Apeqquteqarfik

◼ Qanoq ililluta ataatsimiinnerni pitsaasumik akeqataasinnaavugut?

Sapaatit akunneri tamaasa ataatsimiinnerni ataatsimooqatigiinnissarput qilanaarisarparput. Tassani periarfissaqartarpugut uppernerput ersersissallugu allallu kaammattorlugit akeqataanitsigut. (Uss. 20:15; Epr. 10:23, 24) Akeqataasarneq immikkut pisinnaatitaaffittut isigisariaqarparput akuttunngitsumillu taamaaliortarnissarput ilungersuutigisariaqarlugu. Qanoq ililluta pitsaasumik taamaaliorsinnaavugut?

Siullermik piareersarluarsimasariaqarpugut. Sammineqartussat siumut atuartariaqarlugit eqqarsaatigisariaqarpavut. Atuagassani isuma pingaarnerusoq paasiniartaruk. Tamanna siusinnerusukkut sammineqarsimappat taava maannakkut erseqqissarneqarnerusut malugeriakkit. Aammalu sammisassani pingaarnerpaasoq eqqarsaatigeriaruk. Biibilip atuagartaasa ilaat itinerusumik sammineqaraangat, soorlu assersuutigalugu sarĸúmersitat pillugit atuakkamik atuaqqissaartarnermi, iluaqutaasorujussuuvoq maluginiarutsigu allassimaffiit qanoq attaqatigissaannut attuumassuteqartut. Periaaseq tamanna eqqarsalernartuuvoq. Oqaaseqaatissat pitsaasut piareersarsinnaavavut peqataasinnaanerpullu nuannaarutigalugu.

Oqaaseqaatit pitsaanerusut naallutik, paasiuminarlutik atuagassanullu tunngaveqartarput. Siullermik apeqqummut toqqaannartumik akissuteqartoqartariaqarpoq, taava eqqaaneqarsinnaasut allat kingusinnerusukkut peqataasut allat ilaat eqqartorsinnaavaat. Takisuumik akunnattoortumillu oqaaseqaatissat pinngitsoortinniakkit, takivallaarmata peqataasullu allat akeqataanissaannut akornutaasinnaammata. Nammineq oqaatsitit atortakkit atuagassat toqqaannartumik atuffassissutiginagit. Akissutini tulliuttuni allassimaffinni eqqaaneqartut sammineqarsinnaapput. Allat akissutaat tusarnaaqqissaarniakkit oqaatigineqareersut pisariaqanngitsumik uteqqikkumanagit.

Akulikitsumik nappaasarneq iluaqutaavoq, taamaattorli immikkoortunut tamanut nappaasariaqanngilatit. Aamma inuusuttut akeqataanissaannut kajumissaarniarpavut. Tamatumani nangaassuteqalaaruit siumut atuaqqissaaqatigiinnermut aqutsisoq isumaqatigisinnaavat immikkoortumut sorlermut akissuteqarusullutit, taavalu tamanna soqutigissavaa.

Tamanna ataatsimiinnerni peqataaffigisinnaasatsinni tunniussaqarnissarput ilungersuutigisariaqarparput. Eqqaamajuk ajunngitsumik akissutivut akeqataanerpullu ataatsimiinnerit pitsaanerulersissagaat. — Tus. 26:12. (kmD 95/6 — Spørgsmålskassen)