Apeqquteqartarfik

◼ Illumiit illumut angalaarnermi naapissinnaanngisat allaffigigaanni suut eqqaamaneqartariaqarpat?

Assigiinngitsut pissutigalugit inuit angerlarsimaffiini naapikkuminaannerujartuinnarput. Oqaluussisartut ilaasa allakkanik allattarnertik angusaqarfigilluartarsimavaat. Assigiinngitsunik eqqaamasassaqarpugut ajornartorsiutit pisariaqanngitsut pingitsoortinniarlugit.

Peqatigiiffiup adressia atoqinagu. Tamatuma allaffitsinniit allakkat nassiunneqarsimasoritissavaat — taamaanngilarli; akerlianik ajornakusoornermik pilersitsiinnartarpoq ilaannilu aamma saniatigut pisariaqanngitsumik aningaasartuutaassalluni.

Adresse nassiussisorlu eqqortut allakkit, naammattumillu nassiussinermut akiliuteqarlutit.

Ima allaqinak „Najugaqartumut“, allaffigisappilli aqqa atoruk.

Inoqanngippat allakkat matumut qimaannaqinagit.

Naatsunnguanik allalluni pitsaanerusarpoq. Naqitaaqqamik atuagassiamilluunniit ilanngussigit, allakkatigut takisuumik nalunaajaanerminngarnit.

Allakkat maskiinamut allatat atuaruminarnerusarput aammalu akuersorneqarnerusarlutik.

Allakkat pulaaqqiinertut allanneqarsinnaanngillat siusinnerusukkut inuttut nammineq naapillugu oqaluussiffigisimanngikkaanni.

Attavigineqarsinnaajumalluni tamatigut erseqqissumik nammineq adresse telefonilluunniit normua allanneqartariaqarpoq.

Atuaqqissaaqateqartarneq pillugu oqaluttuuguk. Ilagiit ataatsimiittarnerannut qaaqqusissummik ilanngussigit. Eqqaamallugu adressea qassinullu aallartittarneri ilanngullugu.

Angalaartarfigisaq utertikkaanni ’angerlarsimanngitsut’ allakkatigut allaffigisarneri ingerlatiinnartariaqanngilaq. Oqaluussisartup angalaartarfimmik maanna piginnilersup akisussaaffigilerpaa tamaasa atassuteqarfiginissaat.