatta sapin­ngisatsin­nik iliuuseqar­tarlutalu taanna tunaaris­sagip­put. w22.03 9 § 5-6

Qinunerup saniatigut Guutip oqaasianik atuaq­qis­saar­neq ataatsimiigiar­nerlu Jehovamut qanin­nerulis­sutigisar­pagut. Atuaq­qis­saar­nermut ataatsimiin­nermullu pif­fis­saq immik­koor­tin­nikuusat qanoq pis­sarsif­figil­luar­ner­paasin­naaviuk? Imminut ima aperigit: ‘Atuaq­qis­saar­niaraangama ataatsimiik­kaangat­taluun­niit suna allamut saasaatigisar­para? Sianerfigitin­nera, allagarsineraluun­niit?’ Ullutsinni inuit mil­liardil­lit mobileqar­put allamil­luun­niit elektroniskiusumik ator­toris­saaruteqarlutik. Atuaq­qis­saar­ninni ataatsimiin­nermiluun­niit eqqarsaatitit allamut saaq­qajaap­pata Jehovamut ikioq­qugit. Ernumas­sutit isumakuluutillu anersaak­kut ittunik sam­misaqar­nitsinni eqqarsaatigin­ngik­kal­lar­nis­saat pingaaruteqangaar­poq, taamaalior­nis­sarli saper­narsin­naavoq. Taamatut misigigaangavit eqqis­sineq uum­matin­nik eqqarsaatin­nillu paarsisoq qin­nutigisaruk. – Flp 4:6, 7. w22.01 29 § 12-14

Kun­ngip Uzziiap siun­nersor­neqar­nini tusaruman­ngilaa. Jehovamik guutisiorfiup ilaanut palasit kisimik iserfigisin­naasaan­nut iser­poq tipigis­saatil­liiar­torluni. Jehovap palasiisa ima oqarfigaat: “Illit Naalak­kamut tipigis­saatil­liisus­saan­ngilatit. Taamaaliorsin­naatitaap­put palasit.” Uzziia qanoq qisuariarpa? Maniguul­luni siun­nersuut akuerisimasuuguniuk ingerlaan­narlu guutisiorfim­mit anisimasuuguni Jehovamit isumak­keerfigineqarsimas­sagunaraluar­poq. Taamaalior­nanili Uzziia “kamaler­poq”. Sooq siun­nersor­neqar­nerminik itigar­titsiva? Isumaqarsimagunar­poq kun­ngiugami qanorluun­niit iliorsin­naatitaal­luni. Jehovali taama isumaqan­ngilaq. Uzziia makitasaarami “toqus­sani tikil­lugu pupis­suuvoq”. (Nal 2. 26:16-21) Uzziiamik oqalut­tuamit paasivar­put kinaagaluarut­taluun­niit Biibilimik tun­ngavilim­mik siun­nersor­neqar­ner­put itigar­tik­kutsigu Jehovap iluariun­naas­sagaatigut. w22.02 9 § 7

Inuk “kinaas­susitoqaq” malil­lugu inuusoq ajor­tumik inooriaaseqarlunilu eqqarsar­taaseqar­poq. (Kol 3:9) Imaas­sin­naavoq nam­minis­sarsior­tuusoq, kamajasooq, qujasuitsoq makitasoorlu. Aamma immaqa por­nografiinik isigin­naagas­sianillu atoqatigiin­nik­kut eqqun­ngitsulior­ner­talin­nik nakuuser­ner­talin­nillu isigin­naar­tar­neq nuan­narivaa. Soorunami ajun­ngitsunik pis­suseqarsimas­saaq aamma ajor­tuliani oqaatsinilu pil­lugit ilerasut­tarunarluni. Inooriaatsiminilli eqqarsar­taatsiminillu allan­nguerusus­suseqan­ngilaq. (Gal 5:19-21; Tim 2. 3:2-5) Tamatta naam­mal­luin­nan­ngitsuugatta kialuun­niit eqqarsaatit kis­saatillu ajor­tut tamaasa piivis­sin­naan­ngilai. Peq­qis­simis­sutigisatsin­nik ilaan­nik­kut ajor­tulior­toor­tarlutalu kuk­kusumik oqar­toor­tas­saagut. (Jer 17:9; Jaak 3:2) ‘Kinaas­susitoqarli’ iperarutsigu pis­susilersoriaatsinit ileq­qunillu ajor­tunit aqun­neqarun­naas­saagut. Inut­tut allan­ngorsimas­saagut. – Es 55:7. w22.03 3 § 4-5

Utoq­qaaner­taasusi, uppeqatissi pis­susii nuan­nersut pingaar­tis­sigit. Tamarmik naam­mal­luin­nan­ngitsuup­put, taamaak­kaluar­torli nuan­naarutigisin­naasatsin­nik pis­suseqar­put. Utoq­qaaner­tat ilaan­nik­kut qatan­ngutit oqaaq­qis­saar­tariaqar­tar­paat. Utoq­qaaner­talli Paulusitut inuup oqaasii iliuusiilu uuminar­tut sapin­ngisamin­nik eqqarsaatigival­laar­naveersaas­savaat. Inuulli taas­suma Jehovamik asan­nin­nera, Guutimut kif­far­tor­nermi piner­tusaar­nera ajun­ngitsuliorsin­naaneralu utoq­qaaner­tat eqqarsaatiginerus­savaat. Utoq­qaaner­tat uppeqatimin­nik isumal­luarfigin­nit­tuusut ilagiin­niit­tut tamaasa asaneqar­tutut misigitit­tar­paat. Eqqaamajuk Jehovap naam­mal­luin­nar­tuunis­sat piumasarinagu aalajaatsuunis­sat piumasarigaa. (Kor 1. 4:2) Qularis­san­ngilat kif­far­tor­nermi iliuuserisatit Jehovap aamma iluarigai. Jehovap “puior­navian­ngilai iller­nar­tunik kif­far­tuus­sinis­sigut kif­far­tuus­siuar­nis­sigullu iliuutsisi aterminullu asan­nit­tulior­nersi.” – Hebr 6:10. w22.03 31 § 19, 21